Ես երբևէ որևէ գործիքի պակա՞ս եմ զգացել. Բեքարյանը խոսեց իր դեմ հարուցված ֆեյքի գործից
(Թարմացված է 13:12 22.02.2021)
Կարեն Բեքարյանը վստահեցնում է, որ իր և Արա Սաղաթելյանի դեմ տարվող գործընթացն այլ մոտիվացիա ունի։
ԵՐԵՎԱՆ, 22 փետրվարի - Sputnik. ՀՀԿ-ական նախկին պատգամավոր, «Քառյակ մեդիայի» համահիմնադիր, վերլուծաբան Կարեն Բեքարյանը վստահ է` քաղաքական գործընթաց է ինչպես իր, այնպես էլ կալանավորված ՀՀ ԱԺ աշխատակազմի նախկին ղեկավար Արա Սաղաթելյանի դեմ քայլերը։ Նա այս մասին հայտնեց լրագրողներին` Երևանի առաջին ատյանի դատարանի շենքից դուրս գալով։
©
Sputnik / Asatur Yesayants
Բեքարյանն ազատ արձակվեց րոպեներ առաջ։ Դատավոր Վարդան Գրիգորյանը որոշում կայացրեց մերժել ԱԱԾ–ի ներկայացրած`խափանման միջոցը կալանքն ընտրելու վերաբերյալ միջնորդությունը։
Բեքարյանը նշեց` հարուցված քրեական գործն ու դրա քննությունը զրո տրամաբանություն ունեն, և մոտիվացիան բոլորովին այլ տեղ է։
«Ադրբեջանը հայաստանյան IP-ների նկատմամբ սահմանափակման քաղաքականություն է կիրառել։ Սակայն հետո, երբ իմացա, որ կա համակարգ, որը հնարավորություն է տալիս այդ արգելքը շրջանցելու, այսինքն` ադրբեջանական կողմը չի տեսնում, որ իր մոտ մուտք գործողը հայասատնյան IP է, դրանից օգտվել եմ։ Ես այստեղ որևէ արհեստական բան չեմ տեսնում»,–ասաց Բեքարյանը։
Նրա խոսքով` այս գործընթացի մեջ միայն 2 հարց կա` այն, որ ճանաչում է Արա Սաղաթելյանին, և այն, որ օգտագործել է VPN համակարգ։
«Գլխի դատարկ տեղը դուխով գրածներ». Գագիկ Սողոմոնյան ֆեյքի գործով ԱԱԾ-ն 4 մարդ է ձերբակալել
Հարցին, թե ճանաչո՞ւմ է գործով կալանավորված Արամ Սարգսյանին` Բեքարյանը պատասխանեց, որ բազում Արամ անունով ծանոթներ ունի, սակայն դեռ չի իդենտիֆիկացրել, թե կոնկրետ ում մասին է խոսքը։
Մեկ այլ հարցի, թե ի՞նչ կապ ունի հայտնի ֆեյքի` Գագիկ Սողոմոնյանի հետ, Բեքարյանը պատասխանեց, որ 2 տարուց ավել է և հատկապես վերջին շրջանում քաղաքակիրթ բառերով հանրությանը ներկայացնում է` որտեղից ուր ենք գնում։
«Ձեզ մեկ հարց եմ ուզում տալ. նման ֆեյքերի գրառումները` հայհոյախառն, զզվելի, ո՞ւմ օգտին են աշխատում` իմ ու իմ թիմակիցների՞, թե՞ լրիվ ընդհակառակը։ Եվս մեկ հարց` ես երբևէ որևէ գործիքի պակա՞ս եմ զգացել իմ մոտեցումները հանրությանը ներկայացնելու»,–ասաց նա։
Հիշենենք, որ Բեքարյանը ձերբակալվել էր փետրվարի 19-ին, նրան մեղադրանք է առաջադրվել ՀՀ քրեական օրենսգրքի 3 հոդվածներով։ Մասնավորապես, քրեական օրենսգրքի 226 հոդվածով (ազգային, ռասայական կամ կրոնական թշնամանք հարուցելը), 226.2 հոդվածով (բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը) և 307.4 հոդվածով (ռազմական դրության իրավական ռեժիմի ընթացքում տեղեկությունների հրապարակման կամ տարածման կանոնները խախտելը)։
Նույն գործով բերման էր ենթարկվել նաև ՀՀ ԱԺ աշխատակազմի նախկին ղեկավար Արա Սաղաթելյանը, որին երեկ 2 ամիս ժամկետով կալանավորեցին։ Այս գործի շրջանակներում ևս երկու բերման ենթարկվածներ կային` քաղաքացիներ Մհեր Ավագյանը, որը երեկ դատարանի որոշմամբ ազատ արձակվեց, և Արամ Սարգսյանը, որին էլ կալանավորելու որոշում կայացվեց։
«Ֆեյքերի ֆաբրիկաների» գործունեությունը կքրեականացվի. Ալեն Սիմոնյան
Դարձյալ կցրտի. եղանակի տեսություն
(Թարմացված է 23:04 06.03.2021)
ԱԻՆ հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:
ԵՐԵՎԱՆ, 7 մարտի - Sputnik. Հայաստանի Հանրապետության տարածքում այսօր գիշերը, մարտի 9-ի ցերեկը, 10-ին սպասվում է առանց տեղումների եղանակ: Մարտի 7-ին՝ կեսօրից հետո, 8-ին, 11-ին շրջանների զգալի մասում, 9-ի գիշերը՝ Վայոց Ձորում, Սյունիքում և Արցախում, սպասվում են տեղումներ՝ լեռնային շրջաններում՝ ձյան տեսքով։ Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:
Օդի ջերմաստիճանը մարտի 8-ի ցերեկը կնվազի 5-7 աստիճանով։
Երևան քաղաքում նույնպես մարտի 7-ի գիշերը, 9-10-ը սպասվում է առանց տեղումների եղանակ: Մարտի 7-ի երեկոյան ժամերին, 8-ին, 11-ին սպասվում են տեղումներ:
Ջերմաստիճանն այսօր ցերեկային ժամերին կլինի +9...+11, գիշերը` 0...+2 աստիճան։
Երևանի մանկապարտեզներում ընդունելություն կլինի՞. պատկան մարմինների արձագանքը
թեգերը:
թեմա:
Ահազանգ. «Դալմա գարդեն մոլ» առևտրի կենտրոնում ռումբ է տեղադրվել
(Թարմացված է 22:35 06.03.2021)
Առևտրի կենտրոն են ժամանում ինչպես փրկարարները, այնպես էլ ոստիկանները։
ԵՐԵՎԱՆ, 6 մարտի - Sputnik. Քիչ առաջ ՀՀ արտակարգ իրավիճակների նախարարության Փրկարար ծառայության 911 և ոստիկանության Երևան քաղաքի վարչության օպերատիվ կառավարման կենտրոններ ահազանգ է ստացվել, որ «Դալմա գարդեն մոլ» առևտրի կենտրոնում ռումբ է տեղադրված: Տեղեկությունը հայտնում է shamshyan.com–ը։
Առևտրի կենտրոն են ժամանում ԱԻՆ հրշեջ-փրկարարական ջոկատներից և ոստիկանության Մալաթիայի բաժնի ծառայողները:
Այլ մանրամասներ դեռ հայտնի չեն։
Զանգել, ասել է` «Ավան» հոգեկան առողջության կենտրոնում ռումբ կա․ ո՞վ է ահազանգի հեղինակը