Հրթիռակոծված տուն հադրութում

Արցախի աջակցության 3 մեծ ծրագիր կա. փոխվարչապետը մանրամասներ ներկայացրեց

45
(Թարմացված է 14:03 15.04.2021)
Արցախի կառավարությանը տրամադրվել է շուրջ 6 մլրդ դրամի ֆինանսական աջակցություն՝ դրամաշնորհի և փոխառության տեսքով։

ԵՐԵՎԱՆ, 15 ապրիլի - Sputnik. Արցախի աջակցության 3 մեծ ծրագիր կա՝ սոցիալական աջակցության, բնակարանի ապահովման և վնասների հատուցման։ Ազգային ժողովի հերթական նիստի ժամանակ հայտնեց փոխվարչապետ Մհեր Գրիգորյանը։

«Արցախի աջակցության շուրջ 20 ծրագրերից մի մասը դեռ շարունակվում է։ Ընդհանուր առմամբ, Արցախին տրամադրվող աջակցության ծրագրերի շահառուների թիվը գերազանցում է 100 000-ը։ Արցախի կառավարությանը տրամադրվել է շուրջ 6 մլրդ դրամի ֆինանսական աջակցություն՝ դրամաշնորհի և փոխառության տեսքով»,–ասաց փոխվարչապետը` ներկայացնելով մանրամասներ։

Անհետ կորած զինծառայողների ընտանիքների ամսական 500 հազարական դրամ տրամադրելու աջակցության 6-ամսյա միջոցառման շրջանակում փաստացի վճարված գումարի ընդհանուր չափը կազմել է 1 մլրդ դրամ: Արդեն 600 ընտանիք ստացել է աջակցություն։ Իսկ խեղում ստացած զինծառայողների աջակցության միջոցառման շրջանակում 265 նույնականացված շահառու կա. 6 ամիս ամսական 100 000 դրամ դրամ պետք է տրամադրվի, և օգտագործված միջոցների չափը 200 մլն դրամ է:

Հյուրընկալ ընտանիքների աջակցության երկու ծրագրերով 6 ամսվա ընթացքում ամսական 30 000 դրամ ՀՀ–ի և հյուրանոցների, իսկ 40 000 դրամ՝ Արցախի դեպքում, հատուցում է հատկացվել 8410 շահառուի` ընդհանուր 1.1 մլրդ դրամի շրջանակներում։

Ուսումնական տարվա մեկ կիսամյակի ուսման վարձի 100 տոկոսի փոխհատուցման ծրագրի շրջանակում 4210 շահառու կա, իսկ փաստացի վճարվել է 900 մլն դրամ:

Մահացած քաղաքացիական անձանց և վիրավորում ստացածների ընտանիքներին աջակցության ծրագրով, ըստ որի` միանվագ տրամադրվում է 1-5 մլն դրամ, 56 շահառուի է օգնություն տրամադրվել։ Ընդհանուր գումարի չափը 200 մլն դրամ է կազմել։

Վիրավորում ստացած 6500 զինվորներին ընդհանուր առմամբ 3.3 մլրդ դրամ է տրամադրվել։

Պատերազմում ծանր վիրավորված զինծառայողի բուժումը կարող է արտերկրում կազմակերպվել

Իսկ Սյունիքի մարզի Շուռնուխ և Որոտան համայնքների բնակիչներին տրամադրվող աջակցության ծրագրի շրջանակում 35 ընտանիք է շահառու համարվել, որոնց ընդհանուր առմամբ 15 մլն դրամ է վճարվել:

Արցախում հաշվառված կանանց և երեխաներին տրամադրվող աջակցության շրջանակներում 77 420 անձի ընդհանուր առմամբ 5.3 մլրդ դրամ է վճարվել։

45
թեգերը:
փոխվարչապետ, օգնություն, Արցախ
Ըստ թեմայի
«Մենք սպասում ենք նրանց». բողոքի ակցիա` ՄԱԿ–ի գրասենյակի և ՌԴ դեսպանատան առջև
Ոստիկանության զորքերում կգործի ԳՇ–ի սկզբունքը. պետին կնշանակի նախագահը`վարչապետի առաջարկով
Պուտինն ու Լուկաշենկոն քննարկել են Արցախի թեման
Շտապօգնության ավտոմեքենաներ

Սիսիանում ևս 3 հոգու են հոսպիտալացրել

35
(Թարմացված է 18:32 14.05.2021)
Աղիքային վարակներին բնորոշ ախտանշաններ ունեցող 373 անձինք մինչև 18 տարեկան են։

ԵՐԵՎԱՆ, 14 մայիսի – Sputnik. Մայիսի 14-ի դրությամբ` Սիսիանի բժշկական կենտրոնից դուրս է գրվել 1 հիվանդ: Նույն օրը բակային համայցի արդյունքում հայտնաբերվել է աղիքային ախտանշաններով ևս 32 բնակիչ, որից 3-ը հոսպիտալացվել են: Տեղեկությունը հայտնում է ՀՀ առողջապահության նախարարությունը։

Սիսիան համայնքում ընդհանուր առմամբ արձանագրվել է աղիքային վարակներին բնորոշ ախտանշաններով 402 դեպք։ Այդ ախտանշաններն ունեցող անձանցից 373-ը մինչև 18 տարեկան են, իսկ 29-ը՝ մեծահասակ: Բոլոր հիվանդների մոտ աղիքային վարակիչ հիվանդություններին բնորոշ ախտանշաններ եղել են դեռևս բռնկման օրվանից։

Այժմ Սիսիանի բժշկական կենտրոնում 9 հիվանդ կա, բոլորի վիճակը գնահատվում է բավարար՝ դրական շարժընթացով:

Շարունակաբար կատարվում է ջրի նմուշառում։ Հետազոտության արդյունքում արձանագրվել է ջրի որակի բարելավում, սակայն որոշ հատվածներում ջրի որակը դեռևս չի համապատասխանում սահմանված նորմերին։

Հիշեցնենք` մայիսի 12-ին ՀՀ առողջապահության նախարարությունը հայտնել էր, որ 2021 թվականի մայիսի 9-ից 11-ն ընկած ժամանակահատվածում աղիքային վարակիչ հիվանդությունների ախտանշաններով Սիսիանի բժշկական կենտրոն է դիմել 13 բնակիչ, որոնցից 5-ը հոսպիտալացվել են։ Համաճարակաբանական հետազոտությունների շրջանակում ՀՀ ԱՆ հիվանդությունների վերահսկման և կանխարգելման ազգային կենտրոնի մասնագետները մայիսի 11-ին իրականացրել են բակային համայցեր, ինչի արդյունքում հայտնաբերվել է աղիքային վարակիչ հիվանդություններին բնորոշ ախտանշաններոով ևս 199 բնակիչ:

Բնակիչների մեծամասնությունն ունեցել է նույն գանգատները՝ փսխում, լուծ, թուլություն և ջերմաստիճանի բարձրացում մինչև 38°C:

Սիսիանում աղիքային վարակներին բնորոշ ախտանշաններով դեպքերի թիվը հասել է 370–ի

Համաճարակաբանական հետազոտությունների ընթացքում պարզվել է, որ դեպքերին նախորդել է վթար բնակավայրի ջրամատակարարման համակարգում, որի վերացման ուղղությամբ իրականացվել են աշխատանքներ:

Լաբորատոր հետազոտությունների նպատակով իրականացվել է բնակավայրի խմելու ջրի և հիվանդների կենսանմուշների նմուշառում։

«Հնարավոր չէ». Սիսիանի ԲԿ–ի տնօրենը` ադրբեջանցիների կողմից ջրի թունավորման լուրերի մասին

35
թեգերը:
հիվանդանոց, Սիսիան, Հայաստան
Արխիվային լուսանկար

Ի՞նչ է կատարվում Գեղարքունիքի մարզի Կութ և Վերին Շորժա գյուղերում. պատմում են բնակիչները

207
(Թարմացված է 18:03 14.05.2021)
Երկու գյուղերն էլ սահմանակից են արցախյան վերջին պատերազմից հետո ադրբեջանական վերահսկողության տակ անցած տարածքներին։ Գյուղերի բնակիչները հակասական տեղեկություններ են հայտնում։

ԵՐԵՎԱՆ, 14 մայիսի - Sputnik. Ադրբեջանցիները չեն հատել Գեղարքունիքի մարզի Կութ գյուղի տարածքով անցնող ՀՀ պետական սահմանը։ Այս մասին Sputnik Արմենիայի հետ զրույցում ասաց Կութի գյուղապետը Սիմա Չիթչյանը։

Գյուղի և ադրբեջանական վերահսկողության տակ անցած տարածքների միջև հեռավորությունը կազմում է 4,5 կմ։ Ավելի վաղ լրատվամիջոցներում տեղեկություն էր հայտնվել, որ այդ հատվածում ադրբեջանցի զինծառայողները հատել են սահմանը:

«Եկել ենք գործուղման». ռուս զինվորականները Սյունիքում են

«Մենք դեռ մայիսի 12-ին նկատեցինք, որ ադրբեջանցի զինծառայողներն առաջ են շարժվել։ Սակայն հայերի և ադրբեջանցիների միջև որևէ բախում չի եղել, ադրբեջանական կողմը չի սպառնացել և չի ահաբեկել մեր գյուղի բնակիչներին։ Այժմ մարզի ղեկավարությունը և իրավասու մարմինները բանակցություններ են վարում բուֆերային գոտի ստեղծելու համար։ Սպասում ենք բանակցությունների ավարտին»,- ասաց նա:

Չիթչյանը նշեց, որ գյուղում խուճապ չկա, բայց համայնքի բնակիչները գերադասում են անասուններին արոտավայր չտանել, քանի որ երկու օր առաջ ադրբեջանցի զինծառայողները գյուղի հովվին զգուշացրել են, որ «այդ կողմերում չերևա»:

Մինչդեռ Վերին Շորժայի բնակիչները պնդում են, որ ադրբեջանական զինուժը ոչ թե սահմանին է, այլ առաջ է շարժվել և ներթափանցել ՀՀ տարածք: Գյուղացիները չեն հասկանում, թե ինչ է կատարվում, բայց տեղյակ են բանակցությունների մասին, որոնցում ներգրավված է նաև Գեղարքունիքի մարզպետ Գնել Սանոսյանը։ Նրա հետ կապ հաստատել առայժմ չի ստացվում։

Նշենք, որ Aravot.am-ի հետ զրույցում Վարդենիսի քաղաքապետ Արամ Մելքոնյանը հայտնել էր, որ ադրբեջանցիները գտնվում են Վերին Շորժայից մի քանի կիլոմետր հեռավորության վրա: Նրա խոսքով՝ օրվա երկրորդ կեսին հակառակորդը 20 հոգանոց խմբերով առաջ է շարժվել, սակայն հայ զինծառայողները վերահսկում են իրավիճակը և գիտեն, թե սահմանի որ հատվածը քանի ադրբեջանցի է հատել։

«Խնդիրն այստեղ այլ է: Քանի որ հրադադար է, այդ մարդկանց արգելելու որևէ ձև չկա, երբ տեսանք, որ ադրբեջանցին մեր հողում է՝ հասկացանք՝ որևէ հրաման չկա՝ ոնց կանգնեցնեն այդ մարդկանց»,- պատմել է նա:

Մելքոնյանը հավելել է, որ երկրորդ բանակային կորպուսի ղեկավարությունն ու վարչակազմի ներկայացուցիչները ադրբեջանական կողմին զգուշացրել են` թեկուզ մեկ մետրով առաջ շարժվելու դեպքում կոշտ միջոցների կդիմեն: Ադրբեջանցի զինծառայողների գործողությունները նա որակել է սադրանք և կոչ արել չտրվել դրանց։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

207
թեգերը:
Սահման, Կութ, ադրբեջանցի, Գեղարքունիքի մարզ
Ըստ թեմայի
Ադրբեջանն ԱՄՆ-ին տեղեկացրել է, որ բանակցում է Հայաստանի հետ
Փաշինյանն ու Ալիևը համաձայնությա՞ն են եկել. Սյունիքի նախկին մարզպետը` իրավիճակի մասին
Վաղարշակ Հարությունյանն ու ՌԴ պաշտպանության նախարարը քննարկել են Սյունիքի թեման
Մակրոնն ու Փաշինյանը

Ֆրանսիան պատրաստ է ռազմական աջակցություն ցուցաբերել Հայաստանին. Նիկոլ Փաշինյան

0
(Թարմացված է 20:06 14.05.2021)
Էմանուել Մակրոնն ասել է, որ դիտարկում է Սյունիքի սահմանների հարցի տեղափոխումը ՄԱԿ–ի անվտանգության խորհուրդ։

ԵՐԵՎԱՆ, 14 մայիսի – Sputnik. Ֆրանսիայի նախագահ Էմանուել Մակրոնը հայտնել է, որ Ֆրանսիան պատրաստ է նաև ռազմական օգնություն տրամադրել Հայաստանին։ ԱԺ արտահերթ նիստի ժամանակ այդ մասին հայտարարեց վարչապետի պաշտոնակատար Նիկոլ Փաշինյանը։

«Երեկ ես հեռախոսազրույց ունեցա Ֆրանսիայի նախագահի հետ, և Մակրոնի դիրքորոշումը նույնպես եղել է միանշանակ։ Ավելին, նա ասել է, որ դիտարկում է հարցի տեղափոխումը ՄԱԿ–ի անվտանգության խորհուրդ։ Ասել է, որ անվտանգության ՄԱԿ–ի մանդատով, ըստ անհրաժեշտության, Ֆրանսիան պատրաստ է նաև ռազմական աջակցություն ցուցաբերել հարցի կարգավորման միջազգային ջանքերին»,–ասաց Փաշինյանը։

Նա հավելեց` կարևոր է, որ այս թեմայով անվտանգության խորհրդի մշտական անդամները միմյանց հետ հաղորդակցության մեջ լինեն։ Փաշինյանը հավելեց` Հայաստանը հետևում է այդ գործընթացներին։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Արդբեջանի կողմից դեվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Պետք է պատրաստ լինենք հնարավոր վատ զարգացումներին. Ավինյանը` Սյունիքի մասին

0
թեգերը:
Էմանուել Մակրոն, Նիկոլ Փաշինյան, Ֆրանսիա, Հայաստան
Ըստ թեմայի
Սև լիճը ՀՀ հարավային ամենանեղ հատվածում է. Փաշինյանը բացահայտել է Ադրբեջանի նպատակը
ՀԱՊԿ–ով գործարկել ենք մեխանիզմ, որը քաղաքական և ուժային լուծում է նախատեսում. Փաշինյան
Ադրբեջանցիների հետ բանակցություններն ընդհատվել են. Փաշինյան