Նորածին

Հայերը շտապում են ամուսնանալ․ համավարակն ազդե՞լ է ամուսնությունների ու ծնելիության վրա

211
(Թարմացված է 09:28 14.03.2021)
Արտասահմանյան մի շարք երկրներում կորոնավիրուսի համավարակն ու սահմանափակումները խիստ բացասական ազդեցություն են ունեցել ծնելիության մակարդակի վրա։ Սոցիալական հարցերի փորձագետը պատմում է, թե ինչպիսի իրավիճակ է Հայաստանում։

ՀՀ աշխատանքի և սոցիալական հարցերի նախարարության ժողովրդագրական ծրագրերի բաժնի պետ Արտակ Մարկոսյանը Sputnik Արմենիայի թղթակցի հետ զրույցում հայտնեց, որ Հայաստանում համավարակն ավելի շատ ազդել է գրանցված ամուսնությունների թվի, քան ծնելիության վրա։

2019թ․-ի համեմատ 2020թ․-ին գրանցված ամուսնությունների թիվն օբյեկտիվ պատճառներով նվազել է 3383-ով։ Ի դեպ, վիճակագրությունը հաշվի չի առնում այն դեպքերը, երբ զույգերն ընտանիք են կազմում առանց պաշտոնական գրանցման։

«Բայց այն զույգերը, որոնք ստիպված են եղել հարսանիքը կամ ամուսնության գրանցումը հետաձգել COVID-19-ի հետ կապված սահմանափակումների, ինչպես նաև Արցախում վերջին պատերազմի պատճառով, հիմա կսկսեն ընտանիքներ ստեղծել։ Այս տարվա հունվարին ամուսնությունների թիվը նախորդ տարվա նույն ամսվա համեմատ ավելացել է 120-ով»,-ասաց Մարկոսյանը։

Ինչ վերաբերում է ծնելիությանը, ապա, փորձագետի կարծիքով, 2020թ․-ի ցուցանիշներով կորոնավիրուսի համավարակն առանձնապես ազդեցություն չի ունեցել։

Վիճակագրական կոմիտեի տվյալներով` 2020թ․-ի դեկտեմբերին լույս աշխարհ է եկել 3007 երեխա (67-ով պակաս, քան 2019թ․-ի դեկտեմբերին)։ Իսկ 2021թ․-ի հունվարին երկրում 2795 երեխա է ծնվել։ Նախորդ տարի այդ թիվը 2846 էր։ Այսպիսով, դեկտեմբերին և հունվարին ծնելիությունը Հայաստանում նվազել է 7,2 տոկոսով։

Հետաքրքիր է, որ եվրոպական զարգացած երկրներում, ինչպես նաև Ամերիկայի որոշ նահանգներում այս ցուցանիշը շատ ավելի բարձր է։ Այսպես, իսպանական «Elpais» պարբերականի տվյալներով՝ Իսպանիայում դեկտեմբեր-հունվարին ծնելիությունը նվազել է գրեթե 23 տոկոսով։

Նմանատիպ միտում է նկատվում նաև Իսպանիայի հարևան երկրներում։ Օրինակ՝ Իտալիայում անկումը մոտ 22 տոկոս է։ Ֆրանսիայում այդ թիվն ավելի փոքր է՝ 13 տոկոս։ Ամերիկայի մի շարք հատվածներում, օրինակ` Ֆլորիդայում, Կալիֆոռնիայում կամ Հավայան կղզիներում, նույն ժամանակահատվածում ծնելիությունը կրճատվել է 5-20 տոկոսով։

Սակայն, մասնագետի խոսքով, մեկ-երկու ամիսը չափազանց փոքր ժամանակահատված է որևէ կանխատեսում անելու համար։ Չէ՞ որ դեռ չի ուսումնասիրվել, թե ծնելիության վրա ինչ ազդեցություն են ունեցել համավարակն ու 44-օրյա պատերազմը։ Պետք է սպասել առնվազն վեց ամսվա արդյունքներին՝ այդ ոլորտում ուսումնասիրություն կատարելու համար։

«Միայն տարվա երկրորդ կեսին պարզ կդառնա պատերազմի և համավարակի ազդեցությունը։ Բայց, այնուամենայնիվ, նման ցնցումներն ու անկայուն տնտեսական իրավիճակը հազիվ թե նպաստեն ծնելիության աճին»,-ավելացրեց փորձագետը։

Միաժամանակ, Մարկոսյանի կարծիքով, ծնելիության կտրուկ նվազումից կարող են փրկել սոցիալական ծրագրերը։ Հիշեցնենք՝ անցած տարվա հուլիսից ավելացել են երեխայի ծննդի և խնամքի նպաստները։ Նախկինում առաջին երեխայի ծննդյան նպաստը կազմում էր 50 հազար դրամ, երկրորդինը՝ 150 հազար դրամ։ Հիմա երկուսի դեպքում էլ այն կազմում է 300 հազարական դրամ։ Երրորդ և չորրորդ երեխայի նպաստը 1 միլիոն դրամ է, հինգերորդ և ավելի երեխայի դեպքում՝ մեկուկես միլիոն։ Ընդ որում` 500 հազար դրամն ընտանիքին է փոխանցվում անմիջապես, իսկ մնացածը՝ ամսական 50 հազարական դրամներով։

211
թեգերը:
ծնունդ, ամուսնություն, Հայաստան
Ըստ թեմայի
Հաղորդավարներ Վահե Խանամիրյանը և Լիլիթ Մուրադյանը երկրորդ անգամ ծնող են դարձել
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
Դժվար է պատկերացնել սրվակում բեղմնավորված արցախցու, կամ ԷԿՈ–ն կլուծի՞ հայերի հարցը
Արխիվային լուսանկար

Հայտնի է` ինչու է ժամը 21:00–ից հետո ՀՀ տարբեր մարզերում էլեկտրականությունն անջատվել

389
(Թարմացված է 23:49 20.06.2021)
Sputnik Արմենիան այս հարցով պարզաբանում է ստացել «Էլեկտրաէներգետիկական համակարգի օպերատոր» պետական ձեռնարկության տնօրեն Մնացական Մնացականյանից։

ԵՐԵՎԱՆ, 20 հունիսի – Sputnik․ Հայաստանի տարածքում քվեաթերթիկների հաշվարկը սկսելուց հետո հոսանքազրկումները կապված են եղել «Ալավերդի» բարձր լարման գծում առաջացած խնդիրների հետ։ Տեղեկությունը Sputnik Արմենիային հայտնեց «Էլեկտրաէներգետիկական համակարգի օպերատոր» պետական ձեռնարկության տնօրեն Մնացական Մնացականյանը։ 

Նրա խոսքով` խնդիրներն ի հայտ են եկել, երբ Հայաստանը հերթական անգամ հոսանք էր ներմուծում Վրաստանից (երկու երկրները պարբերաբար հոսանք են փոխանակում կարճաժամկետ պակասուրդի դեպքում)։

Այդ դեպքում Հայաստանի էներգահամակարգի մի մասը միացվում է վրացականին կամ հակառակը։

Հերթական այդպիսի միացումը կատարվել էր ժամը 21:00–ից հետո։ 21:40–ի սահմաններում խնդիր էր առաջացել «Ալավերդի» գծի վրա, որը ներհոսք էր ընդունում Վրաստանից` Շիրակի և Լոռու մարզերի համար։ Խափանումից անմիջապես հետո այս երկու մարզերը հետ էին միացվել Հայաստանի համակարգին։

Հիշեցնենք` Հայաստանի տարբեր մարզերից ահազանգում էին հոսանքազրկումների մասին։ «Հայաստանի էլեկտրական ցանցեր» ՓԲԸ մամուլի պատասխանատու Նատալյա Սարջանյանը Sputnik Արմենիայի հետ զրույցում նշել էր, որ խնդիրը որևէ կապ չունի ՀԷՑ-ի հետ։

389
թեգերը:
Մարզ, Հայաստան, էլեկտրաէներգիա
Ըստ թեմայի
Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է
Ինչպես է ընթանում քվեաթերթիկների հաշվարկը Երևանում․ տեսանյութ
Էլեկտրոնային քվեարկության արդյունքները հայտնի են. Տիգրան Մուկուչյանն ամփոփեց տվյալները
Քննչական կոմիտե

Փորձել են քվեարկել 1-ից ավելի անգամ կամ ուրիշի փոխարեն․ ՔԿ

44
(Թարմացված է 23:02 20.06.2021)
Քվեարկությունը գաղտնիությունը խախտելու դեպքով գրանցվել է քրեական գործ, 2 անձի տրվել է կասկածյալի կարգավիճակ, ընտրվել է խափանման միջոց։

ԵՐԵՎԱՆ, 20 հունիսի – Sputnik․ ՀՀ քննչական կոմիտեում ժամը 21:00-ի դրությամբ ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ ստացվել և նախապատրաստվել է 66 նյութ, ինչպես նաև ստացվել է 2 քրեական գործ: Տեղեկությունը հայտնում է ՀՀ քննչական կոմիտեի մամուլի ծառայությունը։

«Նշված 68 դեպքերից 48-ը վերաբերում են ՀՀ քրեական օրենսգրքի 153-րդ հոդվածով նախատեսված՝ մեկից ավելի անգամ կամ այլ անձի փոխարեն քվեարկելուն, 16-ը՝ ՀՀ քրեական օրենսգրքի 154-րդ հոդվածով նախատեսված՝ քվեարկության գաղտնիությունը խախտելուն, 1-ը՝ ՀՀ քրեական օրենսգրքի 154.4-րդ և 149.2-րդ հոդվածներով նախատեսված՝ զենքով տեղամասային կենտրոն մուտք գործելուն և տեղամասային կենտրոնում և դրա մուտքին հարող տարածքում բռնություն գործադրելուն, 1-ը՝ ՀՀ քրեական օրենսգրքի 149-րդ հոդվածով նախատեսված՝ դիտորդի լիազորությունների իրականացմանը խոչընդոտելուն, 1-ը՝ ՀՀ քրեական օրենսգրքի 149.2-րդ հոդվածով նախատեսված՝ տեղամասային կենտրոնում և դրա մուտքին հարող տարածքում բռնություն գործադրելուն, 1-ը՝ ՀՀ քրեական օրենսգրքի 154.1-րդ հոդվածով նախատեսված՝ կեղծ ընտրական քվեաթերթիկներ պատրաստելուն և իրացնելուն»,- նշված է հաղորդագրության մեջ:

Այսօր հարուցվել է 3 քրեական գործ՝ զենքով տեղամասային կենտրոն մուտք գործելու և տեղամասային կենտրոնում և դրա մուտքին հարող տարածքում բռնություն գործադրելու, կեղծ ընտրական քվեաթերթիկներ պատրաստելու և իրացնելու, քվեարկության գաղտնիությունը խախտելու 1-ական դեպքերով։

Որ ուժը որքան գումար է ծախսել նախընտրական քարոզարշավի վրա. տվյալներ

Քվեարկության գաղտնիությունը խախտելու գործով 2 անձի տրվել է կասկածյալի դատավարական կարգավիճակ։ Նրանց նկատմամբ խափանման միջոց է ընտրվել ստորագրություն՝ չհեռանալու մասին:

Մնացած 65 դեպքերով լրացուցիչ նյութեր են նախապատրաստվում:

Հիշեցնենք` այսօր` հունիսի 20–ին, ժ. 08։00–20։00–ն Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ, որոնցից ընտրությանը մասնակցել են 1 281 174–ը կամ 49.4 տոկոսը։

Խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

44
թեգերը:
Ընտրություններ, ԱԺ, Հայաստան, քվեարկություն, Քննչական կոմիտե
Ըստ թեմայի
Քվեարկությանը մասնակցել են նաև 812 կալանավոր և դատապարտյալ
Դատախազությունը հիշեցնում է` քվեարկության գաղտնիությունը խախտելը հանցագործություն է
Քվեարկած թերթիկը լուսանկարելն ու տարածելն արգելված է օրենքով. ՄԻՊ
Внеочередное заседание ЦИК РА

Քվեարկության արդյունքները 6։00-ի դրությամբ