Նազիկ Ամիրյան

Նազիկ Ամիրյանը մտնում է քաղաքականություն

301
(Թարմացված է 11:06 09.04.2021)
Ապրիլի 8-ին Երևանի ընդհանուր իրավասության դատարանում Նազիկ Ամիրյանի գործով դատական նիստը հետաձգվել էր՝ նրա վատառողջ լինելու պատճառաբանությամբ։

ԵՐԵՎԱՆ, 9 ապրիլի - Sputnik. Ապրիլի 17-ին տեղի է ունենալու «5-րդ բրիգադ» հասարակական կազմակերպության հիմնադիր համագումարը: Կազմակերպությունը ստեղծում է ԵԿՄ նախկին նախագահ, հանգուցյալ Մանվել Գրիգորյանի կինը՝ Նազիկ Ամիրյանը: Տեղեկությունը Sputnik Արմենիային հայտնեց նորաստեղծ ՀԿ-ի անդամ Գուրգեն Գրիգորյանը։

Համագումարը տեղի է ունենալու «Առնո Բաբաջանյան» համերգասրահում՝ հանդիսավոր պայմաններում:

Հավելենք, որ Նազիկ Ամիրյանի հանգուցյալ ամուսինը՝ գեներալ Մանվել Գրիգորյանը, Արցախյան առաջին պատերազմի ժամանակ ղեկավարում էր Հինգերորդ բրիգադը:

Ավելի վաղ տեղեկացրել էինք, որ նոր ձևավորվող կառույցում անդամագրվողների մեծ հոսք կա, այդ թվում՝ ԵԿՄ-ից։

Նշենք նաև, որ ապրիլի 8-ին Երևանի ընդհանուր իրավասության դատարանում Նազիկ Ամիրյանի գործով դատական նիստը հետաձգվել էր՝ նրա վատառողջ լինելու պատճառաբանությամբ։

Նազիկ Ամիրյանը վատառողջ է. նրա դեմ հարուցված քրգործով նիստը հետաձգվեց

301
թեգերը:
համագումար, Նազիկ Ամիրյան
Ըստ թեմայի
Նազիկ Ամիրյանն առողջ է, բայց ներկա չէր նիստին. դատական նիստը հետաձգվեց
Մանվել Գրիգորյանի կինը կոնտր-ԵԿՄ է ստեղծում. «Հրապարակ»
Մանվել Գրիգորյանի աներորդուն վրաերթի ենթարկած վարորդը հայտնաբերվել է
Էլեկտրագնացք

Երևան-Գյումրի-Երևան երթուղու արագընթաց էլեկտրագնացքները վերսկսում են ուղերթերը

52
(Թարմացված է 17:15 20.04.2021)
Մայրաքաղաքից Գյումրի մեկնող արագընթաց էլեկտրագնացքների ուղերթերի ժամանակացույցը չի փոխվել։

ԵՐԵՎԱՆ, 20 ապրիլի – Sputnik. Երևան-Գյումրի-Երևան երթուղու ԷՊ2Դ արագընթաց էլեկտրագնացքները վերսկսում են իրենց աշխատանքը: Տեղեկությունը հայտնում է «Հարավկովկասյան երկաթուղի» ընկերությունը։

«Ժամանակացույցն անփոփոխ է. Երևանից արագընթացները կմեկնեն ամեն ուրբաթ, շաբաթ և կիրակի` ժամը 09:15-ին, Գյումրիից՝ 17:55-ին»,– հիշեցնում է ՀԿԵ–ն:

Այսուհետ ուղևորները կարող են գնել տոմսերը նաև առցանց՝ տեղերն ամրագրելով railway.am կայքում։

Հիշեցնենք` արագընթաց էլեկտրագնացքների ուղերթերը ժամանակավորապես կասեցվել էին տեխնիկական պատճառներով։

Երևանում դաժանաբար սպանված Համբարձում Ղանդիլյանի անունով էլեկտրաքարշ գործարկվեց

Նոր վագոններ մայիսից, էլեկտրագնացքներ` օգոստոսից. «Հարավկովկասյան երկաթուղին» կհամալրվի

52
թեգերը:
Գյումրի, Գնացք, Հայաստան
Ռոմանոս Պետրոսյանը ծառ է տնկում

Ինչպես մասնակցել ապրիլի 25-ի համապետական ծառատունկին․ ծրագրի մանրամասները

23
(Թարմացված է 16:55 20.04.2021)
Նախատեսվում է Հայաստանի ողջ տարածքում տնկել 300.000 ծառ։ Յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

ԵՐԵՎԱՆ, 20 ապրիլի – Sputnik. Ապրիլի 25-ին «10 մլն ծառ» նախաձեռնության շրջանակում Հայաստանի Հանրապետության ողջ տարածքում կիրականացվի համապետական ծառատունկ։

Խոստացված 10 միլիոն ծառից ևս 1000–ը տնկվեցին. ապրիլի 25-ը համապետական ծառատունկի օր կլինի

Հայաստանում կայանալիք ծառատունկին մասնակցելու համար պետք է դիմել տեղական ինքնակառավարման մարմինների հատուկ բաժիններին։ Շրջակա միջավայրի նախարար Ռոմանոս Պետրոսյանը հրապարակել է հեռախոսահամարներ՝ ամեն մարզի համար։

Նախատեսվում է Հայաստանի ողջ տարածքում տնկել 300.000 ծառ։

Արագածոտնի մարզ – 7000 տնկի,

Մասնակցել  ցանկացողները կարող են զանգահարել Արագածոտնի մարզպետարան +374 232 3 30 25

Արարատի մարզ- 7000 տնկի,

Մասնակցել  ցանկացողները կարող են զանգահարել Արարատի մարզպետարան  +374 235  2 51 09

Արմավիրի մարզ – 6000 տնկի,

Մասնակցել  ցանկացողները կարող են զանգահարել Արմավիրի մարզպետարան +374 237  2 38 50

Գեղարքունիքի մարզ –8000 տնկի,

Մասնակցել  ցանկացողները կարող են զանգահարել Գեղարքունիքի մարզպետարան +374 60 65 06 24

Կոտայքի մարզ – 10.000 տնկի,

Մասնակցել ցանկացողները կարող են զանգահարել  Կոտայքի մարզպետարան  +374 223 2 32 40

Լոռու մարզ-7000 տնկի,

Մասնակցել ցանկացողները կարող են զանգահարել Լոռու մարզպետարան + 374 322 4 30 99

Շիրակի մարզ – 10.000 տնկի,

Մասնակցել  ցանկացողները կարող են զանգահարել Շիրակի մարզպետարան + 374  312 4 90 00/115

Սյունիքի մարզ – 7000 տնկի,

Մասնակցել  ցանկացողները կարող են զանգահարել Սյունիքի մարզպետարան +374 285  4 42 93

Տավուշի մարզ – 6000 տնկի,

Մասնակցել ցանկացողները կարող են զանգահարել Տավուշի մարզպետարան +374 263 4 22 40

Վայոց Ձորի մարզ – 7000 տնկի,

Մասնակցել ցանկացողները կարող են զանգահարել Վայոց ձորի մարզպետարան  +374 281 2 30 50։

Ամենաշատ ծառերը տնկվելու են մայրաքաղաք Երևանում՝ 25 հազար տնկի։ Եվս 200 հազար տնկի նախարարությունը նախատեսել է պետական կառավարման և տեղական ինքնակառավարման մարմինների, հանրակրթական հաստատությունների ու այլ գերատեսչությունների հետ համատեղ բոլոր մարզային անտառտնտեսությունների տնկարկներում տնկելու համար։

Պետրոսյանը նշում է, որ յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

Ծառատունկի մասին մանրամասներ իմանալու կամ մասնակցության համար կարելի է զանգահարել նաև Շրջակա միջավայրի նախարարության Անտառային կոմիտե՝  հեռ․՝ (010) 65 17 38, էլ հասցե՝  info@forestcommittee.am։

Հիշեցնենք` 2019թ-ին հայտարարվել էր, որ մինչև 2020 թվականի հոկտեմբերի 10-ը Հայաստանում 10 մլն ծառ է տնկվելու: Քանի որ վերջին 30 տարում Հայաստանում անտառները զգալիորեն տուժել են անխնա ծառահատումների պատճառով, վարչապետը կարգադրել էր ուշադիր հետևել անտառների պահպանությանը։

2020 թ-ի ապրիլի 13-ին ՀՀ շրջակա միջավայրի նախարարությունը տեղեկացրել էր, որ, հաշվի առնելով նոր կորոնավիրուսի տարածման հետևանքով ստեղծված իրավիճակը և հնարավոր առողջապահական ռիսկերը` որոշում է կայացվել 10 մլն ծառ տնկելու ծրագրի ժամկետը տեղափոխել 2021թ.-ի վերջ:

23
թեգերը:
Ռոմանոս Պետրոսյան, Շրջակա միջավայրի նախարարություն, Հայաստան, ծառատունկ, ծառ
Ըստ թեմայի
«Եռաբլուրը» ծառապատվում է, նախարարը մասնակցում է ծառատունկին
Կանաչ սահման` 95–ամյակին. Գյումրիում զինվորներն ու հրամանատարները տոնական ծառատունկի էին
Երկու մլն տնկին արդեն գտել են. նախարար Գրիգորյանը պատմում է 10 միլիոնանոց ծառատունկի մասին
Արա Այվազյան

Արա Այվազյանը զրուցել է Արաբական Միացյալ Էմիրությունների իր գործընկերոջ հետ

0
(Թարմացված է 18:07 20.04.2021)
Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

ԵՐԵՎԱՆ, 20 ապրիլի - Sputnik․ ՀՀ ԱԳ նախարար Արա Այվազյանը հեռախոսազրույց է ունեցել ԱՄԷ արտաքին գործերի և միջազգային համագործակցության նախարար Աբդալլահ բին Զայեդ Ալ Նահյանի հետ: Այս մասին տեղեկացնում է ԱԳ կայքը։

Զրուցակիցներն անդրադարձել են նախարար Այվազյանի՝ ԱՄԷ աշխատանքային այցի շրջանակներում ձեռք բերված պայմանավորվածությունների իրականացման ընթացքին, մտքեր են փոխանակել փոխադարձ հետաքրքրություն ներկայացնող ոլորտներում համագործակցությանն առնչվող հարցերի շուրջ: Քաղաքական երկխոսության ընդլայնմանն ուղղված քայլերի համատեքստում երկուստեք ընդգծվել է փոխայցելությունների և գերատեսչությունների միջև խորհրդատվությունների անցկացման կարևորությունը:

Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

Նշենք, որ Հայաստանի Հանրապետության և Արաբական Միացյալ Էմիրությունների միջեւ դիվանագիտական հարաբերությունները հաստատվել են 1998-ի հունիսին։ 2015-ից Հայաստանում գործում է Արաբական Միացյալ Էմիրությունների դեսպանությունը։

Արա Այվազյանը Մոսկվայում խոսել է Ադրբեջանի ռազմական հանցագործությունների ու գերիների մասին

2018-ի հոկտեմբերից Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան է Մհեր Մկրտումյանը։ 2019-ի փետրվարից ՀՀ-ում ԱՄԷ դեսպանն է Մուհամմադ Ալ Զաաբիին։

Հայաստանը ԱՄԷ-ից ներմուծում է ներկանյութեր, շինանյութ, հրուշակեղեն, պլաստմասե իրեր, կահույք, էլեկտրատեխնիկա, տրանսպորտային միջոցներ եւ այլն, իսկ արտահանում է պղինձ, ալյումին ու մարգարիտ։

0
թեգերը:
Արաբական միացյալ էմիրություններ (ԱՄԷ), Հայաստան, Արա Այվազյան
Ըստ թեմայի
Արա Այվազյանը մեկնաբանել է ԱԽ քարտուղարի սկանդալային հայտարարությունը
Արա Այվազյանն աշխատանքից չի ազատվելու
Արա Այվազյանն անհապաղ լուծում պահանջող հարցերի մասին է խոսել Պոլ Ռիչարդ Գալագերի հետ