Մանկապարտեզ

Մանկապարտեզների սահմանափակումները մոռացե՞լ են հանել. ծնողները չեն կարողանում աշխատել

285
(Թարմացված է 18:49 18.04.2021)
Չնայած կորոնավիրուսային իրավիճակը Հայաստանում չի հանդարտվում, բայց գործում են ինչպես դպրոցները, այնպես էլ բարձրագույն ուսումնական հաստատությունները։ Մանկապարտեզներում, սակայն, համատարած ընդունելություն չի իրականացվում, և արդեն հերթեր են գոյացել։

ԵՐԵՎԱՆ, 18 ապրիլի - Sputnik. Այս պահին Երևանում 10 000–ից ավելի երեխա սպասում է մանկապարտեզ հաճախելուն։ Չնայած փետրվարին կորոնավիրուսային սահմանափակումները մեղմացվեցին և որոշ ծնողների բախտը բերեց`նորից ընդունելություն եղավ, սակայն հերթում սպասողների քանակն էականորեն այդպես էլ չնվազեց։ Sputnik Արմենիան զրուցել է ծնողների հետ, որոնց երեխաները տևական ժամանակ է` սպասում են մանկապարտեզ գնալու իրենց հերթին։ Թեմայի վերաբերյալ խոսել ենք նաև Երևանի քաղաքապետարանի պատասխանատու անձի և ոլորտի մասնագետի հետ։

Ծնողներն անելանելի վիճակում են

Արմինե Կիրակոսյանը, որը միայնակ մայր է, Sputnik Արմենիայի հետ զրույցում նշեց, որ արդեն մեկ տարի է, ինչ երեխային հերթագրել է, սակայն դեռ հույս չկա, որ այս տարի կարող է ընդունեն նրան։

«Ես միայնակ եմ մեծացնում երեխայիս, և չեմ կարողանում աշխատել, քանի որ երեխայիս պահող չունեմ։ Մանկապարտեզ դիմելուն զուգահեռ նաև մի քանի տեղ էի դիմել աշխատանքի համար, այս ընթացքում կանչել են, անգամ հարցազրույցի եմ գնացել։ Մի քանի հարմար աշխատանքից զրկվել եմ արդեն, քանի որ երեխայիս պահող չկա»,–ասաց Արմինեն։

Նրա երեխան` Ալեքսը, արդեն 4 տարեկան է և նախանձով է նայում, թե ինչպես է մեծ քույրը դպրոց գնում։ «Գիտե՞ս ես հաշվել գիտեմ։ Ոտանավոր էլ գիտեմ։ Մամաս ասում է, որ մի քանի ոտանավոր էլ եթե սովորեմ, ինձ էլ մանկապարտեզ կընդունեն»,–ասում է Ալեքսը, որը տանը շատ է ձանձրանում, քանի որ հատկապես նախորդ տարի կորոնավիրուսով պայմանավորված ողջ օրը տանը փակված է եղել։

Մեկ այլ ծնող էլ` Մանյա Սիմոնյանը, նշեց, որ իր տղային էլ 1 տարի է հերթագրել էին, սակայն ստիպված օրերս նրան մասնավոր մանկապարտեզ տարան։ «Մասնավոր մանկապարտեզում 70 000 դրամ եմ վճարում երեխայիս համար` աշխատավարձիս գրեթե կեսը։ Սակայն չեմ ուզում աշխատանքս կորցնել, քանի որ հեշտ չէ երեխա մեծացնելը»,–ասաց Մանյան։

Նրա խոսքով` հենց երեխային կանչեն պետական մանկապարտեզ, մասնավորից կհանի, քանի որ դժվարությամբ են հասցնում վարձը վճարել։

Քաղաքապետարանը լուծումներ է փնտրում

Երևանի քաղաքապետարանի հանրակրթության վարչության նախադպրոցական բաժնի գլխավոր մասնագետ Արմինե Գաբրիելյանը նշում է` փետրվարին սահմանափակումների մեղմացումներ եղան, և մանկապարտեզի խմբերում երեխաների սահմանային թիվն ավելացավ երկուսով։ Այժմ յուրաքանչյուր խմբում 20 երեխա կա, որոնց միջև պետք է պահպանվի մեկ մետր սոցիալական հեռավորությունը։

Երևանի քաղաքապետարանը չի նորոգել Այգեպարի գնդակոծված մանկապարտեզը, բայց սխալը կուղղի

«Տնօրեններն ընդունելություն իրականացրին` առաջնահերթությունը տալով հերթագրված այն երեխաներին, որոնց երկու ծնողն էլ աշխատում են, ինչպես նաև նախկինում հաճախողների վերընդունելություն է իրականացվել։ Սակայն շատ մանկապարտեզներ հնարավորություն չեն ունեցել նոր երեխաներ ընդունել, քանի որ վերընդունվողների թիվը մեծ է եղել»,–ասաց Գաբրիելյանը ։

Նա հայտնեց նաև, որ վերընդունելության դեպքում նախապատվությունը տվել են այն երեխաներին, որոնց ծնողը զոհվել է պատերազմի ժամանակ, ինչպես նաև առաջին կարգի հաշմանդամություն կամ ծանր հիվանդություն ունեցող ծնողների երեխաներին։ Դրանից հետո արդեն ընդունել են այն երեխաներին, որոնց 2 ծնողն էլ աշխատում են։

Հետաքրքրվեցինք` արդյո՞ք միայնակ մայրերն ու միակողմանի ծնողազուրկ երեխաներն արտահերթ ընդունելության ցուցակներում չկան, ինչին ի պատասխան Գաբրիելյանն ասաց, որ նման արտահերթություն սահմանված չէ։ Սակայն, նրա խոսքով, նմանատիպ մի քանի կատեգորիաներ կան, որոնք ներառված են իրենց ցուցակներում, և սահմանափակումների մեղմացումից հետո կքննարկեն նաև այդ ընտանիքների երեխաների ընդունելության հարցը։

Արմինե Գաբրիելյանը հավելեց` փետրվարի 10-ից հետո Երևանի մանկապարտեզներ վերընդունվել են 850 երեխա, ընդունվել` 600-ը։

«Գրությամբ նորից դիմել ենք առողջապահության նախարարություն, որպեսզի կրկին վերանայեն սահմանափակումները և թույլատրեն խմբերում ընդգրկված երեխաների քանակն ավելացնել։ Առայժմ սպասում ենք նախարարության պատասխանին, քանի որ մինչև թույլտվություն չլինի` մենք ոչինչ անել չենք կարող»,–ասաց նա։

Մանկապարտեզների մասին մոռացե՞լ են

Կրթության հարցերով փորձագետ Ատոմ Մխիթարյանի մոտ այնպիսի տպավորություն է, որ կառավարությունը, մարդիկ, որոնք պետք է զբաղվեին նախակրթարաններով, մոռացել են այդ մասին։

«Իմ շրջապատում էլ կան մարդիկ, որոնք դժվարություններ ունեն` երեխային մանկապարտեզ չեն կարողանում տանել, ինչի պատճառով էլ կես դրույքով են աշխատում։ Տեսեք, կառավարությունը մի կողմից նիստ է անում և քննարկում Ամանորի հանգստյան օրերի փոխարեն աշխատանքային օրերն ավելացնելը` մտածելով, որ մարդիկ պետք է շատ աշխատեն, արդյունավետությունը մեծանա, մյուս կողմից, մոռացել են, որ շատ մայրեր ստիպված կա՛մ չեն աշխատում, կա՛մ կես դրույքով եմ աշխատում»,–ասաց Մխիթարյանը։

Երկրաշարժի հետքերը Երևանի դպրոցներում և մանկապարտեզներում. ծնողները կարող են հանգիստ լինել

Նրա խոսքով` եթե բոլոր ոլորտներն աշխատում են 100 տոկոսով, և որևէ սահմանափակում գրեթե չկա, այսինքն` հակահամաճարակային կանոնների պահպանումը թողնում են յուրաքանչյուրի հայեցողությանը, ապա հասկանալի չէ մանկապարտեզների դեպքում բացառություն անելը։ Մխիթարյանը չի կարծում, որ կազմակերպվածության կամ կանոնների պահպանման առումներով մանկապարտեզի աշխատակիցներն ու երեխաների ծնողները չեն գիտակցում իրավիճակը։ Մասնագետը նշում է` արդարացված չէ միայն մանկապարտեզների դեպքում սահմանափակումների մասին հիշելը։

285
թեգերը:
կարանտին, կորոնավիրուս, երեխա, Երևան, մանկապարտեզ
Ըստ թեմայի
Դպրոցներում բուֆետները կբացվեն․ որոշ սահմանափակումներ մեղմացվել են
«Դեմ եմ լինելու խստացումներին». Վահան Քերոբյանը չի ողջունի նոր սահմանափակումները
Հունաստանը ևս 15 օրով երկարաձգում է միջազգային չվերթերի սահմանափակումները
Հաշմանդամի սայլակ

Հայաստանում հաշմանդամությունը կորոշեն նոր սկզբունքով․ Ստեփանյանը` բարեփոխումների մասին

6
Սոցծառայությունների փաթեթը կտրամադրվի քաղաքացու գործունակության աստիճանից ելնելով։

ԵՐԵՎԱՆ, 12 մայիսի – Sputnik. Հայաստանում մասնագետների ռեեստր կստեղծվի, որոնք կզբաղվեն հաշմանդամություն ունեցող անձանց կարիքների գնահատմամբ։ Այսօր հրավիրված ասուլիսի ժամանակ ասաց աշխատանքի և սոցիալական հարցերի նախարարի տեղակալ Տաթևիկ Ստեփանյանը։

Մայիսի 5-ին խորհրդարանը երկրորդ և վերջնական ընթերցմամբ ընդունել էր «Հաշմանդամություն ունեցող անձանց իրավունքների մասին» և «Անձի ֆունկցիոնալության գնահատման մասին» օրենքներում համապատասխան փոփոխությունների փաթեթը:

«Այս փուլում մենք ունենք խմբեր, որոնք բժշկասոցիալական փորձաքննություն են իրականացնում։ Նրանց կազմում ընդգրկված են հաշմանդամությունը հաստատող բժիշկներ»,- ասաց Ստեփանյանը։

Գործող ձևաչափը կփոխարինի ռեեստրով, որում կընդգրկվեն ոչ միայն բժիշկներ, այլև հարակից ոլորտների մասնագետներ։ Քաղաքացու առողջական վիճակի գնահատման խումբը կձևավորվի այցից մեկ օր առաջ՝ ներկայացված գանգատների հիման վրա:

Ստեփանյանի խոսքով` նախատեսվում է նաև մի շարք միջոցներ ձեռնարկել կոռուպցիոն ռիսկերը նվազեցնելու համար: Հետագայում, կախված քաղաքացուն տրամադրած հաշմանդամության կարգից, նրան անհատական ծրագիր կառաջարկվի։ Հնարավոր է` որոշ դեպքերում գործի դրվեն անհատական օգնականի ինստիտուտն ու մի շարք այլ հանրային ծառայություններ:

Քաղաքացին մահից հետո պրոթեզավորվել է, դիմում գրել. Հաշվեքննիչ պալատի ցնցող բացահայտումները

«Մենք վերացնում ենք «հաշմանդամության կարգ» հասկացությունը, այսուհետ հաշմանդամություն ունեցող քաղաքացիները խմբերի կբաժանվեն ըստ ֆունկցիոնալության աստիճանի՝ թույլ, միջին, ծանր և խորը»,– ասաց Ստեփանյանը:

Սոցծառայությունների փաթեթը կտրամադրվի քաղաքացու գործունակության աստիճանից ելնելով։

Գնահատումը կկատարեն ռեեստրում գրանցված մասնագետները՝ պատահականության սկզբունքով։

Պատերազմի հետքը և՛ հոգում է, և՛ մարմնի վրա. լուսանկարներ

 

6
թեգերը:
հաշմանդամ, Հայաստան
Բողոքի ակցիա

Երևանում գործադուլ հայտարարած վարորդները շուտով երթուղի դուրս կգան. քաղաքապետարան

70
(Թարմացված է 14:09 12.05.2021)
«Երևանի ավտոբուս» փակ բաժնետիրական ընկերությանը պատկանող ավտոբուսները սկսել են լիցքավորվել։

ԵՐԵՎԱՆ, 12 մայիսի – Sputnik. «Երևանի ավտոբուս» ՓԲԸ-ի դիզվառելիքի մատակարարման խնդիրը այս պահին լուծվում է, մատակարարումը վերսկսվել է: Տեղեկությունը հայտնում է Երևանի քաղաքապետի մամուլի խոսնակ Հակոբ Կարապետյանը։

«Ընկերությանը պատկանող ավտոբուսները սկսել են լիցքավորվել և կարճ ժամանակ անց դուրս կգան երթուղի»,– Facebook–ի իր էջում գրել է նա։

Քաղաքապետարանը հայցում է երևանցիների ներողամտությունը առաջացած անհարմարության համար:

Կոմիտասի պողոտայում երթուղային «Գազել» է այրվել

Հիշեցնենք` Ջրվեժի և Չարբախի ավտոպարկերում ավտոբուսների ու երթուղայինների վարորդները վաղ առավոտից բողոքի ակցիա էին անում։ Երթուղի դուրս չէին եկել թիվ 35, 20, 5, 45, 38, 33, 26, 4 և մի շարք այլ երթուղիներ սպասարկող ավտոբուսներն ու երթուղայինները։ Վարորդները դժգոհում էին, որ արդեն տևական ժամանակ իրենց վառելիք չի տրամադրվում, որ դուրս գան աշխատանքի:

Վարորդական իրավունքի քննության բարդացումն իրականում զրո էֆեկտ ունի. Տիգրան Քեյան

70
թեգերը:
վարորդ, ավտոբուս, Երևան, Հայաստան
Ըստ թեմայի
Երևանում ավտոմեքենան հայտնվել է փոսում, վարորդին տեղափոխել են հիվանդանոց
Տուժել են վարորդը, ուղևորը. մանրամասներ`Փաշինյանին ուղեկցող մեքենայի մասնակցությամբ ՃՏՊ-ից
Շղթայական ավտովթար Վանաձորում. վարորդներից մեկը կին է
Матч Лиги Наций УЕФА между сборными Армении и Эстонии (8 сентября 2020). Еревaн

Վարազդատ Հարոյանը հեռանում է «Աստանայից». հայտնի է նրա նոր ակումբի անունը

0
Հայաստանի ազգային հավաքականի պաշտպան Վարազդատ Հարոյանը «Աստանա» էր տեղափոխվել այս տարվա սկզբին։

ԵՐԵՎԱՆ, 12 մայիսի - Sputnik. Հայաստանի ազգային հավաքականի և ղազախական «Աստանայի» պաշտպան Վարազդատ Հարոյանը հաջորդ մրցաշրջանում հանդես կգա իսպանական Լա լիգայում: Տեղեկությունը հայտնում են ղազախական լրատվամիջոցները:

Ավելի վաղ լրագրող Արարատ Մամբրեյանը իր  տելեգրամ ալիքում հայտնել էր, որ Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։

Sputnik Արմենիայի տեղեկություններով` հայ ֆուտբոլիստն արդեն համաձայնեցրել է պայմանագրի կետերը «Կադիսի» հետ:

Նշենք, որ Հարոյանը «Աստանա» էր տեղափոխվել այս տարվա սկզբին։

Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

 

 

 

0