Ինչ է կատարվում օրգանիզմում, երբ անանաս ենք ուտում
(Թարմացված է 16:52 30.03.2021)
Սոֆի Լորենը, որը 20-րդ դարի ամենագեղեցիկ դերասանուհիներից մեկն է համարվում, պնդում է, որ հենց անանասն է իրեն օգնել պահպանել գեղեցկությունն ու երիտասարդությունը։ Արդյո՞ք այս միրգն իսկապես հրաշագործ հատկություններ ունի՝ կարդացեք Sputnik Արմենիայի հոդվածում։Անանասի պատմական հայրենիքը ընդունված է համարել Բրազիլիան։ Հետաքրքիր է, որ Կարիբյան ծոցի բնակիչները դրանից բուժական միջոցներ և գինի էին պատրաստում, իսկ տերևներից` կտոր արտադրում։
Անանասն ամբողջ աշխարհում լայն տարածում է ստացել ոչ միայն անկրկնելի համային որակների, այլև օգտակար հատկությունների համար։ Այն հարուստ է РР, К, Е, А, С, ինչպես նաև В խմբի վիտամիններով, նաև միկրոտարրերով՝ կալիում, մագնեզիում, ցինկ, պղինձ, սելեն, յոդ, կալցիում։
Բացի այդ, այն պարունակում է արժեքավոր բջջանյութեր, պեկտիններ (շաքարանյութ) և հակաօքսիդանտներ, բիոֆլավանոիդներ և բուսական ֆերմենտներ։
Սակայն անանասի բաղադրության մեջ ամենաարժեքավորը համարվում է բրոմելայնը․ այս ֆերմենտը նպաստում է սպիտակուցի քայքայմանը։ Ի դեպ, անանասից բացի միայն պապայան և կիվին կարող են հպատանալ իրենց բաղադրության մեջ բրոմելայնի առկայությամբ։ Այս տարրը կա անանասի բոլոր մասերում, բայց ամենաշատը՝ պինդ միջուկային մասում, թեև շատերն այն չեն սիրում։
Ի՞նչ է կատարվում օրգանիզմում, երբ նուռ ենք ուտում
Բրոմելայնը հատկապես օգտակար է նրանց համար, ովքեր ստամոքսի ցածր թթվայնությամբ, մարսողության խանգարմամբ են տառապում։ Բացի այդ, այն իմունախթանիչ և հակաբորբոքային ազդեցություն ունի։
Մի քանի տարի առաջ բրոմելայն պարունակող դեղամիջոցներն ակտիվորեն տարածվում էին որպես ճարպն այրող, նիհարեցնող միջոցներ, բայց սննդաբանները զգուշացնում են, որ անանասը կարող է օգնել քաշի նվազմանը միայն հավասարակշռված սննդակարգի դեպքում՝ կալորիաների ոչ մեծ պակասուրդով և բավարար ֆիզիկական ակտիվությամբ։
Այնուամենայնիվ, անանասն իզուր չեն ներառում զանազան սննդակարգերում։ Այն պարունակում է վիտամին В1, որը պատասխանատու է ածխաջրերի փոխանակության համար և, համապատասխանաբար, օգնում է ավելի արագ ազատվել ավելորդ քաշից։ Միաժամանակ, անանասը գրեթե յուղեր չի պարունակում, իսկ կալորիականությունն ընդամենը 48 կկալ է 100 գրամում։
Բացի այդ, այս միրգը ցածր գլիկեմիկ ինդեքս ունի, այսինքն՝ արյան մեջ շաքարի և ինսուլինի կտրուկ տատանումներ չի առաջացնում։ Ինչը նշանակում է, որ շաքարային դիաբետ և ավելորդ քաշ ունեցող մարդիկ կարող են օգտագործել այն՝ առանց առողջությանը վնասելու։
Ի՞նչ է կատարվում օրգանիզմի հետ, երբ բալ եք ուտում
Այսօր այս էկզոտիկ միրգը վաճառվում է ինչպես թարմ, այնպես էլ պահածոյացված վիճակում, ինչպես նաև չորացրած՝ մրգային չիփսերի և չրերի տեսքով։ Բայց այս բազմազան տարբերակների ամբողջ օգտակարությունը հենց թարմ պտուղների մեջ է խտացված։ Իսկ տրոպիկական մրգի սիրահարները պետք է հիշեն, որ հասած անանասը 4-5 անգամ ավելի շատ օգտակար հատկություններ ունի, քան չհասածը։
Ամրացնում է դիմադրողականությունը
Անանասը հզորագույն իմունամոդուլյատոր է, ինչը հատկապես պետքական է ցուրտ եղանակին։ Այն այնքան հարուստ է վիտամին С-ով, որ այդ վիտամինի օրական չափաբաժինը ստանալու համար բավական է օրը երկու շերտիկ անանաս ուտել։ Ի դեպ, հակաբորբոքային ազդեցության շնորհիվ խորհուրդ է տրվում ձմռանը շաբաթը գոնե մեկ թարմ անանաս ուտել։
Սրտի և անոթների համար
Այս պտուղը շատ օգտակար է բարձր ճնշման և սրտի հիվանդությունների դեպքում, քանի որ մաքրում և ամրացնում է անոթները, պայքարում այտուցների դեմ։ Դրա պարբերական օգտագործումը մաքրում է այունը խոլեստերինից և կարգավորում հեմոգլոբինը։ Բացի այդ, անանասը հիանալի կանխարգելիչ միջոց է ուռուցքային հիվանդությունների դեմ։
Հանգստացնում է նյարդային համակարգը
Անանասի հերթական առավելությունն այն է, որ դրա օգտագործումն օգնում է բարձրացնել տրամադրությունը, հաղթահարել դեպրեսիան և հանգստացնել նյարդային համակարգը։ Անանասը ամինաթթվային տրիպտոֆանի հիանալի աղբյուր է, որը հանգստացնող ազդեցություն ունի։
Խոհարարության մեջ
Անանասը մեծ պահանջարկ է վայելում հատկապես Ասիայի և Հարավային Աֆրիկայի խոհանոցներում։ Այս մրգից աղանդեր են պատրաստում, ավելացնոմ են աղցանների մեջ, շոգեխաշում, պահածոյացնում, թարմ քամած հյութեր և սմուզի պատրաստում։ Անանասը հիանալի համադրվում է թռչնամսի, մսի, բրնձի, բանջարեղենի, մրգերի և ծովամթերքի հետ։
Ո՞ւմ կարող է վնասել անանասը
Մրգային թթուների մեծ քանակի պատճառով անանասը հակացուցված է գաստրիտ, բարձր թթվայնություն և ստամոքսի խոց ունեցող մարդկանց։ Անանասը սննդակարգից պետք է բացառեն նաև հղի կանայք, քանի որ այն կարող վիժման հանգեցնել։
Անանաս օգտագործելիս ցանկալի է չգերազանցել օրական չափաբաժինը, քանի որ այն կարող է բերանի լորձաթաղանթի բորբոքում առաջացնել և հանգեցնել փոքրիկ խոցերի։ Չարժե անանաս ուտել, եթե հակված եք ալերգիաների։ Մինչև 6 տարեկան երեխաներին միրգը կարելի է տալ խիստ սահմանափակ քանակով, քանի որ այն կարող է աղիքների լորձաթաղանթի բորբոքում առաջացնել։
Այս էկզոտիկ մրգին պետք է զգուշորեն վերաբերվեն նաև ատամների էմալի և լնդերի խնդիրներ ունեցող մարդիկ՝ դրա բարձր թթվայնության պատճառով։
Ի՞նչ է կատարվում օրգանիզմում, երբ կոճապղպեղ ենք կիրառում․ հայտնի մթերքի օգուտն ու վնասը
Նախնական վարկածով` «Հերացի» հիվանդանոցում հրդեհը բռնկվել է պացիենտներից մեկի մեղքով
(Թարմացված է 11:21 16.04.2021)
Արտակարգ իրավիճակների նախարարության աշխատակիցների աշխատանքի արդյունքում հրդեհը մարվել է և որևէ այլ տուժած՝ բացի բժշկից ու պացիենտից, չկա:ԵՐԵՎԱՆ, 16 ապրիլի – Sputnik. Նախնական վարկածի համաձայն`«Հերացի» հիվանդանոցում հրդեհը բռնկվել է ծխախոտի պատճառով. պացիենտներից մեկը խախտել է հիվանդանոցային անվտանգության կարգը: Տեղեկությունը Facebook–ի իր էջում հայտել է «Հերացի» թիվ 1 հիվանդանոցային համալիրի խոսնակ Շուշան Դանիելյանը։
Արդեն տեղեկացրել ենք, որ այսօր լուսադեմին «Հերացի» հիվանդանոցի հիվանդասենյակներից մեկում հրդեհ է բռնկվել, տուժել են հիվանդներից մեկն ու մեկ բժիշկ:
«Բուժաշխատողները, մինչև համապատասխան մասնագետների ժամանումը, փորձել են մարել հրդեհը, ինչի արդյունքում բաժանմունքի բժիշկը վնասել է ձեռքը, անվտանգության կարգը խախտած քաղաքացին տեղափոխվել է Այրվածքաբանական կենտրոն»,–գրել է Դանիելյանը:
Արտակարգ իրավիճակների նախարարության աշխատակիցների աշխատանքի արդյունքում հրդեհը մարվել է և որևէ այլ տուժած՝ բացի բժշկից ու պացիենտից, չկա:
Գյումրի քաղաքում տեղի է ունեցել պայթյուն՝ հրդեհի բռնկմամբ
Հիշեցնենք` ԱԻՆ–ը հայտնել էր, որ հրդեհը մեկուսացվել է ժամը 06։34-ին, մարվել՝ 06։43-ին։ Մասամբ այրվել են երկու ներքնակ (մոտ 2 քմ) և երկու պահարան։ Այրվածքներ են ստացել հիվանդ Ս․ Ա․-ն և բժիշկ Մ․ Հ․-ն։
Մինչ փրկարարների կանչի վայր հասնելը, տեղի ուժերով տարահանվել է 11 հիվանդ։
Հրդեհ է բռնկվել Հյուսիսային պողոտայի շենքերից մեկում. 30 քաղաքացու տարհանել են
961 նոր դեպք, 18 մահ` մեկ օրում. կորոնավիրուսային հիվանդության ընթացքը Հայաստանում
(Թարմացված է 10:52 16.04.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:ԵՐԵՎԱՆ, 16 ապրիլի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 961–ով և դարձել 207103։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։
Այս պահին փաստացի բուժում է ստանում 16099 մարդ, կատարվել է 926293 թեստավորում (+5870), առողջացել են վարակվածներից 186200-ը (+1075): Գրանցվել է մահվան 3835 դեպք (+18)։ Կորոնավիրուսով վարակված, բայց այլ պատճառով մահացածների թիվն ավելացել է 5–ով և դարձել 969։
Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։
Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։
Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։
2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։
Կարո՞ղ է պատվաստումը կանխել կորոնավիրուսը. պատասխանում է բժիշկ Մյասնիկովը
Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։
թեգերը:
Արմեն Սարգսյանն այցելել է Համայն Վրաստանի պատրիարք Իլյա Երկրորդին
(Թարմացված է 11:22 16.04.2021)
Նախագահի պաշտոնական այցը Վրաստան շարունակվում է։ Նախատեսված է նաև հանդիպում խորհրդարանի խոսնակ Արչիլ Տալակվաձեի հետ։ԵՐԵՎԱՆ, 16 ապրիլի — Sputnik. ՀՀ նախագահ Արմեն Սարգսյանը Վրաստան կատարած այցի շրջանակում այցելել է Համայն Վրաստանի պատրիարք Իլյա 2-րդին:
Ինչպես հաղորդում Է Sputnik Արմենիայի թղթակիցը, նախագահը ժամանել է պատրիարքի նստավայր՝ տիկնոջ ՝ Նունե Սարգսյանի ուղեկցությամբ։ Պաշտոնական արարողությունից հետո Արմեն Սարգսյանը զրուցել է Իլյա Երկրորդի հետ։ Նրանք մտքեր են փոխանակել երկու երկրներին հետաքրքրող մի շարք կարևոր հարցերի շուրջ։
Նախատեսված է նաև նախագահի հանդիպումը Վրաստանի խորհրդարանի խոսնակ Արչիլ Տալակվաձեի հետ:
Նշենք, որ Հայաստանի նախագահը Վրաստան է մեկնել ապրիլի 15-ին։ Այցի շրջանակներում նա արդեն հանդիպել է վրացի իր գործընկեր Սալոմե Զուրաբիշվիլիի հետ։ Նրանք քննարկել են տարածաշրջանի անվտանգության հարցերը՝ հաշվի առնելով Թուրքիայի աջակցությամբ և մասնակցությամբ Ադրբեջանի կողմից Արցախի դեմ սանձազերծած ռազմական ագրեսիայի հետևանքները։
Ի՞նչ կտա Արմեն Սարգսյանի թբիլիսյան այցը. Վրաստանի փոխվարչապետի մեկնաբանությունը
Վրաստանի նախագահի նստավայրում Արմեն Սարգսյանի և նրան ուղեկցող Նունե Սարգսյանի պատվին տրվել է հանդիսավոր ճաշ: Սարգսյանը և Զուրաբիշվիլին բաժակաճառերի ընթացքում խոսել են հայ և վրացի ժողովուրդների դարավոր բարեկամության մասին, ինչպես նաև հարգանքի և փոխադարձ վստահության վրա հիմնված միջպետական հարաբերությունների, երկկողմ կապերի ամրապնդման հեռանկարների մասին:
թեգերը: