Տիրան Խաչատրյան

Տիրան Խաչատրյանը դատարան է դիմել. նա համաձայն չէ ՀՀ նախագահի հրամանագրի հետ

248
(Թարմացված է 13:00 04.03.2021)
Խաչատրյանի դիմումը դատարան մուտքագրվել է մարտի 3-ին ու մակագրվել վարչական դատարանի դատավոր Մերի Համբարձումյանին։

ԵՐԵՎԱՆ, 4 մարտի -Sputnik. ՀՀ զինված ուժերի գլխավոր շտաբի պետի առաջին տեղակալ, ՀՀ ազգային հերոս Տիրան Խաչատրյանը դիմել է ՀՀ վարչական դատարան` իրեն պաշտոնից ազատելու մասին ՀՀ նախագահի հրամանագիրն անվավեր ճանաչելու պահանջով։

Ինչպես պարզ է դառնում դատական տեղեկատվական համակարգի datalex.am կայքում հրապարակված հայցադիմումից, այն դատարան է մուտքագրվել մարտի 3-ին ու մակագրվել վարչական դատարանի դատավոր Մերի Համբարձումյանին։

Գործով որպես պատասխանող է ներգրավվում ՀՀ նախագահ Արմեն Սարգսյանը, որպես երրորդ անձինք` ՀՀ վարչապետի աշխատակազմն ու ՀՀ Զինված ուժերի գլխավոր շտաբը:

Հիշեցնենք`2021թ. փետրվարի 24-ին ՀՀ նախագահ Արմեն Սարգսյանը, հիմք ընդունելով վարչապետի առաջարկությունը, հրամանագիր էր ստորագրել Տիրան Խաչատրյանին զբաղեցրած պաշտոնից ազատելու մասին։

Դրան հաջորդել էր նաև ԳՇ պետ Օնիկ Գասպարյանի ազատման հրամանագրի միջնորդությունը, որը ՀՀ նախագահը առարկություններով փետրվարի 27-ին հետ էր ուղարկել վարչապետին։ Բայց վարչապետի աշխատակազմն այն ժամեր անց կրկին ուղարկել էր նախագահին։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

Հայրենիքի փրկության շարժումը այդ տեղեկությունից հետո հայտարարեց, որ շտապ հանդիպում է պահանջում նախագահի հետ։

Բանակը չի ենթարկվի Օնիկ Գասպարյանին ազատելու որոշմանը. Վազգեն Մանուկյան

248
թեգերը:
Դատարան, Նախագահ, Տիրան Խաչատրյան
Ըստ թեմայի
«Աջակցությունս եմ հայտնում զինակից ընկերոջս». ևս մեկ գեներալ փոխմարզպետ հրաժարական տվեց
Ովքեր են ԳՇ պետի հավանական թեկնածուները. ընտրությունն այնքան էլ հեշտ չէ. «Փաստ»
Նախագահը պետք է կողմնորոշվի. Քոչարյանը մեկնաբանել է՝ ԳՇ-ի հայտարարությունը որտեղից է գալիս
Գարիկ Մարտիրոսյանը կնոջ հետ

«Ցավոք, հասկանում է». Մարտիրոսյանը խոսել է կնոջ հայերենի իմացության ու հայերի պաթոսի մասին

102
Երգիծաբան Գարիկ Մարտիրոսյանն իրեն բնորոշ ոճով է պատասխանել օգտատերերի լուրջ ու զվարճալի հարցերին։

ԵՐԵՎԱՆ, 19 ապրիլի - Sputnik. Հայտնի պրոդյուսեր և երգիծաբան Գարիկ Մարտիրոսյանը Instagram-ի հետևորդներին պատմել է կնոջ՝ Ժաննա Լևինայի հայերենի իմացության մասին:

«Ցավոք, (հայերեն) չի խոսում, բայց, ցավոք, ամեն ինչ հասկանում է», - ասել է դերասանը։

Гарик Мартиросян отвечает на вопросы подписчиков в Instagram
Գարիկ Մարտիրոսյանը պատասխանում է հետևորդների հարցերին

Իսկ ինքը ոչ միայն խոսում է մայրենի լեզվով, այլև լռում է հայերեն։

Гарик Мартиросян отвечает на вопросы подписчиков в Instagram
Գարիկ Մարտիրոսյանը պատասխանում է հետևորդների հարցերին

Հետևորդներից մեկը հարցրել է, թե ինչու են Գարիկին պաթետիկ հայ համարում։

«Շատ իզուր են այդպես համարում։ Դրանք լրիվ ձեռ են առել իրենց», - ասել է Comedy Club-ի աստղը։

Гарик Мартиросян отвечает на вопросы подписчиков в Instagram
Գարիկ Մարտիրոսյանը պատասխանում է հետևորդների հարցերին

Գարիկը խոսել է նաև ֆուտբոլի մասին և խոստովանել` եթե Հայաստանը հայտնվի ֆուտբոլի աշխարհի առաջնությունում, դա կլինի իր` ֆուտբոլային-երկրպագուի կյանքի լավագույն իրադարձությունը:

Гарик Мартиросян отвечает на вопросы подписчиков в Instagram
Գարիկ Մարտիրոսյանը պատասխանում է հետևորդների հարցերին

Մարտիրոսյանն ընդգծել է, որ իր համար լավագույն ֆուտբոլիստ է եղել և կա Հենրիխ Մխիթարյանը:

Гарик Мартиросян отвечает на вопросы подписчиков в Instagram
Գարիկ Մարտիրոսյանը պատասխանում է հետևորդների հարցերին

Նրան նաև քաղաքական հարցեր են ուղղել։ «Ցանկանո՞ւմ եք արդյոք ՀՀ վարչապետ դառնալ» հարցին Մարտիրոսյանը կտրուկ պատասխան է տվել. «Ո՛չ»։

Гарик Мартиросян отвечает на вопросы подписчиков в Instagram
Գարիկ Մարտիրոսյանը պատասխանում է հետևորդների հարցերին

Ինչ վերաբերում է Միխայիլ Գալուստյանի հետ համատեղ նախագծերին, ապա ըստ Գարիկի` շուտով կսկսվի «Կիտրոն» նոր շոուն, ինչպես նաև կներկայացվի ալտեր էգո Գալուստյանի՝ Սուպեր Ժորիկի հիթը:

Гарик Мартиросян отвечает на вопросы подписчиков в Instagram
Գարիկ Մարտիրոսյանը պատասխանում է հետևորդների հարցերին

Գարիկ Մարտիրոսյանի կինը գովազդել է հայ նկարչին. լուսանկարներ

«Վայ, ես մեռա՜»․ ինչպես էր Բուզովան մոռացել Գարիկ Մարտիրոսյանի կնոջ անունը

Նա ապրում էր սևահեր կնոջ հետ. Գարիկ Մարտիրոսյանի կինը արխիվային լուսանկար է հրապարակել

102
թեգերը:
հայերեն, հայ, Գարիկ Մարտիրոսյան
Ըստ թեմայի
«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին
«Տանը մնացած կլինեիր»․ ինչպես են Գարիկ Մարտիրոսյանն ու կինը «փոխել սեռերը»․ լուսանկար
Նախընտրած երգից մինչև քաղաքականություն. Գարիկ Մարտիրոսյանը մի շարք հարցերի է պատասխանել
Գարիկ Մարտիրոսյանի կինը գլխին անդրկովկասյան կոլորիտով գլխարկ է «աճեցրել». լուսանկար
8–ամյա Վահեն հիվանդանոցում

Չէինք հավատում, որ կփրկվի. Վահեն 1 տարում 15-ից ավել վիրահատություն է տարել և ոտքի կանգնել

341
(Թարմացված է 18:05 19.04.2021)
Ավտովթարի հետևանքով ծանր վնասվածքներ ստացած Վահեն դեպքից 1 տարի անց արդեն կարողանում է քայլել, սակայն դեռ չի խոսում։ Հունիսին ռուս պրոֆեսորի մասնակցությամբ նրան մեր երկրի վիրաբուժության մեջ աննախադեպ համարվող, բարդ վիրահատություն է սպասվում։

ԵՐԵՎԱՆ, 19 ապրիլի - Sputnik, Կարինե Հարությունյան. «Սուրբ Աստվածամայր» բուժկենտրոնի հիվանդասենյակներից մեկն էականորեն տարբերվում է մյուսներից. այս սենյակում ինչ ասես կա` փոքրիկ ակվարիումից մինչև հսկայական փափուկ արջուկ խաղալիք։  Հիվանդասենյակն ավելի շուտ մանկական սենյակ է հիշեցնում, և զուր չեն այդքան խաղալիքներն այնտեղ` 8-ամյա Վահե Մոսինյանն արդեն 1 տարի է` հիվանդանոցում է։

8-летний Ваге Мосинян с родителями
© Sputnik / Asatur Yesayants
Վահեն` ծնողների հետ

Վահեն, որը հիվանդանոց էր ընդունվել ծայրահեղ ծանր, անհույս վիճակում և այս ընթացքում 15-ից ավելի վիրահատություն է տարել, այսօր քայլակի օգնությամբ քայլելով է դուրս է գրվելու։

Մեկ տարի առաջ ապրիլին Վայոց Ձորում ավտովթար էր տեղի ունեցել, որի հետևանքով մեքենան ձորն էր ընկել ու բռնկվել։ Ընտանիքի 4 անդամներից միայն Վահեն էր այդքան շատ վնասվածք ստացել` մարմնի 80%-ի ախտահարմամբ այրվածքներ։ Հայրը, մայրը, քույրն ու եղբայրը քիչ են տուժել։

8-летний Ваге Мосинян, получивший 80% ожогов в дорожно-транспортном происшествии, выписывается из больницы через год
© Sputnik / Asatur Yesayants
8–ամյա Վահեն

«Ապրիլի 28-ին երեխան ընդունվեց մեր վերակենդանացման բաժանմունք` 60 տոկոս մարմնի և 20 տոկոս շնչուղիների այրվածքներ ուներ։ Երեխայի վիճակը գրեթե անհույս էր.  նաև այրվածքաբանների կողմից է գնահատական տրվել, թե հնարավոր է` մի քանի օրից մահանա։ Համակարգված աշխատանքի ու մասնագետների ջանքերի շնորհիվ կարողացանք տղային դուրս բերել այդ վիճակից»,–պատմում է «Սուրբ Աստվածամայր» ԲԿ–ի բուժգծով փոխտնօրեն Դավիթ Դալլաքյանը։

Իհարկե հեշտ չի անցել 1 տարվա բուժման ընթացքը. փոքրիկ Վահեն ամիսներ շարունակ երակով էր սնունդ ստանում, ձեռքի ու ոտքի մատները չէին առանձնանում... Երեխան 4 ամիս վերակենդանացման բաժանմունքում է եղել, և խորը դեպրեսիայի մեջ գտնվել, քանի որ միայն սպիտակ պատերն է տեսել օրեր շարունակ։

8-летний Ваге Мосинян, получивший 80% ожогов в дорожно-транспортном происшествии, выписывается из больницы через год
© Sputnik / Asatur Yesayants
8-летний Ваге Мосинян, получивший 80% ожогов в дорожно-транспортном происшествии, выписывается из больницы через год

Հիմա, սակայն, երեխայի միայն գլխի հետևի հատվածում կան վերքեր, մնացածն արդեն անցել է։ Դալլաքյանն ասում է, որ Վահեն դեռ չի կարողանում խոսել, քանի որ շնչափողի մեջ  տրախիոստոմիկ խողովակ է դրված, որպեսզի բերանի պարունակությունը շնչուղիներ չլցվի։ Սակայն դրանից ազատվելն էլ մի քանի ամիսների հարց է։

Մարտունիում վիրավորված 2-ամյա Արծվիկը կրկին ժպտում է ու խաղում. տեսանյութ

«Հունիսին ՌԴ–ի Ֆիլատովի անվան հիվանդանոցից մեր լավ ընկերը` պրոֆեսոր Ալեքսանդր Ռազումովսկին է ժամանելու Հայաստան. մեր երկրի մանկական վիրաբուժության մեջ աննախադեպ համարվող մի վիրահատություն կիրականացնենք։ Պետք է շնչափողի մասնահատում և կերակրափողի դեֆեկտի փակում կատարվի, որից հետո երեխան կկարողանա խոսել»,–ասաց  Դալլաքյանը` հավելելով, որ բարդ վիրահատություն է սպասվում փոքրիկին։

Замдиректора по медицинской части МЦ «Сурб Аствацамайр» Давид Даллакян
© Sputnik / Asatur Yesayants
«Սուրբ Աստվածամայր» ԲԿ–ի բուժգծով փոխտնօրեն Դավիթ Դալլաքյանը

Մինչ բժիշկը խոսում է` փոքրիկ Վահեն է քայլակի օգնությամբ իր մայրիկի հետ մոտենում մեզ։ Երեխան ուսումնասիրում է մեզ, իսկ բժիշկներին տեսնելով, ժպտում` արդեն հարազատ մարդիկ են դարձել։ Վահեն չի կանգնում մեզ մոտ` միջանցքով տեղաշարժվում է, այդ ընթացքում իրեն հանդիպած բոլոր բժիշկներին ժպիտի միջոցով բարևում։

Հիվանդանոցի Վերակենդանացման բաժանմունքի վարիչ Աննա Չոբանյանը հայտնում է` նման ծայրահեղ ծանր վիճակում գտնվող և հիմա այս արդյունքը գրանցած դեպք դեռ չէին ունեցել։ Նրա խոսքով` երեխան 35 կգ քաշով է հիվանդանոց ընդունվել, որից հետո 15 կգ.-ի էր հասել։ Այսօր, սակայն, Վահեն 21 կիլոգրամ է կշռում։

Руководитель реанимационного отдела МЦ «Сурб Аствацамайр» Анна Чобанян
© Sputnik / Asatur Yesayants
Վերակենդանացման բաժանմունքի վարիչ Աննա Չոբանյանը

«Անգամ երեխայի ծնողները չէին հավատում, որ նման արդյունք կունենանք, բայց մենք` բժիշկներով հույս ունեինք, որ երեխան կարողանալու է բնականոն կյանքով ապրել։ Սակայն երբ երեխան լիարժեք կյանքով կապրի` դժվար է ասել, դեռ կարևոր վիրահատություն ունի»,–ասաց Չոբանյանը։

Փոքրիկ Վահեն արդեն միջանցքով մի մեծ պտույտ է կատարել և նորից մեզ հասել. երեխայի մայրը` Աննա Ասլանյանը, հուզված է` մե՛կ մեզ, մե՛կ տղային է նայում։

Մայրն անկեղծանում է` հրաշք է տեղի ունեցել, իրենք էլ չէին սպասում, որ նման արդյունք կլինի։

8-летний Ваге Мосинян, получивший 80% ожогов в дорожно-транспортном происшествии, выписывается из больницы через год
© Sputnik / Asatur Yesayants
Փոքրիկ Վահեն հիվանդանոցում

«Շատ մեծ դժվարության միջով ենք անցել։ Ամեն օր վերականդանացման բաժանմունքի դռան մոտ կանգնած լավ լուրի էինք սպասում։ Մեզ հույս էր տալիս այն, որ երեխայիս վիճակը ծանր, բայց կայուն է»,–ասում է մայրն, ու ձայնը դողում է։

Վահեի սենյակ ենք գնում. այս օրերին երեխայի միակ զբաղմունքը նոթբուքն է եղել և բարեկամներից մեկի` Սանկտ Պետերբուրգից պատվիրած ակվարիումը` 12 ձկներով։ Մայրն ասում է` տղան սիրում է նստել ու նայել ձկներին, կերակրել նրանց, և բժիշկները թույլատրել են, որպեսզի ակվարիումը հիվանդասենյակում թողնեն։

  • 8–ամյա Վահե Մոսինյանն ու մայրը` հիվանդանոցում
    8–ամյա Վահե Մոսինյանն ու մայրը` հիվանդանոցում
    © Sputnik / Asatur Yesayants
  • 8–ամյա Վահե Մոսինյանը` հիվանդանոցում
    8–ամյա Վահե Մոսինյանը` հիվանդանոցում
    © Sputnik / Asatur Yesayants
  • 8–ամյա Վահե Մոսինյանը` հիվանդանոցում
    8–ամյա Վահե Մոսինյանը` հիվանդանոցում
    © Sputnik / Asatur Yesayants
  • 8–ամյա Վահե Մոսինյանը` հիվանդանոցում
    8–ամյա Վահե Մոսինյանը` հիվանդանոցում
    © Sputnik / Asatur Yesayants
  • 8–ամյա Վահե Մոսինյանը` հիվանդանոցում
    8–ամյա Վահե Մոսինյանը` հիվանդանոցում
    © Sputnik / Asatur Yesayants
  • 8–ամյա Վահե Մոսինյանն ու մայրը` հիվանդանոցում
    8–ամյա Վահե Մոսինյանն ու մայրը` հիվանդանոցում
    © Sputnik / Asatur Yesayants
  • 8–ամյա Վահե Մոսինյանը` հիվանդանոցում
    8–ամյա Վահե Մոսինյանը` հիվանդանոցում
    © Sputnik / Asatur Yesayants
  • 8–ամյա Վահե Մոսինյանը` հիվանդանոցում
    8–ամյա Վահե Մոսինյանը` հիվանդանոցում
    © Sputnik / Asatur Yesayants
1 / 8
© Sputnik / Asatur Yesayants
8–ամյա Վահե Մոսինյանն ու մայրը` հիվանդանոցում

Մինչև դեպքը, Վահեն դպրոց էր հաճախում, շախմատի գնում։ Վահեին հարցնում եմ` շարունակելո՞ւ է շախմատ խաղալ, ի պատասխան տղան գլխով դրական նշան է անում, և արդեն ինձ էլ ժպտում։

Վահեին շատ չհոգնեցնելու համար դուրս եմ գալիս հիվանդասենյակից, իսկ նրա մայրը խնդրում է հատուկ շնորհակալություն փոխանցել բոլոր բժիշկներին (Արտակ Գևորգյան, Արամ Սահակյան, Արթուր Հարությունյան, Նարինե Էվինյան), որոնք այս ընթացքում սեփական երեխային պես են վերաբերվել իր որդուն։

341
թեգերը:
վիրահատություն, ավտովթար, Երևան, Հայաստան, երեխա
Ըստ թեմայի
12-ամյա հայուհին գերել է գերմանական «Ձայնը. Երեխաներ» երգի մրցույթի ժյուրիին
«3 երեխաներիս ի՞նչ անեմ». հայրն ու որդին զոհվել են նույն օրը` պաշտպանելով սեփական գյուղը
«Չի կարելի երեխաներին խրախուսել քաղցրավենիքով»․ սննդաբանը՝ շաքարի թույլատրելի չափի մասին
Կուբա

«Ցավդ տանեմ, Մալենկով, տասը ոչխար, հինգը կով»

0
Եկեք անկեղծ լինենք։ Ոչ բոլորը գիտեն, որ Հայաստանին և Կուբային միավորում է երկու հանգամանք՝ երկուսն էլ անմիջական առնչություն ունեն ԵԱՏՄ-ի հետ՝ Հայաստանը՝ որպես լիիրավ անդամ, Կուբան՝ որպես դիտորդ, և երկուսն էլ ընդհանուր սահման չունեն այդ կազմակերպության հետ։

Ցավդ տանեմ, Մալենկով, տասը ոչխար, հինգը կով

Ինչո՞ւ եմ որոշել այսօր խոսել Կուբայի մասին. ապրիլի 19-ին, Հավանայում ավարտվում է ոչ միայն Կուբայի կոմունիստական կուսակցության քառօրյա համագումարը, այլև փաստորեն ավարտվում է Կաստրոների դարաշրջանը, քանզի Ֆիդել Կաստրոյի կրտսեր եղբորը՝ Ռաուլ Կաստրոյին, միակ կուսակցության առաջնորդի պաշտոնում այսուհետ փոխարինելու է Միգել Դիաս-Կանելը։ Նա Կուբայի նախագահն է, բայց, ինչպես և ժամանակակից Հայաստանում, նախագահին ընտրում է ոչ թե ժողովուրդը, այլ խորհրդարանը, հենց այդ պատճառով երկու երկրներում էլ նախագահը սահմանափակ լիազորություններ ունի։

Երկնաքար. արխիվային լուսանկար
© CC BY 2.0 / Hubble ESA / Artist's view of watery asteroid in white dwarf star system GD 61

​Այ հիմա Միգել Դիաս-Կանելը լիակատար իշխանություն կունենա, որովհետև գոնե առայժմ Կուբան մնում է սոցիալիստական պետություն, իսկ մեր ավագ սերնդի ներկայացուցիչները հաստատ հիշում են, թե ինչպիսին էր սոցիալիստական Հայաստանը։ Իհարկե, ամեն ինչ էլի որոշվում էր Բաղրամյան պողոտայի այն շենքում, որտեղ այժմ նիստեր է անցկացնում մեր պառլամետը, պարզապես Սովետի օրոք այնտեղ նստում էին կոմունիստները, որոնք որոշում էին ամեն ինչ, իսկ խորհրդարանը, որը ժամանակ առ ժամանակ հավաքվում էր Մելիք Ադամյան փողոցի նիստերի դահլիճում, ուղղակի միահամուռ հավանություն էր տալիս Կոմկուսի Կենտկոմից ստացված բոլոր օրինագծերին։

​Արդյոք համեմատաբար երիտասարդ Միգել Դիաս-Կանելը, որն այսօր դեռ 60 տարեկան է, իսկ 61-ը կբոլորի վաղը՝ երեքշաբթի օրը, կարո՞ղ է ստանձնել, այսպես ասենք՝ կուբայական Գորբաչովի դերը և արմատական բարեփոխումներ իրականացնել, որոնք ի վերջո կհանգեցնեն բազմակարծության և ժողովրդավարության հաղթանակին։ Հենց այս մասին են վիճաբանում բազմաթիվ վերլուծաբաններ, սակայն թող ներեն ինձ տարբեր երկրների մեկնաբանները, բայց պիտի ասեմ՝ գոնե այս դեպքում ես նրանց հոռետեսական կանխատեսումներին մեծ, շատ մեծ վերապահումներով են վերաբերվում՝ հիշելով անհերքելի փաստը. նույնիսկ առաջատար ամերիկացի վերլուծաբանները խոստովանել են, որ 80-ականներին չեն կարողացել ճիշտ կանխատեսել այն, ինչ 90-ականների սկզբին տեղի ունեցավ հզոր տերությունում՝ Խորհրդային Միությունում։

Ստախոսը երբեք հաջողություն չէր ունենա, եթե մենք հակված չլինեինք հավատալ իր ստերին

​Իհարկե, կան օբյեկտիվ գործընթացներ, որոնք առաջիկա տարիներին իրենց ազդեցությունն են գործելու Կուբայում տիրող իրավիճակի վրա։ Օրինակ՝ օրեցօր ընդլայնվող տեղեկատվական ազատությունը։ Հիշեցնեմ, որ դեռ Սովետի ճահճացման տարիներին հայտնի գրող Ալեքսանդր Սոլժենիցինը փաստել էր՝ այս պետությունը խարսխվում է ստի վրա, եթե հանկարծ գոնե մեկ օր բոլորը հրաժարվեն ստից, այս իշխանությունը կտապալվի։ Համաձայնե՛ք, մոտավորապես այդպես էլ եղավ։ Ավելին, կարծում եմ, որ այս ձևակերպումը՝ «եթե բոլորը գոնե մի օր հրաժարվեն ստից, իշխանությունները կտապալվեն» ամենատարբեր երկրներում շատ հրատապ է մինչև հիմա։ Հասկանում եք, չէ՞, թե կոնկրետ որ երկիրը նկատի ունեմ։ Իհարկե, Հյուսիսային Կորեան։

​Սակայն երևի ճիշտ են նաև այն փորձագետները, որոնք պնդում են՝ Սովետը քանդվեց հիմնականում տնտեսական գործոնների պատճառով։ Այս առումով իրավիճակը Կուբայում ամենևին էլ մխիթարական չէ։ Երբ կազմալուծվեց Խորհրդային Միությունը, Կուբան միանգամից զրկվեց հսկայական օգնությունից, որը ստանում էր Մոսկվայից։ Իսկ անհավատալի էժան նավթից Հավանան զրկվեց այն ժամանակ, երբ այդ նավթը փաստորեն որպես նվեր մատուցող Ուգո Չավեսի մահից հետո Վենեսուելայում բազում անլուծելի պրոբլեմներ առաջացան, վերացավ նույնիսկ զուգարանի թուղթը։

​Ընդամենը երկու օրինակ բերեմ, որոնք ցույց են տալիս, թե ինչպես է խորհրդային տիպի սոցիալիզմը խոչընդոտում Կուբայի տնտեսության զարգացմանը։ Շատերը հավատացած են, թե բոլոր կողմերից ծովերով ու օվկիանոսներով շրջապատված Կուբա կղզում էժան ծովամթերքը լիքն է։ Չարաչար սխալվում եք՝ ծովամթերք հիմնականում կարող եք ըմբոշխնել ռեստորաններում, որտեղ այն շատ թանկ է, որովհետև ամսական 30 դոլար ստացող կուբացին ռեստորան չի գնում, օտարերկրյա զբոսաշրջիկներն են գնում։ Ու սա հետևանք է այն բանի, որ ձկնորսությամբ զբաղվում է հիմնականում միայն պետությունը, որը բազում խոչընդոտներ է հարուցում մասնավորի համար։

​Նույնն է վիճակը նաև կովաբուծության բնագավառում, ինչի արդյունքում խիստ սահմանափակ է ազատ վաճառվող տավարի մսի ծավալը։ Հիշո՞ւմ եք՝ Ստալինի մահից հետո երկրի փաստացի ղեկավար դարձավ Գեորգի Մալենկովը, և եթե Իոսիֆ Վիսարիոնովիչի օրոք գյուղացուն թույլատրում էին պահել ընդամենը երկու ոչխար և մեկ կով, ապա Մալենկովը վերացրեց այդ սահմանափակումը, և ժողովրդի կողմից արժանացավ այս գովասանական երկտողին. «Ցավդ տանեմ, Մալենկով, տասը ոչխար, հինգը կով»։ Արդյոք Կուբայի նոր ղեկավարին էլ ժողովուրդը երկտող կձոնի։

Ինչպես սիրում են ասել հայաստանցի վերլուծաբանները՝ ժամանակը ցույց կտա։

 

0
թեգերը:
ԽՍՀՄ, Կուբայի Հանրապետություն
Ըստ թեմայի
Պատվաստանյութ՝ ճանաչումից հրաժարվելու դիմաց, կամ Չինաստանի և Պարագվայի յուրօրինակ շփումը
Արքայազն Ֆիլիպ. «Ես ուղղակի կամ, ու վե՛րջ»
Ռեկորդակիր կողոպուտը, կամ ինչպես վնասված անվադողը «փրկեց» Վան Գոգի 20 կտավը