«Մաճառ 44»

«Մաճառ 44»․ ինչպես Լոնդոնից եկած հայուհին բարեգործական ռեստորան բացեց Երևանում

181
(Թարմացված է 15:53 05.04.2021)
Բարեգործական ռեստորանը շատ հազվագյուտ երևույթ է։ Բոլորովին վերջերս Երևանի կենտրոնում սկսել է գործել այդպիսի մի ռեստորան, որի նպատակն է օգնել արցախյան վերջին պատերազմից տուժածներին։ Այս անսովոր պատմության մանրամասներն ուսումնասիրել է Sputnik Արմենիայի թղթակիցը։

Լիլիթ Հարությունյան, Sputnik Արմենիա

Կասկադում զբոսնելիս կարելի է տեսնել շատ գեղեցիկ, յուրահատուկ ոչ մեծ ռեստորան, այն տեղակայած է երկհարկանի տանը՝ բացօթյա հատվածով և հարմարավետ բակով։

Ռեստորանի ինտերիերն էկլեկտիկ է, բայց ավելի մոտ է արտ-դեկոյին։ Ճաշացանկը նույնպես էկլեկտիկ է․ շեշտը դրված է արցախյան ուտեստների վրա։

Դժվար է պատկերացնել, որ կոմերցիոն տեսանկյունից այսքան շահավետ նախագիծը լիովին բարեգործական է, ավելին՝ անմիջական կապ ունի արցախյան վերջին պատերազմի հետ։

  • «Մաճառ 44» բարեգործական ռեստորան
    «Մաճառ 44» բարեգործական ռեստորան
    © Sputnik / Aram Nersesyan
  • «Մաճառ 44» բարեգործական ռեստորան
    «Մաճառ 44» բարեգործական ռեստորան
    © Sputnik / Aram Nersesyan
  • «Մաճառ 44» բարեգործական ռեստորան
    «Մաճառ 44» բարեգործական ռեստորան
    © Sputnik / Aram Nersesyan
  • «Մաճառ 44» բարեգործական ռեստորան
    «Մաճառ 44» բարեգործական ռեստորան
    © Sputnik / Aram Nersesyan
  • «Մաճառ 44» բարեգործական ռեստորանի հիմնադիր Հասմիկ Գասպարյան
    «Մաճառ 44» բարեգործական ռեստորանի հիմնադիր Հասմիկ Գասպարյան
    © Sputnik / Aram Nersesyan
  • «Future is now» բարեգործական կազմակերպության հիմնադիր Ստեփան Ավագյան
    «Future is now» բարեգործական կազմակերպության հիմնադիր Ստեփան Ավագյան
    © Sputnik / Aram Nersesyan
1 / 6
© Sputnik / Aram Nersesyan
«Մաճառ 44» բարեգործական ռեստորան

Պատահական հանդիպում

Մոտ երկու տարի առաջ 33-ամյա Հասմիկ Գասպարյանը Լոնդոնից վերադարձավ Երևան, որպեսզի երեխաները հայկական միջավայրում մեծանան։ Նա չորս երեխա ունի՝ երեք տղա և մեկ աղջիկ։ Ինչպես Անգլիայում, այնպես էլ Հայաստանում նա զբաղվում էր կոսմետիկայի հայկական ապրանքանիշերից մեկի առաջխաղացմամբ և բաշխմամբ, ռեստորանային բիզնեսի հետ կապ չուներ։  

Учредитель ресторана Мачар 44 Асмик Гаспарян
© Sputnik / Aram Nersesyan
Հասմիկ Գասպարյան

Նրա՝ Հայաստան տեղափոխվելուց որոշ ժամանակ հետո աշխարհում սկսվեց համավարակը, իսկ ավելի ուշ՝ պատերազմն Արցախում։ Չորս փոքր երեխաների մայրը չէր կարող անտարբեր մնալ հայրենի Արցախից Հայաստան փախած կանանց և երեխաների ճակատագրի հանդեպ։ Հասմիկն ակտիվորեն օգնում էր հարկադիր տեղահանվածներին, և պատերազմի առաջին իսկ օրերին իր տանը ապաստան էր տվել 12 հոգանոց մեծ ընտանիքի,որը նրա մոտ մնաց մինչև դեկտեմբերի վերջ։

«Նրանք ուղղակի գնալու տեղ չունեին»,-բացատրում է նա։

Հենց բարեգործության շուրջ Հասմիկ Գասպարյանը հանդիպեց Ստեփան Ավագյանին, որը հետագայում ռեստորանի նրա գործընկերը դարձավ։ Պատերազմի օրերին Ստեփանը Սարյան փողոցում արցախցիներին օգնության կետ էր բացել (կամավորներից օգնությունը կուտակվում էր այստեղ և բաշխվում առանձին ընտանիքներին)։ Օգնությունը շուտով համակարգային և կազմակերպված դարձավ, իսկ կամավորական նախաձեռնությունը վերածվեց բարեգործական կազմակերպության՝ «Future is now» («Ապագան այսօր է») անվանմամբ։

Основатель благотворительной организации Future is now Степан Авагян
© Sputnik / Aram Nersesyan
Ստեփան Ավագյան

Հասմիկն այդ բարեգործական կետին բախվեց պատահաբար, երեխային մանկապարտեզ տանելիս։ Այդպես սկսվեց երիտասարդների համագործակցությունը։

Ճանապարհ դեպի սոցիալական ձեռնարկատիրություն

Այն հարցին, թե ինչպես կարելի է այսպիսի վայրում բարեգործական ռեստորան պահել, Հասմիկը պատասխանում է․

«Այս տունն իմ ազգականներին է պատկանում։ Նրանք այստեղ չեն ապրում, վարձով են տալիս։ Համավարակի օրերին տունը դատարկ էր, ուստի մենք որոշեցինք այստեղ տեղավորել Արցախից տեղահանվածներին։ Բայց շուտով պարզվեց, որ այդ նպատակի համար այն այնքան էլ հարմար չէ»։

Շուտով տունը վերածվեց արցախցի երեխաների «ակումբի»․ այստեղ պարի, նկարչության դասեր էին անցկացվում, կավագործության դասընթացներ, ամանորյա թխվածքաբլիթներ էին թխում,  ծննդյան օրեր և այլ տոներ էին նշում։ Մի խոսքով՝ երիտասարդներն ամեն ինչ անում էին՝ երեխաներին սարսափելի իրականությունից շեղելու և սթրեսից դուրս բերելու համար։ Դրա հետ մեկտեղ Երևան տեղափոխված կանայք ժենգյալով հաց և փախլավա էին թխում։ Իսկ տան դիմաց տաղավարներ էին տեղադրել, որտեղ էլ վաճառում էին թխվածքները։

Интерьер ресторана Мачар 44
© Sputnik / Aram Nersesyan
«Մաճառ 44» բարեգործական ռեստորան

Ստեփանը պատմում է, որ որոշ ժամանակ անց քաղաքային իշխանությունները պահանջեցին հանել տաղավարները, թեև դրանք ճաշակով էին պատրաստված և ոչ մի կերպ չէին խանգարում անցորդներին։

«Մենք սկսեցինք մտածել սոցալական ձեռնարկատիրության նախագծի մասին, որպեսզի մարդկանց աշխատանքով ապահովենք և չդադարեցնենք բարեգործական գործունեությունը։ Միտք ծագեց այստեղ ռեստորան բացել»,-ասում է նա։

Առանցքային դեր խաղաց Ստեփանի եղբայրը՝ Դավիթը։ Մեծ մասմաբ հենց նրա շնոհիվ շատ կարճ ժամանակահատվածում գաղափարը վերածվեց հաջողված նախագծի։ Դա անելու համար նա դուրս եկավ նախկին աշխատավայրից․ Դավիթը Երևանի սիրված հաստատություններից մեկի տնօրենն էր։

Экстерьер ресторана Мачар 44
© Sputnik / Aram Nersesyan
«Մաճառ 44» բարեգործական ռեստորան

Հիմա նորաստեղծ ռեստորանում հինգ արցախցի կին է աշխատում, իսկ ամբողջ եկամուտն ուղղվում է «Future is now» բարեգործական կազմակերպությանը։ Այն աջակցում է արցախցիներին, որոնք ստիպված են մնալ Հայաստանում, ինչպես նաև վիրավոր զինվորներին և զոհված զինծառայողների ընտանիքներին։ Բարեգործական նպատակների է ուղղվում նաև ռեստորանում ցուցադրված նկարների վաճառքից ստացվող եկամտի մի մասը։

Интерьер ресторана Мачар 44
© Sputnik / Aram Nersesyan
«Մաճառ 44» բարեգործական ռեստորան

Այն հարցին, թե ինչու հենց «Մաճառ 44», Ստեփանը պատասխանում է, որ հենց այդքան օր է ձգվել պատերազմն Արցախում։ Բացի այդ, տունը թիվ 44 փողոցի վրա է։

Իսկ մաճառը երիտասարդ գինին է, որ դեռ երկար ճանապարհ ունի անցնելու․․․

181
թեգերը:
Ռեստորան, բարեգործություն, Արցախյան պատերազմ
Ըստ թեմայի
Ռուս խաղաղապահները հասցեական մարդասիրական օգնություն են բաժանել Արցախում
Աուտիզմ ունեցողների կյանքը Երևանի վերականգնողական կենտրոնում. տեսանյութ, լուսանկարներ
Հատուկ պայմաններ կալիֆոռնիական ճագարների համար. ոչ սովորական ֆերմա սահմանամերձ Այգեպարում
Արխիվային լուսանկար

Նիկոլ Փաշինյանը «իկրայի գործով» պետք է հարցաքննվի. իրավապաշտպան

232
(Թարմացված է 18:35 15.04.2021)
Իրավապաշտպան Ռուբեն Մելիքյանը «իկրայի գործով» դատական նիստին միջնորդել է, որ ՀՀ վարչապետը ևս որպես վկա ներգրավվի քրեական գործում։

ԵՐԵՎԱՆ, 15 ապրիլի – Sputnik. Հայտնի «իկրայի գործով» դատական նիստին այսօր վկաներից ոչ մեկը չի ներկայացել, իսկ ՀՀ վարչապետի անվտանգության ծառայության պետի տեղակալը գրավոր դիմել է դատարանին, որպեսզի իրեն այլևս դատարան չկանչեն։ Տեղեկությունը Sputnik Արմենիայի հետ զրույցում հայտնեց իրավապաշտպան Ռուբեն Մելիքյանը։

Նշենք, որ վարչապետ Նիկոլ Փաշինյանի դուստրը` Շուշան Փաշինյանը, դատի է տվել «Քաղաքացիական գիտակցություն» հասարակական կազմակերպության ղեկավար Նարեկ Սամսոնյանին, քանի որ նա Facebook-ի էջում գրել էր, որ վարչապետի դուստրը 1 կիլոգրամը 3 հազար դոլար արժողությամբ սև իկրա է ուտում:

Իրավապաշտպանի խոսքով` Նարեկ Սամսոնյանի դեմ քրեական գործ է հարուցվել սուտ մատնության մեղադրանքով։

Մելիքյանն այդ քրեական գործը որակեց «աննորմալ», որը մասնագիտական քննադատության չի դիմանում, քանի որ «սուտ մատնություն» որակել այն, ինչը կատարել է Նարեկ Սամսոնյանը, ուղղակի ծիծաղելի է։

«Մենք այսօր գնացինք դատական նիստին և այնտեղ անակնկալի եկանք։ Պարզվեց` որևէ վկա չի ներկայացել։ Որպես վկա ներգրավված է նաև վարչապետի անվտանգության ծառայության պետի տեղակալը, որը ոչ միայն չէր ներկայացել, նշելով որ աշխատանքային ծանրաբեռնվածություն ունի, այլև գրավոր դիմում էր ներկայացրել, որ այլևս իրեն դատարան չկանչեն։ Ես դատարանին միջնորդեցի, որ նրան բերման ենթարկելու մասին որոշում կայացնի։ Դատարանը, սակայն, մերժեց միջնորդությունը, նշվեց` մյուս դատական նիստին այդ անձնավորությունը կրկին ծանուցվելու է»,–ասաց նա։

Մելիքյանի խոսքով`ինքը դատարանին միջնորդել է, որ ՀՀ վարչապետը ևս որպես վկա ներգրավվի քրեական գործում։

«Ուղղակի ծիծաղելի է, որ վարչապետին չեն ներգրավել ոչ թե որպես տուժող, այլև որպես վկա։ Նա այս գործով պետք է պարտադիր հարցաքննվի։ Դատարանը մեր միջնորդությունն առանց քննության թողեց, որը մենք համարեցինք ապօրինի և միջնորդություն ներկայացրինք այդ հարցով ՍԴ դիմելու վերաբերյալ։ Այդ միջնորդությունը ևս դատարանը մերժեց։ Ամեն դեպքում մենք չենք կորցնում մեր հույսը, որ այս գործը արդար ձևով կավարտվի»,– եզրափակեց իրավապաշտպանը։

«Իկրայի գործը» չի մոռացվել. Փաշինյանի դուստրը Սամսոնյանից նաև 2 մլն դրամ է պահանջում

Հիշեցնենք՝ 2020թ.–ի փետրվարին վարչապետ Նիկոլ Փաշինյանի դուստր Շուշան Փաշինյանը դատի էր տվել «Քաղաքացիական գիտակցություն» հասարակական կազմակերպության ղեկավար Նարեկ Սամսոնյանին, քանի որ նա հունվարի 26-ին ֆեյսբուքյան էջում գրել էր, թե վարչապետի դուստրը 1 կիլոգրամը 3 հազար դոլարով սև իկրա է ուտում:

Շուշան Փաշինյանը պահանջում է հրապարակայնորեն հերքել զրպարտություն համարվող տեղեկությունները և 2 մլն դրամ փոխհատուցում վճարել։

Նարեկ Սամսոնյանը Նիկոլ Փաշինյանի նկատմամբ սուտ մատնություն է արել. ՀՔԾ

232
թեգերը:
Շուշան Փաշինյան, Նիկոլ Փաշինյան, Քրեական գործ, Նարեկ Սամսոնյան, Ռուբեն Մելիքյան
Ըստ թեմայի
Սամսոնյանին հարցաքննել են «իկրայի գործով». նա չի ընդունում իրեն առաջադրված մեղադրանքը
«Մասկի շոու» և ձեռնաշղթաներ. Քոչարյանը խոսել է ակտիվիստներին բերման ենթարկելու մասին
Նարեկնե՛ր, եղեք պատրաստ. ոստիկանները բերման են ենթարկել Նարեկ Մալյանին և Նարեկ Սամսոնյանին
Կարմիր խաչ

376 մլն 330 հազար դրամ. Կարմիր խաչն արցախցիներին հյուրընկալող ընտանիքներին գումար է տվել

22
(Թարմացված է 17:26 15.04.2021)
Հայկական Կարմիր խաչն առաջնահերթությունը տվել է ՀՀ Սյունիքի և Տավուշի մարզերում արցախցիներին հյուրընկալող ընտանիքներին, քանի որ սահմանապահ են։

ԵՐԵՎԱՆ, 15 ապրիլի – Sputnik. Հայկական Կարմիր խաչ ընկերությունը Հայաստան տեղափոխված արցախցիներին  հյուրընկալող ընտանիքներին շուրջ  376 միլիոն 330 հազար ՀՀ դրամ է հատկացրել (30 000 ՀՀ դրամ յուրաքանչյուր չափահաս հյուրընկալվողի համար)։ Տեղեկությունը Sputnik Արմենիային հայտնեցին Հայկական Կարմիր խաչ ընկերությունից։

«Մեր ընկերությունը, միանալով Ղարաբաղյան հակամարտության սրացման հետևանքով Հայաստան տեղափոխված անձանց հյուրընկալող ընտանիքներին տրամադրվող դրամական աջակցության ՀՀ կառավարության ծրագրին,  մարտ-ապրիլ ամիսներին՝ ՀՀ աշխատանքի և սոցիալական հարցերի նախարարության հետ համագործակցությամբ և Կարմիր խաչ միջազգային կոմիտեի ֆինանսավորմամբ, 376 միլիոն 330 հազար ՀՀ դրամ է հատկացնում 12 544 անձի համար (30 000 ՀՀ դրամ յուրաքանչյուր չափահաս հյուրընկալվողի համար)»,–նշեցին ընկերությունից։

Առաջնահերթությունը տրվել է ՀՀ Սյունիքի և Տավուշի մարզերին, որովհետև սահմանապահ են։

Արցախի ՄԻՊ–ն Ամարասից դիմել է միջազգային կառույցներին` փրկելու հայկական դարավոր մշակույթը

Ծրագրում ընդգրկվելու համար հյուրընկալող ընտանիքները գրանցվել են նախապես՝ համապատասխան հայտ լրացնելով ՀՀ Աշխատանքի և սոցիալական հարցերի նախարարության Սոցիալական ապահովման ծառայության կայքէջում։

22
թեգերը:
Տավուշ, Սյունիք, Արցախ, Հայաստան, Կարմիր խաչ
Ըստ թեմայի
Արցախի աջակցության 3 մեծ ծրագիր կա. փոխվարչապետը մանրամասներ ներկայացրեց
Պուտինն ու Լուկաշենկոն քննարկել են Արցախի թեման
Արայիկ Հարությունյանը շուտով հարցաքննության է հրավիրվելու. Արցախի դատախազություն

Ամերիկացիները պատրաստվում են ակտիվանալ Արկտիկայում

0
(Թարմացված է 00:11 16.04.2021)

ԱՄՆ-ն ձգտում է կրճատել իր հետ մնալը Ռուսաստանից Արկտիկայում։ Օրերս Ցամաքային զորքերն Անդրբևեռային տարածքի համար ռազմական տեխնիկայի մշակման պայմանագիր են կնքել Oshkosh Defense կոնցեռնի հետ՝ սինգապուրյան ST Engineering-ի և BAE Systems-ի հետ համագործակցությամբ։ Պարզվել է, որ նման տիպի ժամանակակից մեքենաներ ամերիկացիներն ուղղակի չունեն, իսկ եղածներն էլ վաղուց հնացած են։ Ավելի մանրամասն՝ ՌԻԱ Նովոստիի հոդվածում։

Կառուցել մինչև հունիս

Արկտիկան լուրջ մարտահրավեր է ցանկացած բանակի համար։ Գերցածր ջերմաստիճաններ, սառցաբեկորներ, լողացող սառցալեռներ, ենթակառուցվածքների բացակայություն, բարդ լոգիստիկա, երկարատև բևեռային գիշեր՝ այս ամենը մեծապես բարդացնում է խոշոր ռազմական խմբավորման տեղակայումը:

Սառը պատերազմի տարիներին ԱՄՆ-ն, ի տարբերություն ԽՍՀՄ-ի, բավարար ուշադրություն չի դարձրել այդ տարածաշրջանին, ուստի այսօր Պենտագոնի տրամադրության տակ միայն մի սարքին սառցահատ կա՝ Polar Star-ը։ Ռուսաստանն այդ տիպի ավելի քան 40 նավ ունի։ Բացի այդ, ամերիկացիներն այնտեղ փաստացի ռազմակայաններ չունեն։

Ցամաքային զորքերի համար ևս տեխնիկան չի բավականացնում, որն ի վիճակի կլիներ բևեռային բարդ պայմաններում բեռներ ու զինծառայողներին տեղափոխել։

Դրա համար պիտանի միակ քարշակ-ամենագնացները շվեդական երկշղթա-թրթուրավոր Bandvagn 206-ներն են, որոնք սպառազինության մեջ ներառվել են Small Unit Support Vehicle նշումով (SUSV` ստորաբաժանումների աջակցության փոքր մեքենա)։ Սակայն այս տեսակի առաջին մեքենաները հոսքագծից դուրս են եկել դեռ 40 տարի առաջ և վաղուց արդեն չեն համապատասխանում ժամանակակից պահանջներին։

Բանակը որոշել է թարմացնել արկտիկական տեխնիկան և մրցույթ է հայտարարել ColdWeather, All-Terrain Vehicle (CATV, ամենագնաց սառը կլիմայի համար) ծրագրի շրջանակում։ Պենտագոնը պատրաստ է հեռանկարային քարշակի մշակման, կառուցման և փորձարկումերի վրա 2021 ֆինանսական տարում 6,6 միլիոն դոլար ծախսել, ևս 9,25 միլիոն՝ 110 միավոր CATV-ի վրա։

Այնուհետև պարկը կմեծացնեն՝ հասցնելով 163 ամենագնացի։ Նախատիպերը սպասվում են հունիսի 14-ին։ Օգոստոսից մինչև դեկտեմբերի վերջ՝ փորձարկումներ Ալյասկայի զինափորձարանում։ Հաղթողին կընտրեն 2022 թ․-ի ֆինանսական տարում։

Չորս տարբերակ

Սպասվում է, որ CATV-ն կներկայացեն 4 տարբերակով։ Ընդհանուր նշանակության ամենագնացը պետք է տեղավորի ոչ պակաս, քան 9 զինվոր, վարորդին չհաշվաց, ինչպես նաև երեք օրվա ինքնավար գործողությունների համար սարքավորումներ և պաշարներ ունենա։

Ռուսական հրթիռակիրները 8-ժամանոց թռիչք են իրականացրել Արկտիկայի ջրերի վրայով․ տեսանյութ

Սանիտարական տարբերակը՝ բժշկական սարքավորումներով, նախատեսված է երկու բժշկի, երկու պառկած և չորս թեթև վիրավոր մարդկանց համար։ Հրամանատարական ամենագնացը կհագեցնեն կապի և զորքերի կառավարման ժամանակակից միջոցներով։ Եվ վերջապես, բեռնակիր տարբերակը՝ նախատեսված խոշոր չափերի ռազմական սարքավորումները մեծ հեռավորություններ տեղափոխելու համար։

«Այդ մեքենաները կկարողանան խնդիրների լայն շրջանակ լուծել ծայրահեղ ցածր ջերմաստիճանի պայմաններում, այլ տեխնիկայի համար անանցանելի տեղանքում»,-լրագրողներին պատմել է ԱՄՆ բանակի սպա, CATV ծրագրի պատասխանատու Թիմ Գոդդեթը։-Նրանք պետք է առանց խնդիրների տեղաշարժվեն սառույցի վրայով, հաղթահարեն ջրային պատնեշները, հեշտությամբ բարձրանան բարձունքները, լինեն հեշտ սպասարկվող և խնայողաբար ծախսեն վառելիքը»։

Մրցույթի մասնակիցները հենվում են նախորդ մշակումներ վրա։ Oshkosh-ը և ST Engineering-ը որպես հիմք են վերցրել Bronco 3 երկշղթա քարշակը։ Այդ մեքենան արդեն ավելի քան 20 տարի բրիտանական բանակի սպառազինության կազմում է, մասնակցել է Աֆղանստանի մարտական գործողություններին։

Bronco 3-ն ունի հակագնդակային զրահապատում, աշտարակ՝ գնդացրով, V-աձև հիմք, որը նվազեցնում է վնասը ականի վրա պայթելու դեպքում։ Ամենագնացը ջրային պատնեշները հաղթահարում է հինգ կմ/ժ արագությամբ։

BAE Systems-ը նորարարություն կառաջարկի Beowulf երկշղթա քարշակի հիման վրա, որը հիմնականում նույնն է, ինչ Bronco 3-ն ու SUSV-ը, բայց ավելի մեծ բեռնատարողություն ունի։

Հասնել Ռուսաստանին

Մեկ ամիս առաջ հրապարակված «Արկտիկական ռազմավարության» մեջ ամերիկացիները բացեիբաց հայտարարել են տարածաշրջանում Մոսկվային ու Պեկինին դուրս մղելու ցանկության մասին։ Պենտագոնին հատկապես մտահոգում է Ռուսաստանը, որի տրամադրության տակ է աշխարհի ամենամեծ սառցահատ նավատորմը, հյուսիսային լայնություններում ռազմակայանների ցանցը և առանց էքստրեմալ ցրտի պայմաններում աշխատելու ընդունակ տեխնիկայի մեծ զինանոցը։

Հաղթանակի շքերթներին միշտ մասնակցում են հայրենական ՀՕՊ համակարգերի արկտիկական մոդիֆիկացիաները․ փոքր հեռահարության «Тор-М2ДТ» զենիթահրթիռային համակարգը, զենիթային հրթիռահրանոթային «Панцирь-СА»-ն, ինչպես նաև ապահովման մեքենաների հատուկ տարբերակներ։

Արկտիկական տարածաշրջանի համար գրեթե ամբողջ ցամաքային տեխնիկան հավաքված է ДТ-30 «Витязь» երկշղթա թրթուրավոր ամենագնացների հիման վրա, որին չի վախեցնում անգամ ամենասարսափելի ցուրտը (մինչև -55 աստիճան)։ Որոշ մոդիֆկացիաներ կարող են կտրել-անցնել ջրային պատնեշները, ինչը Հյուսիսային բևեռում սառույցների մշտական կուտակման պայմաններում նկատելիորեն ավելացնում է շարժունակությունը։ Նոր «Панцирь»-ներն ու «Тор»-ը ծածկում են 2015թ․-ի Արկտիկայում տեղակայված հեռահար զենիթահրթիռային С-400 համակարգերի տեղակայման շրջանները։

Բացառիկ զինանոց ունի նաև Ցամաքային զորքերի առաջին լիարժեք արկտիկական միավորումը՝ 80-րդ առանձին մոտոհրաձգային բրիգադը, որը տեղակայված է Մուրմանսկի մարզի Ալակուրտտի ավանում: Ցրտադիմացկուն հետևակը յուրացնում է, մասնավորապես, ТРЭКОЛ բարձր անցանելիության ձնաճահճագնացները, որոնք տեղաշարժվում են գերցածր ճնշման հսկայական անվադողերով անիվների վրա։ Այդպիսի մեքենաներն անգամ ընդհատուն տեղանքով ընթանում են առանց արագությունը նվազեցնելու։

Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները

Բացի այդ, 80-րդ բրիգադի մարտիկներն ունեն «Урал» և КамАЗ լիաքարշ բեռնատարներ, որոնք հարմարեցված են ծայրահեղ սառնամանիքներին, ТТМ-1901 «Беркут» ձնագնացներ՝ ջեռուցվող խցիկով, օդային բարձիկով մոտորանավակներ, ինչպես նաև շների և եղջերուների լծվացքներ:

Հայրենական մեծ պատերազմի տարիներին լծվացքները կարևոր դեր են խաղացել Անդբևեռյան հատվածի պաշտպանության գործում։ Շներով և եղջերուներով նշանակված վայր էին հասցնում զինամթերքն ու անձնակազմը։ Կենդանիներն անցնում են այնտեղով, որտեղով տեխնիկան չի կարողանում անցնել։ Բացի այդ, արկտիկական բրիգադի համար մշակում են տանկերի, ՀՄՄ-ների և ուղղաթիռների հատուկ մոդիֆիկացիաներ, մասնավորապես՝ Ми-8АМТШ-ВА՝ ուժային սարքավորումների հիմնական ագրեգատների ջեռուցման համակարգով:

0
թեգերը:
ԱՄՆ, Ռուսաստան, Արկտիկա
Ըստ թեմայի
Ուղիղ սպառնալիք Ռուսաստանին. ի՞նչ է Պենտագոնը կառուցում Ալյասկայում
Վլադիմիր Պուտինը պատվավոր կոչում է շնորհել Արթուր Չիլինգարովին
ՌԴ-ն Սուեզի ջրանցքին փոխարինող է գտել․ ի՞նչ հեռանկարներ ունի Հյուսիսային ծովային ուղին