Դիմակ

Պատվաստվել, թե ոչ. ո՞ր պատվաստանյութն են նախընտրում Շիրակի մարզի բնակիչները

178
Շիրակի մարզը 1500 դեղաչափ «AstraZeneca» և 362 դեղաչափ «Սպուտնիկ V» պատվաստանյութ է ստացել: Sputnik Արմենիան փորձել է պարզել, թե ինչպես են շիրակցիները վերաբերվում կորոնավիրուսի դեմ պատվաստմանը։

ԵՐԵՎԱՆ, 21 ապրիլի – Sputnik, Արմենուհի Մխոյան. Հայաստանում մեկնարկել է կորոնավիրուսի դեմ պատվաստումների գործընթացը, սակայն շիրակցիները չեն շտապում պատվաստվել: Չնայած տարվող բացատրական աշխատանքներին` շատերը հրաժարվում են պատվաստվելուց: Պատճառները տարբեր են՝ բոլոր տեսակի պատվաստումների հանդեպ կասկածամտություն և այս կամ այն պատվաստանյութի նկատմամբ բացասական կարծիք: Sputnik Արմենիան հարցախույզ է անցկացրել Շիրակի մարզում և պարզել, որ հարցվածների 80 տոկոսը հրաժարվում է պատվաստվելուց, իսկ մյուս 20 տոկոսն էլ վստահում է հիմնականում «Սպուտնիկ V»-ին:

«Պատվաստվե՞լ: Ո՛չ, ոչ մի դեպքում։ Ո՛չ ես կպատվաստվեմ, ո՛չ էլ պառավիս կթողնեմ: Վստահություն չկա»,- ասաց հարցման մասնակիցներից մեկը` Ռուզվելտ Թորոսյանը:

Կորոնավիրուսի դեմ պատվաստման նկատմամբ բացասական վերաբերմունք կա ինչպես տարիքով անձանց, այնպես էլ երիտասարդների մոտ:

«Ես դրական եմ վերաբերվում պատվաստումներին։ Երեխաներս էլ ոչ մի պատվաստում բաց չեն թողել, բայց ինչ վերաբերվում է սրան, հաստատ ո՛չ ես կպատվաստվեմ, ո՛չ էլ թույլ կտամ, որ երեխաներիս պատվաստեն»,-ասաց Սաթենիկը:

Երիտասարդ մի կին էլ, որ չցանկացավ ներկայանալ, շեշտեց, որ «Սպուտնիկ V»-ի կողմնակից է:

«Անշուշտ, կպատվաստվեմ, բայց քանի որ «AstraZeneca»-ի հանդեպ վստահություն չկա, կուզենամ «Սպուտնիկ V»-ով պատվաստվել: Համենայն դեպս այդ պատվաստանյութի մասին բացասական արձագանքներ չեմ լսել»,– ասաց նա:

Նշենք, որ Շիրակի մարզը 1500 դեղաչափ «AstraZeneca» և 362 դեղաչափ «Սպուտնիկ V» պատվաստանյութ է ստացել: «AstraZeneca» պատվաստանյութով արդեն պատվաստվել է 26, «Սպուտնիկ V»-ով՝ 16 քաղաքացի: Ի դեպ, «AstraZeneca» պատվաստումներն ավելի վաղ էին սկսվել:

«Մեր պատվաստանյութը հիմնականում «AstraZeneca»-ն է, որից եվրոպական շատ երկրներ հրաժարվեցին: Բավական բարդ իրավիճակ է այդ իմաստով: Իմունիզացիայի պատասխանատուների աշխատանքը շատ բարդացած է այս պահին»,- Sputnik Արմենիային ասաց Շիրակի մարզպետարանի առողջապահության վարչության պետի պարտականությունները կատարող Լեյլի Ասլանյանը՝ պատվաստումներից մինչ այս պահը հետպատվաստումային անբարեհաջող դեպքեր մարզում չեն գրանցվել:

«AstraZeneca»-ի առաջին խմբաքանակը նախատեսված է 65-ից բարձր տարիքի անձինք, տարեցների սոցիալական պաշտպանության կենտրոնների շահառուներ և աշխատակիցների, 14-ից 65 տարեկան խրոնիկ հիվանդություններ ունեցողների համար: Այս տարիքային խմբի մեջ են մտնում նաև խրոնիկ հիվանդություններ ունեցող բուժաշխատողները: Իսկ 2-րդ փուլն արդեն նախատեսվում է պետական ծառայողների, ԱԻՆ աշխատակիցների, ոստիկանների, ուսուցիչների, դասախոսների համար:

«Սպուտնիկ V» պատվաստանյութի առաջին 15 հազար չափաբաժինը, որը Հայաստան հասավ ապրիլի 8-ին, կստանան բուժաշխատողները, խրոնիկ հիվանդություններ ունեցողները, սոցիալական հաստատությունների աշխատողները, 18-ից մինչև 55 տարեկան քաղաքացիները, 55 տարեկանից բարձր քաղաքացիները պատվաստվելու են ռուսական դեղամիջոցով, երբ Ռուսաստանից նոր չափաքանակներ մատակարարվեն։

Հավելելենք, որ պատվաստումները ՀՀ-ում բացառապես կամավոր սկզբունքով են իրականացվում:

178
թեգերը:
Սպուտնիկ V, կորոնավիրուս, պատվաստումներ, Հայաստան
թեմա:
Կորոնավիրուսը Հայաստանում և Արցախում (1898)
Ըստ թեմայի
Լևոն Տեր –Պետրոսյանը վարակվել է կորոնավիրուսով
Ֆրանսիայում կորոնավիրուսի դեմ պատվաստումից հետո մահվան նոր դեպքեր են գրանցվել
ԱՀԿ–ն հրապարակել է, թե աշխարհում քանի միլիոն մարդու կյանք է խլել կորոնավիրուսը
Սերժ Սարգսյան. արխիվային լուսանկար

«Անհետ կորածների թիվը 1064 է»․ Սերժ Սարգսյանը փաստաթուղթ է հրապարակել

243
(Թարմացված է 21:39 16.06.2021)
Սարգսյանի հրապարակած փաստաթուղթը Զինծառայության ապահովագրման հիմանդրամի հաշվետվությունն է, որտեղ գրված է նվիրատվությունների քանակը ծանր վիրավոր և անհետ կորած զինվորների ընտանիքներին։

ԵՐԵՎԱՆ, 16 հունիսի - Sputnik. Արցախյան 44–օրյա պատերազմում անհետ կորածների թիվը 1064 է։ Նման հայտարարություն է արել ՀՀ երրորդ նախագահ Սերժ Սարգսյանը այսօր Կոտայքի մարզում իր համակիրների հետ հանդիպման ժամանակ։

«Իմ հեռախոսում կա մի փաստաթուղթ, որը խոսում է սրանց շանտղության մասին։ Անհետ կորածների թիվը 1064 է: Այս չմարդը, այս ստահակը (նկատի ունի ՀՀ վարչապետի պաշտոնակատար Նիկոլ Փաշինյանին,–խմբ), ելույթ ունենալով ԱԺ-ում հայտարարում է, որ անհայտ կորածների թիվը 321 է: Հիմա սրան ի՞նչ ասես», - ասել է Սարգսյանը։

Ապա Սերժ Սարգսյանը ցույց է տվել իր կողմից հիշատակված փաստաթուղթը։ Դա Զինծառայության ապահովագրման հիմնադրամի հաշվետվությունն է, որտեղ գրված են նվիրատվությունների քանակը ծանր վիրավոր և անհետ կորած զինվորների ընտանիքներին։

Համաձայն թղթի՝ անհայտ կորածների թիվը 1064 է, ծանր վիրավորում ստացածներինը՝ 265: Փաստաթուղթը ստորագրված է հիմնադրամի տնօրենի՝ Վարուժան Ավետիքյանի կողմից։

«Բա մեզ չի ընդունում, ո՞ւմ պիտի ընդունի». անհետ կորածի հայրը` Նիկոլ Փաշինյանի մասին

243
թեգերը:
Արցախյան պատերազմ, փաստաթուղթ, անհետ կորած, Սերժ Սարգսյան
Ըստ թեմայի
«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին
Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
Նոր ավտոբուսներ

Հունիսի 17-ից նոր ավտոբուսները ևս երկու երթուղի կսպասարկեն Երևանում․ սրահում տեսահսկում կա

87
(Թարմացված է 21:06 16.06.2021)
Ավտոբուսից օգտվելու համար պետք է վճարել նստելիս։ Մետաղադրամ ընդունող սարքը վերցնում է միայն 100 դրամանոցներ։

ԵՐԵՎԱՆ, 16 հունիսի - Sputnik. Հունիսի 17-ից կոմպակտ դասի նոր ավտոբուսներով կվերսկսի աշխատանքը 46 համարի երթուղին, իսկ 22 համարի նոր երթուղին շահագործման կհանձնվի առաջին անգամ: Տեղեկությունը հայտնում է Երևանի քաղաքապետարանը։

Երթուղիների սպասարկումը կիրականացվի ժամը 7:30-ից մինչև 23:00-ն՝ հետևյալ ուղեգծերով.

22 երթուղի՝ Սպանդարյան կայարան -Սիլիկյան 4-րդ, 10-րդ փողոցներ - Սիլիկյան նոր խճուղի- Շիրազի- Գ.Հասրաթյան- Սեբաստիայի- Րաֆֆու փողոցներ- ՀԱԹ (Րաֆֆու-Զորավար Անդրանիկի փողոցների խաչմերուկ)։

46 երթուղի՝ Նազարբեկյան թաղամաս - Սիլիկյան նոր խճուղի - Շիրազի - Ջանիբեկյան - Աբելյան - Շինարարների - Արզումանյան - Հալաբյան - Կիևյան փ-ներ - Մարշալ Բաղրամյան - Մաշտոցի պ-ներ - Գր.Լուսավորչի - Ագաթանգեղոսի - Խանջյան - Վարդանանց - Ե.Քոչարի փ-ներ - Սրբ.Գր.Լուսավորիչ եկեղեցի:

Նշվում է, որ 46 համարի երթուղին արդեն ծանոթ է ուղևորներին, իսկ 22 երթուղին շահագործման կհանձնվի առաջին անգամ:

Քաղաքապետարանը հիշեցնում է, որ նոր ավտոբուսներում պետք է վճարել նստելիս։

«Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ», - ասվում է քաղաքապետարանի հայտարարության մեջ։

Նաև ասվում է, որ ավտոբուսի սրահը տեսահսկվում է՝ ուղևորների և ընդհանրապես, երթևեկության անվտանգության նկատառումներից ելնելով։ Վարորդները հատուկ համազգեստով են, հատուկ հրահանգավորված են երթևեկության ընթացքում չծխելու և հեռախոսով չխոսելու պահանջի մասին։

Հիշեցնենք, որ կոմպակտ դասի նոր ավտոբուսներով արդեն իսկ շահագործվում են Երևանի 6 երթուղիներ՝ 26, 38, 99, 74, 24, 47։

Ճանապարհորդիր USB–ով. Ռուսաստանից Հայաստան նոր երկաթուղային վագոններ են բերվել

87
թեգերը:
Տրանսպորտ, ավտոբուս, Երևան, Հայաստան
Ըստ թեմայի
Հայկ Մարությանն ուզում է հեռանալ քաղաքականությունից և Հայաստանից
Շուրջ 400 հազար դոլար են տնտեսել. Երևանի քաղաքապետարանը միայն LED լամպեր կգնի
Հայկ Մարությանը Դոնի Ռոստովի քաղաքապետի հետ համագործակցության հնգամյա ծրագիր է ստորագրել
Чемпион молодежного Чемпионата Европы по вольной борьбе Арен Исраелян

Հայաստանի փառահեղ հաջողությունը. Արեն Իսրայելյանը ևս ոսկե մեդալակիր դարձավ ԵԱ–ում

42
(Թարմացված է 00:10 17.06.2021)
Հայաստանի պատանեկան հավաքականը թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

ԵՐԵՎԱՆ, 17 հունիսի – Sputnik. Բուլղարական Սամոկով քաղաքում շարունակվում է ըմբշամարտի Եվրոպայի պատանեկան առաջնությունը: Ազատ ոճային Արեն Իսրայելյանը (71կգ) առաջնության ոսկե մեդալակիր դարձավ՝ եզրափակիչում 12:1 հաշվով առավելության հասնելով ռուս մրցակցի նկատմամբ: Տեղեկությունը հայտնում է Հայաստանի ըմբշամարտի ֆեդերացիան։

Հայկ Գասպարյանը (45կգ) դարձավ արծաթե մեդալակիր, իսկ Տիգրան Բունիաթյանը (51կգ)` բրոնզե մեդալակիր։

Հիշեցնենք` 55 կգ քաշային կարգի, ազատ ոճային ըմբիշ Անդրանիկ Ավետիսյանը ևս դարձել էր Եվրոպայի առաջնության հաղթող:

Այսպիսով, ազատ ոճի ըմբշամարտի Հայաստանի պատանեկան հավաքականը ԵԱ-ի թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

Հայտնի են հայկական ակումբների մրցակիցները Կոնֆեդերացիաների գավաթի խաղարկությունում

42
թեգերը:
մեդալ, ըմբշամարտիկ, Հայաստան
Ըստ թեմայի
Ամեն ինչ՝ հեծանվորդների համար. երևանցի ամուսինների վանաձորյան նախագիծը
Արոնյանը զբաղեցրեց երկրորդ հորիզոնականը «Grand Chess Tour»-ում
Հայտնի է «Ալաշկերտի» մրցակիցը Չեմպիոնների լիգայում