Արխիվային լուսանկար

Գիտնականները երկարակեցության սննդակարգ են մշակել. գլխավոր գաղտնիքը չափաբաժիններն են

107
(Թարմացված է 19:58 04.04.2021)
Նշված սննդակարգի պահպանումը նվազեցնում է հաճախ մահվան հանգեցնող սրտանոթային, ուռուցքաբանական և այլ հիվանդությունների առաջացումը։

ԵՐԵՎԱՆ, 4 ապրիլի - Sputnik. Երկար ապրելու համար անհրաժեշտ է օրական սնվել հինգ անգամ։ Սննդակարգում պարտադիր պետք է ներառել մրգի երկու չափաբաժին և երեք չափաբաժին բանջարեղեն, հայտնում է Իզվեստիա թերթը՝ հղում անելով չինացի գիտնականների ուսումնասիրություններին։

Աղբյուրի համաձայն՝ նման դիետան կարող է նվազեցնել հաճախ մահվան հանգեցնող սրտանոթային, ուռուցքաբանական և այլ հիվանդությունների առաջացման ռիսկը։

Ուսումնասիրության գլխավոր հեղինակ, բժշկական գիտությունների դոկտոր Վան Դունը գործընկերների հետ վերլուծել է տարբեր սննդամթերքների օգտագործման տվյալները։ Պարզվել է, որ միրգ ու բանջարեղենի հինգ չափաբաժնի ամենօրյա օգտագործումը նվազեցնում է մահվան ելքի հանգեցնող հիվանդությունների վտանգը։

Միևնույն ժամանակ, գիտնականը կարևոր պահ է նշում․ չափաբաժինների ավելացումը նվազեցնում է դիետայի արդյունավետությունը։

Բացի այդ, հարկ է հաշվի առնել, որ ոչ բոլոր մրգերն ու բանջարեղեններն են օգտակար կյանքի տևողությունն ավելացնելու տեսանկյունից։

Մյասնիկովն ասել է՝ որ մթերքն է ավելի լավ պաշտպանում քաղցկեղից

Օրինակ՝ եգիպտացորենն ու կարտոֆիլը չեն նվազեցնում մահացու հիվանդությունների վտանգը։ Իսկ ահա սպանախը, ցիտրուսները, գազարը, հատապտուղները, հակառակը՝ էապես նպաստում են առողջության պահպանմանը։

Հիշեցնենք, որ ռուսաստանցի հայտնի բժիշկ և հեռուստահաղորդավար Ալեքսանդր Մյասնիկովն ավելի վաղ նշել էր այն պարտադիր մթերքները, որոնք օգնում են երկարացնել կյանքը։ Նրա խոսքով՝ անհրաժեշտ է կանոնավոր կերպով օգտագործել միրգ, բանջարեղեն, ծովամթերք, ձուկ, կարմիր գինի (չափավոր), ընդեղեն, սև շոկոլադ և սխտոր։ Միևնույն ժամանակ մասնագետը խոստովանել էր, որ այնուամենայնիվ երկարակեցության գլխավր գործոնը ժառանգականությունն է։

107
թեգերը:
սննդաբան, գիտնական, սնունդ, տարեց
Ըստ թեմայի
Ըմպելիք, որը կօգնի սննդի չարաշահման դեպքում. սննդաբանը բաղադրատոմս է ներկայացրել
Ո՞րն է ամենաօգտակար ապուրը. սննդաբանի խորհուրդը
Ինչպես պահպանել սլացիկությունը 40-ից հետո. սննդաբանի խորհուրդները
Նատալյա Եփրիկյանը. արխիվային լուսանկար

Comedy Woman-ի աստղերը եգիպտացորեն են վայելում Դիլիջանում

30
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:

ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։

Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։

«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։

Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։

«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում

Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։

Instagram story Натальи Еприкян
Նատալյա Եփրիկյանի «սթորին»
30
թեգերը:
Comedy club, Նատալյա Եփրիկյան, Դիլիջան
Ըստ թեմայի
«Գարիկ Մարտիրոսյան, տար ինձ Comedy Club». հայտնվել է Զելենսկու նմանակը
Ախպերս, փող չկա իրավիճակը թող երբեք մեզ չառնչվի. Comedy Club-ի շնորհավորանքը Ջանիբեկյանին
Կարեն Ադամյանը «հարցաքննել է» Comedy Club-ի անդամներին
Ավտոբուս

Երևանը առաջիկա վեց ամսում 161 հատ նոր ավտոբուս կստանա

38
(Թարմացված է 22:50 20.04.2021)
Նոր ավտոբուսները հագեցած կլինեն եվրոպական ժամանակակից ստանդարտներին համապատասխան կահավորանքով։

ԵՐԵՎԱՆ, 20 ապրիլի - Sputnik․ Երևանը առաջիկա վեց ամսում 161 հատ 8,6 մետրանոց նոր քաղաքային ավտոբուսներ կստանա։ Այս մասին տեղեկացրել է Երևանի քաղաքապետ Հայկ Մարությանը Facebook-ում՝ հրապարակելով նոր ավտոբուսի լուսանկար։

«CNG Green line («կանաչ») շարժիչով ավտոբուսների մատակարարը միջազգային բարձր որակավորում ունեցող, Չինաստանում գործող «Ժոնգ տոնգ» (Zhong Tong) ընկերությունն է։ Նոր ավտոբուսները հագեցած կլինեն եվրոպական ժամանակակից ստանդարտներին համապատասխան կահավորանքով, մասնավորապես, օդորակիչներով, LED լուսատախտակներով եւ հաշմանդամություն ունեցող անձանց համար հատուկ կահավորանքով», - գրել է Մարությանը։

Քաղաքապետը նշել է, որ տրանսպորտային ռեֆորմն ընթանում է քաղաքապետարանի նախանշած ժամանակացույցի համաձայն։

38
թեգերը:
Հայկ Մարության, ավտոբուս, Երևան