Արխիվային լուսանկար

Ճանապարհը բաց է, բայց հերթը չի պակասում․ ինչո՞ւ է Լարսում մի քանի հազար բեռնատար կուտակվել

253
(Թարմացված է 17:53 05.04.2021)
ՌԴ-ում ՀՀ դեսպանության մաքսային հարցերով կցորդ Արամ Թանանյանը պարզաբանել է, թե ինչու է Վերին Լարսի անցակետում հերթը պահպանվում։

ԵՐԵՎԱՆ, 5 ապրիլի – Sputnik. «Վերին Լարս» սահմանային անցակետի ճանապարհին ռուսական կողմից մի քանի հազար տրանսպորտային միջոց է կուտակվել։ Այս մասին Sputnik Արմենիային հայտնեց Ռուսաստանում Հայաստանի դեսպանատան մաքսային հարցերով կցորդ Արամ Թանանյանը։

Մցխեթա-Ստեփանծմինդա-Լարս ավտոճանապարհի Գուդաուրի-Կոբի հատվածը մեկ շաբաթից ավելի է, ինչ փակ է մեծ բեռնատարների համար՝ վատ եղանակի պատճառով: Արդեն մի քանի օր է՝ ճանապարհը բաց է, սակայն հսկիչ-անցագրային կետի մերձակայքում և տարածքում ռուսական կողմից երկար հերթեր են պահպանվում։

Թանանյանը նշեց, որ դա նորմալ երևույթ է, քանի որ ճանապարհը երկար ժամանակ փակ է եղել։

«Երեկվա տվյալներով՝ միան Կաբարդինո-Բալկարիայի տարածքում բեռնատարների մոտ հինգ կիլոմետրանոց հերթ է։ Մոտ 13 կմ հերթ է Օսեթիա մտնելու ճանապարհին, Վլադիկավկազում փակ բեռնատարների 10 կմ հերթ է»,-ասաց Թանանյանը։

Նրա խոսքով՝ Վերին Լարսի անցակետի շրջակայքում 4 կիլոմետրանոց հերթ է։ Բացի այդ, Մախաչկալայի շրջաններում մի քանի տասնյակ կիլոմետր հերթ է գոյացել։ Թանանյանն ընդգծեց, որ մոտ 100 մեքենան մոտ երկու կմ երկարությամբ հերթ են գոյացնում։ Հետևաբար, կուտակվել է մի քանի հազար տրանսպորտային միջոց, որոնք Վրաստան մտնելու համար իրենց հերթին են սպասում։

«Այս բոլոր բեռնատարները դեռ պետք է Ռուսաստանից Վրաստան մտնեն, բայց ամեն օր նրանց նոր մեքենաներ են միանում։ Դրանցից 10-15 տոկոսը հայկական բեռնատարներ են»,-ասաց Թանանյանը։

Ըստ նրա կանխատեսման՝ իրավիճակի կայունացման և երթևեկության կանոնակարգման համար մոտ 20 օր է անհրաժեշտ։

Երկաթուղային ապաշրջափակման դեպքում բեռնափոխադրումների 80 տոկոսը կանցնի Մեղրիով

Նա ընդգծեց, որ սահմանային անցակետն աշխատում է անդադար, ուժերի լարումով։ Միայն երեկ երկու կողմից անցակետն անցել է ավելի քան հազար տրանսպոտային միջոց․ 600-ը՝ Ռուսաստանից Վրաստան և գրեթե նույնքան էլ՝ հակառակ ուղղությամբ։

Թանանյանը նշեց, որ բացի կուտակվածներից, Ռուսաստան մտնող բեռնատարները շարունակական շարժման մեջ են և հետ են վերադառնում, այդ պատճառով էլ շարունակաբար փակ ճանապարհի պայմաններում այդպիսի հերթ է առաջանում։

Ռազմավիրական ճանապարհը ներկայումս միակ գործող ցամաքային երթուղին է, որը Հայաստանը կապում է Ռուսաստանի հետ։

253
թեգերը:
հերթեր, բեռնատար, Լարս
Ըստ թեմայի
Մոտ 11 հայ վարորդ մնացել են վրաց-ռուսական սահմանի չեզոք գոտում. կցորդի մեկնաբանությունը
Ծովափնյա հանգստի սեզոնին ընդառաջ` Վրաստանը կարող է բացել ցամաքային սահմանը
ՌԴ-ն Սուեզի ջրանցքին փոխարինող է գտել․ ի՞նչ հեռանկարներ ունի Հյուսիսային ծովային ուղին
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

138
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

138
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը
Վանդալիզմ Նոր Երզնկա համայնքում

Վանդալիզմ Նոր Երզնկա համայնքում. խաչքարեր են ջարդել. լուսանկարներ

267
(Թարմացված է 20:12 18.04.2021)
Պատմական միջավայրի պահպանության մարզային ծառայության պատասխանատուները վանդալիզմի փաստն արձանագրելուց հետո համապատասխան միջոցներ են ձեռնարկել։

ԵՐԵՎԱՆ, 18 ապրիլի – Sputnik. ՀՀ Կոտայքի մարզի Նոր Երզնկա համայնքում գտնվող խաչքարերից երկուսը ջարդել են։ Տեղեկությունը Facebook–ի իր էջում հայտնում է ՀՀ ԿԳՄՍՆ Պահպանության ծառայություն ՊՈԱԿ-ը։

««Պահպանության ծառայություն» ՊՈԱԿ-ի Պատմական միջավայրի պահպանության (ՊՄՊ) Կոտայքի մարզային ծառայության աշխատակիցը, հուշարձանների տարածք կատարած հերթական շրջայցի ժամանակ, վանդալիզմի դեպք է արձանագրել։ Նոր Երզնկա համայնքում գտնվող խաչքարերից երկուսը ջարդված են եղել», – նշված է հաղորդագրության մեջ։

Մարզային ծառայության պատասխանատուները փաստն արձանագրելուց հետո համապատասխան միջոցներ են ձեռնարկել, չնայած խաչքարերն ընդգրկված չեն ո'չ նորահայտ հուշարձանների, և ո'չ էլ հուշարձանների պետական ցուցակում, և չեն գտնվում կազմակերպության պահպանության ներքո։

Վանդալիզմ Երևանում. Կոմիտասի անվան պանթեոնից գողացել են Շուշանիկ Կուրղինյանի կիսանդրին

267
թեգերը:
Լուսանկար, խաչքար, վանդալիզմ
Ըստ թեմայի
«Հուսով ենք` Բաքուն միջոցներ կձեռնարկի». Զախարովան՝ Քարինտակի ու Շուշիի վանդալիզմի մասին
Արձան կոտրելու արվեստը կամ ժապավենով փաթաթված վանդալիզմը Երևանում
Ոչ մի վանդալիզմ էլ չի եղել. վիրահայոց թեմի հոգևորականը վստահեցնում է` ամեն ինչ կարգին է