ՀՀ ՊՆ մարշալ Արմենակ Խանփերյանցի անվան ռազմական ավիացիոն ինստիտուտի կուրսանտները

«Եսթեր, բա քեզ պե՞տք էր». ռազմական համալսարանի կուրսանտ աղջիկները կոտրում են կարծրատիպերը

1999
(Թարմացված է 20:31 06.04.2021)
Պրոֆեսիոնալ զինվորական դառնալն անսովոր ընտրություն է կնոջ համար։ Աղջիկները Sputnik Արմենիային պատմել են, թե ինչու են ընտրել մարշալ Խանփերյանցի անվան ռազմական ավիացիոն համալսարանն ու ինչ դժվարությունների են բախվել։

ՀՀ ՊՆ մարշալ Արմենակ Խանփերյանցի անվան ռազմական ավիացիոն համալսարանում նաև աղջիկներ են սովորում։ Նրանք բոլորը Հայաստանի մարզերից են․ ուսումնական մասնաշենքում մշտապես տարբեր բարբառներ են հնչում։ Այս աղջիկները զինվորական համազգեստը գերադասում են շրջազգեստներից, իսկ զինվորական կոշիկները՝ բարձրակրունկներից։ Նրանք չեն սիրում շպարվել, ամենահասարակ սանրվածքներն են անում, իսկ լավագույն զարդը համարում են զինվորական գլխարկները։ Նրանք կարողանում են պատրաստվել ընդամենը տասը րոպեում և ավելի հաճախ հակաօդային պաշտպանության համակարգեր ու անօդաչու թռչող սարքերի մասին են խոսում, քան աղջկական թեմաների։

ՀՕՊ ապագա հրամանատարը, կամ գերազանցիկը` Գյումրիից

Курсантка Военно-авиационного института министерства обороны РА имени маршала Арменака Ханферянца Григорян Гоар
© Sputnik / Aram Nersesyan
Գոհար Գրիգորյան

Գոհար Գրիգորյանը մանկուց առանձնակի վերաբերմունք է ունեցել զինվորական համազգեստի հանդեպ։ Նրա ծնողները լուրջ չէին վերաբերվում բանակում ծառայելու նրա ցանկությանը, և երբ զինղեկի խորհրդով նա որոշեց ռազմական ավիացիոն ինստիտուտ ընդունվել, նրանք ոչ միայն զարմացած էին, այլև ցնցված։ Հայրը կտրականապես դեմ էր արտահայտվում, իսկ մայրը որոշեց դստերն ընտրության ազատություն տալ։ Հիմա արդեն բոլոր հարազատները հպարտանում են նրանով, իսկ երբ հեռուստատեսությամբ տեսել են նրա երդման արարողությունը, մայրն անդադար զանգեր ու շնորհավորանքներ է ստացել։

Գոհարը միակ աղջիկն է կուրսի 30 տղաների մեջ։ Բարեբախտաբար, համալսարանում չեն տառապում «բանակը կնոջ տեղը չէ» կարծրատիպից, և նրա համար հեշտ է եղել մերվել տղաների կոլեկտիվին։ Բայց Գոհարն իր սեռն արտոնություն չի համարում․ կուրսում բոլորից լավ է սովորում և որևէ բացթողում չի հանդուրժում։ Տղաները գնահատում են դա և ջենտլմենի պես են վերաբերվում նրան։

-Կանանց տոներին ծաղիկներ նվիրո՞ւմ են։

-Այո, միշտ։

-Իսկ դո՞ւ` հունվարի 28-ին։

-Դա նաև իմ տոնն է, բայց այո, փորձում եմ հետ չմնալ նրանցից։

-Չե՞ս նեղանում, երբ տղաները երեկույթ են կազմակերպում և չեն հրավիրում քեզ։

-Չէ, մենք էլ աղջիկներով ենք երկույթներ կազմակերպում ու նրանց չենք հրավիրում։

Курсантка Военно-авиационного института министерства обороны РА имени маршала Арменака Ханферянца Григорян Гоар
© Sputnik / Aram Nersesyan
Գոհար Գրիգորյան

Աղջիկը խոստովանում է, որ երազում էր ԱԹՍ-ներ ղեկավարել, բայց միայն պատերազմից հետո գիտակցեց, թե որքան բարդ և կարևոր մասնագիտություն է ընտրել։ Հիմա նա ծրագրում է դառնալ ՀՕՊ լավագույն հրամանատարներից մեկը, և եթե պատերազմը կրկնվի, պատրաստ է լավագույնս ցուցադրել իր ունակությունները։ Գոհարը վստահ է, որ բանակում պետք է շատ կանայք լինեն, քանի որ նրանք ավելի կարգապահ են և դրական են ազդում ստորաբաժանումների մթնոլորտի վրա։

«Այն կուրսերում, որտեղ աղջիկներ չկան, տղաները պակաս կարգապահ են։ Մերում ամեն ինչ ուրիշ է։ Եթե շատ աղջիկներ լինեին, մթնոլորտը շատ ավելի լավը կլիներ»,-ասում է նա։

Գոհարը հաստատ որոշել է նվիրվել ռազմական գործին, և կրթությունն ավարտելուց հետո ծառայելու է Զինված ուժերում։ Նա հույս ունի, որ իր ապագա ընտրյալը նույնպես զինվորական կլինի, և ինքը երբեք ստիպված չի լինի ընտրել զինված ուժերի և ընտանիքի միջև։

Ապագա օպերատորը, կամ համեստ աղջիկն Իջևանից

Курсантка Военно-авиационного института министерства обороны РА имени маршала Арменака Ханферянца Киракосян Естер
© Sputnik / Aram Nersesyan
Եսթեր Կիրակոսյան

Եսթեր Կիրակոսյանն ինստիտուտի առաջին կուրսում է սովորում, ապագա օպերատոր է։ Աղջիկը երազում էր ուսուցչուհի դառնալ, բայց 2020թ․-ի ամռանը Տավուշում՝ հայ-ադրբեջանական սահմանին իրավիճակի սրացումից հետո որոշեց ծառայել զինված ուժերում։ Նրա ծնողները դեմ չէին, հակառակը՝ ողջունեցին նրա որոշումը և հպարտանում են նրանով։ Աղջիկը մտածում էր ռազմական օդաչու դառնալու մասին, բայց մի շարք հանգամանքների բերումով չստացվեց։ Նա ընտրեց օպերատորի մասնագիտությունը։

«Ուսման ամենասկզբում երբեմն շարքի մեջ կանգնած մտածում էի․ «Եսթեր, բա քեզ պե՞տք էր», բայց պատերազմից հետո այդ միտքը լրիվ հեռացավ։ Հիմա հասկանում եմ, որ բանակն իմ տեղն է, և ես ուզում եմ լավագույն մասնագետներից մեկը դառնալ, օգնել եղբայրներիս, եթե կարիքը լինի»,-նշում է աղջիկը։

Курсантка Военно-авиационного института министерства обороны РА имени маршала Арменака Ханферянца Киракосян Естер
© Sputnik / Aram Nersesyan
Եսթեր Կիրակոսյան

Հավասարություն, եղբայրություն և արդարություն․ սա է նրա նշանաբանը։ Նա զինված ուժերում հավասար իրավունքների կողմնակից է և երբեք խտրականության չի բախվել։ Կուրսի տղաներն անմիջապես հասկացել են նրան և ընկերացել հետը։ Աղջիկն ինքը վստահ է՝ բանակին կարգապահ և աշխատասեր կանայք են պետք, իսկ թույլերի և անզորների համար բանակում տեղ չկա։ Եթե աղջիկը եկել է բանակ, ապա պետք է ներդնի ամեն ինչ և իր ոլորտի լավագույն մասնագետը դառնա։

Դրա հետ մեկտեղ Եսթերը վստահ է, որ երբեմն պետք է հանել զինվորական համազգեստը, տնային շորեր հագնել և ժամանակ անցկացնել քաղաքացիական ընկերների հետ։ Նա մտադիր է կյանքը բանակին նվիրել, բայց պարտադիր չի համարում, որ ապագա ամուսինը զինվորական լինի։

Ապագա կապավորը, կամ գեղեցկուհին` Արմավիրից

Курсантка Военно-авиационного института министерства обороны РА имени маршала Арменака Ханферянца Ованнисян Гаяне
© Sputnik / Aram Nersesyan
Գայանե Հովհաննիսյան

Գայանե Հովհաննիսյանը նույնպես առաջին կուրսեցի է։ Նա նախկին զինվորականի դուստր է։ Գայանեին լավ ծանոթ են բոլոր դժվարությունները, որոնց բախվում են զինվորականների ընտանիքները, բայց չնայած դրան, նա որոշել է ծառայել զինված ուժերում՝ ընտրելով կապավորի մասնագիտությունը։ Հայրը դեմ էր այդ ընտրությանը, բայց ստիպված է եղել հաշտվել դստեր որոշման հետ։ Իսկ մայրը մինչև հիմա հույս ունի, որ աղջիկը կմտափոխվի և կնոջն ավելի ավելի հարմար մասնագիտություն կընտրի։

«Չէի կարողանում կողմնորոշվել կապի և ՀՕՊ-ի միջև, բայց մի քիչ մտածեցի և հասկացա, որ կապը զինված ուժերում արյունատար անոթների դեր է խաղում, առանց դա ցանկացած գործողություն անհաջողության է դատապարտված»,-ասում է նա։

Курсантка Военно-авиационного института министерства обороны РА имени маршала Арменака Ханферянца Ованнисян Гаяне
© Sputnik / Aram Nersesyan
Գայանե Հովհաննիսյան

Գայանեի  կուրսում երեք աղջիկ կա։ Սկզբում նրանց համար մի քիչ բարդ էր տղաների հետ հարաբերություններ կառուցելը, բայց հետզհետե աղջիկներն իրենց ցույց տվեցին, և երիտասարդները ստիպված էին նրանց հավասարը հավասարի պես ընդունել։ Աղջիկը վստահ է, որ ինքն ու համակուրսեցի աղջիկները լավ են ազդում տղաների և նրանց վարքի վրա․ տղաներն ավելի զուսպ են դառնում։

«Առաջ տղաների հետ մրցակցություն կար, բայց հիմա մի ընտանիք ենք դարձել և ուրախանում ենք միմյանց հաջողություններով։ Դա շատ կարևոր է, հատկապես կապավորի համար»,-նշեց նա։

Աղջիկը հույս ունի, որ կկարողանա ցուցաբերել իր ունակություններն ու բանակին օգտակար կլինի ցանկացած պարագայում։ Նա չի թաքցնում, որ պարտված պատերազմից հետո ավելի նպատակասլաց է դարձել, երազում է վերադարձնել կորցրածը։ Պատերազմի դեպքում պատրաստ է ռազմաճակատ մեկնել, և թող հայրը, որը երկու պատերազմի մասնակից է, մնա տանը և սպասի իրեն, ինչպես ինքն էր հորը սպասում։

ՀՀ ՊՆ մարշալ Արմենակ Խանփերյանցի անվան ռազմական ավիացիոն ինստիտուտը հիմնադրվել է 1993թ․-ին։ 27 տարվա ընթացքում բուհը բազմաթիվ մասնագետներ է պատրաստել․ օդաչուներ, ՀՕՊ օպերատորներ, կապավորներ։ Այդ թվում եղել են բազմաթիվ կանայք, որոնք այսօր ծառայում են Հայաստանի տարբեր մարզերի ռազմական ստորաբաժանումներում։

Ռուզվելտի նվերը և Խանփերյանց–Խուդյակովի կյանքի մութ կետերը. ինչու գնդակահարեցին մարշալին

1999
թեգերը:
Արմենակ Խանփերյանց (Սերգեյ Խուդյակով), ռազմական ավիացիա, Կին, Բանակ
Ըստ թեմայի
«Ավելի լավ է անոտ, քան անգլուխ». ովքեր են Մեծ հայրենականի հայ մարշալները
Ինչու Խանփերյանցը Խուդյակով դարձավ, կամ հայ հանճարի հզոր վայրիվերումները
Մեծ ուշադրություն ենք դարձնելու ռազմարդյունաբերությանը․ Ավինյանը՝ ԶՈւ բարեփոխումների մասին
Գինու բարեգործական աճուրդ և ցուցահանդես-վաճառք

Զինծառայողների ապահովագրության հիմնադրամին ավելի քան 4 մլն դրամ է ուղղվել գինու աճուրդից

31
(Թարմացված է 17:50 11.04.2021)
4 միլիոն դրամ (մոտ 7,5 հազար ԱՄՆ դոլար) հաջողվել է հավաքել ապրիլի 8-ին Երևանում կայացած գինու բարեգործական աճուրդի ցուցահանդես-վաճառքի ընթացքում։ Հավաքված ամբողջ գումարը կուղղվի Զինծառայողների ապահովագրության հիմնադրամին («1000+ հիմնադրամ»)

ԵՐԵՎԱՆ, 11 ապրիլի – Sputnik. Հայաստանում կայացել է գինու աճուրդ և ցուցահանդես-վաճառք, որից ստացված միջոցներն ուղղվել են Զինծառայողների ապահովագրության հիմնադրամին։

Հիմնադրամից Sputnik Արմենիայի թղթակցին հայտնեցին, որ 2,6 միլիոն դրամը (մոտ 5 հազար ԱՄՆ դոլար) «բերել է» աճուրդը, իսկ մնացած գումարը հավաքվել է ցուցահանդես-վաճառքի ժամանակ և համտեսի ընթացքում նվիրատվությունների հաշվին:

«Կենաց» անվանումով միջացառման կազմակերպիչներն են ալկոհոլային խմիչքների մասնագետ Վլադ Խաչատրյանը և «Վարդանուշ տատը» զբոսաշրջային նախագծի ղեկավար Ամալյա Ակոպովան։

Специалист по алкоголю Влад Хачатрян на благотворительной выставке-продаже вина в Ереване
© Sputnik / Aram Nersesyan
Վլադ Խաչատրյան

Խաչատրյանի խոսքով՝ ակցիային մասնակցել են Հայաստանի 17 գինեգործական ընկերություն և ֆրանսիական գինիներ ներմուծող մեկ ընկերություն: Տրամադրվել է շուրջ 500 շիշ գինի։

«Ուզում էինք հավաքել մեր գինեգործներին՝ զինծառայողներին օգնելու նպատակով։ Չնայած ես գիտեմ, որ նրանց առանձին-առանձին էլ շատ ավելին են անում։ Կազմակերպչական տեսանկյունից մենք մի փոքր շտապեցինք, քանի որ վախենում էինք, որ կարող են լոքդաուն հայտարարել»,-ասաց նա։

Միաժամանակ, ինչպես Sputnik Արմենիայի թղթակցի հետ զրույցում պատմեց Զինծառայողների ապահովագրության հիմնադրամի դրամահավաքի գծով տնօրեն Սոնա Բաղդասարյանը, ակնկալիքները միջոցառումից ընդհանուր առմամբ արդարացել են։

Менеджер по фандрайзингу Фонда страхования военнослужащих Сона Багдасарян
© Sputnik / Aram Nersesyan
Սոնա Բաղդասարյան

«Այցելուների թվում նաև մարդիկ կային, որոնք գինի չեն օգտագործում, բայց եկել էին նվիրատվություն անելու։ Կարծում եմ՝ նման միջոցառումները ոչ միայն օգուտ են հիմնադրամին, այլև օգնում են մեծ թվով մարդկանց պատմել «1000+»-ի առաքելության մասին։ Բացի այդ, դրանք բարեգործական միջոցառումներին մասնակցելու մշակույթ են ձևավորում»,-ասաց նա։

Բաղդասարյանը նշեց, որ այս ցուցահանդես-վաճառքը հիմնադրամի կողմից կազմակերպված առաջին նմանատիպ միջջոցառումն է, քանի որ մինչև արցախյան վերջին պատերազմը դրա կարիքը չկար։ «Ցավոք սրտի, զոհված և վիրավոր զինծառայողների թիվը հիմա շատ մեծ է, և մենք բոլոր միջոցներով նվիրատվություններ կներգրավենք ինչպես Հայաստանից, այնպես էլ արտերկրից»։

«1000+»-ի դրամահավաքի գծով մենեջերն ավելացրեց նաև, որ նմանատիպ միջոցառումներ, ընդ որում՝ ամենատարբեր ձևաչափերի, կանցկացվեն առնվազն ամսական մեկ անգամ։ Մայիսի սկզբին, օրինակ, Arm Marathon սպորտային-կրթական հիմնադրամը հերթական վազքի մարաթոնը կանցկացնի Երևանում, որից ստացված ամբողջ եկամուտը նույնպես կուղղվի Զինծառայողների ապահովագրության հիմնադրամին։

31
թեգերը:
աճուրդ, Գինի, Զինծառայողների ապահովագրության հիմնադրամ
Ըստ թեմայի
Զինծառայողների ապահովագրության հիմնադրամը հաշվետվություն է ներկայացրել
«Ազնավուր» հիմնադրամը շուրջ 105 տոննա օգնություն կտրամադրի Արցախյան պատերազմից տուժածներին
Խաղաղապահներն ու 2 հիմնադրամները մարդասիրական միջոցառումներ են անցկացրել Ստեփանակերտում
Հայկական կործանիչների թռիչքը Անկախության օրը. 21 սեպտեմբերի, 2020

ՌԴ-ի փորձը, ՍՈւ-30ՍՄ-ը և ոչ միայն․ Հովհաննիսյանը՝ ՀՀ ԶՈւ արդիականացման հեռանկարների մասին

180
(Թարմացված է 14:25 11.04.2021)
Պատերազմից հետո ցանկացած պետության զինված ուժերում վերակազմավորման և վերազինման հետ կապված ճգնաժամային իրավիճակներ են առաջանում։ Հայաստանը բացառություն չէ։ ԶՈւ-ն արդիականացնելու խնդիր է դրված, և հիմնական շեշտը Ռուսաստանի հետ համագործակցության վրա է։

Վերազինման հեռանկարների, նոր զինատեսակների գնման և կործանիչ ավիացիայի զարգացման մասին Sputnik Արմենիայի թղթակից Աշոտ Սաֆարյանը զրուցել է ռազմական փորձագետ, պաշտպանության նախարարության նախկին պաշտոնական ներկայացուցիչ Արծրուն Հովհաննիսյանի հետ:

-Պարոն Հովհաննիսյան, ինչպե՞ս եք պատկերացնում Հայաստանի զինված ուժերի հետագա վերափոխումները։ Ինչպես հայտնի է՝ ռուսական կողմի հետ ակտիվ քննարկումներ են ընթանում բանակի վերազինման թեմայով, Մոսկվան ի՞նչ կարող է տալ իր դաշնակցին։

-Այն, որ բանակի արդիականացումն ու վերազինումը պետք է տեղի ունենան Ռուսաստանի հետ սերտ կոոպերացիայի պայմաններում, ոչ ոք չի կարող վիճարկել։ Դրա պատճառները միանգամայն հասկանալի են․ մենք նույն ռազմաքաղաքական դաշինքի մեջ ենք, Ռուսաստանը մեր ռազմավարական դաշնակիցն է, Հայաստանի զինված ուժերը շատ առումներով զարգանում են խորհրդային/ռուսական ռազմական դպրոցի ավանդույթներով և այլն։

Բացի այն, որ Ռուսաստանը մեր դաշնակիցն է, ռազմական հզորության առումով աշխարհի առաջատար պետություններից մեկը, ռուսական բանակն այսօր լուրջ պատերազմական փորձ է ձեռք բերում աշխարհում ռազմական գործողությունների տարբեր թատերաբեմերում։ Մենք պարտավոր ենք մանրակրկիտ ուսումնասիրել այդ փորձը և կիրառել այն բանակաշինության մեջ։

Պետք է հաշվի առնել, որ ռիսկերն ու վտանգները մնում են, պատերազմն ավարտված չէ, և մենք այնպիսի հարևաններով են շրջապատված, որ ցանկացած պահի պետք է սրացում սպասել։ Անհրաժեշտ է նաև հաշվի առնել ռազմական արվեստում ժամանակակից միտումները։ Անհրաժեշտ է վերջին պատերազմի ընթացքում մեր անհաջողությունների խորը վերլուծություն կատարել։

Ցավոք սրտի, երկար տարիներ շարունակ մենք այդ խորքային մոտեցումը չենք ցուցաբերել, շատ հարցերի մատների արանքով ենք նայել։ Մենք շատ խնդիրների իրավիճակային լուծումներ ենք տվել, առաջնորդվել ենք միայն եղած ռեսուրսներով։ Կային, իհարկե, նաև փայլուն նախագծեր բանակաշինության ոլորտում, բայց ոչ մեծ մասշտաբների պատճառով այդ նախագծերն ու գաղափարները բանակի վրա էական ազդեցություն չէին ունենում։ Բացի այդ, յուրաքանչյուր նոր պաշտոնյա պարբերաբար փոխում էր զարգացման նախկին վեկտորը և չեղարկում այս կամ այն նորարարական որոշումները, այսինքն՝ համակարգվածություն և շարունակականություն չկար։

ՍՈւ-30ՍՄ–ներն ու լեգենդար «Ռուսկիե վիտյազին». ավիախումբը 30 տարեկան է. տպավորիչ կադրեր

- Բանակի վերազինման ընդհանուր համատեքստում առանձնանում է կործանիչ ավիացիայի զարգացման հարցը։ Պատերազմից հետո հայ հասարակության շրջանում չեն դադարում վեճերն այն մասին, թե պե՞տք էր արդյոք գնել հայտնի Սու-30ՍՄ-ը, շատ գնահատականներ ու դատողություններ կտրված են իրականությունից և դիլետանտության են վերածվում։ Կրակին յուղ լցրեցին նաև իշխանությունների հայտարարություններն այն մասին, որ ինքնաթիռներն իրենք գնել են առանց հրթիռների․․․

Միաժամանակ վարչապետը վերջերս հայտարարեց, որ Հայաստանի կշարունակի այդ ինքնաթիռների նոր խմբաքանակներ գնել։ Ի՞նչ կարող եք ասել, որպես մարդ, որն իր փորձագիտական գործունեության մեծ մասը նվիրել է ավիացիայի ուսումնասիրությանը:

-Ես կարծում եմ, նախևառաջ, որ Հայաստանի պետք է կործանիչ ավիացիա։ Եվ այն, որ ռազմաքաղաքական ղեկավարությունը պահպանում է դրա զարգացման ուղղվածությունը, չնայած հաճախ անհիմն և անգրագետ քննադատություններին, խոսում է այն մասին, որ պատերազմից անհրաժեշտ դասերը քաղված են։ Անհնար է ժամանակակից, ցանցակենտրոն պատերազմ վարել առանց օդում գերազանցության, իսկ բազմաֆունկցիոնալ կործանիչներն այդ գերազանցության բուրգի գագաթն են, կարևորագույն բաղադրիչը։

Իսկապես, պատերազմից հետո շատ է խոսվել այն մասին, թե ինչու մեր ունեցած չորս միավոր ՍՈւ-30ՍՄ-ները չեն օգտագործվել։ Պատճառները մի քանիսն են։ Ցանկացած սպառազինություն, հատկապես՝ ժամանակակից, հարմարվելու մի քանի փուլ է անցնում։ Այն պետք է յուրացնել, վարել, վերացնել անխուսափելի տեխնիկական թերություններն ու «մանկական հիվանդությունները»։

Ասվածը հատկապես վերաբերում է ՍՈւ-30ՍՄ-ին։ Դրանք բացառիկ մեքենաներ են՝ կառավարման բարդ համակարգով, ավիոնիկայով, սպառազինություններով։ Այդ տեխնիկայի յուրացումը ժամանակ է պահանջում՝ լինի դա Ռուսաստանում, Հնդկաստանում, թե Հայաստանում։

Մեզ համար իրավիճակն ավելի է բարդանում նրանով, որ Հայաստանը երբեք կործանիչների շահագործման փորձ չի ունեցել։ Նայեք, թե մինչև օրս ինչ բանավեճեր են ընթանում ամերիկյան հինգերորդ սերնդի F-35 ինքնաթիռների շուրջ։ Այդ մեքենաներն արդեն մի քանի տարի սպառազինության մեջ են, բայց մենք մինչև օրս բողոքներ ու դժգոհություններ ենք լսում այս կամ այն թերությունների, դրանց մարտունակության մակարդակի վերաբերյալ։

Արցախում «Սու»-երը չօգտագործելու մյուս պատճառը դրանց քանակի մեջ է թաքնված։ Կործանիչ ավիացիայի կիրառումը պահանջում է գոնե մեկ էսկարդիլիայի՝ 12 մեքենայի առկայություն։ Երկու կամ չորս ինքնաթիռի արդյունքը մեծ չի լինի։ Ի դեպ, դա վերաբերում է ոչ միայն կործանիչներին։ Ցանկացած «սուպերզենք» եզակի օրինակով ընդամենը թանկարժեք խաղալիք է լինելու շքերթների համար, ոչ ավելին։ Հարկավոր է քանակ, հարկավոր է համակարգ, շղթա, որում տեխնիկայի յուրաքանչյուր միավոր կկատարի իր գործառույթը։

-Զորքերի մյուս տեսակների հետ համակարգման մասին խոսելն անգամ, թերևս, ավելորդ է․․․

-Անկասկած, ՍՈւ-30ՍՄ-ը սպառազինության մյուս տեսակների՝ ՀՕՊ համակարգերի, ԱԹՍ-ների, հրետանու և այլնի հետ ներդաշնակեցման կարիք ունի։ Հասկանալի է, որ մի քանի ամսում անհնար է անցնել ճանապարհը, որը մյուս պետությունները տարիներով են հաղթահարել։

Այս ինքնաթիռները կարող են նաև ԱԹՍ-ներ կրել և արձակել այդ դրոնները, որոնք ունակ են գործել հակառակորդի օպերատիվ խորքերում։ Այլ կերպ ասած՝ կործանիչների թևերի տակից մեկնարկած ԱԹՍ-ները կարող են լրացուցիչ ևս 200 կմ թռչել դեպի հակառակորդի տարածքի խորքերը։ Ահա թե ինչի մասին մենք պետք է մտածենք։ Ավելին՝ մենք այդ անօդաչուներն ինքնուրույն արտադրելու ներուժ ունենք։ Թող դա լինի մի քանի տարի հետո, բայց մենք ունենք այդ հնարավորությունները։

ՍՈւ-30 ինքնաթիռները պտտվեցին երևանյան երկնքում

-Քննադատներն ասում են՝ լավ, ուզում էինք ավիացիա ձեռք բերել, ՄիԳ-29 ինքնաթիռներ գնեիք, որոնք շատ ավելի էժան են և, համապատասխանաբար, նույն գումարով կարելի է մի քանի տասնյակ այդպիսի մեքենաներ գնել։

-Այդ խոսակցությունները քննադատության չեն դիմանում։ Նախևառաջ, ՄիԳ-29-ի ռեսուրսը մեծ չէ։ Մի քանի տարի հետո դրանք աստիճանաբար կհանվեն շահագործումից։ Բացի այդ, ՄիԳ-29-ի մարտական ծանրաբեռնվածությունը երկուսուկես անգամ փոքր է ՍՈւ-30ՍՄ-ից, նույնքան ավելի քիչ էլ կարող է օդում մնալ։ Այսինքն՝ այն ՍՈւ-30ՍՄ-ին զիջում է բոլոր ցուցանիշներով։ Ավելին ասեմ․ ռուս զինվորականների շրջանում քննարկումներ են ընթանում այն մասին, թե որ ինքնաթիռն է պետք վերցնել որպես հիմնական կործանիչ՝ Սու-30-ը, թե ՄիԳ-29-ի «իրավահաջորդ» ՄիԳ-35 կործանիչը։ Առայժմ հաղթում է Սու-30-ը։

-Հստակություն կա՞ արդյոք, թե ինչ միջոցներով և ինչ ժամկետներում է նախատեսվում գնել այդ ինքնաթիռները։

-Ես այդ մասին տեղեկություն չունեմ, բայց կարող եմ ասել, որ այդպիսի սպառազինությունները անգամ կանխիկ վճարման դեպքում անմիջապես չեն մատակարարվում։ Կոպիտ ասած՝ ՍՈւ-30ՍՄ-ները պահեստում դրված չեն, որպեսզի վճարես ու «քշես-բերես» այստեղ։ Պետք է պատվիրել, սպասել, մինչև դրանք կհավաքեն գործարանում։ Հիմա այդ ինքնաթիռների պատվերը շատ մեծ է, դրանք լայն պահանջարկ ունեն։ Այսօր դա 4++ սերնդի ամենավաճառվող ռուսական մարտական ինքնաթիռն է։

Բացի Ռուսաստանից, Հայաստանի և ՀԱՊԿ մյուս երկրներից, դրանք գնում են Չինաստանը, Հնդկաստանը, Բելառուսը, Ալժիրը, մի շարք այլ արաբական երկրներ։ Ի դեպ, այդպիսի վաճառքը լավագույն պատասխանն է այն հարցին, թե ինչու է Հայաստանի ընտրությունը կանգ առել ՍՈւ-30ՍՄ-ի վրա։ Որքան շատ երկրներ են գնում այդպիսի ինքնաթիռներ, այնքան հետագայոմ ավելի ցածր կլինի դրանց սպասարկման արժեքը։ Ավելին՝ Ռուսաստանում արդեն այդ ինքնաթիռների նոր մոդիֆիկացիա է ստեղծվում։ Ինչի՞ մասին է դա խոսում։ Այն մասին, որ դրանք արդիականացման մեծ ռեսուրս ունեն։ Այդ հանգամանքն ամրապնդում է իմ վստահությունը, որ մենք ճիշտ ընտրություն ենք կատարել։ ՍՈւ-30ՍՄ-ը կծառայի մեզ 20-30 տարի, գուցե ավելի։

-Գրեթե 9 տարի աշխատանքից հետո դուք վերջերս հեռացաք Պաշտպանության նախարարությունից։ Կպատմե՞ք ապագայի ծրագրեր մասին։

-Մի քանի գաղափար ունեմ՝ բիզնես-գործունեությունից մինչև գիտակրթական նախագծեր։ Այդ ծրագրերից յուրաքանչյուրն իր ձևով գրավիչ է ինձ համար։ Բայց առայժմ ուզում եմ մի քիչ շունչ քաշել, հետո նոր հասկանալ, թե ինչ անել։

180
թեգերը:
Արծրուն Հովհաննիսյան, ինքնաթիռ, Ռուսաստան, Հայաստան, Բանակ
Ըստ թեմայի
Հայաստանն ու Ռուսաստանը շարունակում են ռազմատեխնիկական համագործակցությունը
Հայերի փրկության բանաձևը, կամ ի՞նչ կլինի, եթե կիրառենք Աշխարհաժողովի սկզբունքները
Հայաստանը ռուսական սպառազինություն ձեռք բերելու հարցում այլընտրանք չունի. փորձագետ
Գյուղատնտեսական աշխատանքներ Արցախում

Ադրբեջանցիները կրակել են Արցախի Սարուշեն գյուղի ուղղությամբ

108
(Թարմացված է 18:37 11.04.2021)
Ռուսական զորակազմի հետ բանակցություններ են վարվում՝ հետագա դեպքերը բացառելու համար։

ԵՐԵՎԱՆ, 11 ապրիլի – Sputnik․ Ադրբեջանցիները կրակել են Արցախի Ասկերանի շրջանի Սարուշեն գյուղի ուղղությամբ։

Տեղեկությունը Sputnik Արմենիայի հետ զրույցում հայտնեց ԱՀ ներքին գործերի նախարարության մամուլի խոսնակ Հունան Թադևոսյանը։ Նրա խոսքով՝ դեպքը տեղի է ունեցել ապրիլի 7-ին, Արցախի ոստիկանություն կրակոցների մասին հաղորդում չի ստացվել, այդ մասին ավելի ուշ է հայտնի դարձել։

«Բայց այդ ուղղությամբ աշխատանքներ կատարվում են։ Հարցն Անվտանգության խորհրդի տիրույթում է, բայց մենք ներքին անվտանգության հարցից ելնելով՝ ավելի ենք ուժեղացրել ճանապարհի այդ հատվածում հերթապահություն իրականացնող ոստիկանության զորքերը»,- նշեց Թադևոսյանը։

Առաջիկայում նախատեսվում է այդ ճանապարհին մի քանի դիրք ևս ավելացնել։

Թադևոսյանի խոսքով՝ նախարարի մակարդակով բանակցություններ են անցկացվել նաև ռուսական խաղաղապահ զորակազմի հետ՝ բացառելու նման դեպքերի կրկնությունը։ Ադրբեջանական կողմից էլ նշել են, թե կրակոցները թիրախավորված չեն եղել։

Սարուշեն համայնքի ղեկավար Կարեն Գասպարյանի խոսքով՝ ադրբեջանցիները գրեթե 20 րոպե կրակել են դաշտում աշխատող գյուղացիների ուղղությամբ։

«Հողագործական աշխատանքներ էին արվում, տրակտոր էր աշխատում, մարդիկ կային, որ սկսել են կրակել, տրակտորը քշել, հանել են դաշտից, շարունակել են կրակել տրակտորի ուղղությամբ, մի փամփուշտ էլ կպել է տրակտորին»,- նշեց Գասպարյանը։
Նրա խոսքով՝ կրակոցները գրեթե 20 րոպե են շարունակվել։

Հուսով ենք` ռուսական կողմը պատշաճ կարձագանքի կատարվածին. Արցախի նախագահի խոսնակ

Նշում է՝ նախկինում եղել է, որ օդ կրակեն՝ որպես զգուշացում, բայց գյուղի ուղղությամբ կրակելու առաջին դեպքն էր։

Դրանից հետո գյուղում խուճապ չկա, գյուղատնտեսական աշխատանքները շարունակվում են, թեպետ նշված դաշտում աշխատել դեռ վախենում են։

Սարուշեն գյուղն այսօր սահմանամերձ է՝ դեպի Շուշի տանող ճանապարհին։ Հրադադարից հետո այն վերաբնակեցվել է։

108
թեգերը:
կրակոց, ադրբեջանցի, Արցախ
Ըստ թեմայի
Պուտինը բանակցություններ է վարել Էրդողանի հետ ու քննարկել Ղարաբաղի թեման
Ռուս խաղաղապահները մարդասիրական օգնություն են հասցրել Վարդաձորի բնակիչներին
«The Halo trust»-ը զինամթերքի պայթեցման աշխատանք է իրականացնելու Իվանյան գյուղում