Գարիկ Մարտիրոսյանի կինն օգտատերերին բողոքել է ամուսնուց և որպես փաստ լուսանկար հրապարակել

406
(Թարմացված է 15:20 04.04.2021)
Օգտատերերն ու երկրպագուները աջակցել են շոումեն Գարիկ Մարտիրոսյանի կնոջը՝ նշելով, որ իրենց ամուսիններն էլ են իրենց այդպես պահում։ Մի քանիսն էլ ընդգծել են, որ շոումենը, ամենայն հավանականությամբ, դա դիտավորյալ է անում:

ԵՐԵՎԱՆ, 4 ապրիլի – Sputnik. Հայտնի շոումեն և պրոդյուսեր Գարիկ Մարտիրոսյանի կինը՝ Ժաննա Լևինան, դժգոհել է, որ ամուսինն իրեն լավ չի լուսանկարում։ Նա որպես ապացույց Instagram-ի իր էջում հրապարակել է ամուսնու արած լուսանկարն ու պատմել, թե ինչն է իրեն նյարդայնացնում։

«Ասեք ինձ, խնդրում եմ, երբ ձեր ամուսինը լուսանկարում է ձեզ, նա է՞լ է ինչ-որ բան ձեզնից «կտրում»։ Օրինակ, Գարիկն ինձ լուսանկարելիս միշտ ձեռքերս կամ ոտքերս չի լուսանկարում ու միշտ ասում է, թե տես` «թույն» լուսանկար է ստացվել, բայց չեմ հասցնում նայել, ինքն արդեն փախչում է», - գրել է Լևինան։

Նա նշել է, որ եթե հանկարծ աչքը թարթում է մեկ վայրկյանանոց ֆոտոսեսիայի ժամանակ, նոր լուսանկարվելու երկրորդ շանս այլևս չի ունենում:

Լևինայի լուսանկարը մի քանի ժամում հավաքել է ավելի քան 10 000 հավանում։

Մի շարք օգտատերեր հասկացել են նրա զայրույթը և նշել, որ իրենց ամուսիններն էլ են այդպես վարվում։

««Գարիկը դիտավորյալ է անում, որ էլ լուսանկարվել չցանկանաք», «Ինչպես միշտ` գեղեցիկ ու շքեղ», «Ժաննա, դուք շատ գեղեցիկ եք, ուստի Գարիկը որոշել է ձեզ կիսով չափ ցույց տալ»»,–գրել են նրանք։

«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին

Ճանաչված շոումեն, երգիծաբան Գարիկ Մարտիրոսյանը և նրա կինը` Ժաննա Լևինան, արդեն 24 տարի է, ինչ միասին են։ Ամուսնացել են 1998 թվականին։ 2004 թվականի ամռանը ծնվել է նրանց դուստր Ժասմինը։ Որդին` Դանիելը, լույս աշխարհ է եկել 2009 թվականի հոկտեմբերին։

«Դու կարող ես լռել, Մարտիրոսյան ազգանունը բավական է». Ժաննա Լևինան հաղորդում կվարի

406
թեգերը:
ինստագրամ, Լուսանկար, Կին, Ժաննա Լևինա, Գարիկ Մարտիրոսյան
Ըստ թեմայի
«Ուշագրավ պատմություն է». Սոբչակը նկատել է, որ Գարիկ Մարտիրոսյանը «Ազերչայ» չի խմում
24 տարի միասին. Գարիկ Մարտիրոսյանի կինը լուսանկար է հրապարակել
Նա ապրում էր սևահեր կնոջ հետ. Գարիկ Մարտիրոսյանի կինը արխիվային լուսանկար է հրապարակել
Էլեկտրագնացք

Երևան-Գյումրի-Երևան երթուղու արագընթաց էլեկտրագնացքները վերսկսում են ուղերթերը

41
(Թարմացված է 17:15 20.04.2021)
Մայրաքաղաքից Գյումրի մեկնող արագընթաց էլեկտրագնացքների ուղերթերի ժամանակացույցը չի փոխվել։

ԵՐԵՎԱՆ, 20 ապրիլի – Sputnik. Երևան-Գյումրի-Երևան երթուղու ԷՊ2Դ արագընթաց էլեկտրագնացքները վերսկսում են իրենց աշխատանքը: Տեղեկությունը հայտնում է «Հարավկովկասյան երկաթուղի» ընկերությունը։

«Ժամանակացույցն անփոփոխ է. Երևանից արագընթացները կմեկնեն ամեն ուրբաթ, շաբաթ և կիրակի` ժամը 09:15-ին, Գյումրիից՝ 17:55-ին»,– հիշեցնում է ՀԿԵ–ն:

Այսուհետ ուղևորները կարող են գնել տոմսերը նաև առցանց՝ տեղերն ամրագրելով railway.am կայքում։

Հիշեցնենք` արագընթաց էլեկտրագնացքների ուղերթերը ժամանակավորապես կասեցվել էին տեխնիկական պատճառներով։

Երևանում դաժանաբար սպանված Համբարձում Ղանդիլյանի անունով էլեկտրաքարշ գործարկվեց

Նոր վագոններ մայիսից, էլեկտրագնացքներ` օգոստոսից. «Հարավկովկասյան երկաթուղին» կհամալրվի

41
թեգերը:
Գյումրի, Գնացք, Հայաստան
Ռոմանոս Պետրոսյանը ծառ է տնկում

Ինչպես մասնակցել ապրիլի 25-ի համապետական ծառատունկին․ ծրագրի մանրամասները

22
(Թարմացված է 16:55 20.04.2021)
Նախատեսվում է Հայաստանի ողջ տարածքում տնկել 300.000 ծառ։ Յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

ԵՐԵՎԱՆ, 20 ապրիլի – Sputnik. Ապրիլի 25-ին «10 մլն ծառ» նախաձեռնության շրջանակում Հայաստանի Հանրապետության ողջ տարածքում կիրականացվի համապետական ծառատունկ։

Խոստացված 10 միլիոն ծառից ևս 1000–ը տնկվեցին. ապրիլի 25-ը համապետական ծառատունկի օր կլինի

Հայաստանում կայանալիք ծառատունկին մասնակցելու համար պետք է դիմել տեղական ինքնակառավարման մարմինների հատուկ բաժիններին։ Շրջակա միջավայրի նախարար Ռոմանոս Պետրոսյանը հրապարակել է հեռախոսահամարներ՝ ամեն մարզի համար։

Նախատեսվում է Հայաստանի ողջ տարածքում տնկել 300.000 ծառ։

Արագածոտնի մարզ – 7000 տնկի,

Մասնակցել  ցանկացողները կարող են զանգահարել Արագածոտնի մարզպետարան +374 232 3 30 25

Արարատի մարզ- 7000 տնկի,

Մասնակցել  ցանկացողները կարող են զանգահարել Արարատի մարզպետարան  +374 235  2 51 09

Արմավիրի մարզ – 6000 տնկի,

Մասնակցել  ցանկացողները կարող են զանգահարել Արմավիրի մարզպետարան +374 237  2 38 50

Գեղարքունիքի մարզ –8000 տնկի,

Մասնակցել  ցանկացողները կարող են զանգահարել Գեղարքունիքի մարզպետարան +374 60 65 06 24

Կոտայքի մարզ – 10.000 տնկի,

Մասնակցել ցանկացողները կարող են զանգահարել  Կոտայքի մարզպետարան  +374 223 2 32 40

Լոռու մարզ-7000 տնկի,

Մասնակցել ցանկացողները կարող են զանգահարել Լոռու մարզպետարան + 374 322 4 30 99

Շիրակի մարզ – 10.000 տնկի,

Մասնակցել  ցանկացողները կարող են զանգահարել Շիրակի մարզպետարան + 374  312 4 90 00/115

Սյունիքի մարզ – 7000 տնկի,

Մասնակցել  ցանկացողները կարող են զանգահարել Սյունիքի մարզպետարան +374 285  4 42 93

Տավուշի մարզ – 6000 տնկի,

Մասնակցել ցանկացողները կարող են զանգահարել Տավուշի մարզպետարան +374 263 4 22 40

Վայոց Ձորի մարզ – 7000 տնկի,

Մասնակցել ցանկացողները կարող են զանգահարել Վայոց ձորի մարզպետարան  +374 281 2 30 50։

Ամենաշատ ծառերը տնկվելու են մայրաքաղաք Երևանում՝ 25 հազար տնկի։ Եվս 200 հազար տնկի նախարարությունը նախատեսել է պետական կառավարման և տեղական ինքնակառավարման մարմինների, հանրակրթական հաստատությունների ու այլ գերատեսչությունների հետ համատեղ բոլոր մարզային անտառտնտեսությունների տնկարկներում տնկելու համար։

Պետրոսյանը նշում է, որ յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

Ծառատունկի մասին մանրամասներ իմանալու կամ մասնակցության համար կարելի է զանգահարել նաև Շրջակա միջավայրի նախարարության Անտառային կոմիտե՝  հեռ․՝ (010) 65 17 38, էլ հասցե՝  info@forestcommittee.am։

Հիշեցնենք` 2019թ-ին հայտարարվել էր, որ մինչև 2020 թվականի հոկտեմբերի 10-ը Հայաստանում 10 մլն ծառ է տնկվելու: Քանի որ վերջին 30 տարում Հայաստանում անտառները զգալիորեն տուժել են անխնա ծառահատումների պատճառով, վարչապետը կարգադրել էր ուշադիր հետևել անտառների պահպանությանը։

2020 թ-ի ապրիլի 13-ին ՀՀ շրջակա միջավայրի նախարարությունը տեղեկացրել էր, որ, հաշվի առնելով նոր կորոնավիրուսի տարածման հետևանքով ստեղծված իրավիճակը և հնարավոր առողջապահական ռիսկերը` որոշում է կայացվել 10 մլն ծառ տնկելու ծրագրի ժամկետը տեղափոխել 2021թ.-ի վերջ:

22
թեգերը:
Ռոմանոս Պետրոսյան, Շրջակա միջավայրի նախարարություն, Հայաստան, ծառատունկ, ծառ
Ըստ թեմայի
«Եռաբլուրը» ծառապատվում է, նախարարը մասնակցում է ծառատունկին
Կանաչ սահման` 95–ամյակին. Գյումրիում զինվորներն ու հրամանատարները տոնական ծառատունկի էին
Երկու մլն տնկին արդեն գտել են. նախարար Գրիգորյանը պատմում է 10 միլիոնանոց ծառատունկի մասին
Губернатор Тавушской области Айк Чобанян во время форума по стратегии экономического развития области в 2021-2025гг (26 марта 2021). Еревaн

Եվրամիությունը և ԲՏԱ նախարարությունը Հայաստանում էլեկտրոնային համակարգեր կներդնեն

0
Ներկայումս ԵՄ-ն համագործակցում է ՀՀ-ի հետ «e-judiciary» և «e-visa» ծառայությունների ամբողջական ներդրման ուղղությամբ:

ԵՐԵՎԱՆ, 20 ապրիլի – Sputnik. ՀՀ բարձր տեխնոլոգիական արդյունաբերության նախարար Հայկ Չոբանյանը հեռավար հանդիպում է ունեցել ՀՀ-ում ԵՄ պատվիրակության ղեկավար, դեսպան Անդրեա Վիկտորինի հետ: Տեղեկացնում է նախարարության կայքը։

Նախարարը և ՀՀ-ում ԵՄ պատվիրակության ղեկավարը ողջունել են միմյանց և նշել, որ նախկինում ունեցած արդյունավետ համագործակցությունը լավ հիմք է՝ առաջիկայում գործընկերային հարաբերություններն ամրապնդելու համար: 

ՀՀ ԲՏԱ նախարար Հայկ Չոբանյանը նշել է, որ բարձր տեխնոլոգիաների ոլորտի առաջընթացը ՀՀ-ում տեսանելի է: Ոլորտում առկա է աշխատատեղերի մեծ պահանջարկ և հանրությանը դեպի տեխնոլոգիական կրթություն ուղղորդելը կարևոր ազդակ կարող է հանդիսանալ այս բնագավառի զարգացման համար։ Նախարարը դեսպանին է ներկայացրել Հայաստանի վերջին տարիների ձեռքբերումները, կատարված աշխատանքի ամփոփ պատկերը, առանձնացրել ոլորտի զարգացման հիմնական ուղղությունները:

Վիկտորինը նշել է, որ ԵՄ-ն կարևորում է էլեկտրոնային կառավարման մշտական արդիականացումը (e-government): ԵՄ-ի հետ աշխատանքներ են ընթացել նաև «e-tax», «e-police» ծառայությունների, ինչպես նաև «Mulberry» էլեկտրոնային փաստաթղթաշրջանառության համակարգի  գործարկման, ակտիվացման ուղղությամբ:  Ներկայումս ԵՄ-ն համագործակցում է ՀՀ-ի հետ «e-judiciary» և «e-visa» ծառայությունների ամբողջական ներդրման ուղղությամբ:

Չոբանյանը նշել է նաև, որ ներկայում նախարարությունը մշակում է Բարձր տեխնոլոգիական արդյունաբերության զարգացման ռազմավարությունը, որը կսահմանի ոլորտային զարգացման միջնաժամկետ և երկարաժամկետ հիմնական ուղենիշերը:

0
թեգերը:
Եվրամիություն, Անդրեա Վիկտորինի, Հայկ Չոբանյան