«Անվախ աղջիկը» քանդակը կառավարության թիվ 3 մասնաշենքի դիմաց

«Անվախ աղջիկը» քննադատություններից չի վախենում

267
Երևանի կենտրոնում գտնվող  քանդակի հայկական անալոգը հասարակության շրջանում քննադատության և բացասական արձագանքի է արժանացել։ Sputnik Արմենիայի թղթակիցը փորձել է հասկանալ իրավիճակը։

ԵՐԵՎԱՆ, 8 ապրիլի - Sputnik, Լաուրա Սարգսյան. Հայկական տարազով 125 սմ հասակով «Անվախ աղջկա» բրոնզե արձանը, մեղմ ասած, դուր չի եկել Հայաստանի որոշ քաղաքացիների։

Ամերիկյան հայտնի քանդակի նմանօրինակը երեկ հայտնվել է կառավարության թիվ 3 շենքի դիմաց։ Սակայն այս կարճ ժամանակահատվածում քանդակն ու դրա հեղինակը սոցցանցերի ակտիվիստների կողմից արդեն խիստ քննադատության են արժանացել։

Վիրտուալ հասարակությունը դժգոհ է, նախ, որ «աղջիկը նման չէ բնօրինակին», որը տեղադրված է Նյու Յորքում: Երկրորդը՝ շատերին դուր չի եկել հայկական ոճով այդ գաղափարի իրականացումը։

Քննադատողները

«Անվախ աղջիկը» հայտնվել է Նյու Յորքում 2017-ի մարտի սկզբին։ Նախատեսված էր, որ այն պետք է մեկ ամիս մնար,  հետո ապամոնտաժվեր, սակայն քանդակն այնքան է դուր եկել քաղաքի բնակիչներին ու զբոսաշրջիկներին, որ իշխանությունը սկզբում համաձայնվել է այն ևս մեկ տարով թողնել, իսկ հետո որոշել է դրա համար մշտական վայր գտնել: Քանդակը խորհրդանշում է պայքարը վախի դեմ և անհրաժեշտն անելու համար ուժ գտնելու ունակությունը։

Бронзовая статуя Бесстрашной девочки в Ереване перед зданием Дома правительства N3
© Sputnik / Aram Nersesyan
«Անվախ աղջիկը» քանդակը կառավարության թիվ 3 մասնաշենքի դիմաց

Հայկական անալոգը, սակայն, առաջին իսկ օրվանից քննադատության ալիք առաջացրեց։ Քանդակին արձագանքեց նաև մշակույթի նախկին փոխնախարար Տիգրան Գալստյանը։

«Աչքերը ներս ընկած են, գլուխը մարմնի համեմատ անհամաչափ է, շորը նման չէ տարազին, մի խոսքով՝ այլանդակություն է», - մոտավորապես այսպես են արձագանքել օգտատերերը սոցցանցերում «Անվախի» լուսանկարների տակ:

Օգտատերերն ակտիվորեն համեմատում են արձանների երկու տարբերակը՝ ամերիկյանն ու հայկականը, և սրամտում են․ «Իմ արձանը։ Մոր ընկերուհու արձանը»։

Վիճելի քանդակի տեղադրման մանրամասները պարզելու համար դիմեցինք Երևանի քաղաքապետարան։ Ըստ օրենքի՝ հուշարձանների ու քանդակների տեղադրման թույլտվություն տալիս է քաղաքային իշխանությունը։ Երևանի քաղաքապետարանի մամուլի ծառայությունից մեզ ասացին, որ ավագանին թույլտվություն չի տվել ու քանդակի մասին տեղեկություններ չունի։

Ո՞վ է պատվիրատուն

Հեղինակի որոնումները մեզ բերեցին ՀՀ աշխատանքի և սոցիալական հարցերի նախարարություն։ Գերատեսչության մամուլի քարտուղար Զառա Մանուչարյանը Sputnik Արմենիայի թղթակցի հետ զրույցում հայտնեց, որ գաղափարը նախկին նախարար, այժմ Արցախի աշխատանքի, սոցիալական և բնակարանային հարցերի նախարար Մանե Թանդիլյանինն է։

Бронзовая статуя Бесстрашной девочки в Ереване перед зданием Дома правительства N3
© Sputnik / Aram Nersesyan
«Անվախ աղջիկը» քանդակը կառավարության թիվ 3 մասնաշենքի դիմաց

«Քանդակը վաղուց պատրաստ է եղել, սակայն համավարակի և պատերազմի հետ կապված՝ չի տեղադրվել։ Ապրիլի 7-ին այն տեղադրվեց կառավարության թիվ 3 շենքի հարևանությամբ»,- ասաց Մանուչարյանը:

Նրա խոսքով՝ օրը ու տեղը պատահական չի ընտրվել, քանի որ ստեղծագործությունը համապատասխան իմաստ ունի։ Նա խորհրդանշում է իր իրավունքները ճանաչող համարձակ անհատականություն, որը հիշեցնում է իշխանությանը կառավարման, մարդու իրավունքների և որոշումների կայացման ոլորտում կանանց դերի, կին առաջնորդի դերի մասին։

Քանդակն ադապտացված է, աղջիկա հագին ազգային տարազ է։ Ինչ վերաբերում է քաղաքային իշխանության տեղեկացվածությանը, Մանուչարյանը նշեց, որ տարածքն ամրագրված է Կառավարության շենքին, ուստի քանդակի տեղադրման համար քաղաքապետարանի թույլտվություն չի պահանջվել:

Бронзовая статуя Бесстрашной девочки в Ереване перед зданием Дома правительства N3
© Sputnik / Aram Nersesyan
«Անվախ աղջիկը» քանդակը կառավարության թիվ 3 մասնաշենքի դիմաց

Ո՞վ է կատարողը

Պատվերի կատարողը «Քանդակ Տրիոն» է, որի տնօրենը Արմեն Սամվելյանն է։

«Մենք պատվեր ենք կատարել, այդքանը։ Պատվիրատուն ինչ ուզում էր, այն էլ ստացավ»,- Sputnik Արմենիայի թղթակցի հետ զրույցում ասաց  Սամվելյանը։

Նա գոհ է աշխատանքից, սակայն քանդակը կդներ դեմքով դեպի արևը, ոչ թե մեջքով։ Սամվելյանը հանգիստ է ընդունում քննադատությունը։ Նա նշեց, որ դա բնորոշ է Հայաստանին ու հայ ժողովրդին, որը սիրում է քննադատության ենթարկել ամեն ինչ, այդ թվում՝ գլուխգործոցները։

267
թեգերը:
աղջիկ, Երևան, Քանդակ
Ըստ թեմայի
«Դեդոն-Բաբոն»` օնլայն հերոսներ․ հուշարձանի կերպարները պատերազմին ժպիտ բերեցին մարդկանց
Վիգեն Ավետիսի «Հայոց մայր» հուշարձանը ցուցադրվում է Տոսկանայում
Էրմիտաժը բողոք է ստացել․ մերկ քանդակները վատ են ազդում երեխաների վրա
Անձրևային օր

Անձրև կգա, բայց ոչ Երևանում. եղանակի տեսություն

4
(Թարմացված է 15:29 11.04.2021)
Օդերևութաբանների կանխատեսումների համաձայն՝ տեղումները կդադարեն ապրիլի 15-ին:

ԵՐԵՎԱՆ, 12 ապրիլի - Sputnik. Հայաստանի Հանրապետության մեծ մասում ապրիլի 12-14-ի գիշերը և կեսօրից հետո առանձին շրջաններում սպասվում է անձրև և ամպրոպ։ Տեղեկությունը հայտնում են ՀՀ արտակարգ իրավիճակների նախարարությունից։

Տեղումները կդադարեն ապրիլի 15-ին:

Եղանակի կանխատեսում

Քամին՝ հյուսիս-արևմտյան՝ 5-10 մ/վ, ապրիլի 11-ին առանձին վայրերում սպասվում է քամու ուժգնացում՝ 20-25 մ/վ:

Օդի ջերմաստիճանն էապես չի փոխվի:

Երևանում ապրիլի 12-ին սպասվում է հիմնականում ամպամած, բայց առանց տեղումների եղանակ:

Օդի ջերմաստիճանը մայրաքաղաքում այսօր ցերեկը կլինի +19-ից +21, երեկոյան՝ +12-ից +14 աստիճան։

Հայաստանում եղանակային անոմալիա է գրանցվել. Գագիկ Սուրենյանը մանրամասներ է ներկայացնում

4
թեգերը:
եղանակ, Երևան, Հայաստան, Անձրև
թեմա:
Եղանակը Հայաստանում
Ըստ թեմայի
Մալթան պատրաստ է մինչև 200 եվրո վճարել յուրաքանչյուր զբոսաշրջիկի
Ծանրորդ Սիմոն Մարտիրոսյանը վնասվածք է ստացել Քարվաճառում՝ խաչքարերը դուրս բերելիս
«Սուրենյան ջան, ինչի՞ եք այդպես բարկացել». օգտատերերը միացել են օդերևութաբանի չելենջին
Լարիսա Դոլինա

Երևանյան ռեստորանի շքեղ անակնկալը Լարիսա Դոլինային․ տեսանյութ

577
(Թարմացված է 22:13 11.04.2021)
Երգչուհին և նրա ընկերները հիացած էին ելակի, բեզեի և կենդանի վոկալի տեսքով անակնկալով։

ԵՐԵՎԱՆ, 11 ապրիլի – Sputnik․ Ռուսական էստրադայի աստղ, երգչուհի Լարիսա Դոլինան հյուրընակվել է Երևանի ամենահայտնի ռեստորաններից մեկում։

Այստեղ նրան հյուրասիրել են ֆիրմային աղանդեր և կատարել Ջեյմս Բրաունի «I feel good» լեգենդար երգը։ Երգչուհին և նրա ընկերները հիացած էին ելակի, բեզեի և կենդանի վոկալի տեսքով մատուցված անակնկալով։

Նշենք, որ երգչուհին Երևանում է, կարելի է ասել, գործնական այցով։ Նրան, ինչպես և մի շարք այլ աստղերի հրավիրել են Երևան՝ ելույթ ունենալու Գագիկ Ծառուկյանի որդու՝ Նվեր Ծառուկյանի հարսանիքին։

Շքեղ հարսանիքի ժամանակ երգել են նաև Նիկոլայ Բասկովը, Սոսո Պավլիաշվիլին, «Ա ստուդիո» խումբը, Քրիստինա Օրբակայտեն և ուրիշներ:

Կենդանի արձաններ, ուղղաթիռ և «հրեշտակներ». Գագիկ Ծառուկյանի որդու ճոխ հարսանիքը

Հավելենք, որ Facebook-ում տեղեկություններ են հայտնվել նաև Նվեր Ծառուկյանի հարսանիքի ծախսերի մասին։ Ըստ հրապարակված տեղեկությունների՝ ծախսերը կազմել են մոտ 4 մլն ԱՄՆ դոլար։ Նշվում է, որ հրավիրված արտիստներից ամենաշատը ստացել է Նիկոլայ Բասկովը ՝ ռուսական փոփ-բեմի արքային իբր վճարվել է 120 հազար դոլար։ Լարիսա Դոլինան «ընդամենը» 70 հազար դոլար է վաստակել։

577
թեգերը:
Ռեստորան, Լարիսա Դոլինա, Երևան
Ըստ թեմայի
Հայտնի է` ովքեր կերգեն Գագիկ Ծառուկյանի որդու հարսանիքին. «Հրապարակ»
Թագավորական քեֆը սկսված է. հրապարակվել են Գագիկ Ծառուկյանի որդու հարսանիքի առաջին կադրերը
Լարիսա Դոլինան անճանաչելի է դարձել. նա ավելի երիտասարդ տեսք ունի, քան դուստրը