Արխիվային լուսանկար

Առաջիկա շաբաթվա ընթացքում Հայաստանում սպասվում է COVID-ի 7000 նոր դեպք

124
(Թարմացված է 17:04 29.03.2021)
Այդ նոր դեպքերի արդյունքում հանրապետության հիվանդանոցների մահճակալային ֆոնդն ամբողջությամբ կսպառվի, ու դարձյալ հոսպիտալացման հերթեր կառաջանան:

ԵՐԵՎԱՆ, 29 մարտի - Sputnik. Առաջիկա շաբաթվա ընթացքում կորոնավիրուսի հիվանդացության դեպքերը Հայաստանում կավելանան 7000-ով: Այս մասին այսօր հրավիրված մամուլի ասուլիսի ժամանակ հայտարարեց ԱՆ հիվանդությունների վերահսկման և կանխարգելման ազգային կենտրոնի տնօրենի տեղակալ Գայանե Սահակյանը:

«Հենց այս պահին ՀՀ-ում շատ ծանր համաճարակային իրավիճակ է: Մեր հիվանդանոցային համակարգը բավականին ծանրաբեռնված է, մահճակալային ֆոնդը համարյա սպառվում է, և ունենք մոտ 90 տոկոսով հիվանդության աճ: Իսկ վիրուսի վերարտադրության ցուցանիշն այս պահի դրությամբ 1.2 է: Սա նշանակում է, որ առաջիկա շաբաթվա ընթացքում մենք սպասում ենք ավելի քան 7000 նոր դեպքեր»,- ասաց Սահակյանը:

Նրա խոսքով` այդ 7000 դեպքերի արդյունքում մահճակալային ֆոնդն ամբողջությամբ կսպառվի ու դարձյալ հոսպիտալացման հերթեր կառաջանան:

Համաճարակային իրավիճակի հետագա վատթարացումը կանխարգելելու համար, նրա խոսքով, Հայստանը ԱՀԿ-ի Covax նախաձեռնության շրջանակներում ներկրել է բրիտանական «AstraZeneca» պատվաստանյութի 24 000 դեղաչափ:

«Սա չի նշանակում, որ Հայաստանը Covax նախաձեռնության շրջանակներում միայն «AstraZeneca» պատվաստանյութն է ձեռք բերելու: Առաջիկայում Covax նախաձեռնության շրջանակներում նաև նոր պատվաստանյութեր կառաջարկվեն ՀՀ-ին»,- ասաց Գայանե Սահակյանը՝ հավելելով, որ կյանքեր փրկելու այլընտրանք ներկա պահին Հայաստանի առողջապահական համակարգը չունի:

Բանախոսը նաև նշեց, որ պատվաստանյութն անցել է փորձարկումների բոլոր անհրաժեշտ փուլերը և ներառվել արտակարգ իրավիճակներում կիրառման թույլտվություն ստացած 4 պատվաստանյութերի ցանկում:

Ո՞ր պատվաստանյութն է ամենալավը

Ասուլիսին մասնակցող ԱՀԿ հայաստանյան գրասենյակի տնօրեն Եգոր Զայցևն էլ նշեց, որ քանի որ պատվաստանյութերի քանակը դեռ սահմանափակ է, ԱՀԿ-ն առաջարկում է առաջին հերթին պատվաստել ռիսկի խմբերին՝ բժիշկներին, խրոնիկ հիվանդություններ ունեցողներին և ծերերին:

Անդրադառնալով «AstraZeneca» պատվաստանյութի անվտանգության հետ կապված լուրերին ու այն փաստին, որ որոշ երկրներ այդ հիմնավորմամբ կասեցրել են տվյալ պատվաստանյութի կիրառումը, Զայցևը հայտարարեց, որ պատվաստանյութը արդյունավետ է ու անվտանգ:

«Այն, ինչ մեզ հայտնի է բոլոր այն դեպքերի մասին, որոնք տեղի են ունեցել պատվաստումից հետո, մենք առայժմ ուղիղ կամ չենք տեսնում պատվաստման ու արդյունքի միջև: Ուսումնասիրությունները շարունակվում են, որովհետև ամեն դեպքում ԱՀԿ-ն ու այլ առողջապահական միջազգային կազմակերպություններ հետևում են անվտանգությանը, և մեզ համար դա շատ կարևոր է»,- ասաց Զայցևը:

Նրա ներկայացմամբ` գրանցված բացասական հետևանքների հիմնական պատճառը եղել է անաֆիլակտիկ շոկը: Դրանից խուսափելու համար, ըստ Զայցևի, անհրաժեշտ է, որ բժիշկը մինչ պատվաստումը մանրակրկիտ հետազոտման ենթարկի պացիենտին և տեղյակ լինի նրա` նախկինում ունեցած նմանօրինակ ռեակցիաների մասին:

Ինչ վերաբերում է պատվաստանյութի դիմաց Հայաստանի վճարած գնին, ՀՎԿԱԿ տնօրենի տեղակալ Գայանե Սահակյանը նշեց, որ պետությունը Covax նախաձեռնության շրջանակներում վճարել է 4.1 դեղաչափի դիմաց 4.5 ԱՄՆ դոլար, ինչը նրա մեկնաբանմամբ, Հայաստանի «սուղ տնտեսական միջոցների պարագայում ուղղակի ձեռքբերում է»:

Պատվաստումները «AstraZeneca»–ով ռիսկի խմբերում կմեկնարկեն հաջորդ շաբաթվանից:

Մոտենում ենք կորոնավիրուսի պիկին. մահճակալային ֆոնդն արդեն զբաղված է

124
թեգերը:
հիվանդանոց, Հայաստան, համավարակ, կորոնավիրուս
Ըստ թեմայի
Եռակի պաշտպանություն. ինչպես է «ԷպիՎակԿորոնա» պատվաստանյութը պաշտպանում կորոնավիրուսից
424 նոր դեպք, 12 մահ` մեկ օրում. կորոնավիրուսային հիվանդության ընթացքը Հայաստանում
Երևանից կորոնավիրուսով հիվանդներն ուղղորդվում են մարզեր. պատճառը գերհագեցվածությունն է
Կարեն Կարապետյան. արխիվային լուսանկար

Նախկին վարչապետ Կարեն Կարապետյանը մասնակցում է Գյումրիում իրականացվող ներդրումային ծրագրին

178
(Թարմացված է 13:32 22.04.2021)
Վահան Քերոբյանը լրագրողների հետ ճեպազրույցի ընթացքում պայուսակից հանեց ներդրւմային ծրագիրն ու ներկայացրեց այն իբրև ապացույց, որ ներդրումներ Հայաստանում արվում են։

ԵՐԵՎԱՆ, 22 ապրիլի - Sputnik. ՀՀ էկոնոմիկայի նախարար Վահան Քերոբյանն այսօր կառավարության նիստի ավարտին լրագրողների հետ ճեպազրույցում վերահաստատեց իր նախկինում արած հայտարարությունը Հայաստանում սպասվող ներդրումների մեծ ծավալի մասին։

«Հենց հիմա այստեղ կա մի քանի հարյուր միլիոնի ներդրումների ծրագրեր,– ասաց Քերոբյանը`բացելով ձեռքին եղած պայուսակն ու դրանից ինչ–որ թղթապանակ հանելով,– խնդրեմ, նայեք, սա Գյումրիի «Կումայրի» կենտրոնի կառուցապատման ծրագիրն է, որը երեկ ենք քննարկել»։

Քերոբյանը հայտնեց նաև, որ այդ ծրագրում մասնաբաժին ունի նաև նախկին վարչապետ Կարեն Կարապետյանը։

Նախարարը նշեց, որ ներդրումները ամենատարբեր ոլորտներին են վերաբերում` IT-ից մինչև շինարարություն։

Ինչ վերաբերում է արդյունքներին, Քերոբյանը նշեց, որ դրանք արդեն տեսանելի են. օրինակ` այսօր կառավարության նիստում ներկայացվեց աշխատատեղերի ավելացման ցուցանիշը, երկուշաբթի օրը կհրապարակվի տնտեսական աճի ցուցանիշը։ Բայցևայնպես, առկա վիճակը էկոնոմիկայի նախարարին չի բավարարում։

«Ես մասնակցել եմ նաև պատերազմին, տեսել եմ, թե ինչպիսի անհամաչափ է մեր և Թուրքիայի ռազմական ու տնտեսական ուժը, և անձամբ ես համարում եմ, որ մենք պետք է ամենաարագ տեմպերով ստեղծենք ՀՀ–ի համար կոնկրետ ու ամենաբարձր արժեք»,– ասաց նա։

Հիշեցնենք` Գյումրիի «Կումայրի» արգելոցի վերականգնման ծրագիրն առաջադրվել էր 2017թ–ին։ Այն ժամանակ վարչապետ Կարեն Կարապետյանի հետ հանդիպումից հետո 22 գործարարներ ցանկություն էին հայտնել միանալու ծրագրին։

2020 թվականին ՀՀ–ում ներդրումներ չեն եղել, ավելին` եղել է գումարների արտահոսք. տնտեսագետ

178
թեգերը:
ծրագիր, Ներդրում, Կարեն Կարապետյան, Վահան Քերոբյան
Ըստ թեմայի
Նախկինում գոյություն չունեցող նոր մեխանիզմ կգործի. Փաշինյանը` ներդրումների մասին
«Ունենք բազմամիլիարդ ներդրումային ծրագրեր». Քերոբյանը խոստանում է` մարդկանց կյանքը կփոխվի
Արցախում ներդրումների միջոցով աշխատատեղերի ստեղծման անհրաժեշտություն կա. Մանե Թանդիլյան
Полицейский застегивает наручники

Երթուղայինում 40–ամյա տղամարդուն սպանողը կալանավորվել է

20
(Թարմացված է 12:28 22.04.2021)
Սպանվածը երթուղայինում նստած Բաղդասարյանին խնդրել էր պաշտպանիչ դիմակ դնել, սակայն վերջինս վիճաբանել էր, ապա իր մոտ եղած դանակով հարվածել Հունանյանի կրծքավանդակին։

ԵՐԵՎԱՆ, 22 ապրիլի – Sputnik. Երևանում, թիվ 54 երթուղային միկրոավտոբուսում ուղևորի սպանության դեպքով կալանավորվել է 57-ամյա Գարեգին Բաղդասարյանը։ Տեղեկությունը հայտնում է ՀՀ քննչական կոմիտեն։

«Ձեռք բերված բավարար ապացույցների հիման վրա՝ 57-ամյա տղամարդուն մեղադրանք է առաջադրվել՝ ՀՀ քրեական օրենսգրքի 104-րդ (սպանություն) հոդվածի 1-ին մասով, նրա նկատմամբ որպես խափանման միջոց է ընտրվել կալանավորումը»,– նշված է հաղորդագրության մեջ:

Ավելի վաղ`ապրիլի 20–ին, տղամարդն ինքնակամ ներկայացել էր Արտաշատի ոստիկանություն։

Հիշեցնենք` ապրիլի 14-ին՝ ժամը 10:10-ի սահմանում, Երևանում` Պարոնյան-Լեո խաչմերուկում, թիվ 54 երթուղին սպասարկող «Գազելում» սպանություն էր տեղի ունեցել։ Պատճառը եղել էր այն, որ սպանվածը` Երևանի բնակիչ, 40-ամյա Արմեն Հունանյանը, երթուղայինում նստած Բաղդասարյանին խնդրել էր պաշտպանիչ դիմակ դնել, սակայն վերջինս վիճաբանել էր, ապա իր մոտ եղած դանակով հարվածել Հունանյանի կրծքավանդակին։

20
թեգերը:
կալանք, Սպանություն, Երևան, Արտաշատ, դիմակ, երթուղային
Ըստ թեմայի
Փախչելիս հեռախոսն ընկել է. «Գազելում» սպանություն կատարած անձի ինքնությունը պարզվել է
Դեդ Հասանի «ժառանգորդի» սպանության համար կասկածվող տղամարդը ձերբակալված է․ տեսանյութ
ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը
F-35

Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից

0
Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը խզվում է, և նոր համաձայնագրի տեքստում Թուրքիան չի ընդգրկվում:

ԵՐԵՎԱՆ, 22 ապրիլի - Sputnik. Ամերիկայի Միացյալ Նահանգները Թուրքիային պաշտոնապես հեռացրել է F-35 կործանիչների ծրագրից։ Տեղեկությունը հայտնում է «Anadolu» լրատվական գործակալությանը:
Տեղեկացվում է, որ ԱՄՆ պաշտպանության նախարարությունը՝ Պենտագոնը, Անկարային ծանուցել է ամերիկյան F-35 նոր սերնդի կործանիչների արտադրության ծրագրից Թուրքիային պաշտոնապես հեռացնելու մասին: 

Պենտագոնի պաշտոնյաներից մեկը, որի անունը չի նշվում, թեմայի վերաբերյալ հարցազրույց է տվել թուրքական պետական «Anadolu» լրատվական գործակալությանը:

Ամերիկացի պաշտոնյայի փոխանցմամբ՝ ծանուցագրում նշվում է, որ 2007թ. հունվարի 26-ին Թուրքիայի ստորագրած փոխըմբռնման հուշագիրը, որը 2006թ. ստորագրվել էր մյուս մասնակից երկրների կողմից, խզվում է, և նոր համաձայնագրի տեքստում Թուրքիան չի ընդգրկվում:

Պաշտոնյան նաև հայտնել է, որ պայմանագիրը թարմացվել է 8 գործընկեր երկրների կողմից և որևէ նոր գործընկեր երկիր չի ավելացել: 

Հիշեցնենք` ԱՄՆ-ն Թուրքիայի նկատմամբ արգելք էր սահմանել ռուսական արտադրության S-400 զենիթահրթիռային ՀՕՊ համակարգերի ձեռքբերման համար: 

Թուրքական սերիալում ցուցադրված քարտեզում Արցախը և Ադրբեջանը ներկայացվել են որպես Հայաստան

5-րդ սերնդի գերժամանակակից F-35 կործանիչների նախագիծը  համատեղ իրականացվում էր ՆԱՏՕ-ի անդամ 1 տասնյակ երկրների կողմից։ Ի սկզբանե նախագծին մասնակցում էր նաև Թուրքիան, սակայն Ռուսաստանից S-400 բարձր հեռահարության հակաօդային պաշտպանության համակարգեր գնելու պատճառով 2020թ. հուլիսին Վաշինգտոնի նախաձեռնությամբ կասեցվեց Թուրքիայի մասնակցությունը կործանիչների արտադրության ծրագրին, իսկ այդ երկրի համար արդեն արտադրված կործանիչները չմատակարարվեցին։

Ավելի վաղ Պենտագոնում հայտարարել էին, որ Թուրքիան պետք է S-400  համակարգերը Ռուսաստանին վերադարձնի, եթե Անկարան ցանկանում Է ԱՄՆ-ից ստանալ Patriot հրթիռային համակարգեր: 

0
թեգերը:
Զենք, ԱՄՆ, Թուրքիա
Ըստ թեմայի
ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը
Թուրքիայի արտգործնախարարը սպառնացել է ԱՄՆ-ին ապրիլի 24-ի կապակցությամբ
ԱՄՆ–ի կողմից Ցեղասպանության ճանաչումը կարող է սաստել Թուրքիային. Հարություն Մարության