Խուրմա

Ինչ է կատարվում օրգանիզմում, երբ խուրմա ենք ուտում

121
(Թարմացված է 15:34 24.03.2021)
Խուրման կամ արքայանարինջը հունարենից թարգմանվում է «աստվածային կրակ»։ Sputnik Արմենիայի նյութում կարդացեք՝ ինչ յուրահատուկ հատկությունների համար է այս նարնջագույն պտուղն արժանացել այդ անվանմանը։

ԵՐԵՎԱՆ, 25 մարտի - Sputnik. Չնայած խուրման գրեթե ամեն տեղ աճում է՝ դրա հայրենիքը Չինաստանն է։ Ամբողջ աշխարհում կան այս բույսի մի քանի հարյուր տեսակներ։ Որոշ տեսակներ ապրում են մինչև 500 տարի։

Խուրման խորհուրդ է տրվում օգտագործել նյարդային համակարգի ընդհանուր առողջացման ու վերականգնման համար։ Դրանում բարձր է B խմբի վիտամինների ու վիտամին C-ի պարունակությունը։

Բացի այդ, պտուղներում շատ երկաթ կա (14%), ինչը շատ կարևոր է սակավարյունության դեպքում, ու յոդը՝ 40%, որը թույլ է տալիս նորմալ վիճակում պահել վահանաձև գեղձը: Այսպիսով, խուրման օգտակար է ավիտամինոզի, երկաթի դեֆիցիտի անեմիայի, ցինգայի կանխարգելման համար:

Թթուները խուրմայի մեջ քիչ է, ինչը բարենպաստ ազդեցություն է ունենում մարսողական համակարգի աշխատանքի վրա խոցային, լյարդի ու երիկամների հիվանդության ժամանակ։ Իսկ հակաբակտերիալ հատկություններն օգնում են պայքարել պաթոլոգիական աղիքային ֆլորայի դեմ։

Ի՞նչ պետք է ուտել քնելուց առաջ. բժիշկը խոսել է վտանգավոր սննդի մասին

Հետաքրքրական է, որ 100 գրամ խուրման պարունակում է մոտ 127 մգ կալցիում, ինչը մարդու համար օրական նորմայից 11% շատ է:

Խուրման բարձրացնում է անոթների առաձգականությունը

Արյան անոթների առաձգականության բարձրացման համար անհրաժեշտ է օգտագործել C, P ու PP վիտամիններ: Խուրման պարունակում է բոլորը այդ վիտամինները (վիտամին C-ն կազմում է պտղի ընդհանուր վիտամինային կազմի գրեթե 20%-ը): Բացի այդ, խուրման ցրում է արյունը, ուժեղացնում արտահոսքը և թույլ չի տալիս, որ արյունը տեղում մնա։ Հետևաբար, այն պետք է օգտագործեն մարդիկ, որոնք երակների վարիկոզային լայնացում ունեն։

Լավացնում է տեսողությունը

Վիտամին A-ն ու բետա-կարոտինը, որը կա խուրմայում, ամրացնում են աչքի մկաններն ու արագացնում հյուսվածքների վերականգնման գործընթացը: ԱՄՆ աչքի ազգային ինստիտուտի հետազոտությունները հաստատում են՝ խուրման օգնում է պահպանել տեսողությունը։

Յոդի հարուստ աղբյուր է

Յոդն անհրաժեշտ է վահանաձև գեղձի նորմալ աշխատանքի համար, իսկ խուրման 100 գրամում պարունակում է 30 մկգ յոդ: Յոդի պակասը կարող է ազդել ուղեղի խնդիրների վրա, դանդաղեցնել երեխաների մտավոր ու ֆիզիկական զարգացումը։

Բարձրացնում է տրամադրությունը

Ինչպես արդեն նշել էինք, պտուղը պարունակում է B խմբի վիտամիններ, ու առանց դրանց նյարդային համակարգը նորմալ աշխատանքն անհնար է: Խուրմայի բաղադրության մեջ մտնող տրիպտոֆանը մասնակցում է սերոտոնինի՝ երջանկության և ուրախության հորմոնի արտադրությանը։ Օրական ընդամենը երկու խուրման բավարար են դրական մտքերի ու լավ տրամադրության համար:

Պահպանում է իմունիտետը

Շնորհիվ վիտամին C-ի բարձր պարունակության՝ խուրման խթանում է իմունային համակարգը: Քաղցր հատապտուղը շատացնում է արյան սպիտակ բջիջները, որոնք պաշտպանում են օրգանիզմը սնկային ու վիրուսային վարակներից։ Բրոնխների հիվանդության դեպքում խուրման օգնում է ավելի ակտիվ դուրս բերել լորձը՝ զերծ պահելով հնարավոր թոքաբորբից։

Ում խորհուրդ չի տրվում խուրմա ուտել

Պտուղը պարունակում է մոտ 25% սախարոզ, այնպես որ դա չի կարելի ուտել դիաբետիկներին ու մարդկանց, ում ենթաստամոքսային գեղձի աշխատանքը խախտված է։ Տանինները, որոնք խուրման տտիպ են դարձնում, կարող են վտանգավոր լինել առողջության համար. Հիշեք, որ առավել քանակությամբ տանին կա կճեպում, այնպես որ ավելի լավ է խուրման մաքրած ուտել։

Եթե հետևում եք ձեր քաշին, մասնագետները խորհուրդ չեն տալիս օրական մեկ պտուղից ավելի ուտել։ Մի կողմից, խուրման ցածր կալորիականություն (մինչև 70 կիլոկալորիա 100 գրամում) ունի, մյուս կողմից այն պարունակում է մեծ քանակությամբ գլյուկոզա ու ֆրուկտոզա:

Պետք է հաշվի առնել, որ խուրմայի չիրը շատ կալորիական է՝ 250-270 կիլոկալորիա 100 գրամում։

Այդ պատճառով այն պետք է զգուշությամբ օգտագործեն նաև շաքարային դիաբետ ունեցող մարդիկ. ընդամենը մեկ պտուղը կարող է բարձրացնել ինսուլինը։

Խորհուրդ չի տրվում խուրման սոված փորին ուտել, այն կարող է փորացավ ու լուծ առաջացնել։

Ինչի՞ հետ է կարելի համադրել խուրման

Այն ավելի լավ է տարանջատել հիմնական կերակուրից՝ ժամ-ժամուկես դադարից հետո ուտել: Այն պատկանում է աղանդերի կարգին, ուստի հիանալի լրացվում է ընկույզով, յոգուրտով: Խուրման կարելի է ավելացնել թռչնամսին, գառան, տավարի մսին: Ինչ վերաբերում է բացառություններին, ապա այն չպետք է օգտագործվի կաթի հետ:

Ի՞նչ անել, եթե խուրման «խեղդում» է

Եթե խուրման «խեղդում» է, կարելի է տան պայմաններում հասունության հասցնել այն։ Ամենալավ տարբերակն է դնել մուգ փաթեթի մեջ բանանի ու խնձորի հետ, այդպես այն  3-4 օրվա ընթացքում կդառնա փափուկ ու քաղցր: Կարող եք նաև այն մեկ օրով սառցարան դնել կամ ընդհակառակը՝ 12-14 ժամով՝ տաք ջրի մեջ:

121
թեգերը:
հատապտուղ, միրգ, խուրմա
Ըստ թեմայի
Լավ լուր քաղցրասերների համար. շոկոլադ պետք է ուտել, ուղղակի ճիշտ ընտրություն կատարեք
Ընկույզի ո՞ր տեսակը չարժե ուտել
Ձմռանը ինչո՞վ կարելի է փոխարինել թարմ միրգն ու բանջարեղենը
Պայթյունից վիրավորում է ստացել փրկարար

Պայթյունից վիրավորում ստացած փրկարարի առողջական վիճակը կայուն է. ԱԻՊԾ

9
(Թարմացված է 12:10 16.04.2021)
Ջրականի շրջանում անհայտ կորածների որոնումներն արդյունք չեն տվել, դրանք կշարունակվեն Որոտանի ուղղությամբ։

ԵՐԵՎԱՆ, 16 ապրիլի — Sputnik. Պատերազմի ընթացքում զոհված և անհետ կորած համարվող զինծառայողների, կամավորների, ինչպես նաև քաղաքացիական անձանց աճյունների որոնումներն այսօր փրկարարական մեկ ջոկատով իրականացվում են Ադրբեջանի վերահսկողության տակ անցած Որոտանի (Կուբաթլու) ուղղությամբ: Տեղեկությունը հայտնում Facebook–ի էջում հայտնում է Արցախի ՆԳ նախարարության արտակարգ իրավիճակների պետական ծառայությունը։

«Երեկ Ջրականի շրջանում որոնումներն արդյունք չեն տվել: Կեսօրին տեղի ունեցած ականապայթյունային պատահարից հետո աշխատանքները նույն պահին դադարեցվել են: Պայթյունից վիրավորում ստացած փրկարարի առողջական վիճակը կայուն է: Նա գտնվում է վերակենդանացման բաժանմունքում, օրվա երկրորդ կեսին կտեղափոխվի հիվանդասենյակ»,–նշված է հաղորդագրության մեջ:

Հիշեցնենք`երեկ`ապրիլի 15–ին, Արցախի վերահսկողությունից դուրս գտնվող Ջրականի շրջանում (Քենդ Հորադիզ տեղամաս) տեղի ունեցած որոնումների ընթացքում ականապայթյունային վիրավորում էր ստացել ԱԻ պետական ծառայության փրկարար ուժերի վարչության արագ արձագանքման հատուկ ստորաբաժանման օպերատիվ խմբի հրամանատար Տ.Հ.-ն (ծնված 1975թ.):

Զինադադարից հետո որոնողափրկարարական աշխատանքներ իրականացնելու ժամանակահատվածում սա նմանատիպ երրորդ դեպքն է:

Առաջին դեպքը տեղի է ունեցել Որոտանի ուղղությամբ. ականի վրա պայթել և վիրավորում են ստացել ՀՀ ԱԻն աշխատակիցները, իսկ հաջորդը՝ Մարտակերտի շրջանային բաժնի փրկարար ծառայողների հետ՝ Թալիշ-Մատաղիս հատվածում:

Բարեբախտաբար, մահվան ելքով դեպքեր չեն արձանագրվել:

Ջրականում ականի պայթյունից վիրավորվել է փրկարարական խմբի հրամանատարը

9
թեգերը:
Վիրավոր, Արցախ, պայթյուն, փրկարար
Արխիվային լուսանկար

Նախնական վարկածով` «Հերացի» հիվանդանոցում հրդեհը բռնկվել է պացիենտներից մեկի մեղքով

89
(Թարմացված է 11:21 16.04.2021)
Արտակարգ իրավիճակների նախարարության աշխատակիցների աշխատանքի արդյունքում հրդեհը մարվել է և որևէ այլ տուժած՝ բացի բժշկից ու պացիենտից, չկա:

ԵՐԵՎԱՆ, 16 ապրիլի – Sputnik. Նախնական վարկածի համաձայն`«Հերացի» հիվանդանոցում հրդեհը բռնկվել է ծխախոտի պատճառով. պացիենտներից մեկը խախտել է հիվանդանոցային անվտանգության կարգը: Տեղեկությունը Facebook–ի իր էջում հայտել է «Հերացի» թիվ 1 հիվանդանոցային համալիրի խոսնակ Շուշան Դանիելյանը։

Արդեն տեղեկացրել ենք, որ այսօր լուսադեմին «Հերացի» հիվանդանոցի հիվանդասենյակներից մեկում հրդեհ է բռնկվել, տուժել են հիվանդներից մեկն ու մեկ բժիշկ:

«Բուժաշխատողները, մինչև համապատասխան մասնագետների ժամանումը, փորձել են մարել հրդեհը, ինչի արդյունքում բաժանմունքի բժիշկը վնասել է ձեռքը, անվտանգության կարգը խախտած քաղաքացին տեղափոխվել է Այրվածքաբանական կենտրոն»,–գրել է Դանիելյանը:

Արտակարգ իրավիճակների նախարարության աշխատակիցների աշխատանքի արդյունքում հրդեհը մարվել է և որևէ այլ տուժած՝ բացի բժշկից ու պացիենտից, չկա:

Գյումրի քաղաքում տեղի է ունեցել պայթյուն՝ հրդեհի բռնկմամբ

Հիշեցնենք` ԱԻՆ–ը հայտնել էր, որ հրդեհը մեկուսացվել է ժամը 06։34-ին, մարվել՝ 06։43-ին։ Մասամբ այրվել են երկու ներքնակ (մոտ 2 քմ) և երկու պահարան։ Այրվածքներ են ստացել հիվանդ Ս․ Ա․-ն և բժիշկ Մ․ Հ․-ն։

Մինչ փրկարարների կանչի վայր հասնելը, տեղի ուժերով տարահանվել է 11 հիվանդ։

Հրդեհ է բռնկվել Հյուսիսային պողոտայի շենքերից մեկում. 30 քաղաքացու տարհանել են

89
թեգերը:
ծխախոտ, հրդեհ, հիվանդանոց
Ըստ թեմայի
«Ձյունիկից» հետո սա ամենախոշոր հրդեհն է. «Սուրմալուի» հրդեհը` լուսանկարներում
Հյուսիսային պողոտայի շենքերից մեկում բռնկված հրդեհը մարվել է. հայտնի է` ինչ է այրվել
Հրդեհ Երևանում. փրկարարները մոտ 50 բնակչի են տարհանել
Աղդամ. արխիվային լուսանկար

«Կիևը աջակցել, աջակցում և աջակցելու է Ադրբեջանին». Ուկրաինայի փոխվարչապետն այցելել է Աղդամ

0
(Թարմացված է 12:09 16.04.2021)
Մարուքյանը նշում է, որ փոխվարչապետը մոռացել է իր երկրի նախագահի կոչը` Ուկրաինային չներգրավել Հայաստանի ու Ադրբեջանի միջև առկա հակամարտության մեջ։

ԵՐԵՎԱՆ, 16 ապրիլի – Sputnik. ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանն իր Facebook-յան գրառմամբ անդրադարձել է Ուկրաինայի փոխվարչապետի Օլեկսի Ռեզնիկովի` ապրիլի 15-ին Ակնա (Աղդամ) կատարած այցին, որի ընթացքում վերջինն իր օգնությունն է առաջարկել քաղաքի վերակառուցման գործում։

«Ռեզնիկովը նշել է, որ պատվիրակության և իր այցի նպատակն այդ տարածքների վերականգնման հարցում Ադրբեջանին օգնության ձեռք մեկնելն ու փորձի փոխանակումն է: Նա նաև ավելացրել է, որ Ադրբեջանն Ուկրաինայի բարեկամն է և գործընկերը, ու որ Կիևը միանշանակ աջակցել, աջակցում և աջակցելու է Ադրբեջանին: Փաստորեն, փոխվարչապետը մոռացել է իր երկրի նախագահի կոչը` Ուկրաինային չներգրավել Հայաստանի ու Ադրբեջանի միջև առկա հակամարտության մեջ»,– գրում է Մարուքյանը` հիշեցնելով, որ 2020թ–ի աշնանը Ուկրաինայի նախագահ Վլադիմիր Զելենսկին Թուրքիա կատարած այցի ժամանակ կոչ էր անում չեզոք դիրքորոշում ունենալ:

«Չնայած` նաև հիշում ենք, թե Զելենսկին ինչպես էր ուրախանում թուրքական անօդաչու թռչող սարքերի արդյունավետությամբ՝ մոռանալով միջազգային հանցագործություն համարվող ագրեսիայի և պատերազմական հանցագործությունների արդյունքում զոհված հազարավոր մարդկանց մասին»,– գրում է Մարուքյանը։

Ընդդիմադիր ուժի ղեկավարն այս ամենից եզրակացնում է, որ Թուրքիայի և Ադրբեջանի հետ Ուկրաինայի հարաբերությունները հիմնված են տնտեսական հիմքերի` ռազմական արդյունաբերության, ներդրումների և էներգետիկայի վրա:

Մարուքյանը Ուկրաինայի այսօրվա ղեկավարներին հիշեցնում է, որ Մայդանի հեղափոխությունն ընդունված է կոչել արժանապատվության հեղափոխություն:

Նա հարց է բարձրացնում, թե ինչպե՞ս կարող է արժանապատվության մասին խոսել ուկրաինացի մի պաշտոնյա, որը այդաստիճան միակամ ընդունում է պաշտոնական Բաքվի տեսակետը՝ հանուն հաջորդող տնտեսական սպասելիքների՝ մոռանալով հազարավոր զոհերի, հազարավոր վիրավորների, իրենց տունը կորցրած հազարավոր մարդկանց, հարյուրավոր անհետ կորածների, էթնիկ զտումների, քրիստոնեական մշակութային հուշարձանների ցուցադրական ոչնչացման, արգելված զինատեսակների կիրառման, ահաբեկչությունների, վարձկանների, գերության մեջ գտնվողների քաղաքացիական բնակչության ու ռազմագերիների, ինչպես նաև պատերազմական ու մարդկության դեմ ուղղված այլ հանցագործությունների մասին:

Ռուսաստանը Թուրքիային զգուշացնում է չսնել Ուկրաինայի ռազմատենչ տրամադրությունները․ Լավրով

Մարուքյանը նշում է, որ յուրաքանչյուր ոք, ով ժպիտով այցելում է Ադրբեջան, հետո՝ վերջինիս կողմից բռնազավթված արցախյան տարածքներ, պետք է հիշի այդ ամենը:

0
թեգերը:
փոխվարչապետ, Ադրբեջան, Աղդամ, Ուկրաինա, Կիև