Երևան

Համարը փակելն այլևս չի օգնի. վարորդների բողոքները դատարանները կքննեն գրավոր ընթացակարգով

102
(Թարմացված է 12:39 07.04.2021)
Արդարադատության փոխնախարարը նշեց, որ Հայաստանում հատկապես տարածված են այն դեպքերը, երբ վարորդները ավտոմեքենաների համարները փակում են, որպեսզի խուսափեն վարչական իրավախախտման ենթարկվելուց։

ԵՐԵՎԱՆ, 7 ապրիլի - Sputnik. Ավտոմեքենայով առանց ամրակապվելու երթևեկելու, մոտոցիկլետով առանց սաղավարտի երթևեկելու ու ուղևոր տեղափոխելու, կվադրացիկլով ընդհանուր օգտագործման ավտոճանապարհներով երթևեկելու, լուսացույցի կանոնները խախտելու, արագությունը գերազանցելու, վճարովի ավտոկայանատեղերի համար նախատեսված վճարները չվճարելու, ինչպես նաև պետհամարանիշի օգտագործման կանոնները խախտելու դեպքերով վարչական դատարանների նիստերը կառավարությունն առաջարկում է անցկացնել գրավոր ընթացակարգով։

ՀՀ «Վարչական դատավարության օրենսգրքում» համապատասխան փոփոխություններն այսօր ԱԺ Պետաիրավական մշտական հանձնաժողովի նիստում ներկայացրեց արդարադատության նորանշանակ փոխնախարար Սուրեն Գրիգորյանը։

«Մենք գիտենք, որ տարածված են այն դեպքերը, երբ համարները փակում են, որպեսզի խուսափեն վարչական իրավախախտման ենթարկվելուց»,– ասաց Գրիգորյանը։

Նրա խոսքով` գրավոր ընթացակարգը վարչական դատավարությունում ներդնելու անհրաժեշտությունը պայմանավորված է նախևառաջ այն հանգամանքով, որ Վարչական դատարանում չափազանց մեծ թիվ են կազմում Ճանապարհային ոստիկանության կողմից կայացված տուգանքների որոշումների բողոքարկումները, հատկապես այդ խախտումների դեպքերով։

Մաքսատուրքերի բարձրացումից հետո Հայաստան ներկվող ավտոմեքենաները 25 անգամ պակասել են

Պաշտոնական վիճակագրության համաձայն` դատական այս գործերը վերջին 1-2 տարիների ընթացքում ավելի քան 5 անգամ աճել են։

Նոր օրենքով, գրավոր ընթացակարգ կիրառելու դեպքում, վարչական դատարանի որոշման հետ մեկտեղ դատավարության մասնակիցներին կուղարկվի գրավոր պարզաբանում՝ վարչական դատարանի որոշումը կատարելու ժամկետների եւ չկատարելու հետևանքների մասին:

Գրավոր ընթացակարգի կիրառվման դեպքում դատարանը կարող է նիստ հրավիրել, եթե անհրաժեշտ է դատավարության մասնակիցներից ստանալ բանավոր պարզաբանումներ։

Սուրեն Գրիգորյանի խոսքով, կառավարությունը չի հաշվարկել, թե որքանով գրավոր ընթացակարգը հնարավորություն կտա կրճատել դատավարության ժամկետները։ Փոխարենը սահմանվել են դատավարության փուլերի հստակ ժամկետներ, որպեսզի դատական գործընթացը չտևի տարիներ, ինչպես այսօր շատ հաճախ 

«Գրավոր ընթացակարգ իրականացնելու որոշումը կայացվում է հայցը վարույթ ընդունելիս, և միանգամից պետք է նշի, թե երբ է կայացվելու դատական ակտը։ Այսինքն` կողմը ծանուցում ստանալով, որ հայցն ընդունվել է վարույթ միանգամից իմանում է, թե երբ է ստանալու նաև ակտը։ Այդ որոշման պահից սկսած 4 ամսվա ընթացքում պետք է կայացվի ակտը։ Իհարկե, բացառիկ դեպքերում կարող է ևս 4 ամսով երկարաձգվել»,– ասաց Գրիգորյանը` հավելելով, որ օրինագծով, թեև առավելագույնը 8-ամսյա ժամկետ է սահմանված, բայց ինքը վստահ է, որ դատարանները մեծ մասամբ կսահմանափակվեն 4 ամսով։

Կառավարության ներկայացրած նախագիծը քննարկման արդյունքում արժանացավ հանձնաժողովի հավանությանն ու առաջիկայում կընդգրկվի ԱԺ նիստերի օրակարգում։

102
թեգերը:
խախտում, Ճանապարհային ոստիկանություն(ՃՈ), վարորդ, ավտոմեքենա, Հայաստան
Մոմեր

«Ինչքան ենք քեզ կարոտելու». մահացել է երգչուհի Զարուհի Բաբայանի մայրը

101
(Թարմացված է 17:57 13.04.2021)
Հայտնի երգչուհին և նրա դուստրը հուզիչ գրառումներ են կատարել սոցցանցային իրենց էջերում և հայտնել տխուր լուրը։

ԵՐԵՎԱՆ, 13 ապրիլի - Sputnik․ Մահացել է հայտնի երգչուհի Զարուհի Բաբայանի մայրը՝ տիկին Էմման: Երգչուհին Instagram-ի իր էջում ընտանեկան արխիվային լուսանկար է հրապարակել և հուզիչ գրառում կատարել:

«Երբեք չէի մտածի, որ այս տողերն այսքան շուտ կգրեմ: Մամ ջան, Աստված հոգիդ լուսավորի, ինչքան ենք քեզ կարոտելու»,- գրել է երգչուհին:

Զարուհու դուստրը՝ Սոֆի Դևոյան կրտսերը, վերահրապարակել է մոր գրառումը։ «Իմ մանկության ամենավառ հիշողությունները կապված են քեզ հետ, իմ լույս տատիկ: Քո բացը շատ եմ զգալու: Աստված հոգիդ լուսավորի, դու միշտ մեր սրտերում ես»,–հրապարակմանը կից գրել է Սոֆին:

Instagraqm story Софи Девоян
Instagraqm story Софи Девоян

Հիշեցնենք, որ օրեր առաջ մահացել էր Սոֆիի պապիկը՝ բժիշկ-գինեկոլոգ Գեորգի Կիմի Պողոսյանը։

101
թեգերը:
Մահ, Տատիկ, Սոֆի Դևոյան, Զարուհի Բաբայան
Ըստ թեմայի
Հայտնի է բժիշկ Գեորգի Պողոսյանի մահվան պատճառը. հարազատներից մեկը մանրամասներ է պատմել
Միշտ զգալու ենք քո կարիքը. Սոֆի Դևոյանը հուզիչ գրառում է արել Գեորգի Պողոսյանի մահից հետո
Հակոբ Արշակյան. արխիվային լուսանկար

Լրագրողին հարվածելն իրավական ընթացք չի ստանա. ՀՔԾ-ն քրեական գործ չի հարուցել Արշակյանի դեմ

44
(Թարմացված է 16:57 13.04.2021)
Երևանի սրճարաններից մեկում լրագրողը մոտեցել էր Հակոբ Արշակյանին և հարցրել, թե ինչու է աշխատանքային ժամին սրճարանում։ Րոպեներ անց Արշակյանը մոտեցել էր լրագրողին, հարվածել նրան, կոտրել համակարգիչը:

ԵՐԵՎԱՆ, 13 ապրիլի – Sputnik. Լրագրող Փայլակ Ֆահրադյանին հարվածելու համար ԲՏԱ նախկին նախարար Հակոբ Արշակյանի դեմ քրեական գործ չի հարուցվի։ Տեղեկությունը Sputnik Արմենիայի հետ զրույցում հայտնեցին ՀՀ հատուկ քննչական ծառայությունից։

«Նախապատրաստված նյութերի հիման վրա որոշում է կայացվել քրեական գործ հարուցելը մերժելու մասին՝ հանցակազմի բացակայության հիմքով», - ասացին ՀՔԾ-ից։

Հիշեցնենք՝ մարտի 19-ին լրագրող Փայլակ Ֆահրադյանը Facebook-ի իր էջի ուղիղ եթերում հայտարարել էր, որ բարձր տեխնոլոգիաների արդյունաբերության նախարար Հակոբ Արշակյանը բառացիորեն հարձակվել է իր վրա:

Նրա խոսքով` դեպքը տեղի է ունեցել Երևանում գործող սրճարաններից մեկում: Լրագրողը մոտեցել է նախարարին ու հարցրել, թե ինչու է նախարարն աշխատանքային ժամը որոշել անցկացնել սրճարանում:

Արշակյանը նախ ասել է, որ գիշերային ժամերին է աշխատում, իր համար բոլոր ժամերն աշխատանքային են: Դրանից հետո խնդրել է լրագրողին անջատել տեսախցիկը, այնուհետև սկսել է սպառնալ: Լրագրողը բարձրացել է սրճարանի երկրորդ հարկ և սկսել աշխատել։

Հակոբ Արշակյանը հարձակվել է լրագրողի վրա. դեպքը կքննի ՀՔԾ–ն

Հակոբ Արշակյանը լրագրողի հետևից բարձրացել է ու հարվածել նրան, ինչպես նաև կոտրել վերջինիս համակարգիչը։ Համացանցում տարածվեց միջադեպի տեսանյութը, որում երևում է, թե ինչպես է նախարարը քաշքշում լրագրողին, նրա կին գործընկերոջը, ապա հարվածում Փայլակի դեմքին և կոտրում համակարգիչը։

Նույն օրը Արշակյանը Facebook–ի իր էջում անդրադարձավ տեղի ունեցածին, ներողություն խնդրեց և վստահեցրեց, որ պատրաստ է պատասխանատվություն կրել միջադեպի կապակցությամբ։

Օրեր անց՝ մարտի 31-ին, նա հրաժարականի դիմում ներկայացրեց։

Վեճից առաջ Հակոբ Արշակյանը կնոջ հետ ընդմիջում է արել սրճարանում. տեսանյութ և մանրամասներ

44
թեգերը:
Քրեական գործ, Նախարար, Հակոբ Արշակյան
Ըստ թեմայի
Աբու Դաբիի ցուցահանդեսի սկանդալի համար նախարարության 3 աշխատակից նկատողություն է ստացել
ՄԻՊ-ը պատրաստվում է պաշտոնյաների վիրավորական գրառումներն ուղարկել դատախազություն
Ճի՞շտ է արդյոք Հակոբ Արշակյանի պաշտոնանկության լուրը
Հակոբ Արշակյանը հրաժարվում է պաշտոնից. նա բացատրել է իր որոշման պատճառը
Միքայել Մելքումյան. արխիվային լուսանկար

Ինչո՞ւ իջավ դոլարի գինը, ի՞նչ է կատարվում երկրում․ պատգամավորը ԿԲ-ից պատասխան է պահանջում

0
(Թարմացված է 18:06 13.04.2021)
Երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրեցին, թե արդյո՞ք դոլարի փոխարժեքի բարձրացումն ուՀՀ-ում գրանցվող գնաճը կառավարելի են, Երիցյանն ասաց, որ հակառակ դեպքում ինքն ԱԺ չէր գա ու կզբաղվեր այդ գործով։

ԵՐԵՎԱՆ, 13 ապրիլի – Sputnik. Դոլարի փոխարժեքը շուրջ կես տարի անընդմեջ բարձրանալուց հետո վերջին մի քանի օրվա ընթացքում Հայաստանում նվազել է շուրջ 15-20 դրամով։ Այսօր այս խնդրին ԱԺ-ի ամբիոնից անդրադարձավ «Բարգավաճ Հայաստան» խմբակցության անդամ Միքայել Մելքումյանը՝ արձանագրելով, որ նման անսպասելի անկման պատճառը եղել է այն, որ ԿԲ-ն միանգամից 56 մլն դոլարի ներարկում է արել ՀՀ ֆինանսական շուկա։

«Ես ուզում եմ հասկանալ՝ երբ դոլարի գինը 530-532 դրամից 2 օրվա մեջ հասավ 545-547 դրամի, դա օրինաչա՞փ երևույթ էր»,- ասաց Մելքումյանը, ԿԲ-ից պահանջելով հրապարակավ մեկնաբանել, թե ինչ է կատարվում ՀՀ ֆինանսական շուկայում, և ի վերջո ԿԲ-ն իր գործառույթներն իրականացրե՞լ է, թե՞ ոչ։

«2 օր դու հետևում ես, որ անընդհատ աճում է ու մի կախարդական փայտիկի հարվածով իջեցնում են։ Հիմա մենք չգիտենք, թե հաջորդիվ ինչ է լինելու, 56 մլն-ը բավարա՞ր էր, թե՞ չէ։ Թող բացատրեն։ Արտարժույթ չկա՞ երկրում»,- ասաց Մելքումյանը։

Ընդդիմադիր պատգամավորը նաև կարծիք հայտնեց, որ դոլարի փոխարժեքի շարունակվող բարձրացումը հետևանք է արտահանման ծավալների կրճատման, ներդրումների դադարեցման, շինարարության ծավալների անկման և այլն, ԿԲ-ից ակնկալելով այս բոլոր հարցերի պատասխանները։

Հիշեցնենք՝ ապրիլի 6-ին, երբ ԱԺ-ում ՀՀ կենտրոնական բանկի նախագահի տեղակալ Ներսես Երիցյանին հարցրին, թե արդյո՞ք դոլարի փոխարժեքի բարձրացումն ու ՀՀ-ում գրանցվող գնաճը կառավարելի են, Երիցյանն ասաց․ «Իրավիճակը կառավարելի է, հակառակ դեպքում ես այսօր չէի գա, կզբաղվեինք այդ գործով»։

Երկու օր անց՝ ապրիլի 8-ին, ԿԲ-ն հայտարարեց, որ ՀՀ ֆինանսական շուկաների բնականոն գործունեության ապահովման նպատակով ՀՀ արտարժութային շուկայում գործառնություններ կիրականացնի։

Այդ գործառնությունների արդյունքում դոլարի փոխարժեքը Հայաստանում միանգամից նվազեց շուրջ 20 դրամով։

Ինչու է դոլարի փոխարժեքը տատանվում և ինչ զարգացումներ են սպասվում արժութային շուկայում

0
թեգերը:
տնտեսություն, Հայաստան, դոլար, Կենտրոնական բանկ (ԿԲ), Միքայել Մելքումյան
Ըստ թեմայի
ԿԲ-ն դոլար կներարկի շուկա. Թունյանը բացատրել է` ինչ է պատրաստվում անել գլխավոր դրամատունը
ՀՀ ԶՈւ վերականգնման համար մոտ 3 միլիարդ դոլար է հարկավոր․ Քոչարյան
Քերոբյանի խոստացած 30 մլն դոլարանոց գյուղատնտեսական ծրագիրն արդեն մեկնարկել է