Շտապօգնության ավտոմեքենա, արխիվային լուսանկար

424 նոր դեպք, 12 մահ` մեկ օրում. կորոնավիրուսային հիվանդության ընթացքը Հայաստանում

87
(Թարմացված է 10:56 29.03.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 29 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 424–ով և դարձել 190741։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 14287 մարդ (-179), կատարվել է 842817 թեստավորում (+3978), առողջացել են վարակվածներից 172096-ը (+590)։ Գրանցվել է մահվան 3476 դեպք (+12)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 1-ով և դարձել 882։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

Հայաստանում 600 մարդ արդեն պատվաստվել է կորոնավիրուսի դեմ. քանի՞ կրկնավարակում ենք ունեցել

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

87
թեգերը:
համավարակ, վարակ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1828)
Ըստ թեմայի
«Կորոնավիրուսը ո՞ւմ շունն է». ինչու մեկ տարի անց էլ չեն գտել պայքարի արդյունավետ ձևերը
8 կանխատեսում կորոնավիրուսի ընթացքի մասին. որո՞նք են իրականացել
Եռակի պաշտպանություն. ինչպես է «ԷպիՎակԿորոնա» պատվաստանյութը պաշտպանում կորոնավիրուսից
Էլեկտրագնացք

Երևան-Գյումրի-Երևան երթուղու արագընթաց էլեկտրագնացքները վերսկսում են ուղերթերը

52
(Թարմացված է 17:15 20.04.2021)
Մայրաքաղաքից Գյումրի մեկնող արագընթաց էլեկտրագնացքների ուղերթերի ժամանակացույցը չի փոխվել։

ԵՐԵՎԱՆ, 20 ապրիլի – Sputnik. Երևան-Գյումրի-Երևան երթուղու ԷՊ2Դ արագընթաց էլեկտրագնացքները վերսկսում են իրենց աշխատանքը: Տեղեկությունը հայտնում է «Հարավկովկասյան երկաթուղի» ընկերությունը։

«Ժամանակացույցն անփոփոխ է. Երևանից արագընթացները կմեկնեն ամեն ուրբաթ, շաբաթ և կիրակի` ժամը 09:15-ին, Գյումրիից՝ 17:55-ին»,– հիշեցնում է ՀԿԵ–ն:

Այսուհետ ուղևորները կարող են գնել տոմսերը նաև առցանց՝ տեղերն ամրագրելով railway.am կայքում։

Հիշեցնենք` արագընթաց էլեկտրագնացքների ուղերթերը ժամանակավորապես կասեցվել էին տեխնիկական պատճառներով։

Երևանում դաժանաբար սպանված Համբարձում Ղանդիլյանի անունով էլեկտրաքարշ գործարկվեց

Նոր վագոններ մայիսից, էլեկտրագնացքներ` օգոստոսից. «Հարավկովկասյան երկաթուղին» կհամալրվի

52
թեգերը:
Գյումրի, Գնացք, Հայաստան
Ռոմանոս Պետրոսյանը ծառ է տնկում

Ինչպես մասնակցել ապրիլի 25-ի համապետական ծառատունկին․ ծրագրի մանրամասները

23
(Թարմացված է 16:55 20.04.2021)
Նախատեսվում է Հայաստանի ողջ տարածքում տնկել 300.000 ծառ։ Յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

ԵՐԵՎԱՆ, 20 ապրիլի – Sputnik. Ապրիլի 25-ին «10 մլն ծառ» նախաձեռնության շրջանակում Հայաստանի Հանրապետության ողջ տարածքում կիրականացվի համապետական ծառատունկ։

Խոստացված 10 միլիոն ծառից ևս 1000–ը տնկվեցին. ապրիլի 25-ը համապետական ծառատունկի օր կլինի

Հայաստանում կայանալիք ծառատունկին մասնակցելու համար պետք է դիմել տեղական ինքնակառավարման մարմինների հատուկ բաժիններին։ Շրջակա միջավայրի նախարար Ռոմանոս Պետրոսյանը հրապարակել է հեռախոսահամարներ՝ ամեն մարզի համար։

Նախատեսվում է Հայաստանի ողջ տարածքում տնկել 300.000 ծառ։

Արագածոտնի մարզ – 7000 տնկի,

Մասնակցել  ցանկացողները կարող են զանգահարել Արագածոտնի մարզպետարան +374 232 3 30 25

Արարատի մարզ- 7000 տնկի,

Մասնակցել  ցանկացողները կարող են զանգահարել Արարատի մարզպետարան  +374 235  2 51 09

Արմավիրի մարզ – 6000 տնկի,

Մասնակցել  ցանկացողները կարող են զանգահարել Արմավիրի մարզպետարան +374 237  2 38 50

Գեղարքունիքի մարզ –8000 տնկի,

Մասնակցել  ցանկացողները կարող են զանգահարել Գեղարքունիքի մարզպետարան +374 60 65 06 24

Կոտայքի մարզ – 10.000 տնկի,

Մասնակցել ցանկացողները կարող են զանգահարել  Կոտայքի մարզպետարան  +374 223 2 32 40

Լոռու մարզ-7000 տնկի,

Մասնակցել ցանկացողները կարող են զանգահարել Լոռու մարզպետարան + 374 322 4 30 99

Շիրակի մարզ – 10.000 տնկի,

Մասնակցել  ցանկացողները կարող են զանգահարել Շիրակի մարզպետարան + 374  312 4 90 00/115

Սյունիքի մարզ – 7000 տնկի,

Մասնակցել  ցանկացողները կարող են զանգահարել Սյունիքի մարզպետարան +374 285  4 42 93

Տավուշի մարզ – 6000 տնկի,

Մասնակցել ցանկացողները կարող են զանգահարել Տավուշի մարզպետարան +374 263 4 22 40

Վայոց Ձորի մարզ – 7000 տնկի,

Մասնակցել ցանկացողները կարող են զանգահարել Վայոց ձորի մարզպետարան  +374 281 2 30 50։

Ամենաշատ ծառերը տնկվելու են մայրաքաղաք Երևանում՝ 25 հազար տնկի։ Եվս 200 հազար տնկի նախարարությունը նախատեսել է պետական կառավարման և տեղական ինքնակառավարման մարմինների, հանրակրթական հաստատությունների ու այլ գերատեսչությունների հետ համատեղ բոլոր մարզային անտառտնտեսությունների տնկարկներում տնկելու համար։

Պետրոսյանը նշում է, որ յուրաքանչյուր քաղաքացի կարող է այդ օրն իր բակում, իր այգում ծառ տնկել՝ մի մասնիկը դառնալով համապետական այս կարևոր միջոցառման։

Ծառատունկի մասին մանրամասներ իմանալու կամ մասնակցության համար կարելի է զանգահարել նաև Շրջակա միջավայրի նախարարության Անտառային կոմիտե՝  հեռ․՝ (010) 65 17 38, էլ հասցե՝  info@forestcommittee.am։

Հիշեցնենք` 2019թ-ին հայտարարվել էր, որ մինչև 2020 թվականի հոկտեմբերի 10-ը Հայաստանում 10 մլն ծառ է տնկվելու: Քանի որ վերջին 30 տարում Հայաստանում անտառները զգալիորեն տուժել են անխնա ծառահատումների պատճառով, վարչապետը կարգադրել էր ուշադիր հետևել անտառների պահպանությանը։

2020 թ-ի ապրիլի 13-ին ՀՀ շրջակա միջավայրի նախարարությունը տեղեկացրել էր, որ, հաշվի առնելով նոր կորոնավիրուսի տարածման հետևանքով ստեղծված իրավիճակը և հնարավոր առողջապահական ռիսկերը` որոշում է կայացվել 10 մլն ծառ տնկելու ծրագրի ժամկետը տեղափոխել 2021թ.-ի վերջ:

23
թեգերը:
Ռոմանոս Պետրոսյան, Շրջակա միջավայրի նախարարություն, Հայաստան, ծառատունկ, ծառ
Ըստ թեմայի
«Եռաբլուրը» ծառապատվում է, նախարարը մասնակցում է ծառատունկին
Կանաչ սահման` 95–ամյակին. Գյումրիում զինվորներն ու հրամանատարները տոնական ծառատունկի էին
Երկու մլն տնկին արդեն գտել են. նախարար Գրիգորյանը պատմում է 10 միլիոնանոց ծառատունկի մասին
Արա Այվազյան

Արա Այվազյանը զրուցել է Արաբական Միացյալ Էմիրությունների իր գործընկերոջ հետ

0
(Թարմացված է 18:07 20.04.2021)
Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

ԵՐԵՎԱՆ, 20 ապրիլի - Sputnik․ ՀՀ ԱԳ նախարար Արա Այվազյանը հեռախոսազրույց է ունեցել ԱՄԷ արտաքին գործերի և միջազգային համագործակցության նախարար Աբդալլահ բին Զայեդ Ալ Նահյանի հետ: Այս մասին տեղեկացնում է ԱԳ կայքը։

Զրուցակիցներն անդրադարձել են նախարար Այվազյանի՝ ԱՄԷ աշխատանքային այցի շրջանակներում ձեռք բերված պայմանավորվածությունների իրականացման ընթացքին, մտքեր են փոխանակել փոխադարձ հետաքրքրություն ներկայացնող ոլորտներում համագործակցությանն առնչվող հարցերի շուրջ: Քաղաքական երկխոսության ընդլայնմանն ուղղված քայլերի համատեքստում երկուստեք ընդգծվել է փոխայցելությունների և գերատեսչությունների միջև խորհրդատվությունների անցկացման կարևորությունը:

Հայաստանի և ԱՄԷ արտաքին գործերի նախարարները մտքեր են փոխանակել տարածաշրջանային անվտանգության և կայունության հարցերի շուրջ:

Նշենք, որ Հայաստանի Հանրապետության և Արաբական Միացյալ Էմիրությունների միջեւ դիվանագիտական հարաբերությունները հաստատվել են 1998-ի հունիսին։ 2015-ից Հայաստանում գործում է Արաբական Միացյալ Էմիրությունների դեսպանությունը։

Արա Այվազյանը Մոսկվայում խոսել է Ադրբեջանի ռազմական հանցագործությունների ու գերիների մասին

2018-ի հոկտեմբերից Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան է Մհեր Մկրտումյանը։ 2019-ի փետրվարից ՀՀ-ում ԱՄԷ դեսպանն է Մուհամմադ Ալ Զաաբիին։

Հայաստանը ԱՄԷ-ից ներմուծում է ներկանյութեր, շինանյութ, հրուշակեղեն, պլաստմասե իրեր, կահույք, էլեկտրատեխնիկա, տրանսպորտային միջոցներ եւ այլն, իսկ արտահանում է պղինձ, ալյումին ու մարգարիտ։

0
թեգերը:
Արաբական միացյալ էմիրություններ (ԱՄԷ), Հայաստան, Արա Այվազյան
Ըստ թեմայի
Արա Այվազյանը մեկնաբանել է ԱԽ քարտուղարի սկանդալային հայտարարությունը
Արա Այվազյանն աշխատանքից չի ազատվելու
Արա Այվազյանն անհապաղ լուծում պահանջող հարցերի մասին է խոսել Պոլ Ռիչարդ Գալագերի հետ