Բողոքի երթի մասնակիցները բացատրություն են պահանջում ոստիկանապետից
(Թարմացված է 20:11 23.02.2021)
Ոստիկանապետ Վահե Ղազարյանը տեղեկացրել է, որ կհանդիպի ընդդիմադիրների հետ, բայց ոչ այսօր։
ԵՐԵՎԱՆ, 23 փետրվարի - Sputnik. Հայրենիքի փրկության շարժման քայլերթի մասնակիցները հավաքվել են ոստիկանության շենքի մոտ՝ պահանջելով, որ ոստիկանապետն իջնի և պարզաբանում տա ժողովրդին քաղաքացիների նկատմամբ այսօր իրականացված բռնությունների վերաբերյալ։
Նրանք ոստիկանապետին 15 րոպե ժամանակ տվեցին` իրենց մոտ իջնելու և պարզաբանում տալու՝ քաղաքացիների նկատմամբ այսօր իրականացված բռնությունների վերաբերյալ։ Երթի մասնակիցները պահանջեցին, որ ոստիկանապետը իջնի իրենց մոտ, այլապես կշրջափակեն շենքը։
©
Sputnik / Asatur Yesayants
Վազգեն Մանուկյան
Մինչ այդ շարժման ղեկավարները ծաղիկներ դրեցին Արամ Մանուկյանի կիսանդրու մոտ։
Մարդիկ վանկարկում են «ամոթ», քաղաքական գործիչները ելույթներ են ունենում՝ վարչապետ Նիկոլ Փաշինյանի հրաժարականի պահանջով։
©
Sputnik / Asatur Yesayants
Իշխան Սաղաթելյան
Ցուցարարներից մեկը հայտնեց, որ ոստիկանապետը տեղեկացրել է, որ կհանդիպի ընդդիմադիրների հետ, բայց ոչ այսօր։
Շարժման վարչապետի թեկնածու Վազգեն Մանուկյանը, դիմելով ոստիկաններին ասաց, որ անգամ ԽՍՀՄ-ում ոստիկանները այդքան դաժան չեն եղել։
«Այդ ո՞ւմ եք պաշտպանում, պատասխան եք տալու մինչև վերջ։ Ես այսպիսի դաժան ոստիկանություն, որը հիմա է, երբեք չեմ տեսել», - ասաց նա։
Բողոքի երթի մասնակիցներն այժմ շարժվում են դեպի ԱԱԾ շենք։
©
Sputnik / Asatur Yesayants
Բողոքի ակցիա Երևանում. 23 փետրվարի, 2021
Հիշեցնենք, որ բողոքի ակցիան մեկնարկել է Հանրապետության հրապարակի՝ Արամ Մանուկյանի արձանի մոտից։ Մի խումբ երիտասարդներ կարճ ժամանակով փակել էին Խանջյան փողոցը։
Նշենք, որ նոյեմբերի 9–ին եռակողմ հայտարարության ընդունումից հետո Հայաստանում պարբերաբար հանրահավաքներ են տեղի ունենում` ՀՀ վարչապետ Նիկոլ Փաշինյանի հրաժարականի պահանջով։
COVID-19 տարած մարդկանց մեծ մասը հոգեկան խնդիրներ է ունենում. գիտնականների զգուշացումը
(Թարմացված է 23:32 06.03.2021)
Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ:ԵՐԵՎԱՆ, 7 մարտի – Sputnik. Գիտնականները պարզել են, որ COVID-19 տարած մարդկանց զգալի մասը տառապում է նյարդահոգեբանական ու կոգնիտիվ խանգարումներից: Հետազոտությունը հրապարակվել է Frontiers in Psychology ամսագրում։
©
AFP 2020 / Emmanuel Dunand
Օքսֆորդի Բրուքսի համալսարանի մասնագետների տվյալների համաձայն՝ կարճաժամկետ հեռանկարում COVID-19-ով կլինիկապես կայուն հիվանդների 95 տոկոսը տառապում է հետտրավմատիկ սթրեսային խանգարումից: Միևնույն ժամանակ, հիվանդների 17-ից մինչև 42%-ը զգացել են աֆեկտիվ խանգարումներ, օրինակ՝ դեպրեսիա։
«Հիմնական կարճաժամկետ կոգնիտիվ խանգարումներն են ուշադրության խախտումն (45 %) ու հիշողության վատթարացումը (13-ից մինչև 28%)», - նշել են գիտնականները:
Նոր հիվանդություն. հնարավոր է` երեխաները մահացած են ծնվել կորոնավիրուսի պատճառով
Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ: Այնուամենայնիվ, հիվանդները նաև բողոքել են կենտրոնանալու (44%) ու հիշողության (38 - 50%) հետ կապված խնդիրներից:
ԱՀԿ-ի վերջին տվյալներով` աշխարհում 115,2 մլն վարակակիր կա, իսկ Հոպկինսի համալսարանի հաշվարկով՝ նրանց թիվն արդեն գերազանցել է 116 միլիոնը:
Կորոնավիրուսի դինամիկան հասել է 16 տոկոսի. վերահսկողությունը կխստացվի
Դարձյալ կցրտի. եղանակի տեսություն
(Թարմացված է 23:04 06.03.2021)
ԱԻՆ հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:
ԵՐԵՎԱՆ, 7 մարտի - Sputnik. Հայաստանի Հանրապետության տարածքում այսօր գիշերը, մարտի 9-ի ցերեկը, 10-ին սպասվում է առանց տեղումների եղանակ: Մարտի 7-ին՝ կեսօրից հետո, 8-ին, 11-ին շրջանների զգալի մասում, 9-ի գիշերը՝ Վայոց Ձորում, Սյունիքում և Արցախում, սպասվում են տեղումներ՝ լեռնային շրջաններում՝ ձյան տեսքով։ Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:
Օդի ջերմաստիճանը մարտի 8-ի ցերեկը կնվազի 5-7 աստիճանով։
Երևան քաղաքում նույնպես մարտի 7-ի գիշերը, 9-10-ը սպասվում է առանց տեղումների եղանակ: Մարտի 7-ի երեկոյան ժամերին, 8-ին, 11-ին սպասվում են տեղումներ:
Ջերմաստիճանն այսօր ցերեկային ժամերին կլինի +9...+11, գիշերը` 0...+2 աստիճան։
Երևանի մանկապարտեզներում ընդունելություն կլինի՞. պատկան մարմինների արձագանքը
թեգերը:
թեմա: