«Շիրակ» օդանավակայան

Երկու նոր չվերթի մեկնարկ տրվեց. ո՞ր ուղղություններով կլինեն դրանք

247
(Թարմացված է 18:44 17.04.2021)
Մինչև մայիսի 5-ը մեկ, իսկ մայիսի 5-ից շաբաթական երկու թռիչներ կիրականացվեն երկու տարբեր ուղղություններով։

ԵՐԵՎԱՆ, 17 ապրիլի - Sputnik. «Արմենիա» ավիաընկերությունն այսօր երկու նոր չվերթի մեկնարկ տվեց։ Տեղեկությունը հայտնում է «Արմենիա» ավիաընկերության փոխտնօրեն Գևորգ Խաչատրյանը` ֆեյսբուքյան իր էջում գրառում կատարելով։

«Թռիչքները կլինեն Գյումրի-Մոսկվա-Գյումրի և Գյումրի-Թբիլիսի-Գյումրի ուղղություններով»,–գրում է նա։

Ի դեպ, մինչև մայիսի 5-ը մեկ, իսկ մայիսի 5-ից շաբաթական երկու թռիչներ կիրականացվեն վերոհիշյալ ուղղություններով։

Հիշեցնենք, որ գործարկվել է «Ճամփորդի՛ր առանց COVID-19–ի» ծրագիրը. այն հնարավորություն է տալիս բջջային հավելվածում ունենալ  Covid-19 թեստի արդյունքը՝ QR կոդի տեսքով։

Քաղաքացիները պետք է ներբեռնեն բջջային հավելվածը IOS կամ Android համակարգերում, անձնագրով մոտենան ծրագրում ընդգրկված, ՊՇՌ թեստավորում իրականացնող լաբորատորիա և հանձնեն Covid-19 թեստ։ Թեստի արդյունքն անմիջապես կարտացոլվի հավելվածում, երբ լաբորատորիան համակարգ մուտքագրի պատասխանը։ Դրական պատասխանի դեպքում QR կոդը ստանում է կարմիր գունավորում, բացասականի դեպքում՝ կանաչ։

Ապրիլի 1-ից կավելանա Ռուսաստանից Հայաստան կանոնավոր չվերթերի թիվը

Թեստի բացասական պատասխանի պարագայում մեկնելուց առաջ հարկավոր է հավաստիանալ, որ հավելվածում առկա է տեղեկատվությունը և թռիչքի ժամը չի անցնում թեստի նմուշառման ժամից հաշված 72 ժամը։ Սահմանը հատելիս հարկավոր է ներկայացնել բջջային հավելվածի QR կոդը։

247
թեգերը:
Թբիլիսի, Մոսկվա, չվերթ, թռիչք, Գյումրի
Ըստ թեմայի
Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ
Գագարինի թռիչքի 60-ամյակը․ տիեզերագնացները միջազգային տիեզերակայանից շնորհավորել են տոնը
Արցախում առաջիկայում նոր հենակետեր կբացվեն միջպետական ու ներպետական բոլոր ճանապարհներին
Արխիվային լուսանկար

Օնիկ Գասպարյանի գործով դատավորի անվտանգության ապահովման համար միջոցներ են ձեռնարկվել

23
(Թարմացված է 20:10 12.05.2021)
Դատավոր Մհեր Պետրոսյանի հարցով ԲԴԽ–ի դիմումը ստուգելուց հետո քրեական գործ հարուցելու հիմքեր չեն հայտնաբերվել։

ԵՐԵՎԱՆ, 12 մայիսի- Sputnik. Գլխավոր շտաբի նախկին պետ Օնիկ Գասպարյանի գործով դատավոր Մհեր Պետրոսյանի անվտանգությունն ապահովելու ուղղությամբ օրենքով սահմանված կարգով միջոցներ են ձեռնարկվել։ Տեղեկությունը Sputnik Արմենիային հայտնեցին դատախազության լրատվության ծառայությունից։

Մհեր Պետրոսյանը վարույթ էր ընդունել Օնիկ Գասպարյանի հայցադիմումը։ Դրանից հետո նա դիմել էր Բարձրագույն դատական խորհուրդ` տեղեկացնելով, որ իր կյանքին վտանգ է սպառնում։ ԲԴԽ-ն դատավորի դիմումն ուղարկել էր դատախազություն:

«Մհեր Պետրոսյանի առնչությամբ դատախազությունը ոստիկանության քրեական ոստիկանությանը հանձնարարել էր կատարել համապատասխան ստուգողական գործողություններ: Դրանց արդյունքում քրեադատավարական ընթացակարգ ապահովելու բավարար հիմքեր չեն հայտնաբերվել։ Սակայն, նկատի ունենալով դատավորի մտահոգությունները, միջոցներ են ձեռնարկվել օրենքով սահմանված կարգով նրա անվտանգությունն ապահովելու ուղղությամբ»,–ասացին դատախազությունից։

Ունենք բազմաթիվ հարցեր ՀՀ ղեկավարությանը. Օնիկ Գասպարյանը սթափության կոչ է անում

Հիշեցնենք, որ ԱԱԾ աշխատակիցները մարտի 17-ին այցելել էին դատավոր Մհեր Պետրոսյանին, փորձել մուտք գործել դատավորի աշխատասենյակ։

Դատավորը մերժել էր նրանց ընդունել ու այցի մասին անմիջապես տեղյակ էր պահել ԲԴԽ-ին։

Պատերազմի բոլոր սցենարները հաշվարկված էին. Օնիկ Գասպարյանի խորհրդականը փակագծեր է բացում

23
թեգերը:
ՀՀ դատախազություն, Դատավոր, Օնիկ Գասպարյան
Ըստ թեմայի
ԱԽ–ն հրապարակել է Օնիկ Գասպարյանի` պատերազմի մասին հայտարարությունների մի մասը
Պետք է քննիչ հանձնաժողով ստեղծել. Օնիկ Գասպարյանը հայտարարություն է տարածել
Նիկոլ Փաշինյանը խոստանում է հրապարակել Օնիկ Գասպարյանի ասածը
Автобусы доставляют нашедших временное убежище в Ереване жителей Степанакерта обратно домой (14 ноября 2020). Еревaн

Մեքենա՞ն էր փչացել, թե՞ հարաբերությունները. որն է Երևանի ավտոբուսների «անհետացման» պատճառը

44
(Թարմացված է 19:47 12.05.2021)
Դիզվառելիք մատակարարողն ու քաղաքային իշխանությունները վիճում են, տուժում է երևանցին։ Sputnik Արմենիան համադրել է ավտոբուսների չաշխատելու վերաբերյալ կողմերի մեկնաբանությունները։

ԵՐԵՎԱՆ, 12 մայիսի – Sputnik, ՆԵլլի Դանիելյան. Երևանյան փողոցներից վաղ առավոտից անհետացած ավտոբուսները կեսօրից հետո վերադարձան երթուղի, չվերադարձավ թերևս միայն երևանցիների վստահությունը, որ վաղը դարձյալ նույն իրավիճակին չեն առնչվի։ Այս մտավախությունն ի դեպ, այնքան էլ անհիմն չէ, քանի որ, ինչպես պարզվում է, խնդիրը վառելիքի մատակարարի ու քաղաքային իշխանությունների միջև շարունակում է մնալ չլուծված։

Այսօր առավոտյան բազմաթիվ երևանցիներ մնացին տրանսպորտային կանգառներում` իրենց ավտոբուսներին անհույս սպասելով։ Պարզվեց, որ այսօր երթուղի են դուրս եկել միայն մասնավոր երթուղայինները, որոնք հիմնականում աշխատում են գազով, իսկ դիզվառելիքով աշխատող համայնքային ավտոբուսներն ու միկրոավտոբուսները նույնիսկ ավտոպարկից դուրս չէին եկել։

Ավելի ուշ հայտնի դարձավ, որ պատճառը վառելիքն է, ավելի ճիշտ դրա բացակայությունը։ Պարզվեց, որ քաղաքային ավտոբուսներին դիզվառելիք մատակարարող CPS ընկերությունը պայմանագրով նախատեսված մատակարարումը ժամանակին չի կատարել։

Երևանի քաղաքապետի մամուլի քարտուղար Հակոբ Կարապետյանը Sputnik Արմենիայի հետ զրույցում ասաց, որ խնդիրը մեկ օրվա մեջ չի ծագել։

«Մատակարարի հետ անհարթություններ, քննարկումներ կան, գործընթաց է եղել, որը հանգեցրել է այս վիճակին»,– ասաց նա։

CPS-ում «անհարթությունների» ու «քննարկումների» գոյությունը չեն հերքում, բայց վստահեցնում են, որ այսօրվա վառելիքի ուշացումը դրանց հետ ոչ մի կապ չունի։ Պատճառը, ինչպես Sputnik Արմենիային հայտնեցին ընկերության գրասենյակից, բացառապես տեխնիկական է եղել. վառելիք մատակարարող ավտոմեքենան նախատեսված ժամին վառելիքը տեղ չի հասցրել։

«Հասել է կես ճանապարհին` Երևանյան լճի մոտ, փչացել է,  մինչև այդ մեքենան էվակուցարել են, բերել են հետ, ուրիշ մեքենա են բարձել, գնացել հասել է տեղ, եղել է ժամը 10-11-ը»,– ասացին CPS–ից։

Ինչո՞ւ Երևանի քաղաքապետարանը գումար չտրամադրեց Ջազի միջազգային 10-րդ փառատոնի համար

Իսկ վարորդների ու քաղաքային իշխանությունների բարձրացրած աղմուկն ընկերությունում արհեստական ու ձևական են համարում` վստահեցնելով, որ մատակարարման ուշացմամբ բողոքի ակցիա չեն արել։ «Մենք ակցիա անելու որևէ ցանկություն չունենք»,– վստահեցնում են CPS-ում։

Թե ինչ խնդիրներ են ծագել քաղաքապետարանի ու CPS–ի միջև, Երևանի քաղաքապետարանում չեն ցանկանում մանրամասնել, փոխարենը դա անում է CPS–ը։ Ընկերության գրասենյակից մեզ հայտնեցին, որ «Երևանի ավտոբուս» ՓԲԸ–ն իրենց գումար է պարտք։

«Մենք վառելիք ենք տալիս, իրենք արդեն երկու ամիս է` չեն վճարվում։ Ու ոչ միայն չեն վճարում, այլև չեն ընդունում իրենց պարտքերը»,– հայտնեցին CPS-ից։

Վառելիք մատակարարող կողմի հաշվարկով «Երևան ավտոբուսը» ներկա պահին իրենց 75 մլն դրամ գումար է պարտք, ու այդ պարտքի մասին փոխադարձ ակտը չի ստորագրում։

Ընդ որում, մինչ այդ պարտքը 190 մլն դրամ է եղել, որից 120 մլն–ը «Երևան ավտոբուսն» այսօր է վճարել, բայց մնացած 75-ը չի ընդունում։

Թե պարտքի վերաբերյալ ինչ տեսակետ ունի «Երևան ավտոբուսը», մեզ պարզել չհաջողվեց։ Ընկերությունում հրաժարվեցին մեկնաբանություն տալ։

Թե ինչով կավարտվի երկու ընկերությունների միջև ծագած ֆինանսական վեճը, կողմերը դժվարանում են կանխատեսել` հույս հայտնելով, որ գործը դատարան չի հասնի։

Ի դեպ, «Երևան ավտոբուսի» ու CPS-ի միջև կնքված պայմանագրով մատակարարն իրավունք ունի միակողմանի լուծել պայմանագիրը, եթե գնորդը բազմիցս խախտում է վճարման ժամկետները։

Նշենք, որ 2020թ–ի դեկտեմբերի 15-ին կնքած պայմանագրով CPS-ը քաղաքային տրանսպորտի ամբողջ տարվա վառելիքը պարտավորվել է մատակարարել 770 500 120 դրամով` դիզվառելիքի 1 լիտրի գինը հաշվարկելով 233 դրամ, բենզինինը` 280։

Ընդ որում, այդ 770.5 մլն դրամը ներառում է Երևանի քաղաքային բոլոր ծառայությունների վառելիքի ծախսերը, ներառյալ` «Երևանի աղբահանության», «Շտապբուժօգնության»,  Երևանի վարչական շրջանների ու այլ հիմնարկ-ձեռնարկությունների ծախսերը։ Իսկ «Երևան ավտոբուսի» մասնաբաժինը պայմանագրում կազմում է 1 682 800 դրամի բենզին և 321 540 000 դրամի դիզվառելիք։

44
թեգերը:
պարտք, վառելիք, ավտոբուս, Երևանի քաղաքապետարան, Երևան
Ըստ թեմայի
Եթե կորցնենք Շուշին վերադարձնելու հույսը, կդավաճանենք զոհվածներին. Շուշիի նախկին քաղաքապետ
Պատկերացնո՞ւմ եք` ընտրություններում հաղթի Քոչարյանը, իսկ Երևանի քաղաքապետ մնա դերասանը
Ստեփանակերտում 10 000 տեղահանված կա. քաղաքապետը հայտնել է` տարեվերջին քանիսը տուն կստանան
Նարեկ Մինասյան

Ադրբեջանը սադրիչ քայլերով փորձում է ճնշում գործադրել ՀՀ-ի վրա և պարտադրել իր պահանջները

0
(Թարմացված է 20:26 12.05.2021)
Քաղաքագետ Նարեկ Մինասյանը Sputnik Արմենիայի եթերում անդրադարձել է հայ–ադրբեջանական սահմանին վերջին շրջանում պարբերաբար առաջացող լարվածության խնդրին։
Մինասյան. «Ադրբեջանը սադրիչ քայլերով փորձում է նաև քաղաքական ճնշում գործադրել հայկական կողմի վրա»

Նարեկ Մինասյանի դիտարկմամբ` վերջին շրջանում Ադրբեջանը բազմիցս փորձում է դիմել սադրիչ բնույթ կրող քայլերի։ Իրականացնելով զորքերի տեղաշարժ`նրանք առաջ են բերում դիրքերն ու բանակցություններից հետո վերադառնում ելման կետ։ Ըստ նրա` նման մարտավարությունն ունի մի քանի շերտ` քաղաքական, ռազմական և հոգեբանական։

«Քանի դեռ չկա սահմանների դելիմիտացիա ու դեմարկացիա, նման միջադեպերը կամ ադրբեջանցիների տարածքային նկրտումները կարող են պահպանվել։ Սահմանի նույն տեղամասի վերաբերյալ կողմերը կարող են ունենալ իրարից տարբերվող մոտեցումներ, ինչն առավել քան բնական է` հաշվի առնելով խորհրդային շրջանում սահմանագծի տարաբնույթ փոփոխությունները»,– նշեց քաղաքագետը։

Մինասյանն ընդգծեց նաև այն հանգամանքը, որ Ադրբեջանը նման սադրիչ քայլերով նպատակ ունի քաղաքական առումով ճնշում գործադրել հայկական կողմի վրա` փորձելով աղավաղել նոյեմբերի 9-ի եռակողմ հայտարարության դրույթները և հայկական կողմին պարտադրել սեփական ընկալումները, մոտեցումներն ու պահանջները։ Ըստ նրա` սահմանի առանձին տեղամասեր ունեն նաև ռազմավարական կարևորություն, հետևաբար չպետք է բացառել, որ Ադրբեջանը կփորձի իր վերահսկողության տակ վերցնել սահմանի նմանատիպ հատվածները։

«Քանի դեռ չի սկսվել դելիմիտացիայի ու դեմարկացիայի գործընթացը,  կողմերից յուրաքանչյուրը ցանկանում է տարբեր տեղամասերում ունենալ շահավետ դիրքեր, որպեսզի հետագայում, երբ այդ գործընթացը սկսվի, բանակցի առավել շահավետ դիրքերից` ունենալով որոշակի առավելություն»,– նշեց քաղաքագետը։

Մինասյանը հորդորեց չմոռանալ նաև հոգեբանական գործոնը, որովհետև նմանատիպ գործընթացները հայաստանյան հասարակության համար բավականին զգայուն են։ Սահմանային ցանկացած միջադեպ շատ բուռն արձագանք է ունենում Հայաստանում, ինչը չի վրիպում ադրբեջանական կողմի ուշադրությունից։ Հաշվի առնելով այդ գործոնը` Բաքուն պարբերաբար փորձում է դիմել նման սադրիչ քայլերի, որպեսզի Հայաստանում առաջացնի հանրային հոգեբանական ցնցումներ, պարտվողական տրամադրություններ։   

Հիշեցնենք` լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

«Հրամանատարն ասաց, որ Ադրբեջանը որևէ ոտնձգություն չի արել». Թագուհի Թովմասյան

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

0
թեգերը:
Իշխանասար, Սյունիք, Սահման, Հայաստան, Ադրբեջան