Արխիվային լուսանկար

Ադրբեջանը շարունակում է խախտել ՄԻԵԴ-ի պահանջները. հայ գերուն խոշտանգելով սպանել են

927
(Թարմացված է 18:04 22.02.2021)
ՄԻԵԴ-ում տեղի ունեցող գործընթացները Եղիշե Կիրակոսյանը գնահատում է որպես գերիների վերադարձի բանակցային պրոցեսին նպաստող հանգամանք:

ԵՐԵՎԱՆ, 22 փետրվարի — Sputnik. Ադրբեջանը շարունակում է խախտել Մարդու իրավունքների եվրոպական դատարանի պահանջները: Sputnik Արմենիայի հետ զրույցում նշեց ՄԻԵԴ-ում ՀՀ կառավարության ներկայացուցիչ Եղիշե Կիրակոսյանը՝ ներկայացնելով ադրբեջանական կողմի պահվածքը բնորոշող կոնկրետ օրինակներ:

«Խոսքը վերաբերում է ՄԻԵԴ-ի կողմից Ադրբեջանի նկատմամբ կիրառված միջանկյալ միջոցները պարբերաբար խախտելուն: Դատարանը վերջերս պարբերաբար դրա մաին հիշեցնում է, որ կողմերը պարտավոր են միջանյալ միջոցով պահանջվող տեղեկատվությունը տրամադրել, ժամկետները չխախտել: Բայց Ադրբեջանը խրոնիկ կերպով դա խախտում է: Եվ մենք նաև մեր գանգատի մեջ ենք դա նշել, որ Ադրբեջանը անընդհատ խախտումներ է թույլ տալիս, որոնք նաև ցավալի դեպքերի են հանգեցել»,- ասաց Կիրակոսյանը:

ՄԻԵԴ-ում ՀՀ ներկայացուցիչը նշեց, որ խոսքը հունվարին տեղի ունեցած դեպքի մասին է, երբ գերեվարված անձի վերաբերյալ Ադրբեջանը տեղեկատվություն չէր տրամադրել, փոխարենը հայ գերուն հայտնաբերել էին Հադրութի մոտ, սպանված:

Նիկոլ Փաշինյանը հեռախոսազրույց է ունեցել Վլադիմիր Պուտինի հետ. քննարկվել է գերիների հարցը

«Փորձաքննությունը ցույց տվեց, որ անձը նոր մահացած է, խոշտանգումների արդյունքում: Դրա վերաբերյալ նոր մանրամասն նկարագրություն և հիմնավորումներ են ներկայացվել մեր գանգատի մեջ, և դա ակնհայտ խախտում է»,- ասաց Կիրակոսյանը՝ հավելելով, որ հնարավոր է, որ այս փաստը նաև քաղաքական հետևանքներ ունենա Ադրբեջանի համար:

Այդուհանդերձ, ՄԻԵԴ-ում տեղի ունեցող գործընթացները Եղիշե Կիրակոսյանը գնահատում է որպես գերիների վերադարձի բանակցային պրոցեսին նպաստող հանգամանք:

«Մենք ապացույցներ ենք հավաքում X անձի մասին, ուղարկում ենք դատարան: Դատարանին ասում ենք՝ հարգելի դատարան, մեր ապացույցների հիման վրա մեզ մոտ համոզմունք է ձևավորվել, որ այս անձը ադրբեջանական իշխանությունների վերահսկողության ներքո է, խնդրում ենք միջոցներ ձեռնարկեք: Հետո կամ ստանում ենք հաստատում, կամ չենք ստանում (դեպքերի գերակշիռ մասով չենք ստանում, մի փոքր մասով ենք ստանում): Եթե ստանում ենք, դա ինչ-որ չափով գոնե երաշխիք է ստեղծում այդ անձի կյանքի իրավունքի համար, մինչև որ բանակցային պրոցեսով, ԿԽՄԿ-ի կամ խաղաղապահների միջոցով գա վերադարձի պահը»,- պարզաբանեց Կիրակոսյանը:

Ինչ վերաբերում է գերիների նկատմամբ հարուցված քրեական գործերին` Եղիշե Կիրակոսյանի դիտարկմամբ` սա Ադրբեջանի դեպքում նոր պրակտիկա չէ: Այն տարիներ շարունակ փորձարկվել է ՀՀ սահմանամերձ գյուղերից ադրբեջանցիների կողմից առևանգված քաղաքացիների նկատմամբ, որոնց նկատմամբ «կարվում էին» ցուցադրական գործեր՝ ահաբեկչության ու այլ աղմկահարույց հոդվածներով:

Այսօր հայ գերիների նկատմամբ «կարվող» նմանօրինակ գործերով, ըստ նրա, Ադրբեջանը փորձում է հակակշռել միջազգային ատյաններում ու միջազգային մամուլում առկա մեղադրանքները՝ իր կողմից սիրիացի վարձկանների ու ահաբեկչական խմբերի օգտագործման վերաբերյալ:

ՄԻՊ-ը ՄԱԿ-ին ներկայացրել է ադրբեջանցիների կողմից գերիների վերադարձի ձգձգման ապացույցներ

927
թեգերը:
Մարդու Իրավունքների Եվրոպական դատարան (ՄԻԵԴ), Ադրբեջան, գերի, Եղիշե Կիրակոսյան
Ըստ թեմայի
Ռուսաստանն աշխատում է Բաքվի ու Երևանի հետ՝ հայ գերիներին վերադարձնելու համար. Զախարովա
Բացառիկ տեսանյութ՝ հայ գերիների վերադարձից
Գեներալ Մուրադովն անդրադարձել է հայ և ադրբեջանցի գերիների վերադարձի մանրամասներին
Գագիկ Ծառուկյան. արխիվային լուսանկար

Գագիկ Ծառուկյանն ամուսնացնում է որդուն. հայտնի է հարսանիքի օրն ու տեղը. «Հրապարակ»

46
(Թարմացված է 11:31 06.03.2021)
Գագիկ Ծառուկյանի որդու հարսանիքը մեկ անգամ արդեն իսկ հետաձգվել էր։ Սակայն այժմ ամեն ինչ որոշվել է։

ԵՐԵՎԱՆ, 6 մարտի - Sputnik. ԲՀԿ առաջնորդ, ԱԺ «Բարգավաճ Հայաստան» խմբակցության նախագահ Գագիկ Ծառուկյանի որդու` Նվեր Ծառուկյանի հարսանիքի օր է նշանակվել ապրիլի 10-ը։ Տեղեկությունը հայտնում է «Հրապարակ» օրաթերթը։

«Նվեր Ծառուկյանի հարսանիքը կկայանա «Փարավոն» ռեստորանային համալիրում»,–գրում է թերթը։

Հիշեցնենք, որ Նվեր Ծառուկյանի հարսանիքը ծրագրված էր 2020-ի հոկտեմբերի 3-ին, սակայն նախ Ծառուկյանի կալանավորումը, ապա արցախյան 44–օրյա պատերազմը խանգարեցին, և այն անորոշ ժամանակով հետաձգվեց։

Նվեր Ծառուկյանը 21 տարեկան է։ Նրա հարսնացուն Արփի Ավետիսյանն է:

Հարսանիք լեռներում՝ ամպերից վեր. Խուստուփի հայտնի զույգի պատմությունը

46
թեգերը:
հարսանիք, որդի, Գագիկ Ծառուկյան
Ըստ թեմայի
«Հայրիկն ինձ ուզում էր հարսի շորով տեսնել` չհասցրեց». հետպատերազմյան հարսանիքներն Արցախում
Սոցցանցերում տեսանյութ է հայտնվել Օլգա Բուզովայի և Դավիթ Մանուկյանի հարսանիքից
Պատերազմից հետո սեր կա. արցախցի Հայկազի ու Ռուզանի հարսանիքը` ժամանակավոր կացարանում
Արխիվային լուսանկար

«Թաքուն գնած» 600 դոլարանոց զրահաբաճկոնների առեղծվածն ու ՊՆ–ի պատասխանը. «Ժողովուրդ»

48
(Թարմացված է 11:23 06.03.2021)
ՀՀ երրորդ նախագահ Սերժ Սարգսյանը հայտարարել էր, որ պատերազմի ժամանակ կառավարությունը, շրջանցելով ՊՆ-ին, 600 դոլարով զրահաբաճկոններ է գնել։ ՊՆ–ն պատասխանել է «Ժողովուրդ» օրաթերթի գրավոր հարցմանը։

ԵՐԵՎԱՆ, 6 մարտի - Sputnik. Պատերազմի ընթացքում զրահաբաճկոններ գնելու վերաբերյալ նախկին նախագահ Սերժ Սարգսյանի հայտարարությանը հետևած իրադարձությունները բավականին հետաքրքիր են:

Երեկ «Ժողովուրդ» օրաթերթի հարցմանը պատասխանել է ՀՀ  պաշտպանության նախարարությունը և հայտնել, որ պատերազմի ժամանակ պաշտպանության նախարարությանը շրջանցման և ՀՀ կառավարության կողմից գնման միջոցով (600 դոլար արժողությամբ) զրահաբաճկոններ ՀՀՍ (Հրթիռահրետանային սպառազինություն) կենտրոնական բազա չեն մատակարարվել։

Հիշեցնենք, որ Սերժ Սարգսյանը «Արմնյուզին» տված հարցազրույցի ժամանակ խոսելով «թալանի և լափելու» մասին, սկանդալային հայտարարություն էր արել։ Ըստ նրա՝ պատերազմի ժամանակ կառավարությունը, շրջանցելով ՊՆ-ին, գնել է զրահաբաճկոն 600 դոլարով։ Եվ չնայած ՊՆ–ն, ըստ էության, հերքում է երրորդ նախագահին, սակայն հետաքրքիր է, որ կառավարությունն այս ամենը պետական գաղտնիք էր համարել:

Կոռուպցիոն ռիսկեր չենք տեսել. ՊԵԿ նախագահը` Սերժ Սարգսյանի հիշատակած զրահաբաճկոնների մասին

Այսինքն` կառավարությունը «Ժողովուրդ» օրաթերթի գրավոր հարցմանն ի պատասխան հայտնել էր, որ այդ տեղեկությունը պետական գաղտնիք է պարունակում, ուստի այն հրապարակման ենթակա չէ։

Մանրամասները կարդացեք թերթի այսօրվա համարում։

Ինչու պատերազմում ունեցանք այս արդյունքը. Միքայել Համբարձումյանը խոսել է պատճառների մասին

48
թեգերը:
Սերժ Սարգսյան, ՀՀ Պաշտպանության նախարարություն (ՊՆ), զրահաբաճկոն
Ըստ թեմայի
Սերժ Սարգսյանը պատասխանել է հարցին՝ արդյոք Օնիկ Գասպարյանն իր դրդմամբ է գործում
Փաշինյանը խոսեց «Իսկանդեր»-ներից, քանի որ առաջինը խոսել էր Սերժ Սարգսյանը. Քոչարյան
Դա կարող էր տեղի ունենալ միայն ու միայն Ալիևի երազում. Սերժ Սարգսյանի արձագանքը

Ո՞վ է ավելի թեթև տանում համավարակը. իտալացի գիտնականների հետազոտությունը

6
Իտալացի գիտնականները պարզել են, որ հոգեկան խնդիրներ ունեցողներն այնքան էլ չեն տառապում կորոնավիրուսային սահմանափակումներից։

ԵՐԵՎԱՆ, 6 մարտի - Sputnik. Հանդուգն, անխոհեմ ու լկտի մարդիկ համավարակի ընթացքում շատ ավելի դիմացկուն են։ Տեղեկությունը հայտնում են Ֆիրենցեի համալսարանի իտալացի գիտնականները:

Պարզվել է, որ բնավորության այս գծերով մարդիկ ավելի լավ են տանում սահմանափակումներն ու նրանց մոտ սթրեսի մակարդակը զգալիորեն ավելի ցածր է:

Ուսումնասիրությունը հաստատում է, որ COVID-19-ի պատճառով սոցիալական մեկուսացումը կարող է հանգեցնել լուրջ հոգեբանական խնդիրների՝ սթրեսի ու դեպրեսիայի:

Լկտիությունն ու անխոհեմությունը պսիխոպաթիայի նշաններ են՝ կարեկցանքի արտահայտված բացակայությամբ, սոցիալական գերիշխանությամբ, մանիպուլյատիվությամբ, ինչպես նաև իմպուլսիվությամբ և սուր զգացողությունների ձգտումով։

Գիտնականների եզրակացություններն արվել են ավելի քան 600 մարդու հարցման հիման վրա։ Մասնակիցների միջին տարիքը 31,3  տարեկան է։

Աշխարհում, ԱՀԿ-ի վերջին տվյալներով, 114,4 մլն վարակակիր կա, իսկ Ջոնս Հոպկինսի համալսարանի հաշվարկներով նրանց թիվն արդեն գերազանցել է 115 միլիոնը: Ավելի քան երկուսուկես միլիոն մարդու կյանք բժիշկներին չի հաջողվել փրկել։

Կորոնավիրուսի դինամիկան հասել է 16 տոկոսի. վերահսկողությունը կխստացվի

6
թեգերը:
Իտալիա, աշխարհ, կորոնավիրուս
թեմա:
Կորոնավիրուսը աշխարհում
Ըստ թեմայի
COVID-ին նույնպիսի էվոլյուցիա է սպասում․ բժիշկը խոսել է կորոնավիրուսի ապագայի մասին
Առողջապահության նախկին նախարարը կորոնավիրուսի 3-րդ ալիք չի կանխատեսում
Հայաստանը նախ «Սպուտնիկ V» կգնի. քանի՞ մարդու կբավականացնի կորոնավիրուսի պատվաստանյութը