Կանայք կառավարության մոտ բողոքի ակցիա են անում

Կանայք կառավարության մոտ բողոքի ակցիա են անում, նրանցից ոմանց բերման ենթարկեցին

750
(Թարմացված է 13:41 07.04.2021)
«ՎԵՏՕ» շարժման կին անդամներն ուզում են մտնել կառավարության շենք, որպեսզի թուրքական գլխարկ նվիրեն իշխանություններին` ի նշան թրքասիրության։ Ոստիկանները, սակայն, մի քանի շարքով պատ են կազմել։ Ոստիկանների և ակցիայի մասնակիցների միջև հրմշտոց սկսվեց։

ԵՐԵՎԱՆ, 7 ապրիլի - Sputnik. «ՎԵՏՕ» շարժման կին անդամներն ակցիա են կազմակերպել. նրանք քայլերթով Շառլ Ազնավուրի հրապարակից գնացին դեպի կառավարություն` պահանջելով վարչապետ Նիկոլ Փաշինյանի և նրա թիմի հրաժարականը։

«Շուրջ 6 ամիս է` օրացույցը նոյեմբերի 10-ից այն կողմ չենք կարողանում շրջել։ Գործող իշխանությունը թաքուն փորձում էր թրքասիրության քարոզ իրականացնել, իսկ հետպատերազմյան շրջանում արդեն իսկ բացահայտ են խոսում թշնամու հետ ընկերանալու մասին այն դեպքում, երբ մենք անհետ կորածներ և գերիներ ունենք»,–ասաց «ՎԵՏՕ» նախաձեռնող խմբի անդամ Աննա Հակոբյանը։

  • Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    © Sputnik / Asatur Yesayants
  • Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    © Sputnik / Aram Nersesyan
  • Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    © Sputnik / Aram Nersesyan
  • Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    © Sputnik
  • Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    © Sputnik / Aram Nersesyan
  • Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    © Sputnik / Aram Nersesyan
  • Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    Կանայք կառավարության մոտ բողոքի ակցիա են անում, նրանցից ոմանց բերման ենթարկեցին
    © Sputnik / Aram Nersesyan
1 / 7
© Sputnik / Asatur Yesayants
Կանայք կառավարության մոտ բողոքի ակցիա են անում, նրանցից ոմանց բերման ենթարկեցին

Լրագրողներից մեկի հարցին, թե չե՞ն վախենում, որ ոստիկանները բերման կենթարկեն իրենց` Հակոբյանը պատասխանեց, որ այլևս ոչ մի բանից չեն վախենում, քանի որ կորցնելու ոչինչ չունեն։

Կանայք թուրքական ֆես էին վերցրել, որպեսզի այն նվիրեն գործող իշխանությանը։

Նրանք քայլերթով մոտեցան կառավարության շենքին, որտեղ մի քանի շարքով ոստիկաններ էին հավաքված։ Կանայք հորդորեցին ճանապարհ բացել, իսկ հետո փորձեցին ճեղքել ոստիկանական պատնեշն ու շենք մտնել։

Ի՞նչ պետք է անի Թուրքիան տարածաշրջանի խաղաղության համար. Փաշինյանի պատասխանն «Ինտերֆաքսին»

Կանայք հավկիթներ նետեցին կառավարության շենքի և ոստիկանների ուղղությամբ։ Ոստիկանները սկսեցին բերման ենթարկել շարժման մասնակիցներից որոշներին։ Նշենք, որ ոստիկանների և ակցիայի մասնակիցների միջև հրմշտոց սկսվեց։

Բողոքի ակցիան շարունակվում է։

750
թեգերը:
Նիկոլ Փաշինյան, ոստիկան, «ՎԵՏՕ» շարժում, Կին, Բողոքի ակցիա, Երևան, Հայաստան
Ըստ թեմայի
Դատախազությունը բողոքարկել է Արա Սաղաթելյանին կալանքից ազատելու որոշումը
Թբիլիսիում երիտասարդներն ընդվզում են պարետային ժամի դեմ. տեսանյութ` բողոքի ակցիայից
Համարը փակելն այլևս չի օգնի. վարորդների բողոքները դատարանները կքննեն գրավոր ընթացակարգով
Քրիստինե Պեպելյան

Կարևորը մոմն է, որը «սքոչել են» ձմերուկին. Քրիստինե Պեպելյանը նշում է ծննդյան 41-ամյակը

29
(Թարմացված է 14:49 22.04.2021)
Ճանաչված երգչուհու ծննդյան օրը նրա ընկերուհին զվարճալի անակնկալ է մատուցել, որը ուրախացրել է բոլորին։

ԵՐԵՎԱՆ, 22 ապրիլի –Sputnik. Ճանաչված երգչուհի Քրիստինե Պեպելյանն այսօր նշում է իր  ծննդյան 41-ամյակը: Նշենք, որ երգչուհի Քրիստինե Պեպելյանը մշտական բնակություն հաստատել ԱՄՆ-ում:

Ծննդյան տոնի առթիվ, երգչուհին զվարճալի տեսանյութ  է հրապարակել Instagram-ի իր էջի «story»– ի բաժնում։

Տեսանյութում երևում է, որ երգչուհուն յուրահատուկ անակնկալ է արել ընկերուհին` Անի Աղայանը։ Նա  մի ձմերուկ է գնել, որի վրա կպչուն ժապավենով վառվող մոմ է ամրացրել։

«Այս տարի, իմ ծննդյան տարեդարձին, ես տորթ չունեմ, դե հիմա այդպես է ստացվել, բայց ո՞վ է ասում, որ տորթն է կարևոր, կարևորը մոմն է, որը «սքոչել են» ձմերուկին։ Միայն Անին կարող էր այսպիսի բան մտածել։ Հիմա ձեզ մոտ հարց կառաջանա, մի թե ողջ Լոս Անջելեսում մեկ հատ տորթ չկա՞ր, ոչ, այս ժամին չկար», – կատակում է երգչուհին, այնուհետև երգում «Happy birthday to me» երգն ու փչում մոմը։

Կյանքս կյանքիդ գնով. Քրիստինե Պեպելյանի հուզիչ երգը ընկած տղաների հիշատակին

Չնայած երգչուհին հյուրախաղերով և համերգներով եղել է աշխարհի բազմաթիվ երկրներում, նախընտրել է բնակվել Լոս Անջելեսում։

Երգչուհին թողարկել է «Որ հիշես» (2004թ.), «About me» (2005թ.), «Live in concert» (2006թ.), «Շնորհակալ եմ» (2013թ.) ձայնասկավառակները և 2 տեսասկավառակ: Նկարահանել է ավելի քան 20 տեսահոլովակ:

29
թեգերը:
Լոս Անջելես, տորթ, ձմերուկ, ծնունդ, Քրիստինե Պեպելյան
Ըստ թեմայի
«Ամուսինս Արցախում է. ո՛չ մեկնելուց ենք գրել, ո՛չ էլ սպասել է, որ իրեն կանչեն». Սիրուշո
Ինչ է պատրաստել Նազենի Հովհաննիսյանն այսօր. դերասանուհին պահքի ուտեստներ է ներկայացրել
Նազենի Հովհաննիսյանն առաջին անգամ խմորեղեն է թխել, Սոֆի Մխեյանն էլ նկարել է. տեսանյութ
Շուռնուխ. արխիվային լուսանկար

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

148
(Թարմացված է 15:06 22.04.2021)
ՀՀ Քննչական կոմիտեից Sputnik Արմենիային հայտնեցին, թե ինչ գործի շրջանակներում է բերման ենթարկվել Շուռնուխի բնակիչ Արարատ Աղաբեկյանը։

ԵՐԵՎԱՆ, 22 ապրիլի - Sputnik. Համացանցում տեսանյութ է տարածվել այն մասին, թե ինչպես են ոստիկանության Սյունիքի բաժնի աշխատակիցները ՀՀ քննչական կոմիտե բերման ենթարկում առողջական խնդիր ունեցող շուռնուխցուն, որը ներկայանում է Արարատ Աղաբեկյան անուն–ազգանունով։

50-60 տարեան տղամարդը տեսանյութում ոստիկաններին հայտնում է, որ բարձր ջերմություն ունի, թոքաբորբով հիվանդ է ու տնից դուրս գալիս դեղերը չի վերցրել։

«Այս ամեն ինչի հետ ես ի՞նչ կապ ունեմ, չեմ հասկանում։ Մինչև էդ էլ տանը տաքություն ունեի, մեռնում էի։ Էսօր էլ պիտի կորոնայի թեստ հանձնեի»,– քննիչներին ասում է տղամարդը։

Տեսանյութում երևում է, որ բերման ենթարկվող քաղաքացին դժվարությամբ է շնչում ու չի կարողանում կանգնել կամ ուղիղ նստել աթոռին։

Չնայած դրան, ոստիկանները նրան բաժանմունք են բերում ձեռնաշղթաներով։

Տեսանյութը նկարահանող կինը ոստիկաններին ներկայանում է որպես իրավապաշտպան ու պահանջում, որ նրանք շտապօգնություն կանչեն։

ՀՀ Քննչական կոմիտեից Sputnik Արմենիային հայտնեցին, որ Արարատ Աղաբեկյանը բերման է ենթարկվել ՀՀ Քրեական օրենսգրքի 258 հոդվածի (խուլիգանություն) 1-ին և 3-րդ և 316 (Իշխանության ներկայացուցչի նկատմամբ բռնություն գործադրելը) հոդվածի 1-ին մասով ՔԿ–ում հարուցված քրեական գործի շրջանակներում։

Թե քրեաիրավական ինչ կարգավիճակ ունի շուռնուխցի տղամարդը, ՔԿ–ում առայժմ չեն հստակեցնում։

Ինչպես արդեն հայտնել էինք, Մեղրիի համայնքապետ Մխիթար Զաքարյանին նույնպես ոստիկանները գիշերը բերման են ենթարկել Երևան։

Քննչական կոմիտեից Sputnik Արմենիային հայտնել էին, որ նրա նկատմամբ քրեական գործ է հարուցվել ՀՀ քրեական օրենսգրքի 258-րդ հոդվածի 1-ին մասի, 258-րդ հոդվածի 3-րդ մասի (խուլիգանություն) և 316-րդ հոդվածի հատկանիշներով (իշխանության ներկայացուցչի նկատմամբ բռնություն գործադրելը):

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ Փաշինյանը չկարողանա մտնել այնտեղ։

Ադրբեջանցիները կրակել են Ստեփանակերտի բնակելի տան վրա. Շուշիի՞ց են թիրախավորել

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

Քաջարանի բնակիչները մերժեցին Փաշինյանին

148
թեգերը:
Սյունիք, Նիկոլ Փաշինյան, Քննչական կոմիտե, գյուղացի, Շուռնուխ
Ըստ թեմայի
Նիկոլ Փաշինյանին ու Ալեն Սիմոնյանին Շուռնուխում չէին սպասում
Ի նշան Փաշինյանի դեմ բողոքի՝ ընդդիմադիրները ձվեր կոտրեցին. տեսանյութ
Թաթոյանի հետ հանդիպումից էլի մի տեղ հույսի նշույլ կա. Շուռնուխի գյուղապետ
Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ
Հենրիխ Մխիթարյան

Հենրիխ Մխիթարյանը դեռ լավ մարզավիճակում չէ. Պաուլո Ֆոնսեկա

0
«Ռոմա» ակումբի գլխավոր մարզիչ Պաուլո Ֆոնսեկան հուսով է, որ Հենրիխ Մխիթարյանը շուտ կապաքինվի։

ԵՐԵՎԱՆ, 22 ապրիլի –Sputnik. Հայաստանի հավաքականի ավագ, «Ռոմայի» կիսապաշտպան Հենրիխ Մխիթարյանը դեռ լավագույն մարզավիճակում չէ: Տեղեկությունը հայտնում է «գայլերի» մամուլի ծառայությունը` հղում անելով «Ռոմա» ակումբի գլխավոր մարզիչ Պաուլո Ֆոնսեկային։

«Մխիթարյանն ու Վերելը դեռ լավ մարզավիճակում չեն, թեև նրանց վերականգնումը մեզ լավատեսություն է ներշնչում։ Մենք նրանց խաղային պրակտիկայի հնարավորություն ենք տալիս։ Կարծում եմ՝ նրանք օրեցօր առաջադիմում են», - ասել է պորտուգալացի մասնագետը «Ատալանտայի» հետ հանդիպման նախաշեմին։

Իտալական A Սերիայի 32-րդ տուրում «Ռոմա»-«Ատալանտա» հանդիպումը տեղի կունենա այսօր Հռոմում:

Հիշեցնենք`Հենրիխ Մխիթարյանը սրունքի վնասվածք է ստացել մարտի 12–ին իր նախկին թիմի՝ Դոնեցկի «Շախտյորի» դեմ Եվրոպայի լիգայի 1/8 եզրափակիչի առաջին խաղում:

Հենրիխ Մխիթարյանն ապաքինվել է և կմասնակցի առաջիկա խաղին. ԶԼՄ

0
թեգերը:
Պաուլո Ֆոնսեկա, «Ռոմա» ֆուտբոլային ակումբ, Հենրիխ Մխիթարյան
Ըստ թեմայի
Արման Անդրեասյանը Եվրոպայի առաջնության բրոնզե մեդալակիր է
Մարմնամարզության աշխարհի չեմպիոն Արթուր Դալալոյանը վիրահատվել է
Բռնցքամարտիկ Հովհաննես Փափազյանը փայլուն հաղթանակ տարավ ու դուրս եկավ եզրափակիչ. տեսանյութ