Բողոքի ակցիա. 7 ապրիլի, 2021թ.

Բերման ենթարկված կանայք դժգոհել են ոստիկանների կիրառած անհամաչափ ուժից․ ՄԻՊ

100
(Թարմացված է 23:32 07.04.2021)
Բերման ենթարկելիս ոստիկանության ծառայողները չեն հայտնել բերման ենթարկելու հիմքերն ու պատճառները:

ԵՐԵՎԱՆ, 7 ապրիլի- Sputnik. Այսօր ՀՀ կառավարության շենքի մոտից բերման ենթարկված կանայք դժգոհել են ոստիկանների կիրառած անհամաչափ ուժից։ Հայաստանի Մարդու իրավունքների պաշտպանի աշխատակազմը Facebook–ի էջում հաղորդագրություն է տարածել՝ ներկայացնելով պաշտպանի արագ արձագանքման այցի արդյունքները։

Նշվում է, որ ՄԻՊ գրասենյակը մի շարք ահազանգեր է ստացվել բերման ենթարկված բողոքի ակցիայի մասնակիցների վերաբերյալ։ Պաշտպանի աշխատակազմի արագ արձագանքման խմբերն այցել են ստիկանության բաժիններ, առանձնազրույցներ ունեցել բերման ենթարկվածների և նրանցից մի քանիսի փաստաբանների հետ:

«Վարչական ձերբակալման ենթարկված բոլոր կանայք առանձնազրույցների ընթացքում նշել են, որ բերման ենթարկելիս ոստիկանության ծառայողներն իրենց որևէ պահանջ չեն ներկայացրել, չեն հայտնել բերման ենթարկելու հիմքերն ու պատճառները: Հիմքերն ու պատճառները չեն ներկայացվել նաև ոստիկանության բաժիններում: Գրեթե բոլորը նշել են, որ ոստիկանության բաժիններում չեն ներկայացվել իրենց նվազագույն իրավունքները»,- նշված է հաղորդագրության մեջ։

Առանձնազրույցի ընթացքում քաղաքացիները տաև տեղեկացրել են, որ հավաքի ընթացքում ոստիկանների արձագանքն իրենց գործողություններին եղել է անհամաչափ:

Ձվեր, կարմիր ներկ ու Փաշինյանի հրաժարականի պահանջ. կանանց բողոքի ակցիայի ամենավառ կադրերը

Օրինակ` բերման ենթարկված կանանցից մեկի խոսքով՝ իրեն բերման է ենթարկել ոստիկանության 4, իսկ մյուսի խոսքով` 3 ծառայող` գործադրելով անհափաչափ ուժ: Նմանատիպ խնդրի մասին բարձրաձայնել են նաև այլ բերման ենթարկվածներ:

Ազատությունից զրկված անձանց համար ՄԻՊ ներկայացուցիչները պարզաբանել են նրանց նվազագույն իրավունքները:

«Այսօրվա այցերի ընթացքում արձանագրվածը վկայում է վարչական ձերբակալման շրջանակում մարդուն բերման ենթարկելու համակարգային խնդիրների մասին` կապված ազատությունից զրկելիս հիմքերն ու պատճառները ձերբակալվողներին տեղում չներկայացնելու, իրավունքները չպարզաբանելու, բերման ենթարկելիս ուժի գործադրման հետ: Անհրաժեշտ է հնարավորինս անհատական մոտեցում` բերման ենթարկելը դիտելով վերջին միջոց և հաշվի առնելով կոնկրետ իրավիճակի առանձնահատկությունները, ձերբակալվողի սեռը և այլ հանգամանքներ»,- ընդգծված է հաղորդագրության մեջ։

Պաշտպանի ներկայացուցիչները ոստիկանության բաժիններում ծանոթացել են վարչական վարույթի նյութերին, անհրաժեշտ պարզաբանումներ ստացել բաժինների ղեկավար կազմից:

Նշվում է, որ ոստիկանության ծառայողները պատշաճ համագործակցել են պաշտպանի աշխատակազմի հետ, տրամադրել անհրաժեշտ բոլոր տեղեկությունները:

Այցի արդյունքներն ամփոփվում են, դրանց արդյունքներով պայմանավորված պարզաբանումներ կպահանջվեն ոստիկանությունից:

Հիշեցնենք՝ այսօր մի քանի տասնյակ կանայք, հիմնականում «ՎԵՏՕ» շարժման անդամներ, բողոքի ակցիա էին կազմակերպել՝ պահանջելով վարչապետ Նիկոլ Փաշինյանի և նրա թիմի հրաժարականը։ Կառավարության շենքի դիմաց հրմշտոց ու ծեծկռտուք տեղի ունեցավ կանանց և ոստիկանների միջև։

Բախման հետևանքով ոստիկանության ծառայողները բերման ենթարկեցին ակցիայի մի քանի մասնակիցների։

Բողոքի ակցիայից բերման է ենթարկվել նաև ազգային հերոս Տիրան Խաչատրյանի կինը

100
թեգերը:
Բողոքի ակցիա, ՀՀ ՄԻՊ, Կին, ոստիկան
Ըստ թեմայի
«Հանգիստ շնչեք տղաներ, մնաց 11 ամիս». հայտնի կանայք շնորհավորում են
Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
Բերման է ենթարկվել 15 մարդ, նրանց թվում նաև պատերազմի զոհերի հարազատներ կան. տեսանյութ
Молочные продукты в магазине

Կաթնամթերքի գնի էական բարձրացում չկա, բայց արտադրողները մոլորեցնում են սպառողին

3
(Թարմացված է 11:40 12.04.2021)
ՏՄՊՊՀ–ն արտադրողներից պահանջում է հստակ տարանջատել կաթ պարունակող ու բուսական յուղ պարունակող մթերքները և ապրանքի վրա գրել իրականությանը համապատասխանող տեղեկություններ։

ԵՐԵՎԱՆ, 12 ապրիլի - Sputnik. ՀՀ Տնտեսական մրցակցության հանձնաժողովն ուսումնասիրություններ է իրականացնում կաթնամթերքի շուկայում։ Տեղեկությունը լրագրողներին հայտնեց ՏՄՊՊՀ նախագահ Գեղամ Գևորգյանը։

«Խնդիրն այն է, որ կաթ ու բուսական յուղ պարունակող մթերքները պետք է իրարից հստակ տարանջատվեն, և այն տվյալները, որոնք զետեղված են ապրանքի վրա, պետք է համապատասխանեն իրականությանը, որպեսզի հասարակությանը մոլորության մեջ չգցեն»,– ասաց Գևորգյանը։

Դրա համար, նրա խոսքով, անհրաժեշտ է իրականացնել օրենսդրական փոփոխություններ։

Գևորգյանը նաև հայտնեց, որ այս շուկայում գնի էական բարձրացում չկա։ Շուկան կենտրոնացած չէ, ոլորտի արտադրողները թիվը Հայաստանում մի քանի տասնյակ է, հետևաբար մեծ է նաև մրցակցությունը, ինչը նվազեցնում է հակամրցակցային համաձայնությունների ռիսկը։

Գևորգյանը շեշտեց, որ անցնող 2 տարիների ընթացքում հանձնաժողովը պարբերաբար ստուգումներ է իրականացրել կաթնամթերքի շուկայում, և ամեն հաջորդ ստուգման արդյունքներով ավելի քիչ խախտումներ են արձանագրվել։

«Սակայն այսօր չենք կարող ասել, որ դաշտն ամբողջությամբ զերծ է իրավախախտումներից։ Հիմա հավաքել ենք նաև տնտեսվարող սուբյեկտներին, որպեսզի ցույց տանք, թե ինչպես է պետք մակնշումը կատարել»,– ասաց Գևորգյանը։

Նշենք, որ կաթնամթերքի արտդրությամբ զբաղվող գործարարների հետ քննարկումը նախատեսված է Գևորգյանի ասուլիսից անմիջապես հետո։

3
Արխիվային լուսանկար

510 նոր դեպք, 18 մահ` մեկ օրում. կորոնավիրուսային հիվանդության ընթացքը Հայաստանում

38
(Թարմացված է 10:54 12.04.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 12 ապրիլի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 510–ով և դարձել 203327։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 15785 մարդ, կատարվել է 906177 թեստավորում, առողջացել են վարակվածներից 182836-ը։ Գրանցվել է մահվան 3753 դեպք (+18)։ Կորոնավիրուսով վարակված, բայց այլ պատճառով մահացածների թիվն ավելացել է 1–ով և դարձել 953։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Կարո՞ղ է պատվաստումը կանխել կորոնավիրուսը. պատասխանում է բժիշկ Մյասնիկովը

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

 

38
թեգերը:
Հայաստան, մայր, հիվանդություն, համավարակ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Որքա՞ն պատվաստանյութ է գնել Հայաստանը
Նուբար Աֆեյանի Moderna ընկերությունը 80 մլն չափաբաժին պատվաստանյութ կմատակարարի Գերմանիա
Հայաստան բերված «Սպուտնիկ V» պատվաստանյութը նախատեսված է 7500 հոգու համար. տեսանյութ