Արա Սաղաթելյան

Դատախազությունը Սաղաթելյանի գործով դիմել է Վճռաբեկ դատարան

24
(Թարմացված է 16:18 05.04.2021)
«Գագիկ Սողոմանյան» ֆեյքի գործով նախկինում կալանավորված էին նաև Արա Սաղաթելյանի ընկեր Արամ Սարգսյանը, Մհեր Ավագյանն ու քաղաքագետ Կարեն Բեքարյանը, ովքեր ևս դատարանի որոշմամբ ազատ են արձակվել:

ԵՐԵՎԱՆ, 5 ապրիլի – Sputnik. ՀՀ գլխավոր դատախազությունը Ազգային ժողովի աշխատակազմի նախկին ղեկավար Արա Սաղաթելյանին կալանավորելու հարցով դիմել է ՀՀ Վճռաբեկ դատարան: Այս մասին Sputnik Արմենիային հայտնեց Սաղաթելյանի փաստաբան Միհան Պողոսյանը՝ նշելով, որ դատախազությունը բողոքարկել է Վերաքննիչ քրեական դատարանի որոշումը՝ Սաղաթելյանին կալանքը վերացնելու մասին:

«Մեզ թվում էր, թե դատախազությունը հասկացել է Առաջին ատյանի որոշումը, քանի որ Կարեն Բեքարյանի կալանավորումը հիմնավոր կասկածի բացակայության հիմքով մերժվել էր ու այլևս չէր կարող բողոքարկվել: Արամ Սարգսյանի ու Մհեր Ավագյանի մասով էլ էլի բողոքներ չէին ներկայացվել: Մեզ թվաց, թե հասկացել են այս գործի աբսուրդը: Բայց, պարզվեց, որ ոչ», - ասաց Պողոսյանը՝ մեկնաբանելով դատախազության որոշումը։

Փաստաբանը նաև հիշեցրեց, որ Սաղաթելյանի հետ նույն գործով անցնող այլ անձանցից ոչ ոք այս պահին անազատության մեջ չէ:

«Ներկա պահին անազատության մեջ գտնվող որևէ մեկը չկա»,- ասաց Պողոսյանը:

Այս նույն գործով նախկինում կալանավորված էին նաև Արա Սաղաթելյանի ընկեր Արամ Սարգսյանը, Մհեր Ավագյանն ու քաղաքագետ Կարեն Բեքարյանը, ովքեր ևս դատարանի որոշմամբ ազատ են արձակվել:

Հիշեցնենք, որ Արա Սաղաթելյանին կալանավորել էին «Գագիկ Սողոմանյան» ֆեյքի գործով։ Նրան մեղադրանք էր առաջադրվել ՀՀ քրեական օրենսգրքի 226 հոդվածով (ազգային, ռասայական կամ կրոնական թշնամանք հարուցելը), 226.2 հոդվածով (բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը) և 307.4 հոդվածով (ռազմական դրության իրավական ռեժիմի ընթացքում տեղեկությունների հրապարակման կամ տարածման կանոնները խախտելը)։

Դատախազությունը բողոքարկել է Արա Սաղաթելյանին կալանքից ազատելու որոշումը

Երևանի ընդհանուր իրավասության դատարանը որոշում կայացրեց բավարարել ԱԱԾ միջնորդությունն ու 2 ամսով կալանավորել Արա Սաղաթելյանին։ Մարտի 5–ին նույն դատարանի որոշմամբ Սաղաթելյանն ազատ արձակվեց։

24
թեգերը:
Դատարան, Միհրան Պողոսյան, Արա Սաղաթելյան
Ըստ թեմայի
Ես երբևէ որևէ գործիքի պակա՞ս եմ զգացել. Բեքարյանը խոսեց իր դեմ հարուցված ֆեյքի գործից
«Գագիկ Սողոմոնյան» ֆեյքը Գագիկ Ջհանգիրյանին «օգնում է» տիրանալ դատական իշխանությանը
«Գագիկ Սողոմոնյան» ֆեյքի գործով կալանավորված 4-րդ քաղաքացին էլ ազատ արձակվեց
Посол России Сергей Копыркин сажает дерево в Парке Победы (Аллея Пограничников) во время акции Сад памяти (3 апреля 2021). Еревaн

Ինչպես մասնակցել ապրիլի 25-ի համապետական ծառատունկին․ ծրագրի մանրամասները

0
Նախատեսվում է Հայաստանի ողջ տարածքում տնկել 300.000 ծառ։ Յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

ԵՐԵՎԱՆ, 20 ապրիլի – Sputnik. Ապրիլի 25-ին «10 մլն ծառ» նախաձեռնության շրջանակում Հայաստանի Հանրապետության ողջ տարածքում կիրականացվի համապետական ծառատունկ։

Հայաստանում կայանալիք ծառատունկին մասնակցելու համար պետք է դիմել տեղական ինքնակառավարման մարմինների հատուկ բաժիններին։ Շրջակա միջավայրի նախարար Ռոմանոս Պետրոսյանը հրապարակել է հեռախոսահամարներ՝ ամեն մարզի համար։

Նախատեսվում է Հայաստանի ողջ տարածքում տնկել 300.000 ծառ։

Արագածոտնի մարզ – 7000 տնկի,

Մասնակցել  ցանկացողները կարող են զանգահարել Արագածոտնի մարզպետարան +374 232 3 30 25

Արարատի մարզ- 7000 տնկի,

Մասնակցել  ցանկացողները կարող են զանգահարել Արարատի մարզպետարան  +374 235  2 51 09

Արմավիրի մարզ – 6000 տնկի,

Մասնակցել  ցանկացողները կարող են զանգահարել Արմավիրի մարզպետարան +374 237  2 38 50

Գեղարքունիքի մարզ –8000 տնկի,

Մասնակցել  ցանկացողները կարող են զանգահարել Գեղարքունիքի մարզպետարան +374 60 65 06 24

Կոտայքի մարզ – 10.000 տնկի,

Մասնակցել ցանկացողները կարող են զանգահարել  Կոտայքի մարզպետարան  +374 223 2 32 40

Լոռու մարզ-7000 տնկի,

Մասնակցել ցանկացողները կարող են զանգահարել Լոռու մարզպետարան + 374 322 4 30 99

Շիրակի մարզ – 10.000 տնկի,

Մասնակցել  ցանկացողները կարող են զանգահարել Շիրակի մարզպետարան + 374  312 4 90 00/115

Սյունիքի մարզ – 7000 տնկի,

Մասնակցել  ցանկացողները կարող են զանգահարել Սյունիքի մարզպետարան +374 285  4 42 93

Տավուշի մարզ – 6000 տնկի,

Մասնակցել ցանկացողները կարող են զանգահարել Տավուշի մարզպետարան +374 263 4 22 40

Վայոց Ձորի մարզ – 7000 տնկի,

Մասնակցել ցանկացողները կարող են զանգահարել Վայոց ձորի մարզպետարան  +374 281 2 30 50։

Ամենաշատ ծառերը տնկվելու են մայրաքաղաք Երևանում՝ 25 հազար տնկի։ Եվս 200 հազար տնկի նախարարությունը նախատեսել է պետական կառավարման և տեղական ինքնակառավարման մարմինների, հանրակրթական հաստատությունների ու այլ գերատեսչությունների հետ համատեղ բոլոր մարզային անտառտնտեսությունների տնկարկներում տնկելու համար։

Պետրոսյանը նշում է, որ յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

Ծառատունկի մասին մանրամասներ իմանալու կամ մասնակցության համար կարելի է զանգահարել նաև Շրջակա միջավայրի նախարարության Անտառային կոմիտե՝  հեռ․՝ (010) 65 17 38, էլ հասցե՝  info@forestcommittee.am։

Հիշեցնենք` 2019թ-ին հայտարարվել էր, որ մինչև 2020 թվականի հոկտեմբերի 10-ը Հայաստանում 10 մլն ծառ է տնկվելու: Քանի որ վերջին 30 տարում Հայաստանում անտառները զգալիորեն տուժել են անխնա ծառահատումների պատճառով, վարչապետը կարգադրել էր ուշադիր հետևել անտառների պահպանությանը։

2020 թ-ի ապրիլի 13-ին ՀՀ շրջակա միջավայրի նախարարությունը տեղեկացրել էր, որ, հաշվի առնելով նոր կորոնավիրուսի տարածման հետևանքով ստեղծված իրավիճակը և հնարավոր առողջապահական ռիսկերը` որոշում է կայացվել 10 մլն ծառ տնկելու ծրագրի ժամկետը տեղափոխել 2021թ.-ի վերջ:

0
թեգերը:
Ռոմանոս Պետրոսյան, Շրջակա միջավայրի նախարարություն, Հայաստան, ծառատունկ, ծառ
Հարրին ու Մեգանը

Հարրին ու Մեգանը դստերը Դիանա չե՞ն անվանի․ հայտնի է՝ ինչ անվան մասին է մտածում զույգը

27
Բուքմեյքերներն արդեն իսկ խաղադրույքներ են ընդունում, թե ինչպես կանվանեն դստերը Սասեքսի դուքսն ու դքսուհին։

ԵՐԵՎԱՆ, 20 ապրիլի - Sputnik․ Մեգան Մարքլը ու արքայազն Հարրին իրենց դստերը հավանաբար չեն կոչի Հարրիի մոր՝ վաղաժամ մահացած արքայադուստր Դիանայի պատվին։ Այս մասին գրում են բրիտանական լրատվականները։

Հայտնի է, որ զույգը քննարկում է իրենց երկրորդ երեխային Լիլի կոչել՝ թագուհու պատվին։ Մանկության տարիներին Եղիսաբեթ թագուհուն Լիլիբեթ էին անվանում, Լիլի էր նրան անվանում նրա ամուսինը՝ արքայազն Ֆիլիպը, որի հետ թագուհին ամուսնացած է եղել 73 տարի, և որը մահացավ բոլորովին վերջերս։

Թագավորական ընտանիքի երկրպագուները սոցցանցերում բուռն քննարկում են զույգի որոշումը։ Շատերը հիասթափված են, որ Հարրին չի անվանակոչելու դստերը մոր անունով։ Նույնպիսի հիասթափություն էին ապրում հետևորդները, երբ Հարրիի եղբայրը՝ արքայազն Ուիլյամը և նրա կին Քեթրինը, դստերը կոչեցին Շառլոտ։

Սկանդալային հարցազրույցի հետքերով. Մեգան Մարքլին մեղադրել են բացահայտ ստելու համար

Բուքմեյքներն արդեն իսկ խաղադրույքներ են ընդունում, թե ինչպես Մեգանն ու Հարրին կանվանեն դստերը։

Հիշեցնենք՝ զույգը ամուսնացել է 2018-ի մայիսին, ուղիղ մեկ տարի անց՝ 2019-ի մայիսին, նրանց ընտանիքը համալրվեց փոքրիկ Արչիով։

Հարրին և Մեգանը հրաժարվել են թագավորական կոչումներից և  Բրիտանիայից տեղափոխվել ԱՄՆ։

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

27
թեգերը:
անուն, դուստր, Արքայազն Հարրի, Մեգան Մարքլ