ԱՕԿՍ-ի շենքը

ԱՕԿՍ-ի շենքն օտարվել է այն փրկելու համար․ Սմբատյանի պաշտպաններն արձագանքել են

90
(Թարմացված է 16:23 19.04.2021)
Պաշտպանական թիմը պատահական չի համարում այն, որ Քննչական կոմիտեի հաղորդագրությունը տարածվեց այն ժամանակ, երբ Սմբատյանը ցանկություն հայտնեց դուրս գալ աշխատանքից։

ԵՐԵՎԱՆ, 19 ապրիլի – Sputnik․ Երևանի Աբովյան 3 հասցեում գտնվող «Արտասահմանյան երկրների հետ մշակութային համագործակցության հայկական ընկերություն» ՀԿ սեփականություն հանդիսացած շենքի (ԱՕԿՍ-ի շենք) օտարման գործընթացը հետապնդել է մեկ նպատակ` ներգրավել ներդրումներ այն հիմնանորոգելու համար։

Իսրայելում ՀՀ դեսպան, միաժամանակ վերը նշված ՀԿ-ի նախագահ Արմեն Սմբատյանի պաշտպանական թիմը հայտարարություն է տարածել։ Նշվում է, որ շենքի օտարման գործընթացն այնպես է կազմակերպվել, որ նշված հասարակական կազմակերպությունը հնարավորություն ունենա մշտապես իր գործունեությունը ծավալել այդ շենքում։ Արդյունքում վթարային վիճակում գտնվող, քանդման վտանգի առաջ կանգնած պատմամշակութային արժեք հանդիսացող շենքում ներգրավված ներդրումներով իրականացվել են «աննախադեպ հիմնանորոգման աշխատանքներ՝ շենքի հիմքից սկսած մինչև միջհարկային փայտյա բաժանարարների և տանիքի փոփոխում, ապա նաև կոսմետիկ վերանորոգում, ինչն իրականացվել է առանց շենքի պատմամշակութային արժեքը վնասելու»։

«Ընդ որում շենքի օտարման գործընթացը իրականացվել է բացառապես օրինական ու բաց գործարքների միջոցով, իսկ դեսպան Արմեն Սմբատյանը երբեք շենքի սեփականատեր ընկերության բաժնետեր չի հանդիսացել ու չի հանդիսանում, ուստի «ապօրինի» ծագում ունեցող գույքն օրինականացնելու մասով մեղադրանքը, կարծում ենք, առհասարակ մեկնաբանման կարիք չունի»,- նշված է հաղորդագրության մեջ։

Պաշտպանական թիմը հիշեցնում է, որ դեռ նախորդ տարի՝ հոկտեմբերի 15-ին ՀՀ քննչական կոմիտեն մեղադրանք էր առաջադրել Արմեն Սմբատյանին ՀՀ քրեական օրենսգրքի 38-308-րդ հոդվածի (պաշտոնեական լիազորությունները չարաշահելուն օժանդակելը) 2-րդ մասով և ՀՀ քրեական օրենսգրքի 190-րդ հոդվածի (հանցավոր ճանապարհով ստացված գույքն օրինականացնելը՝ «փողերի լվացումը») 3-րդ մասի 1-ին կետով։ Թիմը շեշտում է՝ ըստ առաջադրված մեղադրանքի Սմբատյանը շուրջ 13 տարի առաջ օժանդակել է պաշտոնատար անձի կողմից լիազորությունների չարաշահմանը, «ինչը դրսևորվել է այդ պաշտոնատար անձի գործողությունները չկանխելով, ապա օրինականացրել է իբր հանցավոր ճանապարհով ստացված գույք»։

«Փաստենք նաև, որ ինչպես առաջին ատյանի դատարանը, այնպես էլ ՀՀ Վերաքննիչ քրեական դատարանը արդեն հաստատել են այն պաշտոնատար անձին առաջադրված մեղադրանքի հիմնավոր կասկածի բացակայությունը, որին իբր անգործությամբ օժանդակել է դեսպան Արմեն Սմբատյանը»,- նշում է պաշտպանական թիմը։

Սմբատյանի փաստաբանների խոսքով՝ «Քննչական կոմիտեի կողմից տարածված հաղորդագրությունն ինքնին վկայում է այն մասին, որ հերթական անգամ գործ ունենք սանձազերծված ապօրինի հետապնդման հետ»։ Պաշտպանները պատահական չեն համարում այն, որ տարածված հաղորդագրությունը համընկել է դեսպան Արմեն Սմբատյանի կողմից աշխատանքից ազատման ցանկության մասին պետության ղեկավարությանը հայտնելու հանգամանքի հետ։

Փաստաբաններրը հետգրությամբ նաև հավելում են, որ ԱՕԿՍ-ի շենքն առաջին տասնամյակը չէ, որ «գտնվում է տարբեր ժամանակներում «կշիռ» ունեցող անձանց բիզնես-հետաքրքրությունների տեսադաշտում»։ Նրանք վստահ են, որ շուտով հայտնի կդառնա, թե այս անգամ որ «կշիռ» ունեցող անձն է աչք դրել շենքի վրա։

Տարածված հաղորդագրությանը պաշտպանական թիմը կցել է նաև ԱՕԿՍ-ի շենքի լուսանկարները՝ հիմնանորոգումից առաջ և հետո։

90
թեգերը:
Մեղադրանք, Արմեն Սմբատյան, շենք
Ըստ թեմայի
Օձուն գյուղի 28-ամյա բնակիչը հետախուզվում է 34–ամյա համագյուղացուն սպանելու մեղադրանքով
Դատախազը պահանջում է վերաորակավորել Քոչարյանին ու Գևորգյանին առաջադրված մեղադրանքները
«Արդեն սովորել ենք մեղադրանքներին». ՌԴ դեսպանը` Արցախում «Իսկանդերի» կիրառման մասին
Տեսախցիկն արձանագրել է Հայաստանի անտառներում ապրող գորշ արջերին

Տեսախցիկն արձանագրել է Հայաստանի անտառներում ապրող գորշ արջերին

63
Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

ԵՐԵՎԱՆ, 11 մայիսի – Sputnik. Կովկասյան կենսաբազմազանության ապաստարանի (CWR) տեսախցիկներն արձանագրել են հայաստանյան անտառներում բնակվող գորշ արջերի կենցաղի հետաքրքիր պահերը։

Եզակի լուսանկարներն արվել են Վայոց Ձորի բնության հատուկ պահպանվող տարածքում։

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին

Գորշ արջը գրանցված է Հայաստանի Կարմիր գրքում: Աշխարհում այս կենդանատեսակը համարվում է խոցելի։

Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

Թաքնված տեսախցիկն արձանագրել է հայաստանյան լուսանի «մլավոցը». տեսանյութ

Նշենք, որ շուրջ 30 000 հա զբաղեցնող Կովկասյան կենսաբազմազանության ապաստարանը (ԿԿԱ) միակ մասնավոր կառավարվող բնապահպանական տարածքն է ողջ Հարավային Կովկասում: Յուրահատուկ հարուստ կենսաբազմազանությամբ այս տարածքը գտնվում է Վայրի բնության և մշակութային արժեքների պահպանման հիմնադրամի (FPWC) վերահսկողության ներքո:

Կովկասյան կենսաբազմազանության ապաստարանն ընդգրկում է շուրջ 10000 հա պահպանվող տարածք և հարակից է «Խոսրովի անտառ» պետական արգելոցին:

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին
63
թեգերը:
Անտառ, արջ, Հայաստան
Ըստ թեմայի
Աննախադեպ արդյունք. փրկարար կենտրոնում պահվող արջերից 16-ն առաջին ձյան հետ քուն են մտել
Փիթեր արջուկի կեղտոտ վանդակը պահվել է կատարյալ մթության մեջ. ստորագրահավաք է մեկնարկել
Վայոց Ձորում անտառապահը փորձել է սպանել արջին. կենդանին հարձակվել է նրա վրա
Կենտրոնի թաղապետարան

Ծեծկռտուք Կենտրոնի թաղապետարանում. վարչություններից մեկի պետին տեղափոխել են հիվանդանոց

173
(Թարմացված է 15:14 11.05.2021)
Հողօգտագործման բաժնի պետ Մանվել Մարգարյանի ինքնազգացողությունը վատացել է վիճաբանությունից ու քաշքշուկից հետո։

ԵՐԵՎԱՆ, 11 մայիսի – Sputnik. Երևանի Կենտրոնի թաղապետարանում այսօր առավոտյան ծեծկռտուք է տեղի ունեցել քաղաքաշինության և հողօգտագործման բաժնի պետ Մանվել Մարգարյանի և վարչական շրջանի ղեկավարի տեղակալ Արմեն Ազիզյանի միջև: Տեղեկությունը հայտնում է «Հայկական ժամանակը»։

Ըստ կայքի` առավոտ շուտ թաղապետարանի ղեկավար կազմը Մարգարյանին շատ կոպիտ ձևով հրահանգել է ազատել աշխատասենյակը: Այնուհետև վիճաբանություն ու քաշքշուկ է սկսվել, որից հետո Մանվել Մարգարյանի ինքնազգացողությունը վատացել է, շտապօգնության մեքենայով նրան տեղափոխել են հիվանդանոց:

Քաղաքաշինության և հողօգտագործման բաժնի պետի տեղակալ Ագնեսա Մելիքսեթյանը «Հայկական ժամանակի» հետ զրույցում պատմել է, որ միջադեպի ժամանակ կողքի աշխատասենյակում է գտնվել: Բարձր բղավոցներ ու հայհոյանքներ է լսել, առաջ է եկել, որ հասկանա՝ ինչ է կատարվում, բայց իրեն մոտիկ չեն թողել. «Ասացին՝ դու աղջիկ ես, գնա, գործ չունես ու չթողեցին մոտենամ, բայց սարսափելի իրարանցում էր, լսում էի նաև, որ կահույքն են քաշքշում: Այդ ընթացքում իմ սենյակում էի, հետո արդեն ոստիկանությունը եկավ»:

«Նորք–Մարաշ» ԲԿ–ում գրանցված սկանդալային դեպքի առնչությամբ քրգործ է հարուցվել

Լրատվամիջոցի տեղեկություններով՝ միջադեպի գլխավոր հերոսը Արմեն Ազիզյանն է եղել: Աշխատակիցները հայտնել են, որ նա առավոտյան աշխատավայրում է եղել, սակայն հետո դուրս է եկել:

Արմեն Ազիզյանը կատարում է վարչական շրջանի ղեկավար Ավետ Պողոսյանի պարտականությունները: Ավետ Պողոսյանն արձակուրդում է:

Կայքը հիշեցնում է, որ Կենտրոն վարչական շրջանի աշխատակազմում սպասվող կառուցվածքային փոփոխություններով պայմանավորված` մի շարք անձինք կանգնած են աշխատանքը կորցնելու վտանգի առաջ, իսկ ոմանք էլ աշխատավայրում լուրջ ճնշումների են ենթարկվում, խոսքը՝ «Քաղաքաշինության և հողօգտագործման» բաժնի պետի, նրա տեղակալի, գլխավոր մասնագետի ու մի քանի այլ աշխատակիցների մասին է: Քաղաքաշինության և հողօգտագործման բաժնի պետ Մանվել Մարգարյանը ՀԺ–ին ասել էր, որ ամեն ինչ սկսվել է նրանից, երբ ամիսներ առաջ ինքը բարձրաձայնել է թաղապետարանում տիրող ապօրինության մասին, որի առնչությամբ հիմա նաև քրեական գործ կա հարուցված:

Հակոբ Արշակյանի ու լրագրողի աղմկահարույց դեպքի առնչությամբ նորից քրգործ է հարուցվել

173
թեգերը:
Ծեծկռտուք, Երևան, Հայաստան
Ստեփանակերտ

Ինչքան ժամանակ և որքան գումար է հարկավոր արցախցիների բնակարանային խնդիրը լուծելու համար

0
Արցախի Հանրապետության քաղաքաշինության նախարարը Sputnik Արմենիայի հետ հարցազրույցում ներկայացրել է շինարարության ընթացքն ու խոսել պատերազմի հետևանքով կրած վնասների մասին։

ԵՐԵՎԱՆ, 11 մայիսի – Sputnik, Դավիթ Գալստյան. Արցախցի ավելի քան 7 հազար ընտանիք բնակարանի կարիք ունի։ Տեղեկությունը Sputnik Արմենիային հայտնել է Արցախի Հանրապետության քաղաքաշինության նախարար Արամ Սարգսյանը:

«Նախնական տվյալներով՝ ավելի քան 7 հազար ընտանիք այժմ տան կարիք ունի։ Շինարարական աշխատանքների առաջին փուլում հին և լքված բնակարանային ֆոնդն ենք թարմացրել, վերանորոգել ու տրամադրել։ Արդեն ավելի քան 150 ընտանիք է տեղակայվել նման տներում։ Այժմ շինարարական աշխատանքներ են ընթանում մոտ 460 օբյեկտում», - ասաց Սարգսյանը։

Նրա խոսքով` երկրորդ փուլում «Հայաստան» համահայկական հիմնադրամի միջոցներով Իվանյան համայնքում կկառուցվի 180 բնակարան (3 հարկանի շենքեր): Այդ համայնքում Ուխտասար գյուղի բնակիչների համար նաև 80 մասնավոր տուն կկառուցվի (Ուխտասարն Ադրբեջանին է հանձնվել Ակնայով(Աղդամ)- խմբ.): Տենդերն արդեն կայացել է։ Շինարարությունը նախատեսում են ավարտեմ մեկ տարվա ընթացքում։

Մայրաքաղաք Ստեփանակերտի` ժողովրդին հայտնի «նախկին լողափ» թաղամասում 214 բնակարաններով նոր շրջան կկառուցվի  (14 հարկանի շենքեր): Այստեղ արդեն բնակարանները բնակիչներին կհանձնեն 2 տարվա ընթացքում։

Բացի այդ, ըստ նախարարի, տարբեր համայնքների թաղամասերի շինարարությունները նախագծման փուլում են: Երբ դրանք պատրաստ լինեն, կուղարկվեն համահայկական հիմնադրամ՝ մրցույթներ կազմակերպելու համար։

Վանաձորցին համաշխարհային ռեկորդ սահմանեց և իր հաղթանակը նվիրեց արցախյան հերոսներին

«Դրանց թվում են Աջափնյակը` Ստեփանակերտի շրջանում` շուրջ 400 բնակարան, Աստղաշեն, Նորագյուղ, Իվանյան, Հովսեփավան համայնքները, Մարտակերտի շրջանի Վարանդա համայնքում (Մարտունի) տների շինարարությունը։ Մեկնարկել է նաև Կարմիր շուկա գյուղում մասնավոր տների հավաքումը (մոտ 160)։ Ընդհանուր առմամբ կկառուցվի 25 - ից ավելի նոր շրջան», - ասաց Սարգսյանը՝ նշելով, որ Ստեփանակերտին բաժին է ընկնում ամբողջ շինարարության շուրջ 30 տոկոսը։

Նրա խոսքով ՝ նախատեսվում է շինարարական բոլոր ծրագրերն ավարտել 2,5-3 տարվա ընթացքում։ Եթե այսքանն իրականանա, Արցախում ապրել ցանկացող բոլոր տեղահանվածների բնակարանային հարցը կլուծվի։

Բնակարանաշինության ամբողջ ծրագրի արժեքը գնահատվում է ավելի քան 200 մլն դոլար։ Ընդ որում, շինանյութերը ամեն օր թանկանում են։

Ինչ վերաբերում է պատերազմի ժամանակ ենթակառուցվածքներին և բնակարանային ֆոնդին հասցված վնասի գնահատմանը (հայկական կողմի վերահսկողության տակ գտնվող տարածք), ապա այդ հաշվարկները բավականին մոտավոր են։

«Միաժամանակ ենք սկսել և՛ գույքագրման, և՛ շինարարության գործընթացը։ Այս պահին հաստատ չեմ կարող ասել, բայց ընդհանուր վնասը` ենթակառուցվածքների, բնակարանային ֆոնդի, հասարակական և վարչական շենքերի գնդակոծություններից կազմում է ավելի քան 40 մլրդ դրամ (մոտ 77 մլն դոլար)», - ասաց Սարգսյանը։

Նշենք, որ Արցախի Հանրապետության նախագահ Արայիկ Հարությունյանը հայտարարել էր, որ ավելի քան 1000 բնակարան շահագործման կհանձնվի երկու տարվա ընթացքում: Տների բաշխման ժամանակ առաջնահերթությունը կտրվի Շուշիի և Հադրութի բնակիչներին (Ադրբեջանի վերահսկողության տակ անցած տարածքներ), ինչպես նաև սոցիալական խոցելի խմբերին: Առաջին բնակարանները շահագործման կհանձնվեն արդեն այս տարվա վերջին։

0
թեգերը:
Պատերազմ, բնակարանաշինություն, բնակարան, շինարարություն, Լեռնային Ղարաբաղ, Ստեփանակերտ, Արցախ
Ըստ թեմայի
Մայիսի 9-ի գույնն Արցախում՝ առանց Շուշիի
Կարմիր Շուկան ռազմագերիների հետ փոխանակելը քննարկման ենթակա չէ․ Արցախի արտգործնախարար
Ռուս սակրավորներն Արցախում արդեն ավելի քան 650 կմ ճանապարհ են մաքրել