Հասմիկ Օհանջանյան

Ռազմական բուհի կանացի դեմքը. նրանց կողքին տղամարդիկ ավելի կարգապահ են դառնում

135
Բանակը կնոջ գո՞րծ է։ Sputnik Արմենիան զրուցել է կին զինվորականների հետ ու ստացել այս հարցի պատասխանը։

ԵՐԵՎԱՆ, 8 ապրիլի – Sputnik. Վազգեն Սարգսյանի անվան ռազմական համալսարանում սովորող և աշխատող կանայք քիչ չեն։ 2014թ․-ից ի վեր բուհ են ընդունվում նաև աղջիկները։ Սկզբում ղեկավարությունը նրանց ուսման հետ կապված որոշ կասկածներ ու մտավախություններ ուներ, բայց հիմա, երբ աղջիկներից շատերը ծառայում են զինվորական տարբեր ստորաբաժանումներում, մտավախությունները երկրորդ պլան են մղվել։

Քառորդ դար զինված ուժերում

Ավագ ենթասպա Անժելա Բագիրյանը զինված ուժերից զորացրվել է երկու տարի առաջ, բայց ծառայությունը լիովին թողնել չի կարողացել։ Նա քաղաքացիական պաշտոնի է անցել ռազմական համալսարանում, որտեղ էլ անցկացրել է կյանքի 25 տարին։ Անժելան այստեղ է 1994թ․-ից՝ ուսումնական հաստատության հիմնադրման սկզբից, անձամբ ծանոթ է եղել Վազգեն Սարգսյանի հետ, հիշում է նրա կատակներն ու արտահայտությունները։

Старший прапорщик Анжела Багирян
© Sputnik / Asatur Yesayants
Անժելա Բագիրյան

«25 տարին մի օրվա պես անցավ։ Ծառայությանս վերջին օրը, երբ հանեցի զինվորական համազգեստս, շատ տխուր էի, նույնիսկ աչքերս լցվեցին։ Զինվորական բաճկոնը հիմա էլ կախված է աշխատավայրիս պահարանում, ամեն առավոտ նայում եմ դրան, երբեմն նույնիսկ փորձում եմ, որպեսզի վստահ լինի, որ պահպանել եմ կազմվածքս»,-ասում է նա։

Старший прапорщик Анжела Багирян
© Sputnik / Asatur Yesayants
Անժելա Բագիրյան

Բագիրյանը խոստովանում է, որ զինվորական համազգեստը սիրել է վաղ մանկությունից։ Նա ռուսական դպրոց է գնացել, որտեղ հաճախել են զինվորականների երեխաները, և արդեն այն ժամանակներից հիացել է համազգեստ հագած մարդկանց կեցվածքով։

«Եսթեր, բա քեզ պե՞տք էր». ռազմական համալսարանի կուրսանտ աղջիկները կոտրում են կարծրատիպերը

Բախտի բերմամբ հայտնվել է համալսարանում և համակարգել է նախարարության և զինվորական ստորաբաժանումների միջև կապը։ Հիշում է, որ ծառայության սկզբում տղամարդիկ կասկածամտորեն էին վերաբերվում համազգեստով կանանց, մտածում էին, որ գլուխ չեն հանի։ Հիմա վերաբերմունքն այլ է․ ոչ միայն հարգում են, այլև վստահում ու աջակցում։

Անժելան տիրապետում է զենքի տարբեր տեսակների և շատ դիպուկ է կրակում, ինչի համար ծառայակիցները նրան «շրջազգեստով Վարաշիլովյան հրաձիգ» են անվանում։

«Երբեք չեմ զղջացել և չեմ զղջա, որ քառորդ դար նվիրել եմ զինված ուժերին։ Դա կարևոր աշխատանք է, և ես միշտ էլ հաճույքով եմ կատարել այն»,-խոստովանեց նա։

Ծառայության մեջ է մեծացել

Կապիտան Հասմիկ Օհանջանյանն արդեն 27 տարի է` ծառայում է զինված ուժերում, բոլոր տարիները՝ համալսարանում։ Ծնողները հանգիստ են վերաբերվել դստեր ընտրությանը։ Նա շատ պատասխանատու է և հատուկ ակնածանքով է վերաբերվում իր աշխատանքին։ Զինված ուժերում խտրականություն չի տեսել, բայց նկատել է, որ կին զինվորականների նկատմամբ հանրության վերաբերմունքը փոխվում է, և դա ուրախացնում է նրան։

Капитан Асмик Оганджанян
© Sputnik / Asatur Yesayants
Հասմիկ Օհանջանյան

«Ես երկու երեխա ունեմ, և նրանցից ոչ մեկը չի ուզում զինվորական դառնալ, բայց ես օրինակ եմ դարձել եղբորս երեխաների համար։ Նրանք ռազմական բուհեր են ընդունվել։ Չգիտեմ, թե ինքս ինչպես կվերաբերվեի, եթե աղջիկս ասեր, որ զինվորական է ուզում դառնալ, բայց երևի մանրամասն կներկայացնեի ծառայության բոլոր բարդություններն ու ուրախությունները, ու թող նա արդեն ընտրեր»,-ասում է կապիտանը։

Կտավ եմ պատվիրել` Ղազանչեցոց վանքը, որ Շուշիի մեր տանը կախենք. զրույց մայոր Իսախանյանի հետ

Հասմիկը զինվորական համազգեստին նվազ հոգածությամբ է վերաբերվում, քան Անժելան։ Փոխարենը նա սիրում է լինել խնամված, տարբեր զարդեր կրել։ Իր կուրսանտների հետ հաճախ է դաստիարակչական զրույցներ անցկացնում, խորհուրդ է տալիս, թե ինչպես պահեն իրենց ենթակաների և ծառայակիցների հետ։ Գլխավոր խորհուրդն է՝ չմոռանալ սեփական տեսքի մասին։

«Բանակին պետք են կանայք, մեր ներկայությամբ տղամարդիկ ավելի զուսպ ու կարգապահ են դառնում»,-համոզված է նա։

Երազում է պայուսակում գնդացիր պահելու մասին

Կուրսանտ Մելանյա Խաչանեսյանը դեռ ռազմական համալսարանի առաջին կուրսում է։ Փոքր ժամանակ ուզում էր կանանց հատուկ մասնագիտություն ընտրել՝ ուսուցիչ կամ բժիշկ, բայց երբ եկավ բուհ ընդունվելու ժամանակը, հասկացավ, որ ուզում է զինված ուժերում ծառայել։ Բնականաբար, հարցուփորձ արեց ծանոթներին, «գուգլեց» և հենց այս բուհն ընտրեց սպա դառնալու համար։

Курсант Мелания Хачанесян
© Sputnik / Asatur Yesayants
Մելանյա Խաչանեսյան

«Ծնողներս դեմ էին, հատկապես մայրս, բայց ես չէի պատկերացնում և չեմ պատկերացնում, որ այլ կերպ կարող է լինել։ Արդեն ինքս ինձ ուրիշ ոլորտում չեմ տեսնում»,-ասում է նա։

Մելանյան խոստովանում է, որ առանձնապես նման չէ իր տարեկից աղջիկներին, աղջկական թեմաներն իրեն բոլորովին չեն հետաքրքրում։ Գրեթե երբեք բարձրակրունկ չի հագնում, միայն երբեմն ինքն իրեն երես է տալիս թեթև դիմահարդարմամբ։ Կուրսի տղաների հետ ընկերներ են, առայժմ կոնֆլիկտներ չեն եղել, ավելին՝ տղաները միշտ զուսպ են և փորձում են ջենտլմեն լինել։ Կուրսում բացարձակ իրավահավասարություն է, աղջիկների հանդեպ ավելորդ ներողամտություն չկա։

-Կրակել կարողանո՞ւմ ես։

-Իհարկե։

-Ո՞րն է քո սիրած զենքը։

-Կալաշնիկովի գնդացիրը։

-Կնոջ պայուսակում կտեղավորվի՞։

-Իմ պայուսակում կտեղավորվի,- ծիծաղելով ասում է նա։

Курсант Мелания Хачанесян
© Sputnik / Asatur Yesayants
Մելանյա Խաչանեսյան

«Մաճառ 44»․ ինչպես Լոնդոնից եկած հայուհին բարեգործական ռեստորան բացեց Երևանում

135
թեգերը:
զինծառայող, բուհ, Կին, Հայաստան
Ըստ թեմայի
Հայաստանի պատմության մեջ առաջին անգամ կանանց ֆուտբոլի միջազգային մրցաշար կանցկացվի
Ուժեղ, ծաղկուն հայրենիքն է, որ պիտի սպեղանի դառնա. Փաշինյանը շնորհավորական ուղերձ է հղել
Մայրերը եղել են հայրենիքի կարևորագույն հիմնասյունը. ՀՀ նախագահը ուղերձ է հղել
Սերժ Սարգսյան. արխիվային լուսանկար

«Անհետ կորածների թիվը 1064 է»․ Սերժ Սարգսյանը փաստաթուղթ է հրապարակել

216
(Թարմացված է 21:39 16.06.2021)
Սարգսյանի հրապարակած փաստաթուղթը Զինծառայության ապահովագրման հիմանդրամի հաշվետվությունն է, որտեղ գրված է նվիրատվությունների քանակը ծանր վիրավոր և անհետ կորած զինվորների ընտանիքներին։

ԵՐԵՎԱՆ, 16 հունիսի - Sputnik. Արցախյան 44–օրյա պատերազմում անհետ կորածների թիվը 1064 է։ Նման հայտարարություն է արել ՀՀ երրորդ նախագահ Սերժ Սարգսյանը այսօր Կոտայքի մարզում իր համակիրների հետ հանդիպման ժամանակ։

«Իմ հեռախոսում կա մի փաստաթուղթ, որը խոսում է սրանց շանտղության մասին։ Անհետ կորածների թիվը 1064 է: Այս չմարդը, այս ստահակը (նկատի ունի ՀՀ վարչապետի պաշտոնակատար Նիկոլ Փաշինյանին,–խմբ), ելույթ ունենալով ԱԺ-ում հայտարարում է, որ անհայտ կորածների թիվը 321 է: Հիմա սրան ի՞նչ ասես», - ասել է Սարգսյանը։

Ապա Սերժ Սարգսյանը ցույց է տվել իր կողմից հիշատակված փաստաթուղթը։ Դա Զինծառայության ապահովագրման հիմնադրամի հաշվետվությունն է, որտեղ գրված են նվիրատվությունների քանակը ծանր վիրավոր և անհետ կորած զինվորների ընտանիքներին։

Համաձայն թղթի՝ անհայտ կորածների թիվը 1064 է, ծանր վիրավորում ստացածներինը՝ 265: Փաստաթուղթը ստորագրված է հիմնադրամի տնօրենի՝ Վարուժան Ավետիքյանի կողմից։

«Բա մեզ չի ընդունում, ո՞ւմ պիտի ընդունի». անհետ կորածի հայրը` Նիկոլ Փաշինյանի մասին

216
թեգերը:
Արցախյան պատերազմ, փաստաթուղթ, անհետ կորած, Սերժ Սարգսյան
Ըստ թեմայի
«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին
Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
Նոր ավտոբուսներ

Հունիսի 17-ից նոր ավտոբուսները ևս երկու երթուղի կսպասարկեն Երևանում․ սրահում տեսահսկում կա

84
(Թարմացված է 21:06 16.06.2021)
Ավտոբուսից օգտվելու համար պետք է վճարել նստելիս։ Մետաղադրամ ընդունող սարքը վերցնում է միայն 100 դրամանոցներ։

ԵՐԵՎԱՆ, 16 հունիսի - Sputnik. Հունիսի 17-ից կոմպակտ դասի նոր ավտոբուսներով կվերսկսի աշխատանքը 46 համարի երթուղին, իսկ 22 համարի նոր երթուղին շահագործման կհանձնվի առաջին անգամ: Տեղեկությունը հայտնում է Երևանի քաղաքապետարանը։

Երթուղիների սպասարկումը կիրականացվի ժամը 7:30-ից մինչև 23:00-ն՝ հետևյալ ուղեգծերով.

22 երթուղի՝ Սպանդարյան կայարան -Սիլիկյան 4-րդ, 10-րդ փողոցներ - Սիլիկյան նոր խճուղի- Շիրազի- Գ.Հասրաթյան- Սեբաստիայի- Րաֆֆու փողոցներ- ՀԱԹ (Րաֆֆու-Զորավար Անդրանիկի փողոցների խաչմերուկ)։

46 երթուղի՝ Նազարբեկյան թաղամաս - Սիլիկյան նոր խճուղի - Շիրազի - Ջանիբեկյան - Աբելյան - Շինարարների - Արզումանյան - Հալաբյան - Կիևյան փ-ներ - Մարշալ Բաղրամյան - Մաշտոցի պ-ներ - Գր.Լուսավորչի - Ագաթանգեղոսի - Խանջյան - Վարդանանց - Ե.Քոչարի փ-ներ - Սրբ.Գր.Լուսավորիչ եկեղեցի:

Նշվում է, որ 46 համարի երթուղին արդեն ծանոթ է ուղևորներին, իսկ 22 երթուղին շահագործման կհանձնվի առաջին անգամ:

Քաղաքապետարանը հիշեցնում է, որ նոր ավտոբուսներում պետք է վճարել նստելիս։

«Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ», - ասվում է քաղաքապետարանի հայտարարության մեջ։

Նաև ասվում է, որ ավտոբուսի սրահը տեսահսկվում է՝ ուղևորների և ընդհանրապես, երթևեկության անվտանգության նկատառումներից ելնելով։ Վարորդները հատուկ համազգեստով են, հատուկ հրահանգավորված են երթևեկության ընթացքում չծխելու և հեռախոսով չխոսելու պահանջի մասին։

Հիշեցնենք, որ կոմպակտ դասի նոր ավտոբուսներով արդեն իսկ շահագործվում են Երևանի 6 երթուղիներ՝ 26, 38, 99, 74, 24, 47։

Ճանապարհորդիր USB–ով. Ռուսաստանից Հայաստան նոր երկաթուղային վագոններ են բերվել

84
թեգերը:
Տրանսպորտ, ավտոբուս, Երևան, Հայաստան
Ըստ թեմայի
Հայկ Մարությանն ուզում է հեռանալ քաղաքականությունից և Հայաստանից
Շուրջ 400 հազար դոլար են տնտեսել. Երևանի քաղաքապետարանը միայն LED լամպեր կգնի
Հայկ Մարությանը Դոնի Ռոստովի քաղաքապետի հետ համագործակցության հնգամյա ծրագիր է ստորագրել
Чемпион молодежного Чемпионата Европы по вольной борьбе Арен Исраелян