Արխիվային լուսանկար

Գերիների հարազատները Շիրակի մարզում ճանապարհներ են փակել

557
(Թարմացված է 12:21 09.04.2021)
Փակ են ինչպես Երևան-Գյումրի մայրուղու Հոռոմի հատվածը, այնպես էլ Ջաջուռի ու Աշոցքի ճանապարհները:

ԵՐԵՎԱՆ, 9 ապրիլի - Sputnik. Շիրակի մարզի գերիների հարազատները փակել են մարզ տանող բոլոր ճանապարհները:

Այս տեղեկությունը Sputnik Արմենիայի հետ ունեցած զրույցի ժամանակ հաստատեցին հարազատները փաստելով՝ փակ է ինչպես Երևան-Գյումրի մայրուղու Հոռոմի հատվածը, այնպես էլ Ջաջուռի ու Աշոցքի ճանապարհները:

«Մեր պահանջը միայն մեկն է՝ մեր հարազատների վերադարձ, այլ պահանջ մենք չունենք»,-նշեց ճանապարհը փակածներից մեկը՝ հորդորելով հարցը չքաղաքականացնել։

Հիշեցնենք, որ ապրիլի 8-ից մինչ հիմա նույն պահանջով անհետ կորածների ու գերիների հարազատները շրջափակած են պահում Պաշտպանության նախարարության վարչական տարածքը։

Ըստ ոչ պաշտոնական տվյալների՝ Ադրբեջանում կա մոտ 300 գերի։ Ադրբեջանական կողմը, սակայն, պնդում է, որ բոլոր գերիներին (72 մարդ) ինքը վերադարձրել է, իսկ Բաքվում գտնվող հայերը «ահաբեկիչներ» ու «վարձկաններ» են, քանի որ գերեվարվել են նոյեմբերի 9-ի հրադադարի հաստատումից հետո։

557
թեգերը:
Շիրակի մարզ, Ճանապարհ, գերի
Ըստ թեմայի
Ռազմագերիների հարցը շարունակում չկարգավորված մնալ․ Փաշինյանը՝ Պուտինին
Ադրբեջանը փորձում է գերիներին չվերադարձնելու արդարացում փնտրել. Աննա Նաղդալյան
Ինքնաթիռը եկավ առանց գերիների. Ադրբեջանից հայ ռազմագերիներ չեն վերադարձել
Սեպտեմբերի 1

ԿԳՄՍՆ–ն հրապարակել է առաջին դասարանցիների հայտագրման հաջորդական քայլերն ու ժամկետները

1
(Թարմացված է 15:53 22.04.2021)
Յուրաքանչյուր ծնող աշխարհի ցանկացած վայրից կարող է իր երեխային առցանց համակարգով գրանցել պետական հանրակրթական դպրոցներում։

ԵՐԵՎԱՆ, 22 ապրիլի – Sputnik. 2021-22 ուսումնական տարում առաջին դասարանցիների ընդունելությունը ՀՀ պետական հանրակրթական այն դպրոցներում, որոնք տվյալ բնակավայրում միակը չեն, կրկին կատարվելու է hayt.emis.am առցանց համակարգի միջոցով։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը և ներկայացնում հայտագրման փուլերը։

1-ին փուլ

Մայիսի 3-ին՝ առավոտյան ժամը 9:00-ից սկսած, ծնողներն իրենց անձնական տվյալների առկայությունն ու ճշգրտությունը պետք է ստուգեն՝ մուտք գործելով stugum.emis.am կայք։ Այդտեղ բացվում է երկու դաշտ, որոնցում պետք է մուտքագրվի ծնողի և երեխայի հանրային ծառայությունների համարանիշը: Եթե ծնողը մուտքագրել է հանրային ծառայությունների համարանիշը, սակայն ստացել է պատասխան` «Համակարգը չի հայտնաբերել ծնող-երեխա կապը» (որն ավտոմատ պետք է բերվեր Քաղաքացիական կացության ակտերի գրանցման գործակալության տվյալների բազայից), ապա ծնողին կառաջարկվի կայքում համապատասխան կոճակին սեղմելու միջոցով տվյալները փոխանցել ՔԿԱԳ, որպեսզի դրանք թվայնացվեն։

2-րդ փուլ

Հունիսի 1-ից՝ ժամը 9։00-ից սկսած, hayt.emis.am կայքում կմեկնարկի բուն հայտագրման գործընթացը՝ ըստ սահմանված առաջնահերթության։

Հունիսի 1-10-ն ընկած ժամանակահատվածում կհերթագրվեն հետևյալ հայտատուները՝

  • 1-ին դասարան գնացող երեխայի ծնողներից մեկը տվյալ դպրոցի աշխատակից է,
  • 1-ին դասարան գնացող երեխան ունի տվյալ դպրոցում արդեն սովորող հարազատ քույր կամ եղբայր:

3-րդ փուլ

Հունիսի 11-ից՝ ժամը 9։00-ից սկսած, կկարողանան գրանցվել նրանք, ովքեր չեն համապատասխանում վերոնշյալ երկու կետերին: Համապատասխան դպրոցում լիցենզիայով սահմանված տեղերը լրանալուց հետո առցանց համակարգը տվյալ դպրոցում գրանցման հնարավորություն չի տալիս: Միաժամանակ քաղաքացին կարող է համակարգի միջոցով խմբագրում կատարել իր ներկայացրած հայտում` փոխելով ընտրած դպրոցը և հայտագրելով այլ հանրակրթական դպրոց:

Հունիսի 11-ից համակարգը բաց է լինելու ողջ ուսումնական տարվա ընթացքում։

Ի՞նչ անել, եթե գտնվում եք արտերկրում

Յուրաքանչյուր ծնող աշխարհի ցանկացած վայրից կարող է իր երեխային առցանց համակարգով գրանցել պետական հանրակրթական դպրոցներում` առաջին դասարան հաճախելու համար. համակարգը բոլորի համար ապահովում է մեկնարկային հավասար պայմաններ:

Եթե ունեք անհրաժեշտ փաստաթղթեր, ապա կարող եք գրանցվել նաև արտերկրից, իսկ եթե փաստաթղթերի, մասնավորապես հանրային ծառայության համարանիշ ստանալու խնդիր ունեք, ապա գործընթացը կարող եք կազմակերպել լիազորագրով` անձնագրի և ծննդյան վկայականի նոտարական վավերացմամբ պատճենների առկայությամբ: Հայաստանում գտնվող օտարերկրյա քաղաքացիների ու նրանց երեխաների համար նույնպես հանրային ծառայությունների համարանիշը պարտադիր է․ այն տրամադրվում է անձնագրային բաժիններում հաշվառվելու դեպքում:

Հայաստանում «բեյբի բում» չի՞ լինի. նախարարի խորհրդականն ասաց` ինչ ծրագրեր են սպասվում

1
թեգերը:
Կրթության, գիտության, մշակույթի և սպորտի նախարարություն (ԿԳՄՍ), դպրոց, Հայաստան
Քրիստինե Պեպելյան

Կարևորը մոմն է, որը «սքոչել են» ձմերուկին. Քրիստինե Պեպելյանը նշում է ծննդյան 41-ամյակը

33
(Թարմացված է 14:49 22.04.2021)
Ճանաչված երգչուհու ծննդյան օրը նրա ընկերուհին զվարճալի անակնկալ է մատուցել, որը ուրախացրել է բոլորին։

ԵՐԵՎԱՆ, 22 ապրիլի –Sputnik. Ճանաչված երգչուհի Քրիստինե Պեպելյանն այսօր նշում է իր  ծննդյան 41-ամյակը: Նշենք, որ երգչուհի Քրիստինե Պեպելյանը մշտական բնակություն հաստատել ԱՄՆ-ում:

Ծննդյան տոնի առթիվ, երգչուհին զվարճալի տեսանյութ  է հրապարակել Instagram-ի իր էջի «story»– ի բաժնում։

Տեսանյութում երևում է, որ երգչուհուն յուրահատուկ անակնկալ է արել ընկերուհին` Անի Աղայանը։ Նա  մի ձմերուկ է գնել, որի վրա կպչուն ժապավենով վառվող մոմ է ամրացրել։

«Այս տարի, իմ ծննդյան տարեդարձին, ես տորթ չունեմ, դե հիմա այդպես է ստացվել, բայց ո՞վ է ասում, որ տորթն է կարևոր, կարևորը մոմն է, որը «սքոչել են» ձմերուկին։ Միայն Անին կարող էր այսպիսի բան մտածել։ Հիմա ձեզ մոտ հարց կառաջանա, մի թե ողջ Լոս Անջելեսում մեկ հատ տորթ չկա՞ր, ոչ, այս ժամին չկար», – կատակում է երգչուհին, այնուհետև երգում «Happy birthday to me» երգն ու փչում մոմը։

Կյանքս կյանքիդ գնով. Քրիստինե Պեպելյանի հուզիչ երգը ընկած տղաների հիշատակին

Չնայած երգչուհին հյուրախաղերով և համերգներով եղել է աշխարհի բազմաթիվ երկրներում, նախընտրել է բնակվել Լոս Անջելեսում։

Երգչուհին թողարկել է «Որ հիշես» (2004թ.), «About me» (2005թ.), «Live in concert» (2006թ.), «Շնորհակալ եմ» (2013թ.) ձայնասկավառակները և 2 տեսասկավառակ: Նկարահանել է ավելի քան 20 տեսահոլովակ:

33
թեգերը:
Լոս Անջելես, տորթ, ձմերուկ, ծնունդ, Քրիստինե Պեպելյան
Ըստ թեմայի
«Ամուսինս Արցախում է. ո՛չ մեկնելուց ենք գրել, ո՛չ էլ սպասել է, որ իրեն կանչեն». Սիրուշո
Ինչ է պատրաստել Նազենի Հովհաննիսյանն այսօր. դերասանուհին պահքի ուտեստներ է ներկայացրել
Նազենի Հովհաննիսյանն առաջին անգամ խմորեղեն է թխել, Սոֆի Մխեյանն էլ նկարել է. տեսանյութ