ՄԱԿ-ի ծրագրով միլիոններ կծախսեն պարզելու համար` ինչով են զբաղված ՀՀ քաղաքացիները մարզերում
(Թարմացված է 11:33 25.03.2021)
Կպարզվի, թե որքան ժամանակ են կանայք ու տղամարդիկ ծախսում աշխատանքի վրա, որքան ազատ ժամանակ ունեն ու ինչով են զբաղվում իրենց հիմնական աշխատանքից դուրս ժամերին:ԵՐԵՎԱՆ, 25 մարտի - Sputnik. ՀՀ կառավարությունը որոշել է պարզել, թե ինչով են զբաղվում օրվա ընթացքում ՀՀ տարբեր մարզերում բնակվող կանայք ու տղամարդիկ: Որոշումն ընդունվել է կառավարության այսօրվա նիստում` առանց զեկուցման ու քննարկման, միաձայն:
©
Photo : official site of the GOV of RA
Որոշման համաձայն` ուսումնասիրությունն իրականացնելու է ՀՀ Վիճակագրական կոմիտեն՝ ՄԱԿ-ի «ՄԱԿ Կանայք» կազմակերպության հետ 2021թ.-ի հունվարի 29–ին կնքված համաձայնագրի շրջանակներում:
Համաձայնագրով նախատեսված է կոմիտեին տրամադրել 36 619 988 ՀՀ դրամ՝ Հայաստանում ժամանակի օգտագործման փորձնական հետազոտություն անցկացնելու համար:
Հետազոտությունը թույլ կտա ստանալ ՀՀ բնակչության կողմից ժամանակի օգտագործման վերաբերյալ տվյալներ՝ ըստ սեռի և գյուղ/քաղաք կտրվածքի:
Ուսումնասիրության ընթացքում կներկայացվի, թե որքան ժամանակ են ՀՀ քաղաքացիները ծախսում աշխատանքի վրա՝ վճարվող և չվճարվող, որքան ազատ ժամանակ ունեն ու ինչով են զբաղվում իրենց հիմնական աշխատանքից դուրս ժամերին:
Ընդդեմ հղիության ընդհատումների և վաղ ամուսնությունների․ պատգամավորները դրամաշնորհ կստանան
Հատկանշական է, որ հետազոտության կարևոր բաղադրիչ է հատկապես ժամանակի օգտագործման վիճակագրության գենդերային բաղադրիչը: Ուսումնասիրությունը նախատեսում է հատուկ տարբերակում կանանց ու տղամարդկանց զբաղվածության մասին տեղեկատվության հավաքագրման հարցում՝ ինչով են զբաղված կանայք ու ինչով՝ տղամարդիկ:
Թե ինչ կտա այս հետազոտությունը ՀՀ-ին ու ՀՀ քաղաքացիներին, պարզ չէ: Բայց ծրագրում ներգրավվող վիճակագիրները դրա դիմաց կստանան ընդհանուր շուրջ 31 մլն դրամի աշխատավարձ:
Իսկ հատկացված գումարի մնացած 5 մլն-ը կծախսվի հարցաթերթիկներ կազմելու և այլ տեխնիկական հարցեր լուծելու համար:
Հայաստանը հողագիտական քարտեզ կունենա, գյուղտեխնիկա և դրամաշնորհներ կստանա. փոխնախարար
Նախկին վարչապետ Կարեն Կարապետյանը մասնակցում է Գյումրիում իրականացվող ներդրումային ծրագրին
(Թարմացված է 13:32 22.04.2021)
Վահան Քերոբյանը լրագրողների հետ ճեպազրույցի ընթացքում պայուսակից հանեց ներդրւմային ծրագիրն ու ներկայացրեց այն իբրև ապացույց, որ ներդրումներ Հայաստանում արվում են։ԵՐԵՎԱՆ, 22 ապրիլի - Sputnik. ՀՀ էկոնոմիկայի նախարար Վահան Քերոբյանն այսօր կառավարության նիստի ավարտին լրագրողների հետ ճեպազրույցում վերահաստատեց իր նախկինում արած հայտարարությունը Հայաստանում սպասվող ներդրումների մեծ ծավալի մասին։
«Հենց հիմա այստեղ կա մի քանի հարյուր միլիոնի ներդրումների ծրագրեր,– ասաց Քերոբյանը`բացելով ձեռքին եղած պայուսակն ու դրանից ինչ–որ թղթապանակ հանելով,– խնդրեմ, նայեք, սա Գյումրիի «Կումայրի» կենտրոնի կառուցապատման ծրագիրն է, որը երեկ ենք քննարկել»։
Քերոբյանը հայտնեց նաև, որ այդ ծրագրում մասնաբաժին ունի նաև նախկին վարչապետ Կարեն Կարապետյանը։
Նախարարը նշեց, որ ներդրումները ամենատարբեր ոլորտներին են վերաբերում` IT-ից մինչև շինարարություն։
Ինչ վերաբերում է արդյունքներին, Քերոբյանը նշեց, որ դրանք արդեն տեսանելի են. օրինակ` այսօր կառավարության նիստում ներկայացվեց աշխատատեղերի ավելացման ցուցանիշը, երկուշաբթի օրը կհրապարակվի տնտեսական աճի ցուցանիշը։ Բայցևայնպես, առկա վիճակը էկոնոմիկայի նախարարին չի բավարարում։
«Ես մասնակցել եմ նաև պատերազմին, տեսել եմ, թե ինչպիսի անհամաչափ է մեր և Թուրքիայի ռազմական ու տնտեսական ուժը, և անձամբ ես համարում եմ, որ մենք պետք է ամենաարագ տեմպերով ստեղծենք ՀՀ–ի համար կոնկրետ ու ամենաբարձր արժեք»,– ասաց նա։
Հիշեցնենք` Գյումրիի «Կումայրի» արգելոցի վերականգնման ծրագիրն առաջադրվել էր 2017թ–ին։ Այն ժամանակ վարչապետ Կարեն Կարապետյանի հետ հանդիպումից հետո 22 գործարարներ ցանկություն էին հայտնել միանալու ծրագրին։
2020 թվականին ՀՀ–ում ներդրումներ չեն եղել, ավելին` եղել է գումարների արտահոսք. տնտեսագետ
Երթուղայինում 40–ամյա տղամարդուն սպանողը կալանավորվել է
(Թարմացված է 12:28 22.04.2021)
Սպանվածը երթուղայինում նստած Բաղդասարյանին խնդրել էր պաշտպանիչ դիմակ դնել, սակայն վերջինս վիճաբանել էր, ապա իր մոտ եղած դանակով հարվածել Հունանյանի կրծքավանդակին։ԵՐԵՎԱՆ, 22 ապրիլի – Sputnik. Երևանում, թիվ 54 երթուղային միկրոավտոբուսում ուղևորի սպանության դեպքով կալանավորվել է 57-ամյա Գարեգին Բաղդասարյանը։ Տեղեկությունը հայտնում է ՀՀ քննչական կոմիտեն։
©
Photo : Facebook / Գյումրու քաղաքապետարան
«Ձեռք բերված բավարար ապացույցների հիման վրա՝ 57-ամյա տղամարդուն մեղադրանք է առաջադրվել՝ ՀՀ քրեական օրենսգրքի 104-րդ (սպանություն) հոդվածի 1-ին մասով, նրա նկատմամբ որպես խափանման միջոց է ընտրվել կալանավորումը»,– նշված է հաղորդագրության մեջ:
Ավելի վաղ`ապրիլի 20–ին, տղամարդն ինքնակամ ներկայացել էր Արտաշատի ոստիկանություն։
Հիշեցնենք` ապրիլի 14-ին՝ ժամը 10:10-ի սահմանում, Երևանում` Պարոնյան-Լեո խաչմերուկում, թիվ 54 երթուղին սպասարկող «Գազելում» սպանություն էր տեղի ունեցել։ Պատճառը եղել էր այն, որ սպանվածը` Երևանի բնակիչ, 40-ամյա Արմեն Հունանյանը, երթուղայինում նստած Բաղդասարյանին խնդրել էր պաշտպանիչ դիմակ դնել, սակայն վերջինս վիճաբանել էր, ապա իր մոտ եղած դանակով հարվածել Հունանյանի կրծքավանդակին։
Ղրիմում լայնածավալ զորավարժություններ են մեկնարկել
(Թարմացված է 14:01 22.04.2021)
Զորավարժությունների ակտիվ փուլում մշակվում են հրթիռաավիացիոն հարվածները, անօդաչու ավիացիայի և թևավոր հրթիռների կիրառումը:ԵՐԵՎԱՆ, 22 ապրիլի - Sputnik. Ռուսաստանի զինված ուժերն այսօր վարժանքներ են սկսել Ղրիմի «Օպուկ» զորավարժարանում։ Տեղեկությունը հայտնում է Ռուսաստանի պաշտպանության նախարարությունը։
©
REUTERS / Murat Cetinmuhurdar / Presidential Press Office / Handout via REUTERS
«Ղրիմում մեկնարկած վարժանքների ակտիվ փուլին մասնակցում են ավելի քան 10 հազար զինծառայողներ, գործի է դրված 1,2 հազար միավոր սպառազինություն և ռազմական տեխնիկա ռուսական ռազմակայանի, Սևծովյան նավատորմի, Կասպիական նավատորմի և օդուժի միավորումների կազմից: Այդ թվում՝ ավելի քան 40 մարտական նավ և 20 ապահովման նավ», - տեղեկացրել է ՊՆ–ն։
Դոնբասյան ակնարկներն ու Լուկաշենկոյի պաշտպանությունը․ փորձագետները՝ Պուտինի ուղերձի մասին
Զորավարժություններին ներկա է նաև Ռուսաստանի պաշտպանության նախարար Սերգեյ Շոյգուն։ Վարժանքների ակտիվ փուլից առաջ նա ուղղաթիռով մեկնել է զորքերի տեղակայման շրջան և լսել Հարավային ռազմական օկրուգի զորքերի հրամանատար գեներալ-գնդապետ Ալեքսանդր Դվորնիկովի զեկույցը:
Վարժանքների ընթացքում մշակվում են հրթիռաավիացիոն հարվածներն ու դրանց հետմղումը, անօդաչու ավիացիայի և թևավոր հրթիռների կիրառումը, ինչպես նաև դրանց դեմ պայքարը ՀՕՊ միջոցներով:
Ռուսաստանը տարբեր նավատորմերից նավեր է բերում Սև ծով. ինչո՞ւ