Կիտրոն

Կիտրոնաջրի օգուտն ու վնասը․ սննդաբանը ներկայացրել է ճշմարտությունը

184
Ամերիկացի սննդաբանը հորդորում է լիմոնադը փոխարինել կիտրոնաջրով։ Նա հավատացնում է, որ այդ ըմպելիքի պարբերական օգտագործումը կօգնի հաղթահարել բազմաթիվ հիվանդություններ։

ԵՐԵՎԱՆ, 16 ապրիլի – Sputnik. Սննդաբան Էմի Սթիվենսը Insider պարբերականին տված հարցազրույցում ասել է, որ կիտրոնաջուրը լավացնում է մարսողությունը և մի շարք օգտակար հատկություններ ունի։

Կիտրոնաջուրը հիանալի այլընտրանք է գազավորված և այլ քաղցր ըմպելիքներին, որոնք վնասում են օրգանիզմը։ Մի բաժակ ջուրը, եթե դրանում կիտրոնի կտոր կա, բարելավում է նյութափոխանակությունը, օգնում է նվազեցնել քաշը, կարգավորել արյան ճնշումը։

Ինչ վերաբերում է քաշի նվազեցմանը, ապա կիտրոնաջուրը արագացնում է նյութափոխանակությունը, օրգանիզմից դուրս է բերում ավելորդ հեղուկը, ինչը թույլ է տալիս ոչ միայն նիհարել, այլև հետագայում առողջ քաշ պահպանել։

Բայց ամերիկացի սննդաբանը զգուշացնում է` խորհուրդ չի տրվում չարաշահել այս ըմպելիքը, առողջությունը պահպանելու համար միանգամայն բավարար է օրական մեկ-երկու բաժակը։

Նրա խոսքով՝ կիտրոնաջուրն օրգանիզմին օգուտ կտա միայն այն դեպքում, եթե սննդակարգից լիովին բացառվեն մեծ քանակությամբ շաքար պարունակող ըմպելիքները։ Բացի այդ, կիտրոնի հյութը շատ թթու է, և դրա չափից դուրս օգտագործումը կարող է քայքայել ատամների էմալը։

Գիտնականները երկարակեցության սննդակարգ են մշակել. գլխավոր գաղտնիքը չափաբաժիններն են

Բժիշկները կարծում են, որ կիտրոնաջուրը հիանալի միջոց է մի շարք հիվանդությունների կանխարգելման համար, որոնցից կարելի է առանձնացնել սրտանոթային համակարգի հիվանդությունները, կատարակտան, հոդատապը, ռևմատիզմը և այլն։ Բացի այդ, կիտրոնաջուրը նպաստում է լյարդի և երիկամների մաքրմանը, ինչպես նաև օրգանիզմից դուրս է բերում ավելորդ թունավոր նյութերը։ Կիտրոնի մեջ կալիումի առկայության շնորհիվ կիտրոնաջրի օգտագործումը բարելավում է ուղեղի աշխատանքը, ինչպես նաև կարգավորում կենտրոնական նյարդային համակարգի աշխատանքը։

Բացի վերոնշյալ բոլոր առավելություններից, կիտրոնաջուրը նաև վառ արտահայտված թարմացնող ազդեցություն ունի. առավոտյան օգնում է ավելի առույգ զգալ և ամբողջ օրվա ընթացքում պահպանել էներգիան։

Ինչ է կատարվում օրգանիզմում, երբ անանաս ենք ուտում

 

 

184
թեգերը:
օրգանիզմ, սննդաբան, կիտրոն
Ըստ թեմայի
Որ քաղցրավենիքներն են առավել վտանգավորները. բժիշկ-սննդաբանի խորհուրդը
Սննդաբանը նշել է այն մթերքը, որն անհրաժեշտ է բոլոր նիհարողներին
Սուրճի օգնությամբ նիհարելը վտանգավոր է. սննդաբանը բացատրում է` ինչու
Տեսախցիկն արձանագրել է Հայաստանի անտառներում ապրող գորշ արջերին

Տեսախցիկն արձանագրել է Հայաստանի անտառներում ապրող գորշ արջերին

28
Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

ԵՐԵՎԱՆ, 11 մայիսի – Sputnik. Կովկասյան կենսաբազմազանության ապաստարանի (CWR) տեսախցիկներն արձանագրել են հայաստանյան անտառներում բնակվող գորշ արջերի կենցաղի հետաքրքիր պահերը։

Եզակի լուսանկարներն արվել են Վայոց Ձորի բնության հատուկ պահպանվող տարածքում։

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին

Գորշ արջը գրանցված է Հայաստանի Կարմիր գրքում: Աշխարհում այս կենդանատեսակը համարվում է խոցելի։

Գորշ արջերը հաճախ մտնում են գյուղեր, վնասում պտղատու այգիներն ու մեղվի փեթակները` հայտնվելով մարդկանց թիրախում։

Թաքնված տեսախցիկն արձանագրել է հայաստանյան լուսանի «մլավոցը». տեսանյութ

Նշենք, որ շուրջ 30 000 հա զբաղեցնող Կովկասյան կենսաբազմազանության ապաստարանը (ԿԿԱ) միակ մասնավոր կառավարվող բնապահպանական տարածքն է ողջ Հարավային Կովկասում: Յուրահատուկ հարուստ կենսաբազմազանությամբ այս տարածքը գտնվում է Վայրի բնության և մշակութային արժեքների պահպանման հիմնադրամի (FPWC) վերահսկողության ներքո:

Կովկասյան կենսաբազմազանության ապաստարանն ընդգրկում է շուրջ 10000 հա պահպանվող տարածք և հարակից է «Խոսրովի անտառ» պետական արգելոցին:

Бурый медведь в Вайоц Дзоре
© Photo : FPWC
Տեսախցիկն արձանագրել է Հայաստանի անտառներում ապրող գորշ արջերին
28
թեգերը:
Անտառ, արջ, Հայաստան
Ըստ թեմայի
Աննախադեպ արդյունք. փրկարար կենտրոնում պահվող արջերից 16-ն առաջին ձյան հետ քուն են մտել
Փիթեր արջուկի կեղտոտ վանդակը պահվել է կատարյալ մթության մեջ. ստորագրահավաք է մեկնարկել
Վայոց Ձորում անտառապահը փորձել է սպանել արջին. կենդանին հարձակվել է նրա վրա
Կենտրոնի թաղապետարան

Ծեծկռտուք Կենտրոնի թաղապետարանում. վարչություններից մեկի պետին տեղափոխել են հիվանդանոց

159
(Թարմացված է 15:14 11.05.2021)
Հողօգտագործման բաժնի պետ Մանվել Մարգարյանի ինքնազգացողությունը վատացել է վիճաբանությունից ու քաշքշուկից հետո։

ԵՐԵՎԱՆ, 11 մայիսի – Sputnik. Երևանի Կենտրոնի թաղապետարանում այսօր առավոտյան ծեծկռտուք է տեղի ունեցել քաղաքաշինության և հողօգտագործման բաժնի պետ Մանվել Մարգարյանի և վարչական շրջանի ղեկավարի տեղակալ Արմեն Ազիզյանի միջև: Տեղեկությունը հայտնում է «Հայկական ժամանակը»։

Ըստ կայքի` առավոտ շուտ թաղապետարանի ղեկավար կազմը Մարգարյանին շատ կոպիտ ձևով հրահանգել է ազատել աշխատասենյակը: Այնուհետև վիճաբանություն ու քաշքշուկ է սկսվել, որից հետո Մանվել Մարգարյանի ինքնազգացողությունը վատացել է, շտապօգնության մեքենայով նրան տեղափոխել են հիվանդանոց:

Քաղաքաշինության և հողօգտագործման բաժնի պետի տեղակալ Ագնեսա Մելիքսեթյանը «Հայկական ժամանակի» հետ զրույցում պատմել է, որ միջադեպի ժամանակ կողքի աշխատասենյակում է գտնվել: Բարձր բղավոցներ ու հայհոյանքներ է լսել, առաջ է եկել, որ հասկանա՝ ինչ է կատարվում, բայց իրեն մոտիկ չեն թողել. «Ասացին՝ դու աղջիկ ես, գնա, գործ չունես ու չթողեցին մոտենամ, բայց սարսափելի իրարանցում էր, լսում էի նաև, որ կահույքն են քաշքշում: Այդ ընթացքում իմ սենյակում էի, հետո արդեն ոստիկանությունը եկավ»:

«Նորք–Մարաշ» ԲԿ–ում գրանցված սկանդալային դեպքի առնչությամբ քրգործ է հարուցվել

Լրատվամիջոցի տեղեկություններով՝ միջադեպի գլխավոր հերոսը Արմեն Ազիզյանն է եղել: Աշխատակիցները հայտնել են, որ նա առավոտյան աշխատավայրում է եղել, սակայն հետո դուրս է եկել:

Արմեն Ազիզյանը կատարում է վարչական շրջանի ղեկավար Ավետ Պողոսյանի պարտականությունները: Ավետ Պողոսյանն արձակուրդում է:

Կայքը հիշեցնում է, որ Կենտրոն վարչական շրջանի աշխատակազմում սպասվող կառուցվածքային փոփոխություններով պայմանավորված` մի շարք անձինք կանգնած են աշխատանքը կորցնելու վտանգի առաջ, իսկ ոմանք էլ աշխատավայրում լուրջ ճնշումների են ենթարկվում, խոսքը՝ «Քաղաքաշինության և հողօգտագործման» բաժնի պետի, նրա տեղակալի, գլխավոր մասնագետի ու մի քանի այլ աշխատակիցների մասին է: Քաղաքաշինության և հողօգտագործման բաժնի պետ Մանվել Մարգարյանը ՀԺ–ին ասել էր, որ ամեն ինչ սկսվել է նրանից, երբ ամիսներ առաջ ինքը բարձրաձայնել է թաղապետարանում տիրող ապօրինության մասին, որի առնչությամբ հիմա նաև քրեական գործ կա հարուցված:

Հակոբ Արշակյանի ու լրագրողի աղմկահարույց դեպքի առնչությամբ նորից քրգործ է հարուցվել

159
թեգերը:
Ծեծկռտուք, Երևան, Հայաստան
Մոմ

Վարորդի անզգուշության հետևանքով մահացել է ավագ սարկավագ Սիմեոն Ավետիսյանը. մանրամասներ

5
Մոսկվայի Կրիլատսկի շրջանում գտնվող եկեղեցու հոգևորականը մահացել է ավտովթարի հետևանքով։

ԵՐԵՎԱՆ, մայիսի 11 - Sputnik. Մոսկվայի Կրիլատսկի շրջանում գտնվող Աստվածամոր Սուրբծննդյան տաճարի հոգևորական Սիմեոն Ավետիսյանի մահվան պատճառ է դարձել տաքսու վարորդի անզգուշությունը։ Տեղեկությունը հայտնում է «Մոսկովսկի կոմսոմոլեցը»:

Հոգևորականը պետք է կնոջ ու երկու դուստրերի հետ Սանկտ Պետերբուրգ մեկներ՝ երգի փառատոնի մասնակցելու։ Ընտանիքը տարբեր մեքենաներով է կայարան գնացել․ Ավետիսյանն ու կինը տաքսի են կանչել։ Հենց հոգևորականի տան մոտ էլ մեքենան բախվել է ապրանքներ տեղափոխող բեռնատարի, որը փոքր ՃՏՊ-ի մեջ է հայտնվել, իսկ վարորդը դուրս է եկել ստուգելու՝ վթարի մասնակիցը տուժել է, թե ոչ։ Ցավոք, նա չի հասցրել միացնել վթարային ազդանշանը, և տաքսիստը մխրճվել է բեռնատարի մեջ։

​Առջևում նստած Ավետիսյանին ծայրահեղ ծանր վիճակում տեղափոխել են հիվանդանոց։ Մեկ ժամ անց 67-ամյա հոգևորականը մահացել է։ Նրա կնոջը՝ Եկատերինային, ու տաքսու վարորդին ուղեղի ցնցումով և գանգուղեղային վնասվածքներով տեղափոխել են հիվանդանոց։

«Դուստրերը երևի չեն էլ տեսել վթարի պահն ու շարունակել են իրենց ճանապարհը դեպի կայարան», - գրում է պարբերականը:

Ի՞նչ վիճակում են Փաշինյանին ուղեկցող մեքենայի մասնակցությամբ վթարից տուժածները

Ավետիսյանն ունի վեց դուստր և երեք որդի։ Նրանք բոլորը երգում են «Բարի լուր» ընտանեկան համույթում։ 2012 թվականին հոգևորականին պարգևատրել են «Ծնողական փառքի» շքանշանով: Ավետիսյանը նաև դասավանդել է Գնեսինների անվան մանկական երաժշտական դպրոցում։ Գլխավորել է «Մոսկովսկիե կոլոկոլչիկի» մանկական երգչախումբն ու «Մոսկովսկիե կոլոկոլա» երիտասարդական երգչախումբը:

Նա ուժեղ հարվածում էր դռանը. ի՞նչ է հայտնի Կազանի դպրոցում տեղի ունեցած ողբերգության մասին

5
թեգերը:
վարորդ, վթար, հոգևորական, Մահ, Մոսկվա
Ըստ թեմայի
Դժբախտ պատահար Արմավիրում. տղամարդը մեքենան վարելիս հանկարծամահ է եղել
Էջմիածնում սպանված երիտասարդը մենակ չի եղել. ՔԿ–ն նոր մանրամասներ է հայտնում
Ադրբեջանցի բլոգեր Բայրամ Մամադովի դիակը հայտնաբերվել է Ստամբուլում