Հրազդան գետը

Ոչ թե թքած ունեն, այլ ավելի վատ․ Երևանի կեղտաջրերն անարգել թափվում են Հրազդան գետը

195
(Թարմացված է 09:47 09.04.2021)
Երևանի բոլոր կոյուղաջրերը գրեթե առանց մաքրման թափվում են Հրազդան գետը։ Խնդիրը մասամբ կարող էր լուծել նոր կայանը։ Այն կառուցվել է Ֆրանսիայի կառավարության դրամաշնորհով, սակայն արդեն երեք տարի է, ինչ չի գործում և շարքից դուրս է գալիս բաց երկնքի տակ։

ԵՐԵՎԱՆ, 8 ապրիլի - Sputnik, Արամ Գարեգինյան․ Երևանի համար կեղտաջրերի մաքրման նոր կայանն արդեն երեք տարի է պատրաստ է, բայց մինչ օրս չի շահագործվում։ Արդյունքում միլիոնավոր բնակչություն ունեցող քաղաքի բոլոր թափոնները լցվում են Հրազդան գետը գրեթե առանց մաքրման։ Տուժում են քաղաքամերձ և Արարատի մարզի տասնյակ գյուղեր։

Խորհրդային տարիներին այդ հոսքերը մաքրվում էին Երևանի Աէրացիայի մաքրման կայանում։ ԽՍՀՄ-ի փլուզումից հետո կայանը չի գործում։ Այդ պատճառով 2008 թվականին ՀՀ կառավարությունը դրամաշնորհի համար դիմեց Ֆրանսիայի կառավարությանը, որի միջոցներով էլ կառուցվեց նոր կայանը։ Խնդրեցին, կայանը ստացան, բայց այդպես էլ չգործարկեցին։

«Այն ոչ միայն կանգնած է, այլև մաշվում է։ Չէ՞ որ որոշ մասեր բաց երկնքի տակ են»,- Sputnik Արմենիայի թղթակցի հետ զրույցում նշեց «Ջինջ» ընկերության (նոր կայանի նախագծի մասնակիցներից մեկը) գլխավոր տնօրեն Էդուարդ Մեսրոպյանը։

Նոր կայանը թույլ կտա իրականացնել ջրի մասնակի, մեխանիկական մաքրում։ Հին կայանում նույնիսկ դա չի գործում․ միայն ճաղերն են մնացել, որոնք ֆիլտրում են ավազն ու թափոնները։ Բայց նախ այն խցանված է ու վաղուց չի մաքրվել, երկրորդը՝ կայանում չի գործում տիղմազտիչ ավազանը, որտեղ ջուրը կհավաքվեր թափվելուց առաջ։ Այժմ կեղտաջրերը ճաղերի միջով անցնում են ինքնահոսով (ինչպես անցնեն՝ անցնեն)։

«Նման պայմաններում ջուրը մաքրվում է լավագույն դեպքում 5-6%-ով», - նշեց Մեսրոպյանը։

Իսկ ո՞վ է վճարելու

Պատճառներից մեկը, թե ինչու է փակվել հին կայանն ու չի գործում նորը՝ կայանի շահագործման համար անհրաժեշտ էներգիայի ծախսն է։ 2017 թվականին ՀՀ կառավարությունը քննարկումներ սկսեց Հայաստանի ջրամատակարարման և ջրահեռացման օպերատորի հետ (ֆրանսիական Veolia ընկերություն) կայանի սպասարկման մասին, սակայն առանց ջրի սակագնի բարձրացման։ Համաձայնության հասնել չհաջողվեց։

Թուրքական լոլիկի փոխարեն՝ իրանական․ գյուղացիներն օգնություն են խնդրում իշխանությունից

Ֆորմալ առումով կայանում դեռ չի ավարտվել կապալային աշխատանքների իրականացման պայմանագիրը և օբյեկտը չի գրանցվել որպես պետական գույք։ Նախագծի կատարողները վաղուց հայտնել են հիմնական շինմոնտաժային աշխատանքների ավարտի մասին, սակայն մի շարք միջոցառումներ, որոնք նախատեսված են նախագծի տեխնիկական առանձնահատկություններով, մինչ օրս ավարտին չեն հասցվել, ի պատասխան Sputnik Արմենիայի հարցման հայտնեցին տարածքային կառավարման և ենթակառուցվածքների նախարարությունից։

Ինչ է անհրաժեշտ

Միևնույն ժամանակ նույնիսկ նոր կայանը բավարար չէ, որպեսզի քաղաքի կեղտաջրերն անվտանգ թափվեն Հրազդան գետը։ Դրա համար անհրաժեշտ է իրականացնել հաջորդ՝ ոչ թե մեխանիկական, այլ կենսաբանական մաքրման փուլը։ Այդ դեպքում տիղմ դարձած թափոնները աղբանոցներ չեն թափվի, այլ կվերամշակվեն, իսկ մաքրված ջուրը հնարավոր կլինի օգտագործել ոռոգման համար։

«Այսօր չկա ո՛չ կենսաբանական, ո՛չ էլ նույնիսկ նորմալ մեխանիկական մաքրում։ Կեղտաջրերը գետն են թափվում, ինչը անթույլատրելի է, բայց այլ ելք չկա»,- նշեց Մեսրոպյանը։

Առաջին փուլի արժեքը 20 մլն եվրոյից մի փոքր պակաս էր, երկրորդինը՝ կենսաբանական մաքրման համար, նախնական 30-40 մլն է գնահատվում։ Ինչպես հայտնեցին Տարածքային կառավարման և ենթակառուցվածքների նախարարությունից՝ շինարարության նախապատրաստական աշխատանքները ներառված են կառավարության 2019-2023 թվականների ծրագրում։ Միջոցներ դեռ չեն հատկացվել։

Երևանից դուրս ջրի մեխանիկական մաքրման կայաններ են գործում Մարտունիում, Գավառում և Վարդենիսում (կառուցվել են Վերակառուցման և զարգացման եվրոպական բանկի ծրագրով)։ Ծրագրի շնորհիվ մոտ 600 տոննա խոշոր աղբ տարեկան չի թափվում Սևան։ Ճիշտ է, հետագայում կոյուղային այդ տիղմը չի վերամշակվում ու դառնում պարարտանյութ, այլ աղբավայր է թափվում։

Իսկ եթե խոսենք կենսաբանական մաքրման մասին, ապա նման կայան հանրապետությունում այնուամենայնիվ կա, բայց միայն մեկը և ոչ մեծ հզորության (այն սպասարկում է «Զվարթնոց» օդանավակայանից քիչ հեռու գտնվող Փարաքար գյուղը)

Կայանը կառուցվել է «Ջինջի» նախագծով՝ Global Water Partnership համաշխարհային ցանցի (ՄԱԿ-ի զարգացման ծրագիր, Համաշխարհային բանկ ու մի շարք միջազգային կազմակերպություններ) դրամաշնորհի միջոցներով։

Այժմ կայանը վերանորոգվում է բյուջեի միջոցներով և պատրաստ կլինի շահագործման մայիսին։

195
թեգերը:
կայան, Հրազդան, կեղտաջուր
Ըստ թեմայի
Լիբերալ անուշեղեն․ ինչու է Հայաստանի իշխանությունը մերժել բիզնեսին օգնելու նոր գաղափարը
Ինչպես չգոլորշիանանք, կամ ջրային ռեսուրսները կբավականացնե՞ն Հայաստանին ու Արցախին
Ինչո՞ւ է Հայաստանը կորցնում իր կոնյակը․ ռուս փորձագետը մի շարք խնդիրներ է «գաղտնազերծում»
Արխիվային լուսանկար

Նիկոլ Փաշինյանը «իկրայի գործով» պետք է հարցաքննվի. իրավապաշտպան

236
(Թարմացված է 18:35 15.04.2021)
Իրավապաշտպան Ռուբեն Մելիքյանը «իկրայի գործով» դատական նիստին միջնորդել է, որ ՀՀ վարչապետը ևս որպես վկա ներգրավվի քրեական գործում։

ԵՐԵՎԱՆ, 15 ապրիլի – Sputnik. Հայտնի «իկրայի գործով» դատական նիստին այսօր վկաներից ոչ մեկը չի ներկայացել, իսկ ՀՀ վարչապետի անվտանգության ծառայության պետի տեղակալը գրավոր դիմել է դատարանին, որպեսզի իրեն այլևս դատարան չկանչեն։ Տեղեկությունը Sputnik Արմենիայի հետ զրույցում հայտնեց իրավապաշտպան Ռուբեն Մելիքյանը։

Նշենք, որ վարչապետ Նիկոլ Փաշինյանի դուստրը` Շուշան Փաշինյանը, դատի է տվել «Քաղաքացիական գիտակցություն» հասարակական կազմակերպության ղեկավար Նարեկ Սամսոնյանին, քանի որ նա Facebook-ի էջում գրել էր, որ վարչապետի դուստրը 1 կիլոգրամը 3 հազար դոլար արժողությամբ սև իկրա է ուտում:

Իրավապաշտպանի խոսքով` Նարեկ Սամսոնյանի դեմ քրեական գործ է հարուցվել սուտ մատնության մեղադրանքով։

Մելիքյանն այդ քրեական գործը որակեց «աննորմալ», որը մասնագիտական քննադատության չի դիմանում, քանի որ «սուտ մատնություն» որակել այն, ինչը կատարել է Նարեկ Սամսոնյանը, ուղղակի ծիծաղելի է։

«Մենք այսօր գնացինք դատական նիստին և այնտեղ անակնկալի եկանք։ Պարզվեց` որևէ վկա չի ներկայացել։ Որպես վկա ներգրավված է նաև վարչապետի անվտանգության ծառայության պետի տեղակալը, որը ոչ միայն չէր ներկայացել, նշելով որ աշխատանքային ծանրաբեռնվածություն ունի, այլև գրավոր դիմում էր ներկայացրել, որ այլևս իրեն դատարան չկանչեն։ Ես դատարանին միջնորդեցի, որ նրան բերման ենթարկելու մասին որոշում կայացնի։ Դատարանը, սակայն, մերժեց միջնորդությունը, նշվեց` մյուս դատական նիստին այդ անձնավորությունը կրկին ծանուցվելու է»,–ասաց նա։

Մելիքյանի խոսքով`ինքը դատարանին միջնորդել է, որ ՀՀ վարչապետը ևս որպես վկա ներգրավվի քրեական գործում։

«Ուղղակի ծիծաղելի է, որ վարչապետին չեն ներգրավել ոչ թե որպես տուժող, այլև որպես վկա։ Նա այս գործով պետք է պարտադիր հարցաքննվի։ Դատարանը մեր միջնորդությունն առանց քննության թողեց, որը մենք համարեցինք ապօրինի և միջնորդություն ներկայացրինք այդ հարցով ՍԴ դիմելու վերաբերյալ։ Այդ միջնորդությունը ևս դատարանը մերժեց։ Ամեն դեպքում մենք չենք կորցնում մեր հույսը, որ այս գործը արդար ձևով կավարտվի»,– եզրափակեց իրավապաշտպանը։

«Իկրայի գործը» չի մոռացվել. Փաշինյանի դուստրը Սամսոնյանից նաև 2 մլն դրամ է պահանջում

Հիշեցնենք՝ 2020թ.–ի փետրվարին վարչապետ Նիկոլ Փաշինյանի դուստր Շուշան Փաշինյանը դատի էր տվել «Քաղաքացիական գիտակցություն» հասարակական կազմակերպության ղեկավար Նարեկ Սամսոնյանին, քանի որ նա հունվարի 26-ին ֆեյսբուքյան էջում գրել էր, թե վարչապետի դուստրը 1 կիլոգրամը 3 հազար դոլարով սև իկրա է ուտում:

Շուշան Փաշինյանը պահանջում է հրապարակայնորեն հերքել զրպարտություն համարվող տեղեկությունները և 2 մլն դրամ փոխհատուցում վճարել։

Նարեկ Սամսոնյանը Նիկոլ Փաշինյանի նկատմամբ սուտ մատնություն է արել. ՀՔԾ

236
թեգերը:
Շուշան Փաշինյան, Նիկոլ Փաշինյան, Քրեական գործ, Նարեկ Սամսոնյան, Ռուբեն Մելիքյան
Ըստ թեմայի
Սամսոնյանին հարցաքննել են «իկրայի գործով». նա չի ընդունում իրեն առաջադրված մեղադրանքը
«Մասկի շոու» և ձեռնաշղթաներ. Քոչարյանը խոսել է ակտիվիստներին բերման ենթարկելու մասին
Նարեկնե՛ր, եղեք պատրաստ. ոստիկանները բերման են ենթարկել Նարեկ Մալյանին և Նարեկ Սամսոնյանին
Կարմիր խաչ

376 մլն 330 հազար դրամ. Կարմիր խաչն արցախցիներին հյուրընկալող ընտանիքներին գումար է տվել

22
(Թարմացված է 17:26 15.04.2021)
Հայկական Կարմիր խաչն առաջնահերթությունը տվել է ՀՀ Սյունիքի և Տավուշի մարզերում արցախցիներին հյուրընկալող ընտանիքներին, քանի որ սահմանապահ են։

ԵՐԵՎԱՆ, 15 ապրիլի – Sputnik. Հայկական Կարմիր խաչ ընկերությունը Հայաստան տեղափոխված արցախցիներին  հյուրընկալող ընտանիքներին շուրջ  376 միլիոն 330 հազար ՀՀ դրամ է հատկացրել (30 000 ՀՀ դրամ յուրաքանչյուր չափահաս հյուրընկալվողի համար)։ Տեղեկությունը Sputnik Արմենիային հայտնեցին Հայկական Կարմիր խաչ ընկերությունից։

«Մեր ընկերությունը, միանալով Ղարաբաղյան հակամարտության սրացման հետևանքով Հայաստան տեղափոխված անձանց հյուրընկալող ընտանիքներին տրամադրվող դրամական աջակցության ՀՀ կառավարության ծրագրին,  մարտ-ապրիլ ամիսներին՝ ՀՀ աշխատանքի և սոցիալական հարցերի նախարարության հետ համագործակցությամբ և Կարմիր խաչ միջազգային կոմիտեի ֆինանսավորմամբ, 376 միլիոն 330 հազար ՀՀ դրամ է հատկացնում 12 544 անձի համար (30 000 ՀՀ դրամ յուրաքանչյուր չափահաս հյուրընկալվողի համար)»,–նշեցին ընկերությունից։

Առաջնահերթությունը տրվել է ՀՀ Սյունիքի և Տավուշի մարզերին, որովհետև սահմանապահ են։

Արցախի ՄԻՊ–ն Ամարասից դիմել է միջազգային կառույցներին` փրկելու հայկական դարավոր մշակույթը

Ծրագրում ընդգրկվելու համար հյուրընկալող ընտանիքները գրանցվել են նախապես՝ համապատասխան հայտ լրացնելով ՀՀ Աշխատանքի և սոցիալական հարցերի նախարարության Սոցիալական ապահովման ծառայության կայքէջում։

22
թեգերը:
Տավուշ, Սյունիք, Արցախ, Հայաստան, Կարմիր խաչ
Ըստ թեմայի
Արցախի աջակցության 3 մեծ ծրագիր կա. փոխվարչապետը մանրամասներ ներկայացրեց
Պուտինն ու Լուկաշենկոն քննարկել են Արցախի թեման
Արայիկ Հարությունյանը շուտով հարցաքննության է հրավիրվելու. Արցախի դատախազություն

Ամերիկացիները պատրաստվում են ակտիվանալ Արկտիկայում

0
(Թարմացված է 00:11 16.04.2021)

ԱՄՆ-ն ձգտում է կրճատել իր հետ մնալը Ռուսաստանից Արկտիկայում։ Օրերս Ցամաքային զորքերն Անդրբևեռային տարածքի համար ռազմական տեխնիկայի մշակման պայմանագիր են կնքել Oshkosh Defense կոնցեռնի հետ՝ սինգապուրյան ST Engineering-ի և BAE Systems-ի հետ համագործակցությամբ։ Պարզվել է, որ նման տիպի ժամանակակից մեքենաներ ամերիկացիներն ուղղակի չունեն, իսկ եղածներն էլ վաղուց հնացած են։ Ավելի մանրամասն՝ ՌԻԱ Նովոստիի հոդվածում։

Կառուցել մինչև հունիս

Արկտիկան լուրջ մարտահրավեր է ցանկացած բանակի համար։ Գերցածր ջերմաստիճաններ, սառցաբեկորներ, լողացող սառցալեռներ, ենթակառուցվածքների բացակայություն, բարդ լոգիստիկա, երկարատև բևեռային գիշեր՝ այս ամենը մեծապես բարդացնում է խոշոր ռազմական խմբավորման տեղակայումը:

Սառը պատերազմի տարիներին ԱՄՆ-ն, ի տարբերություն ԽՍՀՄ-ի, բավարար ուշադրություն չի դարձրել այդ տարածաշրջանին, ուստի այսօր Պենտագոնի տրամադրության տակ միայն մի սարքին սառցահատ կա՝ Polar Star-ը։ Ռուսաստանն այդ տիպի ավելի քան 40 նավ ունի։ Բացի այդ, ամերիկացիներն այնտեղ փաստացի ռազմակայաններ չունեն։

Ցամաքային զորքերի համար ևս տեխնիկան չի բավականացնում, որն ի վիճակի կլիներ բևեռային բարդ պայմաններում բեռներ ու զինծառայողներին տեղափոխել։

Դրա համար պիտանի միակ քարշակ-ամենագնացները շվեդական երկշղթա-թրթուրավոր Bandvagn 206-ներն են, որոնք սպառազինության մեջ ներառվել են Small Unit Support Vehicle նշումով (SUSV` ստորաբաժանումների աջակցության փոքր մեքենա)։ Սակայն այս տեսակի առաջին մեքենաները հոսքագծից դուրս են եկել դեռ 40 տարի առաջ և վաղուց արդեն չեն համապատասխանում ժամանակակից պահանջներին։

Բանակը որոշել է թարմացնել արկտիկական տեխնիկան և մրցույթ է հայտարարել ColdWeather, All-Terrain Vehicle (CATV, ամենագնաց սառը կլիմայի համար) ծրագրի շրջանակում։ Պենտագոնը պատրաստ է հեռանկարային քարշակի մշակման, կառուցման և փորձարկումերի վրա 2021 ֆինանսական տարում 6,6 միլիոն դոլար ծախսել, ևս 9,25 միլիոն՝ 110 միավոր CATV-ի վրա։

Այնուհետև պարկը կմեծացնեն՝ հասցնելով 163 ամենագնացի։ Նախատիպերը սպասվում են հունիսի 14-ին։ Օգոստոսից մինչև դեկտեմբերի վերջ՝ փորձարկումներ Ալյասկայի զինափորձարանում։ Հաղթողին կընտրեն 2022 թ․-ի ֆինանսական տարում։

Չորս տարբերակ

Սպասվում է, որ CATV-ն կներկայացեն 4 տարբերակով։ Ընդհանուր նշանակության ամենագնացը պետք է տեղավորի ոչ պակաս, քան 9 զինվոր, վարորդին չհաշվաց, ինչպես նաև երեք օրվա ինքնավար գործողությունների համար սարքավորումներ և պաշարներ ունենա։

Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ

Սանիտարական տարբերակը՝ բժշկական սարքավորումներով, նախատեսված է երկու բժշկի, երկու պառկած և չորս թեթև վիրավոր մարդկանց համար։ Հրամանատարական ամենագնացը կհագեցնեն կապի և զորքերի կառավարման ժամանակակից միջոցներով։ Եվ վերջապես, բեռնակիր տարբերակը՝ նախատեսված խոշոր չափերի ռազմական սարքավորումները մեծ հեռավորություններ տեղափոխելու համար։

«Այդ մեքենաները կկարողանան խնդիրների լայն շրջանակ լուծել ծայրահեղ ցածր ջերմաստիճանի պայմաններում, այլ տեխնիկայի համար անանցանելի տեղանքում»,-լրագրողներին պատմել է ԱՄՆ բանակի սպա, CATV ծրագրի պատասխանատու Թիմ Գոդդեթը։-Նրանք պետք է առանց խնդիրների տեղաշարժվեն սառույցի վրայով, հաղթահարեն ջրային պատնեշները, հեշտությամբ բարձրանան բարձունքները, լինեն հեշտ սպասարկվող և խնայողաբար ծախսեն վառելիքը»։

Մրցույթի մասնակիցները հենվում են նախորդ մշակումներ վրա։ Oshkosh-ը և ST Engineering-ը որպես հիմք են վերցրել Bronco 3 երկշղթա քարշակը։ Այդ մեքենան արդեն ավելի քան 20 տարի բրիտանական բանակի սպառազինության կազմում է, մասնակցել է Աֆղանստանի մարտական գործողություններին։

Bronco 3-ն ունի հակագնդակային զրահապատում, աշտարակ՝ գնդացրով, V-աձև հիմք, որը նվազեցնում է վնասը ականի վրա պայթելու դեպքում։ Ամենագնացը ջրային պատնեշները հաղթահարում է հինգ կմ/ժ արագությամբ։

BAE Systems-ը նորարարություն կառաջարկի Beowulf երկշղթա քարշակի հիման վրա, որը հիմնականում նույնն է, ինչ Bronco 3-ն ու SUSV-ը, բայց ավելի մեծ բեռնատարողություն ունի։

Հասնել Ռուսաստանին

Մեկ ամիս առաջ հրապարակված «Արկտիկական ռազմավարության» մեջ ամերիկացիները բացեիբաց հայտարարել են տարածաշրջանում Մոսկվային ու Պեկինին դուրս մղելու ցանկության մասին։ Պենտագոնին հատկապես մտահոգում է Ռուսաստանը, որի տրամադրության տակ է աշխարհի ամենամեծ սառցահատ նավատորմը, հյուսիսային լայնություններում ռազմակայանների ցանցը և առանց էքստրեմալ ցրտի պայմաններում աշխատելու ընդունակ տեխնիկայի մեծ զինանոցը։

Հաղթանակի շքերթներին միշտ մասնակցում են հայրենական ՀՕՊ համակարգերի արկտիկական մոդիֆիկացիաները․ փոքր հեռահարության «Тор-М2ДТ» զենիթահրթիռային համակարգը, զենիթային հրթիռահրանոթային «Панцирь-СА»-ն, ինչպես նաև ապահովման մեքենաների հատուկ տարբերակներ։

Արկտիկական տարածաշրջանի համար գրեթե ամբողջ ցամաքային տեխնիկան հավաքված է ДТ-30 «Витязь» երկշղթա թրթուրավոր ամենագնացների հիման վրա, որին չի վախեցնում անգամ ամենասարսափելի ցուրտը (մինչև -55 աստիճան)։ Որոշ մոդիֆկացիաներ կարող են կտրել-անցնել ջրային պատնեշները, ինչը Հյուսիսային բևեռում սառույցների մշտական կուտակման պայմաններում նկատելիորեն ավելացնում է շարժունակությունը։ Նոր «Панцирь»-ներն ու «Тор»-ը ծածկում են 2015թ․-ի Արկտիկայում տեղակայված հեռահար զենիթահրթիռային С-400 համակարգերի տեղակայման շրջանները։

Բացառիկ զինանոց ունի նաև Ցամաքային զորքերի առաջին լիարժեք արկտիկական միավորումը՝ 80-րդ առանձին մոտոհրաձգային բրիգադը, որը տեղակայված է Մուրմանսկի մարզի Ալակուրտտի ավանում: Ցրտադիմացկուն հետևակը յուրացնում է, մասնավորապես, ТРЭКОЛ բարձր անցանելիության ձնաճահճագնացները, որոնք տեղաշարժվում են գերցածր ճնշման հսկայական անվադողերով անիվների վրա։ Այդպիսի մեքենաներն անգամ ընդհատուն տեղանքով ընթանում են առանց արագությունը նվազեցնելու։

Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները

Բացի այդ, 80-րդ բրիգադի մարտիկներն ունեն «Урал» և КамАЗ լիաքարշ բեռնատարներ, որոնք հարմարեցված են ծայրահեղ սառնամանիքներին, ТТМ-1901 «Беркут» ձնագնացներ՝ ջեռուցվող խցիկով, օդային բարձիկով մոտորանավակներ, ինչպես նաև շների և եղջերուների լծվացքներ:

Հայրենական մեծ պատերազմի տարիներին լծվացքները կարևոր դեր են խաղացել Անդբևեռյան հատվածի պաշտպանության գործում։ Շներով և եղջերուներով նշանակված վայր էին հասցնում զինամթերքն ու անձնակազմը։ Կենդանիներն անցնում են այնտեղով, որտեղով տեխնիկան չի կարողանում անցնել։ Բացի այդ, արկտիկական բրիգադի համար մշակում են տանկերի, ՀՄՄ-ների և ուղղաթիռների հատուկ մոդիֆիկացիաներ, մասնավորապես՝ Ми-8АМТШ-ВА՝ ուժային սարքավորումների հիմնական ագրեգատների ջեռուցման համակարգով:

0
թեգերը:
ԱՄՆ, Ռուսաստան, Արկտիկա
Ըստ թեմայի
Ուղիղ սպառնալիք Ռուսաստանին. ի՞նչ է Պենտագոնը կառուցում Ալյասկայում
Վլադիմիր Պուտինը պատվավոր կոչում է շնորհել Արթուր Չիլինգարովին
ՌԴ-ն Սուեզի ջրանցքին փոխարինող է գտել․ ի՞նչ հեռանկարներ ունի Հյուսիսային ծովային ուղին