Արխիվային լուսանկար. 20 մարտի, 2021

«Ձեզ վախացնելո՞վ են բերել»․ Փաշինյանի մարզային հանդիպմանը կրկին երեխաներ են եղել

120
(Թարմացված է 19:28 28.03.2021)
Փաշինյանը հանդիպման ժամանակ գրկել է երեխաներից մեկին, որը դրանից հետո սկսել է լացել։

ԵՐԵՎԱՆ, 28 մարտի — Sputnik. Վարչապետ Նիկոլ Փաշինյանի Արմավիրի մարզի Մյասնիկյան գյուղի հանդիպման ժամանակ երեխաներ են եղել։ Նա նրանց հարցրել է՝ ինչու են եկել։

«Ձեզ վախացրե՞լ են, սպառնացե՞լ են ոստիկանությամբ կամ վատ գնահատական դնելով», - հարցրել է նա երեխաներին։

Դպրոցականներից բացասական պատասխան ստանալով՝ վարչապետը հարցրել է, թե որն է պատճառը, որ եկել են հանդիպման։ Երեխաներին մեկն ասել է, որ իրենք Փաշինյանի կողմնակից են, Գոռ անունով մի տղա էլ բղավեց, որ հպարտ է նման վարչապետ ունենալով։ Փաշինյանը իջավ ու գրկեց նրան, երեխան հուզմունքից սկսեց լացել։ Այնուհետև նա վարչապետի հետ միասին բեմ բարձրացավ և կարդաց բանաստեղծություն Փաշինյանի մասին։

Նշենք, որ Նիկոլ Փաշինյանը արդեն սկսել է մարզային այցերը, եղել է Արագածոտնում ու Արմավիրում։ Ընդդիմադիրներն ու իրավապաշտպանները դա համարում են չհայտարարված նախընտրական քարոզարշավի մեկնարկ ու վարչական ռեսուրսի չարաշահում․ Հայաստանում հունիսի 20-ին նախատեսված ընտրությունների քարոզարշավը պաշտոնապես կսկսվի հունիսի սկզբին։

Արագածոտնում Փաշինյանի և քաղաքացիների հանդիպումների ժամանակ երեխաների ներկայությունը քննադատության առիթ էր դարձել իշխանության հասցեին։ Փաշինյանի ընդդիմախոսները հայտարարում են, որ չի կարելի անչափահասներին խառնել քաղաքական գործընթացներին։

Ապրիլին ես հրաժարական կտամ. Նիկոլ Փաշինյան

120
թեգերը:
հանդիպում, Նիկոլ Փաշինյան
Ըստ թեմայի
Նիկոլ Փաշինյանը դարձել է պարտված ու նվաստացած Հայաստանի խորհրդանիշ. «Le Monde»
Վարչապետ Նիկոլ Փաշինյանը մարզային այցով Արմավիրում է
Արցախը կանգուն է, և Արցախը պետք է կառուցենք նորովի. Փաշինյան
Սիմոն Մարտիրոսյան. արխիվային լուսանկար

Տեղի է ունեցել դժբախտ պատահար. պաշտպանը` Սիմոն Մարտիրոսյանի մասնակցությամբ վթարի մասին

21
(Թարմացված է 12:43 16.04.2021)
Սիմոն Մարտիրոսյանի փաստաբանը խոստանում է առաջիկայում տեղեկատվություն տրամադրել քրգործի մասին։

ԵՐԵՎԱՆ, 16 ապրիլի - Sputnik. Ծանրամարտի աշխարհի չեմպիոն Սիմոն Մարտիրոսյանի մասնակցությամբ վրաերթը դժբախտ պատահար է։ Facebook–ի իր էջում նման գրառում է արել Մարտիրոսյանի փաստաբան Րաֆֆի Ասլանյանը` հայտնելով, որ փաստաբան Ռուբեն Բալոյանի հետ համատեղ ստանձնելու են Մարտիրոսյանի պաշտպանությունը։

Ապրիլի 12-ին, ժամը 22։30-ի սահմանում Սիմոն Մարտիրոսյանն իր «Մերսեդես» մակնիշի ավտոմեքենայով Երևանի Արշակունյաց պողոտայում՝ «Երևան մոլ» առևտրի կենտրոնի դիմացի ճանապարհահատվածում (որտեղով չի թույլատրվում անցնել հետիոտներին) վրաերթի է ենթարկել Երևանի բնակիչ, 1993թ․ ծնված Կամո Ամիրխանյանին։ Վերջինս մահացել է հիվանդանոցի ճանապարհին։

«Տեղի է ունեցել դժբախտ պատահար, ինչից ավտոմեքենայի ղեկին գտնվող որևէ մեկս ապահովագրված չի կարող լինել»,–գրել է Ասլանյանը։

Մահացու վրաերթ Երևանում. մեքենայի ղեկին ծանրամարտիկ Սիմոն Մարտիրոսյանն է եղել

Նա նաև նշել է, որ այս պահին դեպքի առնչությամբ հնչող առանձին հարցերին պատասխանել չեն կարող, սակայն խոստանում են առաջիկայում որևէ ձևաչափով ընդհանուր տեղեկատվություն տրամադրել՝ քրեական գործով նախաքննության շահերը հաշվի առնելով։

Հիշեցնենք, որ Սիմոն Մարտիրոսյանի նկատմամբ խափանման միջոց է ընտրվել չհեռանալու մասին ստորագրությունը։

21
թեգերը:
ծանրամարտ, Մահ, Վրաերթ, Սիմոն Մարտիրոսյան
Ըստ թեմայի
Դժբախտ պատահար COVID-19 սպասարկող ԲԿ–ներից մեկում. 72-ամյա պացիենտը նետվել է պատուհանից
Դժբախտ պատահար Երևանում. մեքենան վթարի է ենթարկվել, երբ վարորդը փորձել է օգնել ուղևորին
Դժբախտ պատահար երկաթուղում. 33-ամյա էլեկտրամեխանիկը մահացել է աշխատանքի ժամանակ
Պայթյունից վիրավորում է ստացել փրկարար

Պայթյունից վիրավորում ստացած փրկարարի առողջական վիճակը կայուն է. ԱԻՊԾ

18
(Թարմացված է 12:26 16.04.2021)
Ջրականի շրջանում անհայտ կորածների որոնումներն արդյունք չեն տվել, դրանք կշարունակվեն Որոտանի ուղղությամբ։

ԵՐԵՎԱՆ, 16 ապրիլի — Sputnik. Պատերազմի ընթացքում զոհված և անհետ կորած համարվող զինծառայողների, կամավորների, ինչպես նաև քաղաքացիական անձանց աճյունների որոնումներն այսօր փրկարարական մեկ ջոկատով իրականացվում են Ադրբեջանի վերահսկողության տակ անցած Որոտանի (Կուբաթլու) ուղղությամբ: Տեղեկությունը հայտնում Facebook–ի էջում հայտնում է Արցախի ՆԳ նախարարության արտակարգ իրավիճակների պետական ծառայությունը։

«Երեկ Ջրականի շրջանում որոնումներն արդյունք չեն տվել: Կեսօրին տեղի ունեցած ականապայթյունային պատահարից հետո աշխատանքները նույն պահին դադարեցվել են: Պայթյունից վիրավորում ստացած փրկարարի առողջական վիճակը կայուն է: Նա գտնվում է վերակենդանացման բաժանմունքում, օրվա երկրորդ կեսին կտեղափոխվի հիվանդասենյակ»,–նշված է հաղորդագրության մեջ:

Հիշեցնենք`երեկ`ապրիլի 15–ին, Արցախի վերահսկողությունից դուրս գտնվող Ջրականի շրջանում (Քենդ Հորադիզ տեղամաս) տեղի ունեցած որոնումների ընթացքում ականապայթյունային վիրավորում էր ստացել ԱԻ պետական ծառայության փրկարար ուժերի վարչության արագ արձագանքման հատուկ ստորաբաժանման օպերատիվ խմբի հրամանատար Տ.Հ.-ն (ծնված 1975թ.):

Զինադադարից հետո որոնողափրկարարական աշխատանքներ իրականացնելու ժամանակահատվածում սա նմանատիպ երրորդ դեպքն է:

Առաջին դեպքը տեղի է ունեցել Որոտանի ուղղությամբ. ականի վրա պայթել և վիրավորում են ստացել ՀՀ ԱԻն աշխատակիցները, իսկ հաջորդը՝ Մարտակերտի շրջանային բաժնի փրկարար ծառայողների հետ՝ Թալիշ-Մատաղիս հատվածում:

Բարեբախտաբար, մահվան ելքով դեպքեր չեն արձանագրվել:

Ջրականում ականի պայթյունից վիրավորվել է փրկարարական խմբի հրամանատարը

18
թեգերը:
Վիրավոր, Արցախ, պայթյուն, փրկարար
Ըստ թեմայի
Քաղաքացին որոշել է նետվել Հաղթանակի կամրջից, փրկարարները կանխել են
Արցախի փրկարարները հայտնաբերել և տարհանել են ևս 5 զինծառայողի աճյուն
Արցախի փրկարարները պատերազմում զոհվածների աճյուններ են որոնում Ասկերանի վերին ենթաշրջանում