«Իմ ուղին» ուսումնավերականգնողական կենտրոնում

Աուտիզմ ունեցողների կյանքը Երևանի վերականգնողական կենտրոնում. տեսանյութ, լուսանկարներ

257
(Թարմացված է 15:48 02.04.2021)
Աուտիզմի խնդրի մասին տեղեկատվության տարածման համաշխարհային օրը նշվում է ապրիլի 2-ին։ Sputnik Արմենիայի թղթակիցներն այցելել են աուտիզմ ունեցող երեխաների և դեռահասների կենտրոն։

Նանա Մարտիրոսյան, Sputnik Արմենիա

Աուտիզմ ունեցող երեխաների և դեռահասների համար նախատեսված «Իմ ուղին» ուսումնավերականգնողական կենտրոնի շենքում դաշնամուրի ձայներ են լսվում։ Հենց մուտքի մոտ պատին ծառ է պատկերված, որի վրա գրված են բարեգործների անունները։ Նախասրահում ցուցադրված են կենտրոնի սաների աշխատանքները՝ նկարներ, թևնոցներ, էկո-օճառ, մոմեր, խաղալիքներ, կավե բաժակներ, ծաղկամաններ և էլի տարբեր հետաքրքիր իրեր։

Работы воспитанников учебно-реабилитационного центра  «Мой путь» для детей и подростков с аутизмом
© Sputnik / Aram Nersesyan
«Իմ ուղին» ուսումնավերականգնողական կենտրոն

Մեզ դիմավորում է Աննա անունով աղջիկը և առաջարկում ոչ մեծ էքսկուրսիա անցկացնել կենտրոնում։ Ծրագրերի համակարգող Նելլի Հունանյանն իր հերթին սիրալիր համաձայնում է ուղեկցել մեզ և մանրամասն պատմում է, թե ինչով են զբաղվում սաները այս կամ այն սենյակում։ Նա լավ ծանոթ է երեխաների առանձնահատկություններին և ամեն մեկին յուրովի է սիրում։

Координатор программ центра  «Мой путь»  Нелли Унанян в учебно-реабилитационном центре для детей и подростков с аутизмом
© Sputnik / Aram Nersesyan
Ծրագրերի համակարգող Նելլի Հունանյան

Բոլոր սաները տարբեր են, և յուրաքանչյուրին առանձնահատուկ մոտեցում է պետք։ Յուրաքանչյուրն իր հետաքրքիր ներաշխարհն ունի։ Այս կենտրոնի սաներն առանձնանում են բարձր զգայունությամբ, և այդ հանգամանքը հաշվի առնելով՝ բոլորը փորձում են առավելագույն հարմարավետություն ստեղծել և ընտանեկան միջավայր ձևավորել։

«Մեր երեխաների համար կարևոր է շփումն ու անվտանգության զգացումը»,-ասում է Նելլին։

Работы воспитанников учебно-реабилитационного центра  «Мой путь» для детей и подростков с аутизмом
© Sputnik / Aram Nersesyan
«Իմ ուղին» ուսումնավերականգնողական կենտրոն

Նա չի հասցնում խոսքն ավարտել, երբ խեցեգործության սենյակ է մտնում սաներից մեկը։ Ռաֆայել Մարտիրոսյանն է։ Հենց նրա մայրիկի և կենտրոնի ևս երկու սաների մայրերի նախաձեռնությամբ, նրանց ընդհանուր ջանքերով է ժամանակին ստեղծվել կենտրոնը։

Տղան մոտենում է մեր օպերատորին և գրկում նրան։

«Մենք հյուրեր ունենք։ Ես կնվագեմ հյուրերի համար»,-ուրախ-ուրախ ասում է տղան։

Рафаэль, воспитанник учебно-реабилитационного центра  «Мой путь» для детей и подростков с аутизмом
© Sputnik / Aram Nersesyan
Ռաֆայել Մարտիրոսյանը նվագում է հյուրերի համար

Մենք նայում ենք միմյանց ու հասկանում, որ շփման եզրերը գտնված են։ Ռաֆայելը հեռանում է, իսկ մենք հետևում ենք, թե ինչպես է մեկ ուրիշ տղա ծաղկաման պատրաստում։ Դա օգնում է բարձրացնել երեխաների ձեռքերի զգայունությունը, և նրանց շատ է դուր գալիս ժամանակ անցկացնել այդ սենյակում։ Նրանք նաև շատ են սիրում թևնոցներ պատրաստել ոչ թանկարժեք բնական քարերից։

Դաստիարակչուհիները հավատացնում են, որ մանր հուլունքները թելին շարելը, մատներով մանր աշխատանք կատարելն օգնում է զարգացնել ձեռքերի շարժողականությունը։ 14-ամյա Դավիթին հարցնում ենք՝ արդյո՞ք նրան դուր են գալիս ընկերների պատրաստած թևնոցները, և տղան սկսում է բարձր ծիծաղել։ Նելլին ժպտում է և արձանագրում․ «Կա՛ շփումը»։

Давид, воспитанник учебно-реабилитационного центра  «Мой путь» для детей и подростков с аутизмом
© Sputnik / Aram Nersesyan
«Իմ ուղին» ուսումնավերականգնողական կենտրոնի սաներից

Երկու հարևան դասարաններում երեխաները թղթե իրեր, բացիկներ են պատրաստում։ Օգտագործում են իրենց ձեռքով հավաքած ծաղիկներն ու բույսերը, ժապավենների կտորներ։ Կենտրոնի աշխատակցուհիներն օգնում են նրանց և փորձում այնպես անել, որ հաճելի լինի յուրաքանչյուրին. երեխայի նախընտրած ծաղիկը կամ թղթի գույնն են ընտրում։ Վահանն ու Ալեքսանդրը այդ առումով քմահաճ չեն։ Նրանց պատրաստած բացիկները վաճառելու են ցուցահանդեսի ժամանակ։

Ваан (слева) и Александр, воспитанники учебно-реабилитационного центра  «Мой путь» для детей и подростков с аутизмом
© Sputnik / Aram Nersesyan
«Իմ ուղին» ուսումնավերականգնողական կենտրոնի սաներից

Նելլին մեզ ուղեկցում է հաջորդ սենյակ։ Այստեղ մոմեր են պատրաստում։ Ռաֆայելն արագ մոտենում է նրան և բռնում ձեռքերը. փորձում է տաքացնել։ Նելլին ժպտում է և շնորհակալություն հայտնում։ Իսկ տղան շրջվում է դեպի օպերատորը և սկսում շփվել նրա հետ։

-Ինձ հեռուստացույցո՞վ են ցույց տալու։

-Չէ, համացանցում։

-Լավ։ Ես Նառայի համար մոմ եմ սարքել։

«Կա՛ շփում»,-ասում եմ քթիս տակ։ Եվ մենք հերթով ևս մի քանի դասարան ենք մտնում, որտեղ կենտրոնի սաները նկարում են, գործում, էկո-օճառ են պատրաստում, կարում, շարֆեր նկարազարդում և այլն։

Воспитанники учебно-реабилитационного центра  «Мой путь» для детей и подростков с аутизмом
© Sputnik / Aram Nersesyan
«Իմ ուղին» ուսումնավերականգնողական կենտրոնի սաներից

Մի քանի վառ և բավականին տպավորիչ նկար ենք նկատում․ Էդվին Հովսեփյանի աշխատանքներն են։ Մեր այցելության պահին տղան կենտրոնում չէր, բայց ապրիլի 6-ին տեղի է ունենալու նրա աշխատանքների ցուցահանդես-վաճառքը։ Բազմաթիվ հայտնի մարդիկ են հրավիրված։ Կենտրոնի աշխատակիցները պատրաստվում են երեկոյին, և նրանցից ամեն մեկն իր հերթին հրավիրում է մեզ։

  • «Իմ ուղին» ուսումնավերականգնողական կենտրոնի աշխատակիցները
    «Իմ ուղին» ուսումնավերականգնողական կենտրոնի աշխատակիցները
    © Sputnik / Aram Nersesyan
  • Ռաֆայել Մարտիրոսյանը նվագում է հյուրերի համար
    Ռաֆայել Մարտիրոսյանը նվագում է հյուրերի համար
    © Sputnik / Aram Nersesyan
  • «Իմ ուղին» ուսումնավերականգնողական կենտրոն
    «Իմ ուղին» ուսումնավերականգնողական կենտրոն
    © Sputnik / Aram Nersesyan
  • «Իմ ուղին» ուսումնավերականգնողական կենտրոնում
    «Իմ ուղին» ուսումնավերականգնողական կենտրոնում
    © Sputnik / Aram Nersesyan
  • «Իմ ուղին» ուսումնավերականգնողական կենտրոնի շահառուներից
    «Իմ ուղին» ուսումնավերականգնողական կենտրոնի շահառուներից
    © Sputnik / Aram Nersesyan
  • «Իմ ուղին» ուսումնավերականգնողական կենտրոնի շահառուների աշխատանքները
    «Իմ ուղին» ուսումնավերականգնողական կենտրոնի շահառուների աշխատանքները
    © Sputnik / Aram Nersesyan
1 / 6
© Sputnik / Aram Nersesyan
«Իմ ուղին» ուսումնավերականգնողական կենտրոնի աշխատակիցները

Նորից երաժշտություն ենք լսում և մտնում ենք հանդիսությունների սրահ։ Ռաֆայելը հատուկ մեզ համար սկսում է նվագել The Beatles խմբի Yesterday երգը և հասկանում ենք, որ շփումն իրոք ստացվել է։

Նշենք, որ ՀՀ աշխատանքի և սոցիալական հարցերի նախարարության տվյալներով` Հայաստանում գրանցված է աուտիզմ ունեցող 310 երեխա։ Այդ երեխաները հաշմանդամության կարգ են ստացել։ Սակայն առողջապահության ազգային ինստիտուտի տվյալներով` օգնության համար բժշկական հաստատություններ դիմող աուտիզմ ունեցող երեխաների թիվը գերազանցում է 560-ը։

Պտույտների համար խենթացող ու Բախի արիայից հուզվող «ինժեներ» Ռաֆոն. աուտիզմի ուրիշ աշխարհը

257
թեգերը:
Վերականգնողական կենտրոն, երեխա, աուտիզմ
Ըստ թեմայի
Կաղապարից դուրս. աուտիզմը հիվանդությու՞ն է, թե՞ առանձնահատկություն
Հայաստանում աուտիզմ ախտորոշում ունեցող երեխաների թիվը տարեցտարի աճում է
Ինչպես է աուտիզմ ունեցող Հայկը թմբուկ ու քսելոֆոն նվագում. կարևորը չհուսահատվելն է
Քրիստինե Պեպելյան

Կարևորը մոմն է, որը «սքոչել են» ձմերուկին. Քրիստինե Պեպելյանը նշում է ծննդյան 41-ամյակը

18
(Թարմացված է 14:49 22.04.2021)
Ճանաչված երգչուհու ծննդյան օրը նրա ընկերուհին զվարճալի անակնկալ է մատուցել, որը ուրախացրել է բոլորին։

ԵՐԵՎԱՆ, 22 ապրիլի –Sputnik. Ճանաչված երգչուհի Քրիստինե Պեպելյանն այսօր նշում է իր  ծննդյան 41-ամյակը: Նշենք, որ երգչուհի Քրիստինե Պեպելյանը մշտական բնակություն հաստատել ԱՄՆ-ում:

Ծննդյան տոնի առթիվ, երգչուհին զվարճալի տեսանյութ  է հրապարակել Instagram-ի իր էջի «story»– ի բաժնում։

Տեսանյութում երևում է, որ երգչուհուն յուրահատուկ անակնկալ է արել ընկերուհին` Անի Աղայանը։ Նա  մի ձմերուկ է գնել, որի վրա կպչուն ժապավենով վառվող մոմ է ամրացրել։

«Այս տարի, իմ ծննդյան տարեդարձին, ես տորթ չունեմ, դե հիմա այդպես է ստացվել, բայց ո՞վ է ասում, որ տորթն է կարևոր, կարևորը մոմն է, որը «սքոչել են» ձմերուկին։ Միայն Անին կարող էր այսպիսի բան մտածել։ Հիմա ձեզ մոտ հարց կառաջանա, մի թե ողջ Լոս Անջելեսում մեկ հատ տորթ չկա՞ր, ոչ, այս ժամին չկար», – կատակում է երգչուհին, այնուհետև երգում «Happy birthday to me» երգն ու փչում մոմը։

Կյանքս կյանքիդ գնով. Քրիստինե Պեպելյանի հուզիչ երգը ընկած տղաների հիշատակին

Չնայած երգչուհին հյուրախաղերով և համերգներով եղել է աշխարհի բազմաթիվ երկրներում, նախընտրել է բնակվել Լոս Անջելեսում։

Երգչուհին թողարկել է «Որ հիշես» (2004թ.), «About me» (2005թ.), «Live in concert» (2006թ.), «Շնորհակալ եմ» (2013թ.) ձայնասկավառակները և 2 տեսասկավառակ: Նկարահանել է ավելի քան 20 տեսահոլովակ:

18
թեգերը:
Լոս Անջելես, տորթ, ձմերուկ, ծնունդ, Քրիստինե Պեպելյան
Ըստ թեմայի
«Ամուսինս Արցախում է. ո՛չ մեկնելուց ենք գրել, ո՛չ էլ սպասել է, որ իրեն կանչեն». Սիրուշո
Ինչ է պատրաստել Նազենի Հովհաննիսյանն այսօր. դերասանուհին պահքի ուտեստներ է ներկայացրել
Նազենի Հովհաննիսյանն առաջին անգամ խմորեղեն է թխել, Սոֆի Մխեյանն էլ նկարել է. տեսանյութ
Շուռնուխ. արխիվային լուսանկար

«Տաքություն ունեի, մեռնում էի». Փաշինյանի այցից հետո շուռնուխցուն բերման են ենթարկել

109
(Թարմացված է 15:06 22.04.2021)
ՀՀ Քննչական կոմիտեից Sputnik Արմենիային հայտնեցին, թե ինչ գործի շրջանակներում է բերման ենթարկվել Շուռնուխի բնակիչ Արարատ Աղաբեկյանը։

ԵՐԵՎԱՆ, 22 ապրիլի - Sputnik. Համացանցում տեսանյութ է տարածվել այն մասին, թե ինչպես են ոստիկանության Սյունիքի բաժնի աշխատակիցները ՀՀ քննչական կոմիտե բերման ենթարկում առողջական խնդիր ունեցող շուռնուխցուն, որը ներկայանում է Արարատ Աղաբեկյան անուն–ազգանունով։

50-60 տարեան տղամարդը տեսանյութում ոստիկաններին հայտնում է, որ բարձր ջերմություն ունի, թոքաբորբով հիվանդ է ու տնից դուրս գալիս դեղերը չի վերցրել։

«Այս ամեն ինչի հետ ես ի՞նչ կապ ունեմ, չեմ հասկանում։ Մինչև էդ էլ տանը տաքություն ունեի, մեռնում էի։ Էսօր էլ պիտի կորոնայի թեստ հանձնեի»,– քննիչներին ասում է տղամարդը։

Տեսանյութում երևում է, որ բերման ենթարկվող քաղաքացին դժվարությամբ է շնչում ու չի կարողանում կանգնել կամ ուղիղ նստել աթոռին։

Չնայած դրան, ոստիկանները նրան բաժանմունք են բերում ձեռնաշղթաներով։

Տեսանյութը նկարահանող կինը ոստիկաններին ներկայանում է որպես իրավապաշտպան ու պահանջում, որ նրանք շտապօգնություն կանչեն։

ՀՀ Քննչական կոմիտեից Sputnik Արմենիային հայտնեցին, որ Արարատ Աղաբեկյանը բերման է ենթարկվել ՀՀ Քրեական օրենսգրքի 258 հոդվածի (խուլիգանություն) 1-ին և 3-րդ և 316 (Իշխանության ներկայացուցչի նկատմամբ բռնություն գործադրելը) հոդվածի 1-ին մասով ՔԿ–ում հարուցված քրեական գործի շրջանակներում։

Թե քրեաիրավական ինչ կարգավիճակ ունի շուռնուխցի տղամարդը, ՔԿ–ում առայժմ չեն հստակեցնում։

Ինչպես արդեն հայտնել էինք, Մեղրիի համայնքապետ Մխիթար Զաքարյանին նույնպես ոստիկանները գիշերը բերման են ենթարկել Երևան։

Քննչական կոմիտեից Sputnik Արմենիային հայտնել էին, որ նրա նկատմամբ քրեական գործ է հարուցվել ՀՀ քրեական օրենսգրքի 258-րդ հոդվածի 1-ին մասի, 258-րդ հոդվածի 3-րդ մասի (խուլիգանություն) և 316-րդ հոդվածի հատկանիշներով (իշխանության ներկայացուցչի նկատմամբ բռնություն գործադրելը):

Հիշեցնենք` ՀՀ վարչապետ Նիկոլ Փաշինյանին երեկ` ապրիլի 21–ին, վիրավորական արտահայտություններով ու բողոքի ակցիաներով էին դիմավորել Ագարակում, Մեղրիում ու Կապանում: Իսկ Քաջարան մուտք գործել նրան ընդհանրապես չհաջողվեց, որովհետև բնակիչները փակել էին քաղաքի մուտքը, զոհերի հարազատները` գնացել գերեզման, որ Փաշինյանը չկարողանա մտնել այնտեղ։

Ադրբեջանցիները կրակել են Ստեփանակերտի բնակելի տան վրա. Շուշիի՞ց են թիրախավորել

Ապրիլի 20-ի գիշերը վարչապետն այցելել էր Շուռնուխ համայնք, որտեղ նույնպես բնակիչները նրան ընդունել էին վրդովված և սառը։

«Ագարակում և Մեղրիում տեղի ունեցածը հայտնի շրջանակների կողմից կազմակերպված գործողություններ են և որևէ կապ չունեն բուն ագարակցիների ու մեղրեցիների հետ»,–ավելի ուշ Facebook-ում գրեց վարչապետի խոսնակ Մանե Գևորգյանը։

Նույնաբովանդակ մեկնաբանություն լրագրողների հետ զրույցում տվեց նաև ԱԺ «Իմ քայլը» խմբակցության անդամ Արման Եղոյանը։

Քաջարանի բնակիչները մերժեցին Փաշինյանին

109
թեգերը:
Սյունիք, Նիկոլ Փաշինյան, Քննչական կոմիտե, գյուղացի, Շուռնուխ
Ըստ թեմայի
Նիկոլ Փաշինյանին ու Ալեն Սիմոնյանին Շուռնուխում չէին սպասում
Ի նշան Փաշինյանի դեմ բողոքի՝ ընդդիմադիրները ձվեր կոտրեցին. տեսանյութ
Թաթոյանի հետ հանդիպումից էլի մի տեղ հույսի նշույլ կա. Շուռնուխի գյուղապետ
Ակնկալում եմ կտրուկ գործողություններ. Փաշինյանը` Սյունիքի ակցիաների մասին. տեսանյութ
Հակոբ Արշակյան

«Փաշինյանին քաղցր խոսք է ասել». Շուռնուխի գյուղապետի եղբորը բերման ենթարկելու մանրամասները

0
(Թարմացված է 15:15 22.04.2021)
Շուռնուխի գյուղապետ Հակոբ Արշակյանը Sputnik Արմենիային պատմել է, թե ինչպես են բերման ենթարկել եղբորը։
«Վարչապետին մի երկու քաղցր խոսք է ասել». մանրամասներ` Շուռնուխի գյուղապետի եղբորը բերման ենթարկելու գործողությունից

Կարմիր բերետավորներն առավոտ կանուխ առանց որևէ պատճառաբանության մտել են Արթուր Աղաբեկյանի տուն և նրան բերման ենթարկել։ Sputnik Արմենիայի հետ զրույցում ասաց Շուռնուխի գյուղապետ Հակոբ Արշակյանը։

Աղաբեկյանը Արշակյանի հարազատ եղբայրն է (նրանցից մեկը պապի ազգանունն է վերցրել) և վերջին 10 օրում բարձր ջերմություն է ունեցել, ենթադրվում է, որ կորոնավիրուսով է վարակված։

«Արարատը մեկ շաբաթ է, ինչ 39 աստիճան ջերմության մեջ դեղեր է ընդունում։ Ինքը տնային պայմաններում իր բուժումն անում էր, բայց առանց թեստ հանձնելու»,- ասաց Արշակյանը։

Նրա խոսքով` եղբորը բերման ենթարկելու պատճառը հավանաբար նախորդ անգամ` դեկտեմբերի 21-ին, վարչապետի առաջ Սյունիքի ճանապարհը փակելն է, որին Արարատն էլ է ակտիվ մասնակցել։ Արշակյանը չի բացառում, որ վերևներում Արարատին չեն ներել նաև տունը կորցնելուց և իր պահած դիրքերը թշնամուն հանձնելուց հետո վարչապետի հասցեին հնչեցրած խոսքերի համար։

«Ինքը տունը վառել է հունվարի 5-ին, լայվ ա մտել, մի երկու քաղցր խոսք ասել վարչապետին։ Կռված տղա է, 3 պատերազմին էլ մասնակցել է, չի կարողացել ամոթը տանի, որ իր պահած բլուրը ձեռքից վերցրին, իր տունը ձեռքից վերցրին, կոշտ է արտահայտվել, բա ո՞նց կլիներ` «Աշխարհապետն» ով է, որ իր հետ կոշտ խոսեր»,- հավելեց Արշակյանը։

Նշենք, որ առավոտյան լուրեր տարածվեցին, որ այսօր՝ առավոտյան ժամը 7։00-ին, բերման են ենթարկել Սյունիքի մարզի Գորիս խոշորացված համայնքի Շուռնուխ վարչական շրջանի բնակիչ Արարատ Աղաբեկյանին։

Հիշեցնենք, որ 2020–ի նոյեմբերի 9-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում` Գեղարքունիքում, Սյունիքում։

Հունվարի 5-ին Սյունիքի մարզի Շուռնուխ գյուղի 11 տները հանձնվեցին ադրբեջանցիներին։ Փետրվարի 5-ին մարզի Ներքին Խնձորեսկ գյուղից հայկական զինծառայողները նահանջել են՝ թշնամուն թողնելով 15 հեկտար հողատարածք։

 

0