Ընդունելության քննություն, արխիվային լուսանկար

Ընդունելության քննություններից հետո անարդար պատկեր կլինի. ըստ փորձագետի` հետ ենք գնում

235
Դիմորդները պետք է միայն 1 բուհ և 1 մասնագիտություն ընտրեն՝ վճարովի և անվճարի տեղերի համար։ Ատոմ Մխիթարյանը դեմ է այս որոշմանը։ Նրա խոսքով` Խորհրդային Միությանը բնորոշ քայլեր են արվում։

ԵՐԵՎԱՆ, 1 ապրիլի - Sputnik. Այս տարի ընդունելության քննություններից հետո կունենանք հետևյալ պատկերը` ցածր գնահատականներով ոչ շատ պատրաստ դիմորդները կզբաղեցնեն ավելի շատ գիտելիքներ ունեցողների տեղը, արդյունքում նաև դիմորդների քանակը կնվազի։ Sputnik Արմենիայի հետ զրույցում նման կարծիք հայտնեց կրթության հարցերի փորձագետ Ատոմ Մխիթարյանը` անդրադառնալով այս տարի ընդունելության քննությունների ձևաչափին։

Նշենք, որ այսօր ընթացող կառավարության նիստի ժամանակ ԿԳՄՍ նախարար Վահրամ Դումանյանը հայտնել էր` բուհերում ընդունելությունն այս տարի կկատարվի 2 փուլով: Դիմորդներն առաջին փուլով միայն 1 բուհ և 1 մասնագիտություն կընտրեն վճարովի և անվճարի տեղերի համար ու կլրացնեն հայտը։ Այն դիմորդները, որոնք չեն ընդունվել առաջին փուլով, երկրորդ փուլում կարող են դիմել 6 տարբեր մասնագիտություններով թափուր մնացած տեղերի համար։

«Կառավարությունը մի քիչ ուշացած տրամաբանություն է ցուցաբերում` այս հարցն օրակարգ բերելով։ Հարցն այն է, որ խորհրդային ժամանակ շատ արդարացված էր նման մտածողությունը և այդպիսի կրթական համակարգը։ Իսկ հիմա, երբ հասարակական հարաբերությունների արագությունն այնքան է ավելացել, իսկ մասնագիտական ուղին էլ ուղիղ գիծ չէ, ստացվում է` այդ մտածողությունը հնացել է»,–ասաց Մխիթարյանը` հավելելով, որ պետք չի հիմա ամրագրել այն, ինչ կար սրանից 30 տարի առաջ։

Նրա խոսքով` խորհրդային տարիներին էր այդպես` աշակերտը, դպրոցում լավ սովորելով, բուհ էր ընդունվում համապատասխան մասնագիտությամբ, և այդտեղից սկսած` նրա կյանքի ուղեծիրը պարզ էր, քանի որ արդեն գիտեին, թե որտեղ է աշխատելու, ինչ աշխատավարձ է ստանալու։ Սա շատ բնութագրական էր պլանային տնտեսության համար։

Փորձագետը նշեց, որ անկախության առաջին տարիներին գուցե այդ մտածողությունը դեռ արդարացված լիներ, սակայն հիմա իրավիճակն այլ է. բուհ ընդունվելուց 4-5 տարի հետո կարող է այնպես ստացվել, որ այդ մասնագիտությունը մեծ փոփոխություններ ապրի, կամ էլ հասարակական հարաբերություններն այնքան արագ փոխվեն, որ այդ մասնագիտությունը փոփոխվի կամ վերանա։

«Ստացվում է, որ նման որոշումներով, այսինքն` առաջնայնությունը տալով մասնագիտական կողմնորոշմանը, ըստ էության, ճնշում ենք մարդու ազատ ապրելու, ստեղծագործելու, ուսում ստանալու իրավունքը։ Հիմա այնպիսի դարաշրջանում ենք ապրում, որ մարդն անընդհատ պետք է կրթվի, և դիմորդին ընդամենը մեկ բուհով և մասնագիտությամբ սահմանափակելը նշանակում է` կորցնելու ենք այն ներուժը, որ ունեինք շրջանավարտների շրջանում»,–շեշտեց Մխիթարյանը։

Փաշինյանի գաղափարն իրականացնելու դեպքում կրթական համակարգը լիովին կկազմաքանդվի. փորձագետ

Փորձագետը գաղափարապես դեմ է այդ մոտեցմանը, քանի որ, ըստ նրա, պետք է ճիշտ հակառակը լիներ` այնպես անեինք, որ չկորցնեինք մարդկային այն ներուժը, որ ձևավորվել է դպրոցում։ Որպես օրինակ Մխիթարյանը բերեց լրագրողների մասնագիտությունը և նշեց` այնպես չէ, որ բոլորը լրագրության բաժինն են ավարտել, սակայն իրենց կարողություններն ու հմտությունները զարգացնելով, գիտելիքները լրացնելով` շատերն են աշխատաշուկայում իրենց տեղը գտնում։

Մխիթարյանի խոսքով` փոխարենն այնպես անեն, որ մասնագետներ ունենանք, որոնք անմիջական կապ կունենան տնտեսության և արտադրության մեջ, հին մտածողությամբ ենք առաջ քաշում։

Նա հիշեցրեց, որ նման անարդար պատկեր նաև նախորդ տարի ունեցանք` բարձր գնահատականներով, լավ գիտելիքներով շրջանավարտներ եղան, որոնք չընդունվեցին իրենց նշած մասնագիտությամբ բուհ, և ցածր միավորներ ունեցողները զբաղեցրին նրանց տեղը։

Հիշեցնենք, որ ի տարբերություն անցած տարվա, երբ կորոնավիրուսով պայմանավորված որոշվել էր անցկացնել միայն մեկ քննություն, այս տարի դիմորդները կհանձնեն մինչև 2 մրցութային քննություն: Հանրապետության բուհերում 2021-22 ուսումնական տարվա համար հատկացվել են 2918 անվճար և 22 300 վճարովի տեղեր։

235
թեգերը:
Ատոմ Մխիթարյան, Քննություն, բուհ, Հայաստան
Ըստ թեմայի
Փաշինյանը որոշել է, թե ով պիտի ղեկավարի ավելի քան կես տարի առանց նախագահի մնացած կառույցը
Փաշինյանը շարունակում է ակադեմիական ավան խոստանալ քաղաքացիներին
Կառավարությունն այս տարի 2 միլիարդ դրամով ավելացրել է Գիտության կոմիտեի բյուջեն. նախարար
Լարիսա Դոլինա

Երևանյան ռեստորանի շքեղ անակնկալը Լարիսա Դոլինային․ տեսանյութ

8
(Թարմացված է 22:13 11.04.2021)
Երգչուհին և նրա ընկերները հիացած էին ելակի, բեզեի և կենդանի վոկալի տեսքով անակնկալով։

ԵՐԵՎԱՆ, 11 ապրիլի – Sputnik․ Ռուսական էստրադայի աստղ, երգչուհի Լարիսա Դոլինան հյուրընակվել է Երևանի ամենահայտնի ռեստորաններից մեկում։

Այստեղ նրան հյուրասիրել են ֆիրմային աղանդեր և կատարել Ջեյմս Բրաունի «I feel good» լեգենդար երգը։ Երգչուհին և նրա ընկերները հիացած էին ելակի, բեզեի և կենդանի վոկալի տեսքով մատուցված անակնկալով։

Նշենք, որ երգչուհին Երևանում է, կարելի է ասել, գործնական այցով։ Նրան, ինչպես և մի շարք այլ աստղերի հրավիրել են Երևան՝ ելույթ ունենալու Գագիկ Ծառուկյանի որդու՝ Նվեր Ծառուկյանի հարսանիքին։

Շքեղ հարսանիքի ժամանակ երգել են նաև Նիկոլայ Բասկովը, Սոսո Պավլիաշվիլին, «Ա ստուդիո» խումբը, Քրիստինա Օրբակայտեն և ուրիշներ:

Կենդանի արձաններ, ուղղաթիռ և «հրեշտակներ». Գագիկ Ծառուկյանի որդու ճոխ հարսանիքը

Հավելենք, որ Facebook-ում տեղեկություններ են հայտնվել նաև Նվեր Ծառուկյանի հարսանիքի ծախսերի մասին։ Ըստ հրապարակված տեղեկությունների՝ ծախսերը կազմել են մոտ 4 մլն ԱՄՆ դոլար։ Նշվում է, որ հրավիրված արտիստներից ամենաշատը ստացել է Նիկոլայ Բասկովը ՝ ռուսական փոփ-բեմի արքային իբր վճարվել է 120 հազար դոլար։ Լարիսա Դոլինան «ընդամենը» 70 հազար դոլար է վաստակել։

8
թեգերը:
Ռեստորան, Լարիսա Դոլինա, Երևան
Ըստ թեմայի
Հայտնի է` ովքեր կերգեն Գագիկ Ծառուկյանի որդու հարսանիքին. «Հրապարակ»
Թագավորական քեֆը սկսված է. հրապարակվել են Գագիկ Ծառուկյանի որդու հարսանիքի առաջին կադրերը
Լարիսա Դոլինան անճանաչելի է դարձել. նա ավելի երիտասարդ տեսք ունի, քան դուստրը
Մոմավառություն

Մահացել է տոմարագետ Գրիգոր Բրուտյանը

83
(Թարմացված է 20:59 11.04.2021)
Անվանի գիտնականը 65 տարեկան էր, նրա շնորհիվ բազմաթիվ տեղեկություններ հայտնի դարձան հայոց հին ու հնագույն օրացույցների մասին։

ԵՐԵՎԱՆ, 11 ապրիլի – Sputnik․ Այսօր կյանքից հեռացել է հայտնի տոմարագետ, աստղագետ Գրիգոր Բրուտյանը։ Ցավալի լուրը Facebook-ի իր էջում հայտնել է Բյուրականի աստղադիտարանի ավագ գիտաշխատող Արեգ Միքայելյանը։

«Այսօր կյանքից հեռացավ մեր լավագույն գիտնականներից մեկը՝ աստղագետ և տոմարագետ Գրիգոր Բրուտյանը։ Նա ամբողջ կյանքը նվիրեց հայրենանվեր գործի՝ հայոց ակունքների ուսումնասիրությանն իր տոմարագիտական աշխատանքներով, պատմաստղագիտական հետազոտություններով։

Астроном и историк Григор Брутян
Գրիգոր Բրուտյան

Ահռելի ծավալի աշխատանք էր կատարում և դեռ շատ նախաձեռնություններ ու ծրագրեր ուներ։ Շատ ծանր է կորուստը։
Ննջիր խաղաղությամբ, ազնիվ գիտնական և մարդ»,- գրել է Միքայելյանը։

Գրիգոր Բրուտյանի տոմարագիտական ուսումնասիրությունների հիմնական ոլորտը հայկական հին և հնագույն օրացույցների դաշտն էր։ Նա ճշգրտել է Հայկյան օրացույցի սկիզբը՝ Ք. Ա․ 2341 թ., Հայոց հնագույն Ամանորի՝ Նավասարդի տոնի դիրքը արևադարձային տարվա մեջ (ամառնամուտից 8 օր առաջ), ի հայտ է բերել հայոց հնագույն՝ Նախահայկյան օրացույցը՝ իր ուրույն կառուցվածքով, որոշ ճշգրտումներ է կատարել հայկական միջնադարյան օրացույցների վերաբերյալ և այլն։

Անվանի գիտնականը 65 տարեկան էր։

650 նոր դեպք, 15 մահ` մեկ օրում. կորոնավիրուսային հիվանդության ընթացքը Հայաստանում

Հոգեհանգիստը երկուշաբթի, ապրիլի 12-ին, ժ. 18.00-20.00 Մալաթիայի Սուրբ Աստվածածին եկեղեցում։

83
թեգերը:
Մահ, տոմար
Ըստ թեմայի
Այն մեզ սպանում է ամեն օր. բժիշկը պատմել է «մահացու» սննդամթերքի մասին
Թուրքիայում ռուս զբոսաշրջիկ է մահացել. ավելի քան 25 տուժած կա
Արքայազն Ֆիլիպի հուղարկավորությունը տեղի կունենա նրա մահից մեկ շաբաթ անց