Հայաստանում ԱՄՆ դեսպանատուն

ԱՄՆ-ն Հայաստանին հավելյալ 1 մլն դոլար է տրամադրում COVID-19-ի դեմ պատվաստման համար

50
(Թարմացված է 16:03 07.04.2021)
Համավարակի դեմ պայքարի նպատակով Միացյալ Նահանգների՝ մեր երկրին տրամադրած ֆինանսական միջոցները հասնում են 11 միլիոն դոլարի։

ԵՐԵՎԱՆ, 7 ապրիլի– Sputnik․ Միացյալ Նահանգների կառավարությունը, ԱՄՆ Միջազգային զարգացման գործակալության (ԱՄՆ ՄԶԳ) միջոցով, լրացուցիչ 1 միլիոն դոլար է տրամադրում՝ աջակցելու COVID-19 դեմ պայքարում։ Տեղեկությունը հայտնում է USAID Armenia-ի մամուլի ծառայությունը Facebook-ի պաշտոնական էջում։

Այսպիսով, COVID-19-ի դեմ պայքարի համար ԱՄՆ ՄԶԳ տրամադրած ընդհանուր ֆինանսավորումը մեր երկրին դառնում է ավելի քան 11 միլիոն ԱՄՆ դոլար։

«Այն ներառում է արտակարգ իրավիճակի համար նախատեսված ֆինանսավորում՝ առողջապահական հրատապ կարիքները բավարարելու, ինչպես նաև ժողովրդավարական զարգացման և տնտեսական աճի վրա համավարակի երկրորդային և երրորդային ազդեցությունները մեղմացնելու համար»,- նշված է հաղորդագրության մեջ։

Ֆինանսական միջոցները հատկացվում են ՅՈՒՆԻՍԵՖ-ին` Հայաստանում COVID-19-ի դեմ պատվաստումների օժանդակման և արդյունավետ իրականացման համար՝ ըստ «Պատվաստանյութերի բաշխման և պատվաստումների ազգային ծրագրի»։

«Համաճարակի ողջ ընթացքում ԱՄՆ-ն գործակցել է Հայաստանի հետ՝ COVID-19-ի դեմ պայքարում: Այս նոր օժանդակության միջոցով մենք կշարունակենք աշխատել միասին`հաղթահարելու COVID-19-ը և նախապատրաստվելու հանրային առողջության հետագա սպառնալիքներին»,- կառույցը մեջբերում է Հայաստանում ԱՄՆ դեսպան Լին Թրեյսիի խոսքերը։

Նշենք, որ համավարակի բռնկումից մինչ օրս ԱՄՆ-ն սերտորեն գործակցում է Հայաստանի հետ՝ հանրային առողջության պահպանման և COVID-19-ի դեմ արձագանքն ուժեղացնելու ուղղությամբ: Սա ներառում է լաբորատոր կարողությունների ամրապնդման և ծանր դեպքերի կառավարման ֆինանսավորում, հիմնական սարքավորումների ապահովում, աջակցություն խոցելի տնային տնտեսություններին և երեխաներին և այլն։

Աֆեյանի ընկերությունը պատվաստանյութի 100 մլն չափաբաժին է փոխանցել ԱՄՆ-ի կառավարությանը

Հաղորդագրության մեջ շեշտվում է, որ ԱՄՆ-ը շարունակում է «գլոբալ առաջնորդություն ցուցաբերել միջազգային առողջապահության և COVID-19 համավարակի դեմ պայքարում հումանիտար աջակցություն ցուցաբերելու գործում»։ 2001 թվականից ի վեր ԱՄՆ կառավարությունն ավելի քան 140 միլիարդ ԱՄՆ դոլարի օժանդակություն է ցուցաբերել գլոբալ առողջապահական ծրագրերին և տեղական առողջապահական համակարգերի կարողությունների զարգացմանը:

50
թեգերը:
պատվաստանյութ, կորոնավիրուս, Հայաստան, ԱՄՆ
Ըստ թեմայի
Ռուսական պատվաստանյութը շուտով կհասնի Հայաստան. ՌԴ դեսպան
Ո՞ր պատվաստանյութն է ամենալավը
Ռուսաստանի առողջապահության նախարարությունը գրանցել է «Սպուտնիկ Լայթ» պատվաստանյութը
Люди на улице Мовсеса Хоренаци

Մի քանի օր շարունակ Հայաստանում տեղումներ չեն գրանցվի. եղանակի տեսություն

1
(Թարմացված է 15:00 22.04.2021)
Օդերևութաբանների կանխատեսումների համաձայն` Հայաստանի որոշ մարզերում օդի ջերմաստիճանը կհասնի +26-ի։

ԵՐԵՎԱՆ, 23 ապրիլի – Sputnik. Ապրիլի 23-25-ը Հայաստանում սպասվում է առանց տեղումների եղանակ: Տեղեկությունը հայտնում է Հիդրոօդերևութաբանության և մոնիթորինգի կենտրոնը։

«Օդի ջերմաստիճանն էապես չի փոխվի»,– նշված է հաղորդագրության մեջ։

Ըստ կենտրոնի հրապարակած ցուցանիշների` այսօր ամենատաքը կլինի Արարատում, Արմավիրում, Վայոց Ձորում և Սյունիքում, որտեղ 26 աստիճան տաքություն կգրանցվի։

Եղանակի կանխատեսում
Եղանակի կանխատեսում

Տեղումները կվերսկսվեն ապրիլի 26-ին։

Երևանում օդի ջերմաստիճանը ցերեկային ժամերին կտատանվի +23-ից +25–ի սահմանում, իսկ գիշերը կնվազի մինչև +10-ից +12։

Էջմիածնով անցնող հատվածում երթևեկությունը ժամանակավորապես կկազմակերպվի մեկ երթևեկելի գոտով

1
թեգերը:
Անձրև, եղանակ, Հայաստան
թեմա:
Եղանակը Հայաստանում
Ըստ թեմայի
«Նամակ անցյալից». Հայաստանում պեղված դամբարանադաշտը կարող է փոխել մեր պատկերացումները
Ծիծեռնակաբերդ այցելողների համար դիմակ դնելը պարտադիր կլինի
Ինչպես մասնակցել ապրիլի 25-ի համապետական ծառատունկին․ ծրագրի մանրամասները
Բողոքի ակցիա գլխավոր դատախազության մոտ՝ ի աջակցություն ձերբակալվածների

Բերման ենթարկվածների նկատմամբ քայլերի իրավաչափությունը կստուգվի. դատախազի խորհրդական

45
(Թարմացված է 22:36 22.04.2021)
Գոռ Աբրահամյանն անդրադարձել է սյունեցիներին բերման ենթարկելու հետ կապված դեպքերին, ինչպես նաև դատախազության առջև բողոքի ակցիային։

ԵՐԵՎԱՆ, 22 ապրիլի - Sputnik. Իրավապահ մարմինների կողմից քրեական գործի շրջանակներում կատարվում են գործողություններ, որոնց իրավաչափությունը, օրինականությունը ևս, քրեադատավարական ընթացակարգով ստուգվելու են, ֆեյսբուքյան իր էջում գրառում անելով վստահեցնում է ՀՀ գլխավոր դատախազի խորհրդական Գոռ Աբրահամյանը` անդրադառնալով այսօր բերման ենթարկված սյունեցիների դեպքին։

Նշենք, որ այսօր 16 սյունեցի է բերման ենթարկվել, որոնք կասկածվում են վարչապետ Նիկոլ Փաշինյանի` երեկ Սյունիք կատարած այցի ընթացքում խուլիգանություն կատարելու մեջ։ Ի պաշտպանություն ձերբակալվածների` դատախազության առջև բողոքի ակցիա եղավ, որի ժամանակ պահանջում էին, որպեսզի գլխավոր դատախազ Արտակ Դավթյանն իջնի ցած։ Նա, սակայն, արձակուրդում է։

«Ըստ գործով ձեռք բերված փաստական տվյալների` տրվելու են իրավական գնահատականներ, այդ թվում նաև ոչ իրավաչափ ցանկացած դրսևորման՝ այդպիսիք հիմնավորվելու դեպքում։ Առավել ևս, որ առանձին սուբյեկտների կողմից արդեն իսկ արվել են այդ գործողությունների վերաբերյալ դատախազությանը դիմումներ կամ բողոքներ ներկայացնելու մասին հայտարարություններ։ Դրանք ներկայացվելու դեպքում ևս կքննարկվեն, պատշաճ կերպով կտրվեն պատասխաններ կամ կկայացվեն դատավարական որոշումներ»,–գրել է Աբրահամյանը։

Նա հանդարտության, ողջախոհության և փոխադարձ հարգանքի կոչ է անում` խուսափելու համար ավելորդ կրքերի բորբոքումից, ոչ իրավաչափ արարքներից և անցանկալի հետևանքներից։

Դատախազության մոտից 14 անձ է բերման ենթարկվել ոստիկանություն

Անդրադառնալով դատախազի հետ հանդիպում պահանջելուն` Աբրահամյանը հիշեցնում է, որ ակցիայի նախաձեռնողները հրաժարվեցին ընդունել իրենց հուզող հարցերի պատասխանները ստանալու նպատակով մի քանի հոգով ներս մտնելու առաջարկը՝ փոխարենը ելույթների միջոցով պահանջելով այդպես էլ չպարզաբանված ինչ-որ «մոտեցումներ» հայտնել քրգործի շրջանակներում իրականացված գործողությունների կապակցությամբ։

Հիշեցնենք, որ բողոքի ակցիայի մասնակիցները գլխավոր դատախազից երեք պահանջ ունեին` ազատ արձակել բերման ենթարկված սյունեցիներին, քրեական գործեր սկսել իմքայլական այն պատգամավորների նկատմամբ, որոնք ձերբակալմանն ու բռնությանը կողմ էին արտահայտվել։ Բացի այդ, պահանջում էին քրգործ հարուցել իրավապահների դեմ, որոնք խոշտանգում էին շուռնուխցուն՝ բերման ենթարկելուց հետո։

45
թեգերը:
ՀՀ գլխավոր դատախազություն, Բողոքի ակցիա
Ըստ թեմայի
Ոստիկանների ու բողոքի ակցիա անողների միջև հրմշտոց սկսվեց, իրավիճակը լարված է. տեսանյութ
Երևանում ոստիկաններից մեկն ուշագնաց եղավ բողոքի ակցիայի ժամանակ, բերման ենթարկվածներ կան
ՀՀԿ–ն հայտարարություն է տարածել և պահանջում է անհապաղ ազատ արձակել բոլոր ձերբակալվածներին