Երևանի պետական համալսարան

ԵՊՀ–ի հատուկ կարգավիճակը պետական գաղտնի՞ք է. ԿԳՄՍՆ–ն խուսափում է հստակ տեղեկություն տալուց

104
(Թարմացված է 23:24 23.04.2021)
ԿԳՄՍ–ն մեր գրավոր հարցումներին պատասխանել է` այդպես էլ որևէ ինֆորմացիա չտրամադրելով, թե օրենքի փոփոխությամբ առաջարկված հատուկ կարգավիճակն ի՞նչ է տալու Մայր բուհին։

ԵՐԵՎԱՆ, 23 ապրիլի - Sputnik. «Բարձրագույն կրթության և գիտության մասին» օրենքով Երևանի պետական համալսարանին հատուկ կարգավիճակ է տրվում։ Իսկ թե ինչ է դա իրենից ենթադրում՝ կրթության, գիտության, մշակույթի և սպորտի նախարարությունը թաքցնում է։

Նշենք, որ կրթության նախագիծը, որին դեմ էին արտահայտվել ինչպես ԵՊՀ–ն, այնպես էլ ԳԱԱ-ն, ԵՊԲՀ-ն և այլ բուհեր, ԱԺ–ն ընդունեց մարտի 24-ին։

Ապրիլի 22-ին, սակայն, նախագահ Արմեն Սարգսյանը հայտարարեց, որ չի ստորագրում օրենքը և այն ուղարկում է Սահմանադրական դատարան` Սահմանադրությանը օրենքի համապատասխանությունը որոշելու համար:

Եվ այսպես, Sputnik Արմենիայի թղթակիցը գրավոր հարցմամբ դիմել էր նախարարություն` հասկանալու, թե ի՞նչ է իրենից ենթադրում հատուկ կարգավիճակը և դրանով ի՞նչ առավելություններ է ստանալու բուհը։ Նախարարությունից, սակայն, 5 օր անց մեր հարցմանը պատասխանեցին՝ չպատասխանելով։

«Երևանի պետական համալսարանի կարգավիճակի, գործունեության և ֆինանսավորման առանձնահատկությունները սահմանվելու են կառավարության կողմից»,–նշված էր մեզ ուղղված պատասխանում։

Եվ քանի որ սլաքներն ուղղվեցին կառավարություն` գրավոր հարցում ուղարկեցինք նաև այնտեղ։ Կառավարություն ուղարկված նամակում մանրամասնել էինք, որ ԿԳՄՍՆ-ից մեր հարցմանն ի պատասխան ասել են, որ ԵՊՀ–ն պետք է ունենա կարգավիճակի, գործունեության և ֆինանսավորման առանձնահատկություն, ուստի հետաքրքրվել էինք, թե ի՞նչ առանձնահատկություններ են դրանք լինելու։

Սակայն հարցումն ուղարկելուց կարճ ժամանակ անց ի պատասխան հայտնեցին, որ այն վերահասցեագրվել է կրթության, գիտության, մշակույթի և սպորտի նախարարություն, որտեղից էլ կստանանք պատասխանը:

Բարձրագույն կրթության մասին օրենսդրական փաթեթն են քննարկել նախագահն ու ԿԳՄՍ նախարարը

Ուշագրավ է այն հանգամանքը, որ օրեր անց նախարարությունից ստացել ենք պատասխան, որն ամենևին էլ կապ չունի մեր հարցման հետ, այնտեղ մեկ բառ անգամ չկա ԵՊՀ-ի և հատուկ կարգավիճակի մասին։

Մասնավորապես, մեզ պատասխանել են, որ օրենքով արմատական փոփոխություններ են նախատեսվում բարձրագույն կրթական համակարգում, ներդրվելու է նաև բարձրագույն կրթության ֆինանսավորման նոր մոդել, որը նախատեսում է բուհերին պետական բյուջեից միջոցների հատկացման նոր սկզբունքներ։ «Ելնելով վերոգրյալից` օրենքի ուժի մեջ մտնելուց հետո կսահմանվեն օրենքից բխող համապատասխան իրավակակարգավորումներ»,-նշված է պատասխանում։

Ստացվում է` նախարարությունը և կառավարությունը ԵՊՀ հատուկ կարգավիճակ տալու մասին համաձայնության են եկել, սակայն դեռ չեն որոշել, թե ինչ է դա իրենից ենթադրում։ Կամ էլ` գուցե արդեն գիտեն մանրամասները, սակայն այն պետական գաղտնիք է, որը հրապարակման ենթակա չէ, ինչի պատճառով էլ որևէ ինֆորմացիա չեն տրամադրում։

Հավելենք, որ ըստ Սահմանադրական դատարանի մասին ՀՀ սահմանադրական օրենքի` եթե նախագահը դիմում է ՍԴ որևէ օրենքի սահմանադրականությունը վիճարկելու, ապա նշված գործերով որպես պատասխանող կողմ դատավարությանը ներգրավվում է Ազգային ժողովը:

ՍԴ–ն պետք է որոշում ընդունի դիմումը մուտքագրելուց ոչ ուշ, քան 3 ամիս հետո։ Սահմանադրական դատարանի պատճառաբանված աշխատակարգային որոշմամբ գործի քննության ժամկետը կարող է երկարաձգվել, բայց ոչ ավելի, քան 3 ամսով։

Ի դեպ, Սահմանադրական դատարանի կողմից Ազգային ժողովի ընդունած օրենքը կամ օրենքի վիճարկվող դրույթը Սահմանադրությանը հակասող ճանաչելու մասին որոշում ընդունվելու դեպքում օրենքը հանվում է շրջանառությունից:

Նշված գործերը ՍԴ–ն քննում է գրավոր ընթացակարգով, բացառությամբ այն դեպքերի, երբ տվյալ գործը ՍԴ–ի գնահատմամբ ձեռք է բերել հաuարակական մեծ հնչեղություն, կամ դրա բանավոր դատաքննությունը կնպաuտի գործի հանգամանքների առավել արդյունավետ բացահայտմանը։

104
թեգերը:
կարգավիճակ, Օրենք, Կրթության, գիտության, մշակույթի և սպորտի նախարարություն (ԿԳՄՍ), Երևանի պետական համալսարան (ԵՊՀ)
Ըստ թեմայի
Բժշկական համալսարանը կոչ է անում հետ կանչել բարձրագույն կրթության մասին օրենքի նախագիծը
«Բարձրագույն կրթության և գիտության մասին» աղմկահարույց օրենքն ունի բազմաթիվ խութեր
Ի՞նչ կլինի, եթե նախագահը չստորագրի Բարձրագույն կրթության մասին օրենքը. իրավագետի տեսակետը
Արմեն Գևորգյան

Նիկոլը փոքրամասնություն է․ նախկին փոխվարչապետ Արմեն Գևորգյանը սկսել է հետհաշվարկը

74
(Թարմացված է 23:25 10.05.2021)
Նախկին բարձրաստիճան պաշտոնյան վստահ է, որ ընտրություններին մասնակցության բարձր մակարդակն է ապահովելու իշխանափոխության անշրջելիությունը։

ԵՐԵՎԱՆ, 10 մայիսի – Sputnik․ ՀՀ նախկին փոխվարչապետ Արմեն Գևորգյանն անդրադարձել է երկրում ընտրական գործընթացի մեկնարկին ու մի քանի նկատառումներ արել Telegram ալիքում։

«Առաջին․ Նիկոլը փոքրամասնություն է, բայց դա ամենևին չի նշանակում, որ նա էլեկտորատ չունի։ Այն կա, և դա փաստ է։ Այդ էլեկտորատը նրա եռամյա կառավարման արդյունքն է։ Դրանից չպետք է նեղվել։ Ապագայում, ընտրություններից հետո մեր առաջնային խնդիրներից է լինելու՝ բուժել այդ մարդկանց հոգիները՝ նախ և առաջ գործով, և նաև ցույց տալ, թե ինչպիսի տարրական խաբեբա էին իրենց կուռքերը»,- գրել է Գևորգյանը։

Նա վստահ է՝ հաջողության հասնելու մոտեցումը պարզ է՝ արժանապատվություն, ազնվություն, արդարություն, ինչպես նաև աշխատելու և սեփական ընտանիքը պահելու հնարավորությունների ստեղծում։ Նաև անհրաժեշտ է, որ յուրաքանչյուրն իր տեղում լինի։ Երկրում պետք է տիրի կարգ ու կանոն:

«Հաջորդ որևէ իշխանություն երբեք չպետք է թույլ տա այնպիսի ցինիզմ և բացահայտ սուտ ու մանիպուլյացիա, որի հետ մեր ժողովուրդը բախվում է վերջին երեք տարիների ընթացքում։ Նոր իշխանությունների բառապաշարում բացակայելու են այնպիսի արտահայտությունները, ինչպես օրինակ․ «իսկ հիշո՞ւմ եք, երբ ինչ որ բան անում կամ ասում էր Նիկոլը, դուք լռում էիք կամ հանդուրժում»։ Ո՛չ, դա ճիշտ չէ։ Դա մերը չէ»,- պնդում է Գևորգյանը։

ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի

Նախկին պաշտոնյան դիմում է պետական ծառայության մեջ գտնվողներին։ Գիտի, թե այս իրավիճակում որքան բարդ ընտրություն պետք է կատարեն։ Շեշտում է՝ ընտրությունը բարդ է, բայց անհրաժեշտ։ Նրանք կարող ենք գիտելիքն ու փորձը հաջողությամբ ծառայեցնել մեր պետությանը, բայց դրա համար այսօր պետք է մեկ բան՝ դիրքորոշում և գործողություն։ Ձևակերպումն այսպիսին է՝ «կամ մենք ինքնամաքրման այս ճանապարհը միասին կանցնենք, կամ ապագայում անսկզբունքայինները տեղ չեն ունենա»։
Արմեն Գևորգյանը կարծում է, որ հիմա ամենակարևորը չթուլանալն է։

«Այն դիրքորոշումը, որ Նիկոլը հեռանում է, պետք է մտնի բոլորի տներ՝ գյուղերում և քաղաքներում։ Շատերին այն կարող է դուր չգալ, սակայն պետք է բոլորը հաշտվեն այս մտքի հետ։ Բոլորը պետք է գնան քվեարկության։ Բոլորը, առանց բացառության բոլորը։ Սա սկզբունքորեն կարևոր է։ Մասնակցության մակարդակից է կախված լինելու երկրում իշխանափոխության գործընթացների ամրությունն ու անշրջելիությունը»,- վստահ է նախկին փոխվարչապետը։

Ու ի վերջո, առողջ ուժերը պետք է համախմբեն Նիկոլ Փաշինյանի հեռացման գաղափարի շուրջ։ Կարծում է, որ չափից ավելի մեծ ձգտումը՝ հավաքել ավելի շատ ձայներ, քան մրցակիցները, ընտրողների մի մասի մոտ կարող է առաջացնել «նախանիկոլական ժամանակաշրջանի ոչ ամենալավ հիշողությունները»։ Շեշտում է՝ վարչական ռեսուրսի և ոչ-ֆորմալ հարաբերությունների օգտագործումն արդեն Փաշինյանի մենաշնորհն է։ Վստահ է, որ նա երկու ոտքով հայտնվել է այդ թակարդում։

Արմեն Գևորգյանը առաջարկում է բոլորի համար միավորող գաղափար դարձնել իշխանությունից Նիկոլ Փաշինյանի հեռացման համընդհանուր հետհաշվարկը։

Հետհաշվարկն ինքն էլ սկսում է. «Նիկոլի գնալուն մնացել է 41 օր»:

Հիշեցնենք, որ այսօր ՀՀ նախագահ Արմեն Սարգսյանը հրամանագիր է ստորագրել հունիսի 20-ին ԱԺ արտահերթ ընտրություններ անցկացնելու մասին։

74
թեգերը:
Ընտրություններ, Նիկոլ Փաշինյան, Արմեն Գևորգյան
Ըստ թեմայի
Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին
Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին
Մասնակցելո՞ւ եք ընտրություններին և ինչո՞ւ. հարցախույզ Երևանում
Սևանա լիճ

Ինչո՞ւ է բարձրանում Սևանի մակարդակը, և ի՞նչ է թաքնված Փաշինյանի հայտարարության հետևում

152
Մասնագետները չեն բացառում, որ լիճը այս տարի ևս «կծաղկի», ինչպես նաև հույս են հայտնում, որ ՀՀ վարչապետի պաշտոնակատարի հայտարարությունների հետևում լուրջ հաշվարկներ կան։

ԵՐԵՎԱՆ, 10 մայիսի – Sputnik. Սևանա լճում ջրի մակարդակի բարձրացումը մի շարք գործոնների հետ է կապված, և առանցքային դեր են խաղում ջրի բացթողման գերծավալների բացակայությունը և Արփա-Սևան թունելային ջրանցքի գործարկումը։ Այս մասին Sputnik Արմենիայի թղթակցի հետ զրույցում ասաց «Էկոլուր» հասարակական տեղեկատվական կազմակերպության նախագահ Ինգա Զարաֆյանը։

Մասնագետը միաժամանակ նշեց, որ Սևանի խնդիրները դրանով չեն սահմանափակվում ու չեն լուծվում։

Ավելի վաղ ՀՀ վարչապետի պաշտոնակատար Նիկոլ Փաշինյանը խորհրդարանում հայտարարել էր, որ Սևանի նկատմամբ հոգատար վերաբերմունքի շնորհիվ լճի մակարդակը 2021 թ․-ի ամռանը կհասնի վերջին 60 տարվա ընթացքում ռեկորդային մակարդակի։

«Սևանում ջրի մակարդակի բարձրացումը բնական գործընթաց է, որն արհեստականորեն արգելակվում էր ջուր բաց թողնելով»,-ասաց Զարաֆյանը։

Նա հիշեցրեց, որ 2001թ․-ին ջուրը էներգետիկ և այլ նպատակներով օգտագործելու արգելք էր սահմանվել։ Այդ պատճառով Սևան-Հրազդան կասկադը ջուր ստանում է ոռոգման շրջանում, այսինքն՝ երբ ջրարգելը բացվում է։ Ջուրը կասկադով հասնում է ոռոգման համակարգին, իսկ այնտեղից՝ Արարատյան դաշտավայրի ոռոգվող դաշտերին։

Զարաֆյանը նշեց, որ լճի ինքնամաքրման բնական գործընթացի համար դրա մակարդակը պետք է հասնի ծովի մակարդակից 1905 մետր բարձրության։ Այդ դեպքում մեկուսացնող շերտի ձևավորում կսկսվի, որը «զսպում է» կեղտը և նպաստում է ինքնամաքրմանը։  Առանց լճի մակարդակի բարձրացման գործընթացը չի սկսվի։ Դրա հետ է կապված նաև լճի ճահճացումը, հատկապես ամռանը։

Սևանա լճի մակարդակը բարձրացել է ևս 2 սանտիմետրով

«Սևանի մակարդակի բարձրացումը կարևոր է նաև այն պատճառով, որ նպաստում է ջրի մաքրմանը։ Բացի այդ, ոչ պակաս կարևոր է բալանսը․ այն չպետք է բացասական լինի։ Եթե լիճը բարձրացել է գոնե 3 միլիմետրով, ապա ոչ մի պարագայում չի կարելի թույլ տալ, որ ջրի մակարդակը իջնի, հակառակ դեպքում դա բացասաբար կանդրադառնա ամբողջ էկոհամակարգի վրա»,-ասաց Զարաֆյանը։

Նա նշեց, որ լճի մակարդակի բարձրացումը չի ենթադրում դրա արհեստական իջեցում՝ թույլատրելի ցուցանիշին հասնելու նպատակով։ Մասնագետը հիշեցրեց, որ 170 միլիոն խորանարդ մետր ջուրը բացթողման առավելագույն ծավալն է։ Հակառակ դեպքում դա բացասաբար կանդրադառնա լճի վրա։

Զարաֆյանն ընդգծեց, որ վերջին երկու տարիներին լճից բացթողման գերծավալներ չկան, ինչը դրական է անդրադարձել ջրի մակարդակի վրա: Սակայն լճի ոչ բոլոր խնդիրներն են լուծված։ Մասնավորապես, իշխանությունները պետք է լուծեն ջրի աղտոտման հարցը՝ բոլոր ափամերձ օբյեկտներին պարտավորեցնելով մաքրման կայաններ տեղադրել, և կոյուղու մայրուղային կոլեկտոր կառուցելով:

Միաժամանակ Զարաֆյանը կարծում է, որ այս փուլում դժվար է այդ ուղղությամբ ինչ-որ տեղաշարժեր կանխատեսել:

Իր հերթին բնապահպան Կարինե Դանիելյանը Sputnik Արմենիայի թղթակցի հետ զրույցում նշեց, որ վարչապետի հայտարարությունը խոսում է այն մասին, որ այս տարի  լրացուցիչ բացթողումներ չեն նախատեսվում:

«Սակայն հնարավոր չէ դա միանշանակ պնդել։ Եթե կլիմայական պայմանները նորմալ լինեն, ապա հայտարարված մակարդակը կհաջողվի պահպանել»,-ասաց Դանիելյանը։

Նրա խոսքով՝ ջրի մակարդակի բարձրացումը թույլ կտա ոչ միայն խուսափել բացթողման գերծավալներից, այլև նոր ջրամբարներ կառուցելու հնարավորություն կտա։ Կաթիլային ոռոգման համակարգի ներդրումը ևս թույլ կտա ջուր խնայել։

Նա նաև հույս հայտնեց, որ վարչապետի պաշտոնակատարի հայտարարությունների հետևում իրական հաշվարկներ կան, և լճի խնդիրները վերջապես կսկսեն լուծվել։

Հիշեցնենք, որ մայիսի 5-ի դրությամբ Սևանա լճի մակարդակը նոր ցուցանիշի է հասել՝ ծովի մակարդակից 1900 մետր 77 սմ բարձրության: Դա 15 սանտիմետրով բարձր է նախորդ տարվա ցուցանիշից։

Ինչու Հայաստանում վարելահողերի շուրջ 50 %-ը չի օգտագործվում. Պետրոսյանը` պատճառների մասին

152
թեգերը:
Նիկոլ Փաշինյան, էկոլոգիա, Սևանա լիճ
Ըստ թեմայի
Սևանի ափին 110 շինություն օրենսդրության խախտմամբ են կառուցել. քրեական գործ է հարուցվել
Ջրամբարի կառուցում և ոչ միայն․ Արցախում փորձում են լուծել ոռոգման խնդիրները
ԱԹՍ-ն կարող է նաև բերքն ու բարիքն ավելացնել, իսկ համակարգիչը` այգի ոռոգել
Սերգեյ Լավրով

Տրանսպորտային հանգույցը կարող է բարելավել Երևանի ու Բաքվի հարաբերությունները. Լավրով

0
(Թարմացված է 00:37 11.05.2021)
ՌԴ արտաքին քաղաքական գերատեսչության ղեկավարը շեշտել է, որ Ռուսաստանը հետաքրքրված է Ադրբեջանի և Հայաստանի միջև հարաբերությունների կարգավորմամբ։

ԵՐԵՎԱՆ, 11 մայիսի – Sputnik․ Հարավային Կովկասում տրանսպորտային հանգույցի ստեղծման հարցերը կնպաստեն Հայաստանի և Ադրբեջանի հարաբերությունների բարելավմանը։ ՌԻԱ Նովոստիի փոխանցմամբ՝ հայտարարել է Ռուսաստանի արտգործնախարար Սերգեյ Լավրովը Բաքվում Ադրբեջանի նախագահի հետ հանդիպման ժամանակ։

«Մենք անկեղծորեն շահագրգռված ենք Ադրբեջանի և Հայաստանի միջև հարաբերությունների կարգավորմամբ։ Կարծում ենք, որ ձգձգված հակամարտությունից դուրս գալու տնտեսական կողմի վրա կենտրոնանալու համատեղ աշխատանքը դրա համար օպտիմալ միջավայր է ստեղծում», - ասել Է Լավրովը։

ՌԴ արտաքին քաղաքական գերատեսչության ղեկավարի խոսքով՝ մարդիկ պետք է զգան, որ իրական բարելավում է տեղի ունենում։

Նա ընդգծել է, որ Ռուսաստանի, Ադրբեջանի և Հայաստանի փոխվարչապետերը երեք երկրների ղեկավարների ստեղծած աշխատանքային խմբի շրջանակներում պարբերաբար հանդիպում են, քննարկում են Հարավային Կովկասում բոլոր տնտեսական և տրանսպորտային հաղորդակցությունների ապաշրջափակման պայմանավորվածության շուրջ առկա գործնական հարցերը:

Լավրովն ընդգծում է՝ դա պոտենցիալ շատ լուրջ տրանսպորտային հանգույց է, որի նշանակությունը դուրս է գալիս տարածաշրջանային շրջանակներից։

Բայց չէ՞ որ ամենակարևորը ինքդ քեզ չկորցնելն է. Սոլովյովը`Հայաստանի ապաշրջափակման մասին

0
թեգերը:
Ադրբեջան, Հայաստան, Սերգեյ Լավրով
Ըստ թեմայի
Ապաշրջափակումն առայժմ քննարկվում է միայն փորձագիտական մակարդակով. փոխվարչապետ
Ապաշրջափակման անվան տակ խորը շրջափակում է լինելու. Օհանյանը` ԱԽՔ–ի հայտարարության մասին
Ադրբեջանը խոչընդոտելու է տարածաշրջանի ապաշրջափակմանը. ՀՀ վարչապետի պաշտոնակատար