Բուժաշխատողներ, արխիվային լուսանկար

Երբ Covid-ը դատավճիռ է․ ի՞նչը Հայաստանին կփրկի ճգնաժամից

202
Հայաստանում համավարակը շարունակում է թափ հավաքել։ Վարակվածների թիվն ամեն օր ավելանում է 700-1200–ով։ Ավելի քան 150 մարդ սպասում է հոսպիտալացման, ոմանք էլ չեն կարողանում շտապօգնություն կանչել։ Sputnik Արմենիան փորձել է պարզել իրավիճակը։

ԵՐԵՎԱՆ, 1 ապրիլիի - Sputnik. Հակահամաճարակային երեք պարզագույն կանոնների պահպանում՝ ձեռքերի ախտահանում, դիմակ, սոցիալական հեռավորություն, ինչպես նաև մեկ տարի առաջ կիրառված սահմանափակումների վերահսկում ու զանգվածային պատվաստում. մասնագետներն ու առողջապահության նախարարության ներկայացուցիչները համոզված են` միայն սա կօգնի, որ Հայաստանը հաղթահարի օրեցօր վատթարացող համաճարակային իրավիճակը։

Մարտի 30-ի դրությամբ` ՀՀ առողջապահության նախարարությունը կորոնավիրուսով վարակվածների բուժմամբ զբաղվող բուժկենտրոնների թիվը հասցրել է 20-ի` 11-ը` Երևանում, մնացած 9-ը՝ մարզերում։ Ընդհանուր առմամբ 2171 հոսպիտալացված կա, որից 65-ը միացված են արհեստական շնչառության սարքին, ծայրահեղ ծանր վիճակում են գտնվում 228 մարդ, ծանր՝ 913, հոսպիտալացման են սպասում 150-ը։

Իրավիճակը բարդացնում է նաև հոսպիտալացման կարիք ունեցող հիվանդների էլեկտրոնային գրանցման համակարգը, որը, մեղմ ասած, ոչ բոլոր քաղաքացիներին և նույնիսկ ոչ բոլոր բժիշկներին է հասանելի։

Երբ հենց այնպես չեն ընդունում․․․

Նինան (անունը փոխված է) ամուսնուց է վարակվել կորոնավիրուսով։ Երբ տղամարդու մոտ ախտանշաններ են ի հայտ եկել, կինը դիմել է ընտանեկան բժշկին, վերջինս բուժում է նշանակել։ Սակայն չորս օր անց, երբ համակարգչային հետազոտումը ցույց է տվել, որ թոքերի 25%–ն ախտահարված է, նա խորհուրդ է տվել հոսպիտալացնել հիվանդին։ Բժիշկը շտապօգնություն է զանգել, օպերատորն ասել է, որ էլեկտրոնային համակարգում նման հիվանդի մասին տեղեկություն չկա, պետք է դիմել տրիաժ-կենտրոն։

Բժիշկը զանգել է կենտրոն, բայց հայտը մերժել են և պահանջել, որ այն ձևակերպեն էլեկտրոնային տարբերակով։ Բժիշկը դրանից գլուխ չի հանել։ Նա կրկին զանգել է կենտրոն, խնդրել, որ բացառության կարգով ընդունեն հայտը, սակայն նրան մերժել են։ Այդ ժամանակ նա Նինային խորհուրդ է տվել ամուսնու հետ գնալ ցանկացած հիվանդանոց, բայց կինը ռիսկի չի դիմել` վախենալով, որ ամուսնու վիճակը միայն կվատանա։ Կինը դիմել է մեկ այլ մասնագետի։ Այժմ Նինայի ամուսինը շարունակում է բուժվել տանը` այդպես էլ չկարողանալով մասնագիտացված քովիդ-կենտրոնում հայտնվել։ Նման դեպքերը եզակի չեն, եթե տեղամասային բժշկի հետ անմիջական կապ չկա։

Իսկ ի՞նչ են ասում բժիշկներն ու առողջապահության նախարարությունը

Երևանի թերապևտներից մեկը՝ Լիլիթը (անունը փոխված է), պարզաբանեց, որ կորոնավիրուսով հիվանդների գրանցման համակարգն իսկապես փոխվել է։ Եթե նախկինում բժիշկն ախտանշանների (90-ից ցածր սատուրացիա, բարձր ջերմություն, թոքերի ախտահարման մեծ տոկոս) առկայության դեպքում իսկապես կարող էր հոսպիտալացման ուղեգիր տալ, ապա այսօր նույն ախտանշանների դեպքում էլեկտրոնային գրանցում է պահանջվում։

«Ներկա պահին, փառք Աստծո, հոսպիտալացման սպասող բուժառուներ չունեմ, սակայն դեպքերն իսկապես շատացել են։ Բացի այդ, ես 4 ընտանիք եմ բուժում, որոնց մոտ կրկնավարակ է արձանագրվել», - ասաց Լիլիթը։

Բժշկի խոսքերը հաստատեց նաև ՀՀ առողջապահության նախարարի մամուլի քարտուղար Հռիփսիմե Խաչատրյանը։ Նա նշեց, որ հիվանդանոց տեղափոխելու համար պացիենտների գրանցումը հիմնականում իրականացվում է տեղամասային բժիշկների միջոցով` պոլիկլինիկաներում։ Հիվանդը դիմում է իր բժշկին, նա հետևում է դինամիկային և վարում ընթացքը։ Հետո բժիշկը դիմում է բաշխման կենտրոն, այնտեղ հիվանդի ցուցանիշները ստուգվում են էլեկտրոնային համակարգի միջոցով, դիմում քովիդ-շտապօգնություն և միայն այդ ժամանակ պացիենտին տեղափոխում ազատ բուժկենտրոն։ Այդպիսով ապահովվում է քաղաքացի-շտապօգնություն-բուժկենտրոն կապը։

Ինչ վերաբերում է սահմանափակումներին ու լոկդաունին, նա նշեց, որ այդ հարցը կառավարությունն է որոշում։ Առողջապահության նախարարությունը կարող է միայն խորհրդատվություն տրամադրել, մնացածն այլ կառույցներ են ապահովում։

Գերատեսչությունում հուսով են, որ իրավիճակը կարող է մեղմել (կամ գուցե ամբողջովին կայունացնել) պատվաստումը։ Իշխանություններն առաջին փուլում մտադիր են պատվաստել ռիսկային խմբում գտնվող քաղաքացիներին, այնուհետև նաև բնակչության մյուս շերտերին։

Ինչի՞ մասին են լռում փորձագետները

Համաճարակային ընթացիկ իրավիճակը չի զարմացնում «Իրազեկ և պաշտպանված սպառող» ՀԿ-ի նախագահ Բաբկեն Պիպոյանին, սակայն նա խորհուրդ չի տալիս լոկդաուն մտցնել՝ հաշվի առնելով ընթացիկ և հավանական ռիսկային գործոնները տնտեսության համար։ Նա կարծում է, որ երկիրը պատրաստ չէ նման ծայրահեղությունների։

«Պետք է հավասարակշռված որոշում գտնել, որը մի կողմից կթուլացնի ռիսկերը, մյուս կողմից նվազագույն ճնշում կունենա տնտեսության և կրթության վրա։ Դրանով պետք է մասնագետների խումբ զբաղվի, որն, ըստ էության, չկա», - ասաց Պիպոյանը։

Նրա կարծիքով՝ իրավիճակը հիմնականում վատթարացել է նաև սահմանափակումների և հակահամաճարակային միջոցառումների պահպանման նկատմամբ թույլ վերահսկողության պատճառով, որը գրեթե զրոյական մակարդակի է հասել։ Ոստիկանությունն ու մյուս իրավասու մարմինները չեն հետևում դրան՝ երկրում առկա քաղաքական իրավիճակից ելնելով։

Ըստ նրա՝ առնվազն կարելի էր ուսուցումը հեռավար կազմակերպել։ Փորձագետը կարծում է, որ իշխանությունները պետք է խստացնեն վերահսկողությունը․ սկզբում սահմանափակվեն նախազգուշացումներով, այնուհետև արդեն տուգանեն, խիստ հետևեն փակ տարածքներում, սուպերմարկետներում և առևտրի կենտրոններում կանոնների պահպանմանը։

Մարտի 31-ի դրությամբ՝ Հայաստանում կորոնավիրուսով վարակվածների թիվը հասել է 192639-ի։ Այս պահին փաստացի բուժում է ստանում 15168 մարդ, կատարվել է 853829 թեստավորում, առողջացել են վարակվածներից 173064-ը։ Գրանցվել է մահվան 3515 դեպք (+18)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և դարձել 892։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։ 2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակում է գործել։

202
թեգերը:
բժիշկ, հիվանդանոց, հիվանդ, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1829)
Ըստ թեմայի
8 կանխատեսում կորոնավիրուսի ընթացքի մասին. որո՞նք են իրականացել
Դիմակներն իզուր եք պահել. «կորոնավիրուսային տուգանքները» կվերադառնան
Եռակի պաշտպանություն. ինչպես է «ԷպիՎակԿորոնա» պատվաստանյութը պաշտպանում կորոնավիրուսից
Նատալյա Եփրիկյանը. արխիվային լուսանկար

Comedy Woman-ի աստղերը եգիպտացորեն են վայելում Դիլիջանում

27
(Թարմացված է 00:00 21.04.2021)
Դիլիջանում են Comedy Woman-ի հեղինակ Նատալյա Եփրիկյանը, ռեզիդենտ Ալեքսանդր Գուդկովը և «Պուտինի նմանակ» Դմիտրի Գրաչովը:

ԵՐԵՎԱՆ, 21 ապրիլի - Sputnik․ Comedy Woman հանրահայտ ռուսական նախագծի աստղերը այժմ Դիլիջանում են։ Նախագծի հեղինակ Նատալյա Եփրիկյանը լուսանկար է հրապարակել Դիլիջանի «պավառոտներից»։

Նկարում իր գործընկերները, այդ թվում՝ հայտնի հումորիստ Ալեքսանդր Գուդկովը եւ «Պուտինի նմանակ» Դմիտրի Գրաչովը, վայելում են եփած եգիպտացորեն։ Եփրիկյանի գրառումից պարզ է դառնում, որ նա այդ օրը նշել է իր ծննդյան օրը։

«Ամեն անգամ ասում եմ ինքս ինձ, որ սա իմ լավագույն ծննդյան օրն էր։ Բոլորին շնորհակալություն շնորհավորանքների համար», - գրել է նա։

Եփրիկյանը նաև Story է տեղադրել Գուդկովի հետ։ Նրանք երկուսով հայկական գորգի ֆոնին են, իսկ նկարը մակագրված է. «Իսկական տժվժիկ»։

«Ես Հայաստանում եմ, «ձետկա»»․ Նատալյա Եփրիկյանը կարանտինն անցկացնում է Ջերմուկում

Comedy Woman հաղորդավարուհի Նատալյա Եփրիկյանը վերջին անգամ հայրենիքում եղել էր անցած տարվա օգոստոսին։ Այն ժամանակ էլ նա ակտիվ հանգիստ էր անցկացնում Հայաստանում և տարբեր տեղերից լուսանկարներ հրապարակում։

Instagram story Натальи Еприкян
Նատալյա Եփրիկյանի «սթորին»
27
թեգերը:
Comedy club, Նատալյա Եփրիկյան, Դիլիջան
Ըստ թեմայի
«Գարիկ Մարտիրոսյան, տար ինձ Comedy Club». հայտնվել է Զելենսկու նմանակը
Ախպերս, փող չկա իրավիճակը թող երբեք մեզ չառնչվի. Comedy Club-ի շնորհավորանքը Ջանիբեկյանին
Կարեն Ադամյանը «հարցաքննել է» Comedy Club-ի անդամներին
Ավտոբուս

Երևանը առաջիկա վեց ամսում 161 հատ նոր ավտոբուս կստանա

38
(Թարմացված է 22:50 20.04.2021)
Նոր ավտոբուսները հագեցած կլինեն եվրոպական ժամանակակից ստանդարտներին համապատասխան կահավորանքով։

ԵՐԵՎԱՆ, 20 ապրիլի - Sputnik․ Երևանը առաջիկա վեց ամսում 161 հատ 8,6 մետրանոց նոր քաղաքային ավտոբուսներ կստանա։ Այս մասին տեղեկացրել է Երևանի քաղաքապետ Հայկ Մարությանը Facebook-ում՝ հրապարակելով նոր ավտոբուսի լուսանկար։

«CNG Green line («կանաչ») շարժիչով ավտոբուսների մատակարարը միջազգային բարձր որակավորում ունեցող, Չինաստանում գործող «Ժոնգ տոնգ» (Zhong Tong) ընկերությունն է։ Նոր ավտոբուսները հագեցած կլինեն եվրոպական ժամանակակից ստանդարտներին համապատասխան կահավորանքով, մասնավորապես, օդորակիչներով, LED լուսատախտակներով եւ հաշմանդամություն ունեցող անձանց համար հատուկ կահավորանքով», - գրել է Մարությանը։

Քաղաքապետը նշել է, որ տրանսպորտային ռեֆորմն ընթանում է քաղաքապետարանի նախանշած ժամանակացույցի համաձայն։

38
թեգերը:
Հայկ Մարության, ավտոբուս, Երևան