խաղող, մթերում հայաստան, արտադրող, hayastan, mterum, xaxox, gyuxacy
Արխիվային լուսանկար

Տարաները դեռ լիքն են. արտադրողներն այս տարվա համար գյուղացուն մեծ խոստումներ չեն տալիս

333
Գինու– կոնյակի գործարաններն անցյալ տարվա խաղողի գումարները դեռ գյուղացուն չեն վճարել։ Կառավարությունն աջակցության ծրագիր է մտածում։ Բայց արտադրողները նախազգուշացնում են` այս տարի անցյալ տարվա մթերման ծավալները գյուղացուն չեն խոստանում։

Հայ գինեգործներն ու կոնյակագործներն անցյալ տարվա դժվարությունները դեռ չթոթափած` արդեն անհանգստանում են այս տարվա սպասվող դժվարությունների համար։ Այս մասին Sputnik Արմենիայի հետ զրույցում հայտնեց Իջևանի գինու, կոնյակի գործարանի տնօրեն Ատոմ Եգորյանը` հիշեցնելով, որ 2020թ–ին անսալով կառավարության հորդորին` իրենց գործարանն էլ այլ մթերողների շարքում խաղողագործներից մեծ ծավալի բերք էր մթերել, ու առայսօր դեռ չի կարողացել անգամ գյուղացիների պարտքերը մարել։

«Շատ մարդիկ անգամ լացակումած էին գալիս գործարանի դռան առջև, խնդրում էին, որ խաղողը մթերենք։ Մեծ մասամբ բոլորին ասել ենք, որ գումարները վճարելու ենք հնարավորություններից ելնելով, որ խաղողը մեզ պետք չի, ու հիմա այդ պարտավորությունը փորձում ենք կատարել գոնե մինչև սեպտեմբեր ամիսը»,– ասաց տնօրենը` հավելելով, որ 2020-ին իրենց պլանավորածից 2 անգամ ավելի խաղող են մթերել։

Եգորյանը նշեց, որ գյուղացիներից ոմանք գումարի ուշացումներից դժգոհ դիմում են մարզպետարան, կառավարություն, որտեղից իրենք զանգեր են ստանում, թե ինչո՞ւ այս կամ այն գյուղացու հարցը չեք լուծում։

2020–ի կորոնավիրուսի համաշխարհային համավարակի ու արցախյան պատերազմի տարում Հայաստանից խաղողի գինիների արտահանումը պաշտոնական տվյալներով նվազել է 18, կոնյակի սպիրտինը` 23 տոկոսով:

Բայց այսօր արդեն թե՛ ներքին, ու թե՛ արտաքին շուկաներում, Ատոմ Եգորյանի դիտարկմամբ, որոշակի տեղաշարժ նկատվում է, ինչը հույս է ներշնչում, որ առաջիկա մթերման սեզոնին արտադրողները նորից կլինեն գյուղացու կողքին։

Ներկա պահին, սակայն, գործարանի տնօրենի հաշվարկով, իրենք կարողացել են մարել անցյալ տարի մթերած խաղողի դիմաց գյուղացիներին պարտք մնացած գումարի 75 տոկոսը։ Պարտքի մնացած 25 տոկոսը դեռ մնում է չվճարված։

Եթե ճանապարհներ չենք փակել, դեռ չի նշանակում, որ մեր խնդիրները լուծվել են. Սարգսյան

Ու մինչ գործարանում մտածում են անցյալ տարվա պարտքերը մարելու մասին, արտադրողների դուռը ամիսներ անց թակելու է արդեն մթերման նոր սեզոնը։

«Մենք այս տարի պատրաստ կլինենք մթերում անելու, բայց ոչ մեծ քանակությամբ։ Անցյալ տարվա պես մթերում չենք անի, որովհետև տարաները դեռ լիքն են, հնարավորություն էլ չունենք։ Անցյալ տարի մենք Արմավիրի մարզում երկու գործարան վարձեցինք, որպեսզի կարողանանք օգնել գյուղացուն։ Ու պատկերացրեք` այնտեղից դեռ մեր գինենյութը չենք տարել Իջևան» – ասաց Իջևանի գործարանի տնօրենը։

Հայկական կոնյակ արտադրողների այս դժվարություններին տեղյակ են նաև կառավարությունում։ Կառավարության`փետրվարի 18-ի նիստում էկոնոմիկայի նախարարի առաջարկով որոշում ընդունվեց կոնյակի սպիրտ արտահանողներին վերադարձնել պետական տուրքը:

«Որպեսզի կարողանանք այս տարի խաղողի մթերում կազմակերպել, պետք է խթանենք, որպեսզի կոնյակի սպիրտը արտահանվի»,– որոշման անհրաժեշտությունն այսպես մեկնաբանեց ՀՀ էկոնոմիկայի նախարար Վահան Քերոբյանը։

Նա նաև հայտնեց, որ այս տարի 9 մլն լիտր կոնյակի սպիրտի արտահանման խթանման ու պետտուրքի վերադարձման համար կռավարությունը 900 մլն դրամ է հատկացրել։

Թե որքանով կառավարության այս նախաձեռնությունը կնպաստի, որ խաղող աճեցնողն ու խաղողից խմիչք ստացողը միմյանց հետ համերաշխ ապրեն ու աշխատեն, պարզ կլինի արդեն 5-6 ամսից, երբ գյուղացին խաղողը բարձած` կթակի մթերողի դուռը։

Հիշեցնենք` 2020թ–ին խաղողի բերքը Հայաստանում գերազանցել էր նախորդ մի քանի տարիների բերքի ծավալները։ Բայց կորոնավիրուսի պատճառով փակ սահմանների ու սպառման ծավալների նվազման հետևանքով վերամշակող ընկերությունները հրաժարվում էին խաղողի մեծ ծավալներ մթերելուց։

Ինչի՞ հոտ է գալիս հայկական կոնյակից․ հայրենական արտադրության «հրաշքները»

Աննախադեպ հարուստ բերք ստացած խաղողագործներին աջակցելու համար կառավարությունն 2020թ–ին ընդունեց կորոնավիրուսի հետևանքների չեզոքացման 24-րդ միջոցառումը, որով խաղողի մթերմամբ, գինեգործությամբ ու կոնյակագործությամբ զբաղվող ընկերություններին պետական սուբսիդավրմամբ անտոկոս վարկեր տրամադրվեցին։

333
թեգերը:
Հայաստան, մթերում, արտադրություն, Խաղող
Ըստ թեմայի
Կառավարությունը կվճարի ոչ թե կոնյակ ու գինի արտադրողներին, այլ խաղող աճեցնող գյուղացիներին
Կառավարությունը կաջակցի խաղողի մթերմանը. վարչապետի կարծում է՝ դրանից կօգտվեն գյուղացիները
Հայաստանում հնարավո՞ր է ապրել խաղողագործությամբ. փորձագետների կարծիքները տարբեր են
Արման Թաթոյան

Ակնկալվում է, որ հայհոյախոսությանը վերջ դնելու կոչին պետք է հետևեին պաշտոնյաները. Թաթոյան

25
(Թարմացված է 00:28 24.06.2021)
Արմեն Թաթոյանն անդրադարձել է Էդուարդ Աղաջանյանի գրառմանը` նշելով, որ Նիկոլ Փաշինյանի հորդորին չեն հետևում հենց իշխանության ներկայացուցիչները։

ԵՐԵՎԱՆ, 24 հունիսի – Sputnik. ՀՀ մարդու իրավունքների պաշտպան Արման Թաթոյանը ողջունում է վարչապետի պաշտոնակատար Նիկոլ Փաշինյանի հունիսի 21-ի հավաքի ժամանակ արված՝ հայհոյախոսությանն ու թշնամանքին վերջ դնելու կոչը։

«Ակնկալվում է, որ այս կոչին պետք է առաջին հերթին հետևեին իշխանության ներկայացուցիչներն ու նրանք, ովքեր զբաղեցրել կամ զբաղեցնում են բարձրաստիճան պաշտոններ: Ցավոք, նրանցից որոշները հակառակն են ցույց տալիս: Այդպիսի պահվածք է ցուցաբերում վարչապետի աշխատակազմի նախկին ղեկավար Էդուարդ Աղաջանյանը, որը գրառում է արել` օգտագործելով «ինտելեկտուալ ապուշներ», «հայ ժողովուրդը ծնկի է բերել», «միշտ է ծնկի բերելու» արտահայտություններով դատապարտելի բառապաշար»,–նշված է Թաթոյանի գրառման մեջ։

Բացի այդ, Թաթոյանը նշում է, որ ընտրությունների օրվանից անմիջապես հետո հանրային տիրույթ են բերվել մարդկանց խմբերի բաժանող վտանգավոր դրսևորումներ: Խոսքը հասարակության բևեռացումը խորացնող արհեստական բաժանումների մասին է՝ «գյուղաբնակներ ու քաղաքաբնակներ», «գրագետներ և անգրագետներ», «հետամնացներ և զարգացածներ», որը կապվում է քվեարկության արդյունքների հետ:

Նրա խոսքով` ընդդիմության առանձին շրջանակներ, նրանց աջակիցները նշում են, թե իրենց օգտին քվեարկել են քաղաքաբնակները, ինտելեկտուալներն ու կրթվածները: Իշխանության առանձին ներկայացուցիչներն ու համակիրները ընդդիմությանն ու նրանց աջակիցներին հակադարձում են վիրավորական արտահայտություններով։

Մի «չագուճի» պատմություն, կամ ինչպե՞ս են այլ երկրներում վերաբերվում առաջին դեմքի սխալներին

Մարդու իրավունքների պաշտպանը կոչ է անում ձեռնպահ մնալ հասարակությունը բևեռացնող ու լարվածությունն ավելացնող արարքներից, վիրավորանք կամ ատելություն պարունակող կամ դրան նպաստող բառապաշարից: Բացի այդ, ըստ նրա, պետք է բացառվեն բոլոր տեսակի ֆեյքային բանակների հարձակումները:

Հիշեցնենք, որ Աղաջանյանը գրառում էր արել «ինտելեկտուալ ապուշների մասին»` Նասիմ Թալեբի բնորոշումներով սահմանելով, թե ինչ է դա։

25
թեգերը:
կոչ, հայհոյանք, Արման Թաթոյան
Ըստ թեմայի
Հայհոյանքի ու սպառնալիքների չափաբաժինը շատ վտանգավոր սահմանի է հասել. Թաթոյան
Փոխադարձ մեղադրանք և հայհոյանք. ՄԻՊ-ն ասել է` ինչպես պետք է լինի քաղաքակիրթ ընտրապայքարը
Փաշինյանը հարբած զանգել է Էջմիածնի քաղաքապետին ու վերջին հայհոյանքները տվել. մանրամասներ
Արմեն Չարչյան

Արմեն Չարչյանին շտապօգնությունով տեղափոխել են հիվանդանոց