Բողոքի ակցիայի ժամանակ քաղաքացուն բերման ենթարկելու պահին ոստիկաններից մեկը հրել էր Sputnik Արմենիայի օպերատոր Արամ Ներսեսյանին։

Լրագրողական ՀԿ-ները դատապարտում են ԶԼՄ-ների ներկայացուցիչների նկատմամբ հարձակումները

71
(Թարմացված է 21:45 24.02.2021)
Վերջին ամիսների ընթացքում արձանագրվել են նաև մի շարք միջադեպեր, երբ իշխանության ներկայացուցիչներն ու նրանց համակիրներն են խտրական և վիրավորական վերաբերմունք ցուցաբերել լրագրողների նկատմամբ։

ԵՐԵՎԱՆ, 24 փետրվարի - Sputnik. Հայաստանի լրագրողական 10 հասարակական կազմակերպությունները դատապարտել են ԶԼՄ-ների ներկայացուցիչների նկատմամբ վերջին օրերին արձանագրված հարձակումները։

Խոսքի ազատության պաշտպանության կոմիտեի տարածած հայտարարության մեջ նշված է որ փետրվարի 23-ին, Երևանում ընդդիմադիր ուժերի բողոքի ակցիային հաջորդած երթի ժամանակ նպատակաուղղված հարձակում է իրականացվել իրադարձությունները լուսաբանող «Ազատություն» ռադիոկայանի աշխատակիցների վրա։ Նկատելով վերջիններիս, ցուցարարների մի խումբ վիրավորել և հայհոյել է նրանց, սպառնացել, որ ռադիոկայանը փակելու են։ Ապա այդ մարդիկ հարվածներ են հասցրել լրագրող Արտակ Խուլյանին ու օպերատոր Կարեն Չիլինգարյանին, վնասել տեսախցիկը։

Ըստ աղբյուրի՝ նույն օրը ցուցարարների նկատմամբ կիրառված ոստիկանական գործողությունների ընթացքում հարված է ստացել Sputnik Արմենիա կայքի օպերատոր Արամ Ներսեսյանը։ Ավելի վաղ՝ փետրվարի 20-ի հանրահավաքի ժամանակ, կրկին թիրախավորվել էր «Ազատություն» ռադիոկայանը։ Ընդդիմադիր ուժի ներկայացուցիչ Նարեկ Սամսոնյանը խոչընդոտել էր ԶԼՄ-ի աշխատանքը, իսկ երբ ռադիոկայանի թղթակիցը դիմել է այդտեղ գտնվող ոստիկաններին, վերջիններս անտարբերություն և անգործություն են ցուցաբերել։

Բողոքի ակցիաներ, անթիվ- անհամար ոստիկաններ, բերման ենթարկվածներ. Երևանը` լուսանկարներում

«Վերջին ամիսների ընթացքում մենք արձանագրել ենք նաև մի շարք միջադեպեր, երբ իշխանության ներկայացուցիչներն ու նրանց համակիրներն են խտրական և վիրավորական վերաբերմունք ցուցաբերել լրագրողների նկատմամբ, թիրախավորել  ընդդիմադիր դաշտի ԶԼՄ-ների ներկայացուցիչներին»,- մասնավորապես նշված է հայտարարության մեջ։

«Մենք՝ ներքոստորագրյալ լրագրողական կազմակերպություններս, արձանագրում ենք, որ այս ամենը չի նպաստում հասարակության համախմբմանը, ինչն այսօր չափազանց կարևոր է։ Եվ քանի որ զանգվածային բողոքի ակցիաները շարունակականության միտում ունեն, պահանջում ենք․

ՀՀ ոստիկանությունից՝ բացառել ԶԼՄ-ների ներկայացուցիչների աշխատանքի ցանկացած խոչընդոտում, բացահայտել վերոհիշյալ միջադեպերի մասնակիցներին ու բռնություն իրականացնողներին և պատասխանատվության ենթարկել նրանց, ինչպես նաև՝ ծառայողական քննություն անցկացնել ձեռնարկված գործողությունների իրավաչափությունը գնահատելու համար,
ակցիաները կազմակերպող ընդդիմադիր քաղաքական ուժերից՝ հստակ ուղերձ հղել իրենց համակիրներին և հետևորդներին՝ լրատվամիջոցների նկատմամբ ագրեսիվության և անհանդուրժողականության անթույլատրելիության վերաբերյալ՝ անկախ դրանց քաղաքական ուղղվածությունից»,- նշված է հայտարարության մեջ։

Օպերատորը ոստիկանության ծառայողների հրելու հետևանքով չի ընկել. ոստիկանության պարզաբանումը

Հիշեցնենք, որ փետրվարի 23-ին բողոքի ակցիայի ժամանակ քաղաքացուն բերման ենթարկելու պահին ոստիկաններից մեկը հրել էր Sputnik Արմենիայի օպերատոր Արամ Ներսեսյանին` ազատելով ճանապարհը։

Արդեն երեկոյան միջադեպ էր գրանցվել «Ազատության» լրագրողի ու օպերատորի հետ՝ ընդդիմության երթի ժամանակ։

Հայտարարությունը ստորագրել են Խոսքի ազատության պաշտպանության կոմիտեն, Երևանի մամուլի ակումբը, Մեդիա նախաձեռնությունների կենտրոնը, Լրագրողների «Ասպարեզ» ակումբը, Ինֆորմացիայի ազատության կենտրոնը, «Բազմակողմանի տեղեկատվության ինստիտուտ – Հայաստան»-ը, Հանրային լրագրության ակումբը, «Լրագրողներ հանուն ապագայի» ՀԿ-ն, «Լրագրողներ հանուն մարդու իրավունքների» ՀԿ-ն, Գորիսի մամուլի ակումբը։

Նշենք, որ Հայաստանի ժուռնալիստների միությունը նույնպես խստորեն դատապարտել է իրենց մասնագիտական պարտականությունները կատարող ԶԼՄ աշխատակիցների գործունեությունը խոչընդոտելու, նրանց սպառնալու, նրանց հասցեին վիրավորական արտահայտություններ ու հայհոյանքներ հնչեցնելու փաստերը: Միաժամանակ, ներքաղաքական բոլոր դերակատարներին կոչ է արվում պահպանել կոռեկտության սահմանները։

71
թեգերը:
Բողոքի ակցիա, ոստիկան, Լրագրող
Ըստ թեմայի
Ընդդիմությունը յուրահատուկ ակցիա է անցկացնում. բողոքի ակցիա` ոստիկանների մասնակցությամբ
Ոստիկանությունը բերման է ենթարկում քաղաքացիներին, գցեցին Sputnik Արմենիայի օպերատորին
Ոստիկանությունը մեկնաբանել է Երևանում ցուցարարի վնասվածք ստանալը
Լամպ

Երևանում և 7 մարզում մինչև 6 ժամ լույս չի լինի

17
(Թարմացված է 09:00 12.05.2021)
«Հայաստանի էլեկտրական ցանցեր» ընկերությունը պլանային նորոգման աշխատանքներ է իրականացնելու։

ԵՐԵՎԱՆ, 12 մայիսի – Sputnik. «Հայաստանի էլեկտրական ցանցեր» ընկերությունը տեղեկացնում է, որ մայիսի 12-ին ժամանակավորապես կդադարեցվի հետևյալ հասցեների էլեկտրամատակարարումը`

Երևան քաղաքում՝

10:00-16:00 Նոր Նորք 2-րդ զանգ.՝ Թոթովենցի փ. 1/1, 13, 15 շենքեր, Մոլդովական փ. 3/1, 5, 12, 13, 14 շենքեր, Գայի պող. 11, 13 շենքեր, թիվ 164 դպրոց և հարակից ոչ բնակիչ-բաժանորդներ,

10:30-16:00 «Ռեգնոս», «Սպայակա» ՍՊԸ-ներ, քաղ․ «Հ․Սարգսյան», «Արաքս-2» Ա/Կ, «Էկոֆորմ», «Ա-Ս ինվեսթ Մենթս», «Արկոմպ» ՍՊԸ-ներ, Կիրառական քիմիայի ինստիտուտ, «Արիակ» ՓԲԸ, «Վեոն Արմենիա» ընկերություն, «Յունի քիմ» ՍՊԸ,

11:00-17:00 Ազատության պող. 12 շենք, Զարյան փ. 2 շենք, Պռոշյան 1 նրբ. 20/1 շենք, Արաբկիր 21փ. 10; 39փ. 16, 18/1 շենքեր, Գոգոլի փակուղու սեփական տներ և հարակից ոչ բնակիչ-բաժանորդներ, Ռուբինյանց փ. 12 շենք, Կոմիտասի պող. 59/6 շենք, Ահարոնյան և Կամարակ փողոցների սեփական տներ և հարակից ոչ բնակիչ-բաժանորդներ, Նորք Մարաշ՝ Նորքի 7-րդ փողոցի և 7-րդ փողոցի 1-ին նրբանցքի սեփական տներ, թիվ 124 մսուր-մանկապարտեզ և հարակից ոչ բնակիչ-բաժանորդներ, Գարեգին Նժդեհի հրապարակի ոչ բնակիչ-բաժանորդներ, Նորագավիթ 10, 13, 14, 16 փողոցների սեփական տներ, Արտաշատի խճուղու սեփական տներ, Նորագավիթ նոր ուղի կոլտնտեսություն, Չեխովի փ․6, 8, 8/1, 10, 10ա, 15, 17 շենքեր, Եղբայրության փ. 14, Շևչենկոյի փ․ 1, 4, 6, Եղբայրության փ․ 4, 6, 8 շենքեր, Մայիսի 9-ի փ․ 49, 51 շենքեր և հարակից ոչ բնակիչ-բաժանորդներ,

«Քեզ համար վարդեր բերեցի»․ Սարիկ Անդրեասյանը Հայաստանի հմայքը ցուցադրել է 4 կադրով

Արագածոտնի մարզում՝

11:00-17:00 Ուջան գյուղ,

Արարատի մարզում՝

10:00-14:00 Նոր Կյուրին գյուղ մասնակի,

10:30-14:30 Բերդիկ գյուղ մասնակի,

10:00-16:00 Հովտաշատ, Ռանչպար և Այգավան գյուղեր մասնակի,

10:30-16:00 Բերքանուշ գյուղ մասնակի,

12:00-13:00 Մասիս քաղաք` Նոր թաղամաս մասնակի,

Կոտայքի մարզում՝

10։00-16։30 Եղվարդ համայնք՝ Շահումյան, Սպանդարյան, Գայի, Խանջյան, Սայաթ Նովա, Զաքարյան, Արա Գեղեցիկի, Նոր թաղ, Նար-Դոսի փողոցներ, Կալեր, Ծիրանանոց, Բոլոր հողեր թաղամասեր մասնակի, Չարենցի, Կոմիտասի, Աբովյան, Իսահակյան, Շիրակի փողոցներ մասնակի և հարակից ոչ բնակիչ-բաժանորդներ,

11:00-17:00 Ձորաղբյուր և Գեղաշեն գյուղեր մասնակի, Ջրվեժ՝ Մայակ թաղամաս մասնակի,

12:00–16:00 Բալահովիտ գյուղ և հարակից և հարակից ոչ բնակիչ-բաժանորդներ,

Գեղարքունիքի մարզում՝

09։30-10։30 Վարդենիս համայնք՝ Վ․Համբարձումյան, Վ․Սարգսյան, Չարենցի, Արզոյան, Տիգրան Մեծի, Թումանյան, Իսակովի փողոցներ և հարակից ոչ բնակիչ-բաժանորդներ, «Մակվիչ» ՍՊԸ, «Վեոն Արմենիա», «Յուքոմ» ընկերությունների բջջային կայաններ,

Որքան դիմորդ է հայտ ներկայացրել Հայաստանում ու Արցախում 2021 թվականին

Շիրակի մարզում՝

11:00-17:00 Ախուրյանի տարածաշրջան՝ Մայիսյան և Հացիկ գյուղեր,

Լոռու մարզում՝

11:00-17:00 Սարատովկա, Նովոսելցովո և Գետավան գյուղեր,

Սյունիքի մարզում՝

10:30-12:30 Սիսիան քաղաք՝ Կամոյի, Տերյան, Թումանյան և Րաֆֆի փողոցներ մասնակի,

13:00-17:00 Սիսիան քաղաք՝ Իսրայելյան փողոց, Ադամյան փ. 11 և Սիսական փ. 64 շենքեր,

10:30-15:30 Տեղ գյուղը մասնակի,

11:00-15:00 Քարահունջ գյուղ:

Տեսախցիկն արձանագրել է Հայաստանի անտառներում ապրող գորշ արջերին

17
թեգերը:
էլեկտրաէներգիա, Լույս, Երևան, Հայաստան
Ըստ թեմայի
Ինչո՞ւ է բարձրանում Սևանի մակարդակը, և ի՞նչ է թաքնված Փաշինյանի հայտարարության հետևում
Հայաստանում դպրոցականը հին ձեռագրերի տառատեսակը էլեկտրոնայինի ձևափոխող ծրագիր է ստեղծել
Բացառել դրամահավաքը, «Վերջին դասն» անցկացնել բացօթյա. ԿԳՄՍՆ-ի նոր շրջաբերականը
Արխիվային լուսանկար

Ո՞ր կանանց հետ չեն ամուսնանում. բացատրում են հոգեբանները

82
(Թարմացված է 20:19 11.05.2021)
Որոշ կանանց, անկախ նրանց լավ արտաքինից և կրթությունից, տղամարդիկ չեն շտապում ամուսնության առաջարկ անել։ Sputnik Արմենիան ներկայացնում է հակառակ սեռին վանող կանանց ամենատարածված  կատեգորիաները մասնագետների կարծիքով։

«Ո՞ր կանանց հետ չեն ամուսնանում». այս հարցումն արդեն երկար տարիներ է՝ որոնողական համակարգերի թոփերում է։ Այս փաստն ակնհայտորեն վկայում է, որ խնդիրը բավական արդիական է։

Մի շարք հոգեբանների կարծիքով` ամեն ինչ կանանց ձեռքերում է, և գեղեցիկ սեռի յուրաքանչյուր ներկայացուցիչ կարող է ընտանիք կազմել։ Կարևոր է միայն հասկանալ, թե ինչն է խանգարում ամուսնանալ և աշխատել դրա վրա։

Աշխատամոլներ

Կարիերայով չափից շատ տարվելը կարող է լուրջ խոչընդոտ լինել անձնական կյանքը դասավորելու հարցում։ Այն կինը, որ սպառում է իրեն աշխատավայրում և ողջ էներգիան տալիս է աշխատանքին, հարաբերությունների համար ուժ ու ժամանակ այլևս չի ունենում։ Բացի այդ, ծանոթանալու և ժամադրության գնալու պարզապես ժամանակ չկա։ Զարմանալի չէ, որ լավագույն տարիները նվիրելով աշխատանքային կարիերայում առաջընթաց ունենալուն՝ նա արդյունքում միայնակ է մնում։

Սկանդալների վարպետ

Կոնֆլիկտային զուգընկերը կարող է հետաքրքիր լինել, հավանաբար, հարաբերությունների միայն սկզբնական շրջանում։  Ընտանիքի և ամուսնության համար տղամարդը հանգիստ և կանխատեսելի կին կընտրի։ Չէ՞ որ վաղ թե ուշ յուրաքանչյուրը ցանկանում է խաղաղ երջանկություն  վայելել. հարմարավետ տուն, համեղ կերակուր և որ ծանր աշխատանքային օրվա վերջում նրա «ուղեղը ոչ ոք չսղոցի»։

«Ամբողջ կյանքի համար հովանավոր եմ փնտրում»

Մասնագետների կարծիքով, նման կանայք, նույնիսկ գեղեցիկ արտաքինով, կարող են հովանավոր գտնել, սակայն միայն որոշ ժամանակով։ Տղամարդիկ ևս սիրո և ուշադրության կարիք ունեն, ոչ ոքի դուր չի գա հավելում լինել բանկային հաշվին։

«Ես ոչ ոքի պետք չեմ»

Նման ինքնագնահատականով հազիվ թե հնարավոր լինի ամուսնանալ։ Բայց իրատեսական է բռնակալի հանդիպելը, որը նրան կարհամարհի ողջ կյանքում` այն դժոխքի վերածելով։ Պետք է հիշել, որ մշտապես անինքնավստահ լինելը սկսում է նյարդայնացնել նույնիսկ ամենահամբերատարներին։ Եթե ներքուստ դուք վստահ եք, որ ոչ ոքի պետք չեք, տղամարդը չի կարող ձեր մեջ զուգընկեր կամ ընտանեկան կյանքի ուղեկից տեսնել։

«Կիսաշրջազգեստով տղամարդ»

Նման կանայք միշտ ձգտում են ամեն ինչ վերահսկել։ Նրա համար կարևոր է միաժամանակ և՛ ամուսին, և՛ կին լինելը։ Նա կյանքի ընկերոջը աշխատանք է փնտրում, իր կարծիքը փաթաթում նրա վզին, «առաջիկա հնգամյակի» համար տարբեր սցենարներ գծում։ Կյանքի նման սցենարը հարմար կլինի ոչ բոլորին։ Այդպիսի կանայք անգիտակցաբար իրենց կողակիցներին թերարժեք են դարձնում, իսկ հետո զարմանում, թե ինչու են նրանք «այդքան թույլ»։

Մոխրոտի համախտանիշ

Աղջիկներից շատերը տարիներ են կորցնում իրենց արքայազնին փնտրելով` չէ՞ որ «չարքայազնի» նրանք համաձայն չեն։ Սակայն բարձր պահանջները թեկնածուներից շատերին վանում են։ Բացի այդ, պետք է հիշել, որ «արքայազնին» նաև համապատասխանել է պետք։

«Ինձ բոլորը պարտական են»

Ցանկացած հարաբերություններում անհրաժեշտ է հավասարակշռություն պահպանել  «տալ–վերցնել»-ու միջև։ Նման կանայք հոլիվուդյան ֆիլմեր դիտելով` կարծում են, թե բոլորն իրենց պարտական են։ Որպես կանոն, նրանք լավ հետևում են իրենց արտաքինին` ուղեղներում միայն գեղեցկության սրահներն ու խանութներն են։ Իհարկե, տղամարդիկ սիրում են գեղեցիկ և խնամված կանանց, բայց ամեն ինչ լավ է չափի մեջ, նախազգուշացնում են հոգեբանները։

Հավերժ աղջնակ

Նման կանայք միշտ սավառնում են երկնքում, նվնվում, երազում անիրականանալիի մասին, տառապում «Փիթեր Փենի համախտանիշով», նրանց համար պատասխանատվությունը (հատկապես` երեխաները) ծանր բեռ է։

Սարկաստիկ և մշտապես դժգոհ

Այս կատեգորիայի կանայք ցանկացած հարմար պահի ձեզ ցույց կտան ձեր տեղը։ Դուք կիմանաք, թե ինչ ընտանիքից եք դուրս եկել, ով եք եղել նախքան նրա հետ ծանոթանալը, թե ինչ վատ հայր եք, ամուսին ու մարդ։ Ամեն անգամ սրտի նման տիրուհին կփորձի ձեզ նվաստացնել և արժեզրկել ձեր հաջողությունները։ Տղամարդիկ սիրում են, բայց երբ սահմաններն անցնում են, նրանք սեփական արժանապատվության ոտնահարում չեն հանդուրժի։  Տղամարդիկ ընտրում են կարեկից, գնահատող, զգայուն կանանց։

«Ամեն գնով ամուսնանալ եմ ուզում»

Եվ վերջապես, ամուսնության գաղափարի վրա կենտրոնացած կանայք։  Ամուսնանալու մոլուցքը նման կանանց ճակատին է գրված։ Ով պատահի՝ միայն թե ամուսնանան։ Տղամարդկանց պարզապես վախեցնում է նման  ճնշումը, և նրանք արագ փախչում են։

Բացի այդ, վաղուց է հայտնի. որքան մեծ է որևէ բանի ցանկությունը, այդքան փոքր են ցանկալին ստանալու շանսերը։  Աստիճանաբար այն դառնում է մոլուցք, կպչուն գաղափար, սակայն կյանքը համառորեն չի տալիս մեզ այն, ինչ այդքան ցանկանում ենք։  Նման դեպքերում հոգեբանները խորհուրդ են տալիս «բաց թողնել իրավիճակը»։

82
թեգերը:
հոգեբան, ամուսնություն, տղամարդ, Կին
Ըստ թեմայի
Նարե ու Դավիթ անունները կրկին գլխավորում են նորածինների անունների վարկանիշային ցանկը
Նման է հայի, հիշեցնում է պապիկիս. Քարդաշյանը հրապարակել է 2 տարեկան որդու լուսանկարը
Լավագույն նվերն իմ ընտանիքին. Արմենչիկը երրորդ անգամ հայր է դարձել
Երուսաղեմ, արխիվային կադր

Իսրայելական քաղաքում երեխա է մահացել հրթիռակոծության հետևանքով

0
Գազայի հատվածում տասնյակ զոհերի մասին հաղորդագրություններից հետո լրատվամիջոցները հայտնում են, որ զոհեր կան նաև իսրայելական քաղաքներում։

ԵՐԵՎԱՆ, 12 մայիսի – Sputnik. Իսրայելի Թել Ավիվ քաղաքից դեպի արևելք ընկած Լոդ քաղաքում հրթիռակոծության հետևանքով երեխա է մահացել։ Տեղեկությունը հայտնում է ՌԻԱ Նովոստին՝ հղում անելով տեղական լրատվամիջոցներին:

Ըստ տեղեկությունների` 7 տարեկան աղջնակից բացի, 40 տարեկան կին և նույն տարիքի տղամարդ է մահացել։

Եվս մեկ մարդ լուրջ վնասվածքներ է ստացել։ Լոդ քաղաքում արտակարգ դրություն է հայտարարվել։

Հիշեցնենք` մայիսի 10-ից կտրուկ սրվել է իրավիճակը Իսրայելի և Գազայի հատվածի սահմանին։ Պաղեստինյան խմբավորումներն Իսրայելի ուղղությամբ արձակել են ավելի քան 600 հրթիռ, իսրայելական «Երկաթե գմբեթ» հակահրթիռային պաշտպանության համակարգը որսացել է դրանցից 200-ը։ Իսրայելը հարվածներ է հասցրել Գազայի հատվածին, որի հետևանքով երկու օրվա ընթացքում զոհվել է 30 մարդ, այդ թվում՝ 10 երեխա, ևս 203 մարդ վիրավորվել է: Իսրայելի ԱԳՆ-ն տեղեկացրել է, որ հրթիռակոծության հետևանքով երկու իսրայելցի է մահացել:

0