Շուռնուխում կկանգնեցվի 30 մ բարձրությամբ հայկական եռագույնը
(Թարմացված է 19:18 05.03.2021)
Մարտի 7-ին Շուռնուխում տոնական օր է լինելու՝ ավանդական կերակուրներով, մշակութային հետաքրքիր ծրագրով։ԵՐԵՎԱՆ, 5 մարտի – Sputnik․ Մարտի 7-ին Սյունիքի մարզի Շուռնուխ գյուղում հանդիսավորությամբ կբարձրացվի հայկական եռագույնը։ Գորիս համայնքի ղեկավար Առուշ Առուշանյանը Facebook-ի իր էջում հայտնում է, որ դրոշը կծածանվի 30մ բարձրության վրա։
«Հայաստանում ամենաբարձր դրոշը առաջինը տեղադրվեց Կապանում, երկրորդը կծածանվի Շուռնուխում»,- գրել է Առուշանյանը։
Նա շեշտում է՝ Շուռնուխից ընդամենը մի քանի մետր հեռավորության վրա գտնվող թշնամին միշտ պետք է զգա, որ հայ ժողովուրդը միասնական, համախմբված կերպով սահմանամերձ բնակավայրերի կողքին է։
«Հանուն հայկականության վերադարձի մենք շարունակելու ենք արարել, պայքարել հանուն մեր հողի, մեր մշակույթի, մեր արժեքների, մեր հավատքի»,- նշում է համայնքի ղեկավարը։
Նրա խոսքով՝ դրոշի բարձրացման առիթով ժամը 14։00-ից կմեկնարկեն միջոցառումներ։ Գորիս խոշորացված համայնքի բոլոր բնակավայրերը կներկայանան ավանդական կերակուրներով, Շուռնուխում ամբողջ օրը մշակութային հետաքրքիր նախաձեռնություններ կլինեն։
Հիշեցնենք՝ պատերազմի արդյունքում Արցախի որոշ շրջաններ անցել են Ադրբեջանի վերահսկողության տակ։ Դրանից հետո սկսվեց Հայաստանի և Ադրբեջանի սահմանների հստակեցման գործընթացը, ինչը խիստ դժգոհություն առաջացրեց Սյունիքի սահմանամերձ բնակավայրերի բնակիչների շրջանում։ Այնտեղ բողոքի ակցիաներ սկսվեցին, քաղաքացիները փակեցին ճանապարհները՝ պահանջելով լուծել սահմանների հարցն ու իրենց իրավունքներից, տներից և անվտանգությունից զրկող ապօրինի սահմանազատման խնդիրը։
«Բարի գալուստ Ադրբեջան». ադրբեջանցիները ՀՀ ճանապարհին նոր ցուցանակ ու դրոշներ են տեղադրել
Հատկապես սրվել էր իրավիճակը Կապան-Գորիս ճանապարհահատվածի, ինչպես նաև մի քանի գյուղերի՝ Ճակատենի, Դավիթ Բեկի, Որոտանի և Շուռնուխի, Ներքին Խնձորեսկի պատճառով։ Մասնավորապես, Շուռնուխի 12 տներ անցել են թշնամուն։
թեգերը:
Օդի ջերմաստիճանը կբարձրանա, ապա կիջնի. եղանակի տեսություն
(Թարմացված է 14:49 22.03.2021)
Օդերևութաբանները ներկայացրել են առաջիկա օրերի եղանակային կանխատեսումները Հայաստանի և Արցախի համար։ ԵՐԵՎԱՆ, 23 մարտի – Sputnik. Հանրապետության տարածքում մարտի 23-ի գիշերը և երեկոյան առանձին շրջաններում, 24-25-ը, 27-ին շրջանների զգալի մասում ժամանակ առ ժամանակ սպասվում են տեղումներ, հնարավոր է ամպրոպ։ Մարտի 26-ին սպասվում է առանց տեղումների եղանակ:
Վստահ եմ, որ առնվազն ԼՂԻՄ–ի նախկին սահմանները վերականգնվելու են. Վիտալի Բալասանյան
Տեղեկությունը հայտնում են ՀՀ ԱԻՆ «Հիդրոմետ» ծառայությունից և հավելու, որ քամին հարավ-արևմտյան է՝ 2-5 մ/վ արագությամբ, առանձին շրջաններում քամու ուժգնացում մինչև 15-20 մ/վ արագությամբ։
Օդի ջերմաստիճանը 23-ի ցերեկն աստիճանաբար կբարձրանա 5-7 աստիճանով, 24-27-ը նույնքան կնվազի:
Երևան քաղաքում մարտի 23-ի գիշերը և երեկոյան, 24-25-ը, 27-ին ժամանակ առ ժամանակ սպասվում է անձրև, հնարավոր է ամպրոպ: Մարտի 26-ին սպասվում է առանց տեղումների եղանակ:
Ի՞նչ պետք է անի կինը սրտի հետ կապված խնդիրներից խուսափելու համար
Մայրաքաղաքում մարտի 23–ի գիշերը սպասվում է 8-10 աստիճան տաքություն, իսկ ցերեկային ժամերին կգրանցվի +16...+18 աստիճան։
թեգերը:
թեմա:
Ասա արյանդ խումբն ու իմացիր՝ ինչ հիվանդություն կարող է սպառնալ քեզ․ նոր բացահայտում
(Թարմացված է 23:23 22.03.2021)
Ապագայում սա հնարավորություն կտա բժիշկներին մշակել կանխարգելիչ մեթոդներ հնարավոր հիվանդության զարգացումը կանխելու համար։
ԵՐԵՎԱՆ, 22 մարտի – Sputnik․ Երկրորդ և երրորդ արյան խումբ ունեցող մարդիկ 8%-ով ավելի բարձր ռիսկայնության խմբում են սրտի կաթված ստանալու, քան առաջին խմբի արյուն ունեցողները։ WomanEL-ի փոխանցմամբ՝ նման հետազոտություն է հրապարակվել Ամերիկյան սրտաբանական ասոցիացիայի ամսագրում։
Նշվում է, որ չնայած կորոնավիրուսային համավարակին՝ սրտի կաթվածից և սրտային անբավարարությունից մահացությունը շարունակում է մնալ աշխարհում առաջին տեղում։
Հասկանալու համար՝ արդյոք դուք հակված եք սրտանոթային հիվանդություններ կամ խնդիրներ ունենալու, անհրաժեշտ է իմանալ ձեր արյանը խումբը։ Հետազոտությանը մասնակցել է ավելի քան 400 հազար մարդ։
Այսպիսով, սրտի անբավարարությունը 10%-ով ավելի արագ է զարգանում A (II) կամ B (III) արյան խումբ ունեցող մարդկանց մոտ, քան 0 (I) առաջին խմբի:
Ընդ որում, A և B արյան խմբի մարդկանց մոտ խորը երակների թրոմբոզի զարգացման ռիսկը 51% - ով և թոքային զարկերակի թրոմբոԷմբոլիայի զարգացման ռիսկը 47% - ով ավելի բարձր է, քան 0 արյան տեսակ ունեցող մարդկանց մոտ։
Այնուամենայնիվ, 0 տիպի արյունով մարդիկ ավելի հաճախ են հակված զարկերակային ճնշմանը:
Հիշեցնենք, որ ԱՀԿ-ի տվյալներով՝ սրտանոթային հիվանդություններից մահվան դեպքերի թիվը 2000 թվականից ի վեր աճել է ավելի քան 2 միլիոնով և 2019 թվականին հասել է գրեթե 9 միլիոնի:
Սրտի հիվանդություններին այսօր բաժին է ընկնում աշխարհում մահվան բոլոր դեպքերի 16 տոկոսը։
Մեծամորի էներգետիկները կուսումնասիրեն ռուսական ատոմակայանների փորձը
(Թարմացված է 16:04 22.03.2021)
Կուսումնասիրվի նման նախագծերով կառուցված ռուսական կայանների փորձը, որոնց ծառայության ժամկետը արդեն երկու անգամ հաջողությամբ երկարաձգվել է։
ԵՐԵՎԱՆ, 23 մարտի - Sputnik. Մեծամորի ԱԷԿ-ի էներգետիկները կուսումնասիրեն ռադիոակտիվ թափոնների պահպանման ու ռեակտորի վթարային պաշտպանության համակարգերի արդիականացման ժամանակակից մեթոդների հարցում ռուսական կայանների փորձը: Տեղեկությունը Sputnik Արմենիայի հետ զրույցում հայտնեց ռուսական «Ռուսատոմ Սերվիս» ընկերության մասնագետ, ռուսական կողմից Հայկական ԱԷԿ-ի շահագործման ժամկետի երկարաձգման նախագծի ղեկավար Յուրի Սվիրիդենկոն։
©
Sputnik / Aram Nersesyan
Ապրիլի կեսերին կայանի մասնագետները ճանաչողական այց կկատարեն երկու ռուսական ատոմակայան՝ Նովովորոնեժկայա (4-րդ բլոկ) ու Կոլսկայա: Այդ կայարաններում առավել հարմար է ուսումնասիրել հայկական ԱԷԿ-ի սպասարկման ժամկետը 2026 թվականից հետո կրկին երկարացնելու հնարավորությունը։ Վերոնշյալ կայանները, որտեղ արդեն նման աշխատանքներ են իրականացվել, նախագծով նման են Մեծամորի ԱԷԿ-ին, քանի որ նույնպես կառուցված են ՎՎԵՐ-440 ռեակտորների վրա:
Փորձի փոխանակման ընթացքում շեշտը դրվելու է կայանի հետևյալ հանգույցների վրա.
Ռեակտորի վթարային սառեցում
Առաջինը՝ նոր անվտանգության համակարգերի ներդրում, ինչպիսիք են ռեակտորի ակտիվ գոտու վթարային սառեցումը: Կուսումնասիրվեն նաև ԱԷԿ-ի անվտանգության այլ համակարգեր։
Ռադիոակտիվ թափոնների պահեստարաններ, թափոնների կառավարման մեթոդներ
Երկրորդ շեշտը դրվելու է ռադիոակտիվ թափոնների պահեստարանների ու դրանց երկարատև պահպանման համար նոր տարաների, ինչպես նաև հեղուկ թափոնների գոլորշիացման նոր տեխնոլոգիաների վրա:
«Այսինքն՝ ուսումնասիրվելու են հարցեր՝ ինչպես նվազեցնել թափոնների քանակը, ինչպես դրանք պահել։ Խոսքը թաղելու մասին չէ, այլ ժամանակավոր, բայց երկարաժամկետ՝ մի քանի տասնամյակ, անվտանգ պահման մասին է», - նշել է Սվիրիդենկոն։
«Հետ –Ֆուկուսիմա»
Վերջապես, ուշադրություն կդարձնեն ԱԷԿ-ի պահուստային ու վթարային սնուցման համակարգերին: Դրա համար կայարանում կան դիզելային գեներատորներ, որոնք կայանին էլեկտրականություն են մատակարարում պլանային դադարի (վերանորոգման աշխատանքների) ժամանակ ու վթարի դեպքում:
Փակման մասին խոսակցությունները փուչ են. ԱԷԿ-ում ամրապնդելու են ռեակտորի պաշտպանությունը
«Այդ վթարային համակարգերը, որոնք անվանում են «հետ-ֆուկուսիմյան», ներդրվել են Կոլսկայա եւ Նովովորոնեժսկայա կայաններում, ու հայ գործընկերները կկարողանան ծանոթանալ դրանց», - ավելացրեց Սվիրիդենկոն:
Սառեցման աշտարակներ
Համագործակցության ընդհանուր համատեքստում քննարկվում է նաև սառեցման աշտարակների (հովացման աշտարակներ) վերանորոգման տեխնոլոգիան։ Դրանք սառեցնում են ջուրը, որն օգտագործվում է տուրբինները պտտելու համար։ Որքան արդյունավետ է սառեցումը, այնքան ավելի մեծ հզորությամբ կգործեն տուրբինները և այնքան ավելի շատ էլեկտրաէներգիա կկարողանա տալ կայանը։
©
Photo : пресс-служба АО «Русатом Сервис»
ՀՀ տարածքային կառավարման և ենթակառուցվածքների նախարարության Էներգետիկայի գիտահետազոտական ինստիտուտի մի շարք մասնագետներ առաջ են քաշում չոր (թացի փոխարեն) սառեցում մտցնելու գաղափարը։ Այս դեպքում այն ջուրը, որը պտտեցնում է գեներատորները, չի գոլորշիանա սառեցման ժամանակ, ու կայանը ստիպված չի լինի մշտապես համալրել ջրի պաշարը (մոտակա Սևջուր գետից): 2016-17 թվականներին «Ռոսատոմի» ձեռնարկությունները կազմել են գործող, «թաց» սառեցման համակարգերի արդիականացման նախագիծ և զուգահեռաբար դիտարկել դրանք «չորով» փոխարինելու հնարավորությունը։
«Անհրաժեշտ է քննարկել տնտեսական արդյունավետությունը, դրա համար պետք է տեսնել, թե ինչպիսի նոր նախագծային լուծումներ են առաջարկում հայ գործընկերները», - ավելացրեց Սվիրիդենկոն:
Այս բոլոր աշխատանքներն անհրաժեշտ է իրականացնել 2026 թվականից հետո կայանի ծառայության ժամկետը երկարացնելու համար։