Գյումրիի դարբնությունը կներառվի ՅՈՒՆԵՍԿՕ-ի ցանկում. ի՞նչ է արվել այս ուղղությամբ

58
(Թարմացված է 14:24 15.04.2021)
Գյումրին հանրապետության միակ համայնքն է, որն այսօր էլ կենսունակ է պահում քաղաքային դարբնության ավանդույթները։

ԵՐԵՎԱՆ, 15 ապրիլի - Sputnik. ՀՀ կառավարությունը մտադիր է Գյումրիի դարբնությունը ներառել համաշխարհային ոչ նյութական մշակութային ժառանգության` ՅՈՒՆԵՍԿՕ-ի ցանկում։

Բայց ՅՈՒՆԵՍԿՕ դիմելուց առաջ ՀՀ կառավարությունը դեռ պետք է թարմացնի սեփական ոչ նյութական մշակութային ժառանգության արժեքների ցանկն ու համապատասխան փոփոխություն անի դրանում։

Բանն այն է, որ ՀՀ կրթության, գիտության, մշակույթի և սպորտի նախարարին կից ոչ նյութական մշակութային ժառանգության հարցերի մասնագիտական խորհուրդը դեռ 1 տարի առաջ` 2020 թ. մարտի 11-ին էր որոշել դիմել ՅՈՒՆԵՍԿՕ` «Գյումրիի դարբնության ավանդույթը» համաշխարհային արժեք ճանաչելու հարցով։

Որոշման նախագիծը կազմվել էր, մինչև 2020թ–ի օգոստոսը ներկայացվել հանրային քննարկման: Բայց չէր ընդունվել` պատերազմի պատճառով։

Եվ, ահա, կառավարությունը որոշել է թարմացնել մեկ տարի առաջ կիսատ մնացած գործը։ Այսօր ընդունած որոշմամբ, կառավարությունը հաստատեց Գյումրիի դարբնությունը ՀՀ ոչ նյութական մշակութային ժառանգության արժեքների ցանկում ներառելու որոշումը, որի հիման վրա հետագայում կկարողանա նույն հարցով դիմել նաև ՅՈՒՆԵՍԿՕ։

Հայկական դարբնոցային ավանդական տեխնոլոգիական հմտություններով այսօր ՀՀ տարբեր համայնքներում ու հատկապես Գյումրիում գործում են արհեստանոցներ, կան նաև դարբինների գերդաստաններ, որոնք անցյալում տարածված համքարությունների ավանդույթների կրողներն են։

«Հարցը ՅՈւՆԵՍԿՕ–ի դաշտում է». Վահրամ Դումանյանը` հայկական հուշարձանների ճակատագրի մասին

Գյումրին հանրապետության միակ համայնքն է, որն այսօր էլ կենսունակ է պահում քաղաքային դարբնության ավանդույթները։ Այն բացի կենցաղային գործառույթից՝ նաև գեղարվեստական առանձնահատկություններ ունի։

Գյումրեցի դարբինները պահպանում են ավանդական դարբնոցային տեխնոլոգիաներով աշխատելու սովորույթը և ավանդական տեխնոլոգիական հմտությունների կրողներն ու փոխանցողներն են։

58
թեգերը:
արհեստ, Գյումրի
Ըստ թեմայի
Արա Այվազյանն Արցախի հուշարձանների հարցը քննարկել է ՅՈՒՆԵՍԿՕ-ի գլխավոր տնօրենի հետ
ՅՈՒՆԵՍԿՕ-ն մտադիր է հնարավորինս սեղմ ժամկետում առաքելություն ուղարկել Արցախ
Ուտելիք, որը ՅՈւՆԵՍԿՕ-ի հոգածության տակ է․ հայկական լավաշից բացի ո՞ր մթերքներն են ցանկում
Նոր ավտոբուսներ

Հունիսի 17-ից նոր ավտոբուսները ևս երկու երթուղի կսպասարկեն Երևանում․ սրահում տեսահսկում կա

37
(Թարմացված է 21:06 16.06.2021)
Ավտոբուսից օգտվելու համար պետք է վճարել նստելիս։ Մետաղադրամ ընդունող սարքը վերցնում է միայն 100 դրամանոցներ։

ԵՐԵՎԱՆ, 16 հունիսի - Sputnik. Հունիսի 17-ից կոմպակտ դասի նոր ավտոբուսներով կվերսկսի աշխատանքը 46 համարի երթուղին, իսկ 22 համարի նոր երթուղին շահագործման կհանձնվի առաջին անգամ: Տեղեկությունը հայտնում է Երևանի քաղաքապետարանը։

Երթուղիների սպասարկումը կիրականացվի ժամը 7:30-ից մինչև 23:00-ն՝ հետևյալ ուղեգծերով.

22 երթուղի՝ Սպանդարյան կայարան -Սիլիկյան 4-րդ, 10-րդ փողոցներ - Սիլիկյան նոր խճուղի- Շիրազի- Գ.Հասրաթյան- Սեբաստիայի- Րաֆֆու փողոցներ- ՀԱԹ (Րաֆֆու-Զորավար Անդրանիկի փողոցների խաչմերուկ)։

46 երթուղի՝ Նազարբեկյան թաղամաս - Սիլիկյան նոր խճուղի - Շիրազի - Ջանիբեկյան - Աբելյան - Շինարարների - Արզումանյան - Հալաբյան - Կիևյան փ-ներ - Մարշալ Բաղրամյան - Մաշտոցի պ-ներ - Գր.Լուսավորչի - Ագաթանգեղոսի - Խանջյան - Վարդանանց - Ե.Քոչարի փ-ներ - Սրբ.Գր.Լուսավորիչ եկեղեցի:

Նշվում է, որ 46 համարի երթուղին արդեն ծանոթ է ուղևորներին, իսկ 22 երթուղին շահագործման կհանձնվի առաջին անգամ:

Քաղաքապետարանը հիշեցնում է, որ նոր ավտոբուսներում պետք է վճարել նստելիս։

«Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ», - ասվում է քաղաքապետարանի հայտարարության մեջ։

Նաև ասվում է, որ ավտոբուսի սրահը տեսահսկվում է՝ ուղևորների և ընդհանրապես, երթևեկության անվտանգության նկատառումներից ելնելով։ Վարորդները հատուկ համազգեստով են, հատուկ հրահանգավորված են երթևեկության ընթացքում չծխելու և հեռախոսով չխոսելու պահանջի մասին։

Հիշեցնենք, որ կոմպակտ դասի նոր ավտոբուսներով արդեն իսկ շահագործվում են Երևանի 6 երթուղիներ՝ 26, 38, 99, 74, 24, 47։

Ճանապարհորդիր USB–ով. Ռուսաստանից Հայաստան նոր երկաթուղային վագոններ են բերվել

37
թեգերը:
Տրանսպորտ, ավտոբուս, Երևան, Հայաստան
Ըստ թեմայի
Հայկ Մարությանն ուզում է հեռանալ քաղաքականությունից և Հայաստանից
Շուրջ 400 հազար դոլար են տնտեսել. Երևանի քաղաքապետարանը միայն LED լամպեր կգնի
Հայկ Մարությանը Դոնի Ռոստովի քաղաքապետի հետ համագործակցության հնգամյա ծրագիր է ստորագրել
Քայլի Ջեներն ու Թրևիս Սքոթը

«Մենք բոլորս սրան էինք սպասում». Քայլի Ջեներն ու Թրևիս Սքոթը կրկին միասին են. լուսանկար

26
(Թարմացված է 20:31 16.06.2021)
Քայլին ու Թրևիսը բաժանվել էին 2019-ի աշնանը։ Երկրպագուները երջանկացել են նրանց միանալը տեսնելով։

ԵՐԵՎԱՆ, 16 հունիսի - Sputnik. ԱՄՆ–ի ամենահարուստ կանանցից մեկը` հայկական արմատներ ունեցող հեռուստաաստղ Քիմ Քարդաշյանի քույրը՝ Քայլի Ջեները միացել է իր նախկին ընկերոջ` հայտնի ռեփեր Թրևիս Սքոթի հետ, որը նրա դստեր հայրն է։ Ջեներն Instagram–ում լուսանկար է հրապարակել, որում նա ռեփերի գրկում է։

View this post on Instagram

A post shared by Kylie 🤍 (@kyliejenner)

Զույգը միասին գնացել է Նյու Յորքում կայացած «Parsons Benefit» բարեգործական երեկոյին, նրանց ընկերակցել է նրանց 3-ամյա դուստրը՝ Սթորմի Վեբսթերսը։ Բարեգործական երեկոյի ընթացքում ռեփերը մրցանակի է արժանացել արվեստի ոլորտում ներդրման համար։

Իր շնորհակալական խոսքում նա հիշատակել է դստերը և Քայլիին։

«Սթորմի, ես սիրում եմ քեզ։ Իմ կին, քեզ ևս սիրում եմ»,- ասել է նա։

Երկրպագուները երջանկացել են նրանց միանալը տեսնելով։

«Մենք բոլորս սրան էինք սպասում», «Ձեզ շատ էինք կարոտել», «Այսպիսին պիտի լինի զույգը», գրում են նրանք։

Քայլին ու Թրևիսը բաժանվել էին 2019-ի աշնանը։

Քիմ Քարդաշյանի քույրը դարձել է 2020-ի ամենաբարձր վարձատրվող աստղը

26
թեգերը:
Լուսանկար, Քայլի Ջեներ
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Քարդաշյան քույրերն ու նրանց մայրը Բայդենին հորդորում են ճանաչել Հայոց ցեղասպանությունը
Ամառը չի եկել, բայց նրանք արդեն լողազգեստով են. աստղային հայուհիների կրքոտ լուսանկարները
Հայաստանում ԱՄՆ դեսպանատուն

Հայաստանում ԱՄՆ դեսպանատունն իր քաղաքացիներին զգոնության կոչ է արել

34
Նման կոչեր պարբերաբար հնչել են արցախյան 44–օրյա պատերազմից առաջ, ընթացքում և հետո։

ԵՐԵՎԱՆ, 16 հունիսի - Sputnik. Հայաստանում ԱՄՆ դեսպանատունը Facebook–ի էջում իր քաղաքացիներին զգոնության կոչ է արել։

«Հաջորդ երկու շաբաթվա ընթացքում ընտրություններին առնչվող ցույցեր կամ հանրահավաքներ կարող են տեղի ունենալ Երևանում և Հայաստանի այլ վայրերում: ԱՄՆ քաղաքացիները պետք է զգոնություն ցուցաբերեն, խուսափեն մարդկանց բազմությունից և մշտապես զգոն ու տեղյակ լինեն իրենց շրջապատից», - ասվում է հայտարարության մեջ։

Նշվում են ցանկալի գործողությունները՝ խուսափելը բաց տարածքներից և մարդկային բազմություններից, հետևելը տեղական լրատվամիջոցներին՝ թարմացումների համար, տեղեկացնելը անվտանգության մասին ընկերներին և ընտանիքին:

Աջակցության համար ԱՄՆ քաղաքացիները կարող են դիմել Երևանում ԱՄՆ դեսպանատուն։

Նշենք, որ նման զգոնության կոչեր ԱՄՆ դեսպանատան կողմից պարբերաբար հնչել են արցախյան 44–օրյա պատերազմից առաջ, ընթացքում և հետո։

Հիշեցնենք` հունիսի 20–ին Հայաստանում անցկացվելու են արտահերթ խորհրդարանական ընտրություններմ որոնց մասնակցելու հայտ է ներկայացրել 21 կուսակցություն և 4 դաշինք։ 

Հունիսի 7–ից մեկնարկել է նախընտրական քարոզարշավը, որը կավարտվի ընտրություններից մեկ օր առաջ` հունիսի 19–ին։

Բլինկենը ողջունել է 15 գերիներին Հայաստանին փոխանցելը և շնորհակալություն հայտնել Վրաստանին

34
թեգերը:
Ընտրություններ, դեսպանատուն, ԱՄՆ, Հայաստան
Ըստ թեմայի
ԱՄՆ–ն Լեռնային Ղարաբաղի հարցով գործակցում է Ռուսաստանի հետ. դեսպան
«Լսե՞լ ենք որևէ գերու վերադարձի մասին». մտավորականները նամակ ուղարկեցին ԱՄՆ դեսպանին
ԱՄՆ-ն պատրաստ է օգտակար լինել գերիների փոխանակման գործընթացում. դեսպան
Լևոն Տեր-Պետրոսյանն իր առանձնատանը ընդունել է ԱՄՆ դեսպանին