ՀՀ ՊՆ մարշալ Արմենակ Խանփերյանցի անվան ռազմական ավիացիոն համալսարանի բուժծառայության պետ, մայոր Անուշ Իսախանյան

Կտավ եմ պատվիրել` Ղազանչեցոց վանքը, որ Շուշիի մեր տանը կախենք. զրույց մայոր Իսախանյանի հետ

850
(Թարմացված է 10:37 08.04.2021)
Անուշ Իսախանյանն արդեն 18 տարի ծառայում է ռազմական ավիացիոն համալսարանում։ Նա Sputnik Արմենիային պատմել է իր ընտանիքի և իր ծառայության մասին։

Բուժկետը ՀՀ ՊՆ մարշալ Արմենակ Խանփերյանցի անվան ռազմական ավիացիոն համալսարանի կուրսանտների սիրելի վայրերից է։ Այստեղ չգրված օրենք կա. ինչ ասվել է բուժկետում, այնտեղ էլ մնում է ու չի հանրայնացվում։ Այս կանոնները դրել է համալսարանի բուժծառայության պետ, մայոր Անուշ Իսախանյանը։

Начальник медслужбы военно-авиационного университета имени маршала Арменака Ханферянца Ануш Исаханян
© Sputnik / Aram Nersesyan
ՀՀ ՊՆ մարշալ Արմենակ Խանփերյանցի անվան ռազմական ավիացիոն համալսարանի բուժծառայության պետ, մայոր Անուշ Իսախանյան

«Կուրսանտներին մեր զավակների նման ենք վերաբերվում. իսկ նրանք մեզ հետ անկեղծ են։ Երբեմն նրանք գալիս են ու ասում, որ ուզում են քնել, քանի որ անքուն գիշեր է եղել ու հոգնած են։ Մենք էլ անհրաժեշտության դեպքում ընդառաջում ենք»,–պատմում է մայորը։

Начальник медслужбы военно-авиационного университета имени маршала Арменака Ханферянца Ануш Исаханян
© Sputnik / Aram Nersesyan
ՀՀ ՊՆ մարշալ Արմենակ Խանփերյանցի անվան ռազմական ավիացիոն համալսարանի բուժծառայության պետ, մայոր Անուշ Իսախանյան

Իսախանյանը խիստ է, բայց բարի։ Նա շատ զուսպ է ու կազմակերպված, ու դա երևում է շատ լավ արդուկված համազգեստից, որի օձիքին ինքնաթիռ է ամրացված, իսկ կրծքին` խաչ։

Значок на лацкане формы начальника медслужбы военно-авиационного университета имени маршала Арменака Ханферянца Ануш Исаханян
© Sputnik / Aram Nersesyan
Անուշ Իսախանյանի համազգեստը

Արդեն 18 տարի է` նա համալսարանում է ծառայում ու դա իր հետքն է թողել նրա կեցվածքի ու պահվածքի վրա։ Իսախանյանին համալսարան են հրավիրել ինտերնատուրան ավարտելուց հետո։ Ուսման տարիներին մի անգամ նա տեսավ բուժվողի շնորհակալ հայացքը ու հասկացավ, որ ուզում է` իրեն էլ այդպես նայեն։ Բայց դրան զուգահեռ` միշտ երազել էր համազգեստ կրել ու ծառայել զինված ուժերում։ Ճակատագրի բերումով նրան հաջողվեց համատեղել բժշկությունն ու ծառայությունը։ Ու արդեն մի քանի սերունդ կուրսանտներ նայում են նրան ճիշտ նույն հայացքով, որով նայում էր այն պացինետը բժշկին։

«Ծառայության ընթացքում դժվարությունները շատ չէին։ Սկզբում տղամարդիկ թերահավատությամբ էին վերաբերվում զինվորական կանանց, բայց հիմա վերաբերմունքը փոխվել է. կուրսանտ աղջիկները տղաներին հավասար են ընդունվում ու նրանցից էլ լավ սովորում», – նշեց բուժծառայության պետը։

Ինքը համոզված ֆեմինիստ է ու վստահ է, որ բազում հարցերում կինը գերազանցում է տղամարդուն։ Մի ժամանակ կարծում էր, որ կամքի ուժն ու բնավորությունը հայրիկից է ժառանգել, բայց տարիներ անց հասկացավ, որ մայրիկից է։ Նա մենակ է մեծացրել իրեն ու իր ավագ եղբայրներին, բայց երբեք դեմ չի եղել, որ երկուսը բանակում ծառայեն, իսկ երրորդը միշտ հայրենիքի պաշտպանության մարտերին մասնակցի։

Արցախի տան բանալիներն ամեն դեպքում պահում են. քաշաթաղցի ընտանիքը երազում է տուն ունենալ

Իսախանյանի կարծիքով` հենց ծնողների դաստիարակության շնորհիվ է, որ ինքն իր արժանի տեղն է գտել ԶՈւ–ում։ Նա հիշում է, որ հայրը իրենց համար արգելված գրականություն էր կարդում, պատմում Գարեգին Նժդեհի ու Անդրանիկ Օզանյանի մասին։ Անգամ ընտանեկան ալբոմի առաջին լուսանկարը Օզանյանինն էր։ Առաջին պատերազմից հետո հենց այդ ալբոմի լուսանկարներն էլ իբրև մանկության մասունք նվիրում էին արցախցի բարեկամներին, որոնք կորցրել էին ամեն ինչ։

Начальник медслужбы военно-авиационного университета имени маршала Арменака Ханферянца Ануш Исаханян
© Sputnik / Aram Nersesyan
ՀՀ ՊՆ մարշալ Արմենակ Խանփերյանցի անվան ռազմական ավիացիոն համալսարանի բուժծառայության պետ, մայոր Անուշ Իսախանյան

Ցավոք, այդ պատերազմում նա կորցրեց հորը, որը զոհվեց դստեր ծննդյան օրը` հայրենի Թալիշը պաշտպանելիս։ Այդ օրվանից Իսախանյանը չի նշում իր ծննդյան օրը, բայց շնորհակալ կուրսանտները մի տարբերակ գտնում են նրա աշխատասենյակ ծաղկեփունջ տանելու։

«Կյանքիս ամենածանր օրը 2016 թվականի ապրիլի երկուսն էր։ Մենք 1992թ.–ին անցել էինք դրա միջով ու գիտեինք շարունակությունը։ Ամեն անգամ պատերազմի բոթով մարմնիս մի մասը վերանում է։ Այս վերջինը առանձնահատուկ ցավոտ էր։ Հորս շիրիմը մնաց Թալիշում»,–ասում է նա։

Իսախանյանը չի պատկերացնում իր կյանքը քաղաքացիական կյանքում։ Աշխատավայրում է լինում ժամանակից մեկ ժամ շուտ, երբեմն էլ մնում է ողջ գիշեր, եթե որևէ մեկը վատառողջ է։ Կոլեկտիվի հետ ընկերական հարաբերություններ են. առավոտյան սուրճն աշխատավայրում են խմում ու քննարկում օրվա պլանները։

Իսկ ընտանիքում մեծանում է նրա պոտենցիալ մրցակիցը. կրտսեր դուստրը որոշել է մոր տեղը զբաղեցնել ու այլ աշխատավայր չի ուզում ունենալ։ Մայորին դա միայն ուրախացնում է, քանզի կարծում է, որ երեխաներին կարողացել է դաստիարակել այնպես, ինչպես իրեն են դաստիարակել։ 

«Իմ երեխաներին երդվել եմ տվել, որ եթե ոչ այսօր, ապա վաղը Թալիշն ու ոչ միայն այն, մերն են լինելու, ու մենք Շուշիում ենք ապրելու։ Աղջկաս (նկարչուհի է,–խմբ.) կտավ եմ պատվիրել` Ղազանչեցոց վանքը, որ Շուշիում մեր տանը կախենք»,-նշում է նա։

ՀՀ ՊՆ մարշալ Արմենակ Խանփերյանցի անվան ռազմական ավիացիոն ինստիտուտը հիմնադրվել է 1993թ․-ին։ 27 տարվա ընթացքում բուհը բազմաթիվ մասնագետներ է պատրաստել․ օդաչուներ, ՀՕՊ օպերատորներ, կապավորներ։ Այդ թվում եղել են բազմաթիվ կանայք, որոնք այսօր ծառայում են Հայաստանի տարբեր մարզերի ռազմական ստորաբաժանումներում։

«Մա՞մ, էլի ջոկողություն ես անո՞ւմ...». Շուշիում նույն օրը զոհված եղբայրների պատմությունը

850
թեգերը:
Անուշ Իսախանյան, նկար, Կին, Ղազանչեցոց եկեղեցի (Շուշի), Շուշի
Ըստ թեմայի
Կոմանդոսին սպանեց Շուշին հանձնելու ցավը․ մարտական ընկերները՝ Արցախի լեգենդար հերոսի մասին
Առաջիններն իրենց ոլորտում, կամ ովքեր են գիտության մեջ հեղափոխություն արած հայուհիները
Հերոս՝ անհայտ մարտական ուղով. Սամվել Աթոյանի ընտանիքն ուզում է գտնել նրա ընկերներին
Մոմեր

«Ինչքան ենք քեզ կարոտելու». մահացել է երգչուհի Զարուհի Բաբայանի մայրը

120
(Թարմացված է 17:57 13.04.2021)
Հայտնի երգչուհին և նրա դուստրը հուզիչ գրառումներ են կատարել սոցցանցային իրենց էջերում և հայտնել տխուր լուրը։

ԵՐԵՎԱՆ, 13 ապրիլի - Sputnik․ Մահացել է հայտնի երգչուհի Զարուհի Բաբայանի մայրը՝ տիկին Էմման: Երգչուհին Instagram-ի իր էջում ընտանեկան արխիվային լուսանկար է հրապարակել և հուզիչ գրառում կատարել:

«Երբեք չէի մտածի, որ այս տողերն այսքան շուտ կգրեմ: Մամ ջան, Աստված հոգիդ լուսավորի, ինչքան ենք քեզ կարոտելու»,- գրել է երգչուհին:

Զարուհու դուստրը՝ Սոֆի Դևոյան կրտսերը, վերահրապարակել է մոր գրառումը։ «Իմ մանկության ամենավառ հիշողությունները կապված են քեզ հետ, իմ լույս տատիկ: Քո բացը շատ եմ զգալու: Աստված հոգիդ լուսավորի, դու միշտ մեր սրտերում ես»,–հրապարակմանը կից գրել է Սոֆին:

Instagraqm story Софи Девоян
Instagraqm story Софи Девоян

Հիշեցնենք, որ օրեր առաջ մահացել էր Սոֆիի պապիկը՝ բժիշկ-գինեկոլոգ Գեորգի Կիմի Պողոսյանը։

120
թեգերը:
Մահ, Տատիկ, Սոֆի Դևոյան, Զարուհի Բաբայան
Ըստ թեմայի
Հայտնի է բժիշկ Գեորգի Պողոսյանի մահվան պատճառը. հարազատներից մեկը մանրամասներ է պատմել
Միշտ զգալու ենք քո կարիքը. Սոֆի Դևոյանը հուզիչ գրառում է արել Գեորգի Պողոսյանի մահից հետո
Հակոբ Արշակյան. արխիվային լուսանկար

Լրագրողին հարվածելն իրավական ընթացք չի ստանա. ՀՔԾ-ն քրեական գործ չի հարուցել Արշակյանի դեմ

46
(Թարմացված է 16:57 13.04.2021)
Երևանի սրճարաններից մեկում լրագրողը մոտեցել էր Հակոբ Արշակյանին և հարցրել, թե ինչու է աշխատանքային ժամին սրճարանում։ Րոպեներ անց Արշակյանը մոտեցել էր լրագրողին, հարվածել նրան, կոտրել համակարգիչը:

ԵՐԵՎԱՆ, 13 ապրիլի – Sputnik. Լրագրող Փայլակ Ֆահրադյանին հարվածելու համար ԲՏԱ նախկին նախարար Հակոբ Արշակյանի դեմ քրեական գործ չի հարուցվի։ Տեղեկությունը Sputnik Արմենիայի հետ զրույցում հայտնեցին ՀՀ հատուկ քննչական ծառայությունից։

«Նախապատրաստված նյութերի հիման վրա որոշում է կայացվել քրեական գործ հարուցելը մերժելու մասին՝ հանցակազմի բացակայության հիմքով», - ասացին ՀՔԾ-ից։

Հիշեցնենք՝ մարտի 19-ին լրագրող Փայլակ Ֆահրադյանը Facebook-ի իր էջի ուղիղ եթերում հայտարարել էր, որ բարձր տեխնոլոգիաների արդյունաբերության նախարար Հակոբ Արշակյանը բառացիորեն հարձակվել է իր վրա:

Նրա խոսքով` դեպքը տեղի է ունեցել Երևանում գործող սրճարաններից մեկում: Լրագրողը մոտեցել է նախարարին ու հարցրել, թե ինչու է նախարարն աշխատանքային ժամը որոշել անցկացնել սրճարանում:

Արշակյանը նախ ասել է, որ գիշերային ժամերին է աշխատում, իր համար բոլոր ժամերն աշխատանքային են: Դրանից հետո խնդրել է լրագրողին անջատել տեսախցիկը, այնուհետև սկսել է սպառնալ: Լրագրողը բարձրացել է սրճարանի երկրորդ հարկ և սկսել աշխատել։

Հակոբ Արշակյանը հարձակվել է լրագրողի վրա. դեպքը կքննի ՀՔԾ–ն

Հակոբ Արշակյանը լրագրողի հետևից բարձրացել է ու հարվածել նրան, ինչպես նաև կոտրել վերջինիս համակարգիչը։ Համացանցում տարածվեց միջադեպի տեսանյութը, որում երևում է, թե ինչպես է նախարարը քաշքշում լրագրողին, նրա կին գործընկերոջը, ապա հարվածում Փայլակի դեմքին և կոտրում համակարգիչը։

Նույն օրը Արշակյանը Facebook–ի իր էջում անդրադարձավ տեղի ունեցածին, ներողություն խնդրեց և վստահեցրեց, որ պատրաստ է պատասխանատվություն կրել միջադեպի կապակցությամբ։

Օրեր անց՝ մարտի 31-ին, նա հրաժարականի դիմում ներկայացրեց։

Վեճից առաջ Հակոբ Արշակյանը կնոջ հետ ընդմիջում է արել սրճարանում. տեսանյութ և մանրամասներ

46
թեգերը:
Քրեական գործ, Նախարար, Հակոբ Արշակյան
Ըստ թեմայի
Աբու Դաբիի ցուցահանդեսի սկանդալի համար նախարարության 3 աշխատակից նկատողություն է ստացել
ՄԻՊ-ը պատրաստվում է պաշտոնյաների վիրավորական գրառումներն ուղարկել դատախազություն
Ճի՞շտ է արդյոք Հակոբ Արշակյանի պաշտոնանկության լուրը
Հակոբ Արշակյանը հրաժարվում է պաշտոնից. նա բացատրել է իր որոշման պատճառը
Միքայել Մելքումյան. արխիվային լուսանկար

Ինչո՞ւ իջավ դոլարի գինը, ի՞նչ է կատարվում երկրում․ պատգամավորը ԿԲ-ից պատասխան է պահանջում

0
(Թարմացված է 18:06 13.04.2021)
Երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրեցին, թե արդյո՞ք դոլարի փոխարժեքի բարձրացումն ուՀՀ-ում գրանցվող գնաճը կառավարելի են, Երիցյանն ասաց, որ հակառակ դեպքում ինքն ԱԺ չէր գա ու կզբաղվեր այդ գործով։

ԵՐԵՎԱՆ, 13 ապրիլի – Sputnik. Դոլարի փոխարժեքը շուրջ կես տարի անընդմեջ բարձրանալուց հետո վերջին մի քանի օրվա ընթացքում Հայաստանում նվազել է շուրջ 15-20 դրամով։ Այսօր այս խնդրին ԱԺ-ի ամբիոնից անդրադարձավ «Բարգավաճ Հայաստան» խմբակցության անդամ Միքայել Մելքումյանը՝ արձանագրելով, որ նման անսպասելի անկման պատճառը եղել է այն, որ ԿԲ-ն միանգամից 56 մլն դոլարի ներարկում է արել ՀՀ ֆինանսական շուկա։

«Ես ուզում եմ հասկանալ՝ երբ դոլարի գինը 530-532 դրամից 2 օրվա մեջ հասավ 545-547 դրամի, դա օրինաչա՞փ երևույթ էր»,- ասաց Մելքումյանը, ԿԲ-ից պահանջելով հրապարակավ մեկնաբանել, թե ինչ է կատարվում ՀՀ ֆինանսական շուկայում, և ի վերջո ԿԲ-ն իր գործառույթներն իրականացրե՞լ է, թե՞ ոչ։

«2 օր դու հետևում ես, որ անընդհատ աճում է ու մի կախարդական փայտիկի հարվածով իջեցնում են։ Հիմա մենք չգիտենք, թե հաջորդիվ ինչ է լինելու, 56 մլն-ը բավարա՞ր էր, թե՞ չէ։ Թող բացատրեն։ Արտարժույթ չկա՞ երկրում»,- ասաց Մելքումյանը։

Ընդդիմադիր պատգամավորը նաև կարծիք հայտնեց, որ դոլարի փոխարժեքի շարունակվող բարձրացումը հետևանք է արտահանման ծավալների կրճատման, ներդրումների դադարեցման, շինարարության ծավալների անկման և այլն, ԿԲ-ից ակնկալելով այս բոլոր հարցերի պատասխանները։

Հիշեցնենք՝ ապրիլի 6-ին, երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրին, թե արդյո՞ք դոլարի փոխարժեքի բարձրացումն ու ՀՀ-ում գրանցվող գնաճը կառավարելի են, Երիցյանն ասաց․ «Իրավիճակը կառավարելի է, հակառակ դեպքում ես այսօր չէի գա, կզբաղվեինք այդ գործով»։

Երկու օր անց՝ ապրիլի 8-ին, ԿԲ-ն հայտարարեց, որ ՀՀ ֆինանսական շուկաների բնականոն գործունեության ապահովման նպատակով ՀՀ արտարժութային շուկայում գործառնություններ կիրականացնի։

Այդ գործառնությունների արդյունքում դոլարի փոխարժեքը Հայաստանում միանգամից նվազեց շուրջ 20 դրամով։

Ինչու է դոլարի փոխարժեքը տատանվում և ինչ զարգացումներ են սպասվում արժութային շուկայում

0
թեգերը:
տնտեսություն, Հայաստան, դոլար, Կենտրոնական բանկ (ԿԲ), Միքայել Մելքումյան
Ըստ թեմայի
ԿԲ-ն դոլար կներարկի շուկա. Թունյանը բացատրել է` ինչ է պատրաստվում անել գլխավոր դրամատունը
ՀՀ ԶՈւ վերականգնման համար մոտ 3 միլիարդ դոլար է հարկավոր․ Քոչարյան
Քերոբյանի խոստացած 30 մլն դոլարանոց գյուղատնտեսական ծրագիրն արդեն մեկնարկել է