Գոհար Ավետիսյան

Շքեղ ու նորաոճ. դիմահարդար Գոհար Ավետիսյանը կրկին հիացրել է հետևորդներին. տեսանյութ

114
Դիմահարդար Գոհար Ավետիսյանն իր հինգ կերպարներով գերել է հետևորդներին։

ԵՐԵՎԱՆ, 1 ապրիլի – Sputnik. Ռուսաստանաբնակ հայտնի դիմահարդար, ոճաբան, երգչուհի Գոհար Ավետիսյանը հիացրել է իր հետևորդներին հինգ շքեղ ու գունեղ կերպարներով։ Նա նոր տեսանյութը հրապարակել է Instagram-ի իր էջում։

«Ո՞ր կոստյումն եք ավելի շատ հավանում»,– հետևորդներին հարցրել է դիմահարդարը։

Գոհարի էջի հետևորդնեն անչափ հավանել են կանաչ կոստյումն ու ընդգծել, որ դիմահարդարին այն շատ է սազում։

««Գոհար, կանաչ կոստյումով հիասքանչ տեսք ունես», «Կանաչը. շքեղ ես», «Ո՜նց է սազում»»,–գրել են նրանք։


Նշենք, որ Գոհարը վերջերս ավելորդ քաշից ազատվելու համար դիմել էր պլաստիկ վիրահատության։ Նա խոստովանել էր, որ այլևս հոգնել է դիետաներից։ Այժմ դիմահարդարը նկատելիորեն բարեկազմ է դարձել։

Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։

16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, նա ստիպված է եղել թողնել ուսումը։

Եթե ինչ-որ բան ամբողջ սրտով ուզում ես, անպայման իրականանում է. Գոհար Ավետիսյան

Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։

114
թեգերը:
տեսանյութ, Գոհար Ավետիսյան, դիմահարդար
Ըստ թեմայի
Գոհար Ավետիսյանը կատարել է հոր երազանքը. դիմահարդարը հուզիչ տեսանյութ է հրապարակել
Ինչպես է Գոհար Ավետիսյանի տատը նրան ուղարկում հավաբուն` ձու բերելու. զվարճալի տեսանյութ
«Կլեոպատրա՞», թե՞ «ֆոտոշոփ». Գոհար Ավետիսյանի նոր կերպարն անտարբեր չի թողել երկրպագուներին
Военная каска

Զորամասերից մեկում հայտնաբերվել է նորակոչիկ զինվորի դի` ծառից կախված վիճակում

49
(Թարմացված է 18:53 20.04.2021)
Պաշտպանության նախարարությունը տեղեկացնում է, որ դեպքի առնչությամբ կատարվում է քննություն։

ԵՐԵՎԱՆ, 20 ապրիլի - Sputnik. Այսօր հարավային ուղղությամբ տեղակայված N զորամասի հարակից տարածքում հայտնաբերվել է ժամկետային զինծառայողներից մեկի դին։ Տեղեկությունը հայտնում է պաշտպանության նախարարությունը։

«Ապրիլի 20-ին, ժամը 11:00-ի սահմաններում, հարավային ուղղությամբ տեղակայված N զորամասի հարակից տարածքում հայտնաբերվել է նույն զորամասի ժամկետային զինծառայող, շարքային Նարեկ Սևակի Խաչատրյանի դին (2021թ. 1-ին զորակոչ, Արագածոտնի զինկոմիսարիատ)՝ ծառից կախված վիճակում»,–նշված է հաղորդագրության մեջ։
Դեպքի առնչությամբ կատարվում է քննություն:

ՀՀ պաշտպանության նախարարությունը կիսում է կորստյան ծանր վիշտը և զորակցություն հայտնում Նարեկ Խաչատրյանի ընտանիքի անդամներին, հարազատներին և ծառայակիցներին:

Զինվորի մահվան գործով ինքնասպանության հասցնելու հոդվածով քրեական գործ է հարուցվել

49
թեգերը:
Մահ, Զինվոր
Ըստ թեմայի
Հայ գերիներն Ադրբեջանում դաժան վերաբերմունքի են արժանանում. Human Rights Watch
Թշնամուն գրկի մեջ խեղդելու արվեստը․ ի՞նչ խաղ են խաղում Ռուսաստանն ու Թուրքիան
Հիմա, որ մենք կանք, նրա շնորհիվ է. հետախույզ Գագիկ Պողոսյանը 26 տարեկան կդառնար
Էլեկտրագնացք

Երևան-Գյումրի-Երևան երթուղու արագընթաց էլեկտրագնացքները վերսկսում են ուղերթերը

59
(Թարմացված է 17:15 20.04.2021)
Մայրաքաղաքից Գյումրի մեկնող արագընթաց էլեկտրագնացքների ուղերթերի ժամանակացույցը չի փոխվել։

ԵՐԵՎԱՆ, 20 ապրիլի – Sputnik. Երևան-Գյումրի-Երևան երթուղու ԷՊ2Դ արագընթաց էլեկտրագնացքները վերսկսում են իրենց աշխատանքը: Տեղեկությունը հայտնում է «Հարավկովկասյան երկաթուղի» ընկերությունը։

«Ժամանակացույցն անփոփոխ է. Երևանից արագընթացները կմեկնեն ամեն ուրբաթ, շաբաթ և կիրակի` ժամը 09:15-ին, Գյումրիից՝ 17:55-ին»,– հիշեցնում է ՀԿԵ–ն:

Այսուհետ ուղևորները կարող են գնել տոմսերը նաև առցանց՝ տեղերն ամրագրելով railway.am կայքում։

Հիշեցնենք` արագընթաց էլեկտրագնացքների ուղերթերը ժամանակավորապես կասեցվել էին տեխնիկական պատճառներով։

Երևանում դաժանաբար սպանված Համբարձում Ղանդիլյանի անունով էլեկտրաքարշ գործարկվեց

Նոր վագոններ մայիսից, էլեկտրագնացքներ` օգոստոսից. «Հարավկովկասյան երկաթուղին» կհամալրվի

59
թեգերը:
Գյումրի, Գնացք, Հայաստան
Спикер парламента Арарат Мирзоян на Международной конференции, посвященной 15-летию офиса омбудсмена в Армении (26 ноября 2019). Еревaн

Ադրբեջանը ցինիկաբար մեղադրում է Հայաստանին. Միրզոյանը Եվրանեսթում խոսել է գերիների մասին

0
(Թարմացված է 18:48 20.04.2021)
Եվրանեսթ ԽՎ 9-րդ նստաշրջանի իր ելույթում Արարատ Միրզոյանը վստահեցրել է, որ, չնայած COVID -19-ից առաջացած բոլոր դժվարություններին ու պատերազմին, Հայաստանում ժողովրդավարական փոփոխություններն անշրջելի են:

ԵՐԵՎԱՆ, 20 ապրիլի – Sputnik. ՀՀ ԱԺ նախագահ Արարատ Միրզոյանը հեռավար ելույթ է ունեցել Եվրանեսթ ԽՎ 9-րդ նստաշրջանում։

ԱԺ նախագահն իր խոսքում անդրադարձել է ԵՄ Համապարփակ և ընդլայնված գործընկերության համաձայնագրով արձանագրված Եվրամիության հանձնառություններին` աջակցելու ԵԱՀԿ Մինսկի խմբի համանախագահության ջանքերին` ԼՂ խնդրի կարգավորման գործընթացում առաջնորդվելու ուժի չկիրառման, հավասար իրավունքների և ժողովուրդների ինքնորոշման սկզբունքներով։

«Այնուամենայնիվ, հենց վեց ամիս առաջ մենք ականատես եղանք Ադրբեջանի կողմից ուժի չկիրառման սկզբունքի կոպտագույն խախտման. 2020թ. սեպտեմբերի 27-ին Ադրբեջանը լայնածավալ ռազմական հարձակում սանձազերծեց Արցախի դեմ: Չնայած բազմաթիվ փաստերին, որոնք ապացուցում են Արցախի դեմ ադրբեջանական ագրեսիան՝ Թուրքիայի ուղղակի աջակցությամբ և վերջինիս հետ կապվող օտարերկրյա ահաբեկիչների ներգրավմամբ, նախապես ծրագրավորված էր, Ադրբեջանը ցայսօր ցինիկաբար մեղադրում է Հայաստանին պատերազմ հրահրելու մեջ: Պատերազմ, որի ընթացքում հենց ինքն իրականացրել է աննախադեպ ծավալների հասնող բռնություններ և զանգվածաբար իրագործել պատերազմական հանցագործություններ»,– ասել է Միրզոյանը։

Նա նաև շեշտել է, որ Ադրբեջանի կողմից նոյեմբերի 9-ի եռակողմ հայտարարության հետևողական եւ միտումնավոր խախտումները լրջորեն խարխլում են հայտարարության լիարժեք իրականացումը ու տարածաշրջանում նոր մարտահրավերներ առաջ բերում։

Միրզոյանն անդրադարձել է նաև հայտարարությամբ նախատեսված ռազմագերիների վերադարձի պարտավորությանը, որն ադրբեջանական կողմը զանազան պատրվակներով շարունակում է անտեսել։

«Ռուս գործընկերներից ճշտում ենք». Մարուքյանը` ԵԽԽՎ–ում գերիների հարցով քվեարկության մասին

«Այդ մասին հայտարարում են նաև ԵԽ-ի հարգարժան անդամներ Մարինա Քալյուրանդը, Անդրեյ Կովաչևը և Ժելյանա Զովկոն` շեշտելով, որ Ադրբեջանի կառավարությունը չի կատարել Մարդու իրավունքների եվրոպական դատարանի միջանկյալ միջոցը, համաձայն որի դատարանն Ադրբեջանին պարտավորեցրել էր տեղեկություն տրամադրել կալանքի տակ գտնվող անձանց պահման պայմանների, նրանց առողջական վիճակի և նրանց վերադարձնելու ուղղությամբ կատարված քայլերի վերաբերյալ: Ցանկանում եմ պարզաբանել մեր եվրոպացի գործընկերներին, որ Ադրբեջանի այսպիսի գործողությունները լուրջ ռիսկեր են ստեղծում Հարավային Կովկասում տարածաշրջանային ենթակառուցվածքների ապաշրջափակման և կայունության ստեղծման համար»,– ասել է Միրզոյանը:

Նա նաև շեշտել է, որ Ադրբեջանի կառավարությունը շարունակում է իր հայատյաց քաղաքականությունը, որով այն սնել է իր քաղաքացիներին տասնամյակներ շարունակ:

ԱԺ նախագահը եվրոպացի գործընկերներին կոչ է արել դատապարտել Ադրբեջանի անօրինական և պարսավելի գործողությունները, հնարավորինս շուտ իրականացնել ռազմագերիների և այլ պահվող անձանց վերադարձը ` առանց նախապայմանների և արհեստականորեն ստեղծված խոչընդոտների:

Ամփոփելով Լեռնային Ղարաբաղի թեման` Արարատ Միրզոյանը հայտարարել է, որ հակամարտությունը դեռևս լուծված չէ, քանի դեռ իրացված չէ Լեռնային Ղարաբաղի ժողովրդի ինքնորոշման իրավունքը: Նա հայտնել է հայկական կողմի հաստատակամությունը`  շարունակելու բանակցությունները հակամարտության խաղաղ կարգավորման ուղղությամբ ԵԱՀԿ Մինսկի խմբի համանախագահության հովանու ներքո և կոչ է արել բոլոր միջազգային գործընկերներին աջակցել այդ ձեւաչափի աշխատանքներին:

Խոսելով Հայաստանի ներքին հարցերի մասին՝ Միրզոյանը հայտնել է, որ խորհրդարանում ներկայացված քաղաքական կուսակցությունները համաձայնության են եկել հունիսի 20-ին անցկացնել արտահերթ խորհրդարանական ընտրություններ և վստահեցրել է, որ Հայաստանում կա անհրաժեշտ քաղաքական կամք՝ կազմակերպելու ազատ և արդար ընտրություններ, ինչպես 2018 թվականին: ԱԺ նախագահը հույս է հայտնել, որ ԵԽ-ն այլ միջազգային գործընկերների հետ միասին կիրականացնի ընտրությունների երկարաժամկետ և կարճաժամկետ դիտորդական առաքելություններ:

Ամենակարևորը եվրոպացիների ելույթներն են. ի՞նչ կփոխի ԵԽԽՎ նիստում գերիների հարցի քննարկումը

Միրզոյանը վստահեցրել է, որ, չնայած COVID -19-ից առաջացած բոլոր դժվարություններին ու պատերազմին, Հայաստանում ժողովրդավարական փոփոխություններն անշրջելի են:

0
թեգերը:
ռազմագերի, գերի, Ադրբեջան, Արարատ Միրզոյան, Հայաստան, Եվրանեսթ
Ըստ թեմայի
Արա Այվազյանը ԵՄ հատուկ ներկայացուցչին է ներկայացրել գերիների խնդիրը և Արցախի իրավիճակը
«Շատ ծանր հարված կլինի Ադրբեջանի համար». ԵԽԽՎ-ում կքննարկվի՞ հայ գերիների խնդիրը
Երևանը չի բացառում, որ ԵԱՏՄ նիստին Ադրբեջանի մասնակցությանը պայման կդնի գերիների հարցը