Հայտարարություն ծառի վրա

Անակոնդայից մինչև զուգարանի թուղթ․ վաճառքի կայքի ամենատարօրինակ հայտարարությունները

150
(Թարմացված է 20:48 21.02.2021)
Մեր օրերում առցանց կարելի է գնել ամեն ինչ, դեռ մի բան էլ ավելի։ Որոշեցինք «փորփրել» գովազդային հայտարարությունները և հասկանալ, թե ինչպիսի ապրանքներ է առաջարկում Հայաստանում ամենահայտնի առցանց վաճառքի կայքը։

ԵՐԵՎԱՆ, 21 փետրվարի – Sputnik, Ժաննա Պողոսյան. Եթե 2005թ․-ին, երբ ստեղծվում էր list.am կայքը, այնտեղ միայն բնակարանների և տների վաճառքի հայտարարություններ էին, ապա հիմա այստեղ ամեն ճաշակին հարմար ամենատարօրինակ ապրանքներ կգտնեք։ Sputnik Արմենիան կազմել է ամենազվարճալի հայտարարությունների ընտրանին։

Այստեղ օգտատերն առաջարկում է անակոնդա օձ գնել։

«Սա Հայաստանի միակ անակոնդան է։ Շատ շտապ եմ վաճառում»,-նշված է հայտարարության մեջ։

Հայտնի չէ՝ արդյո՞ք դա իրոք Հայաստանի միակ անակոնդան է, բայց համաձայնեք՝ շատ տարօրինակ է, որ այն հայտնվել է այդ մարդու մոտ, ինքն էլ հիմա «շատ շտապ» վաճառում է։ Գին նշված չէ, հավանաբար՝ պայմանագրային է։

Скрин с сайта онлайн продаж
© Photo : list.am
Անակոնդայի վաճառքի հայտարարությունը list.am-ում

Շարունակելով «Կենդանիների աշխարհում» թեման․ էգ են փնտրում ամերիկյան պիտբուլի համար։ «Փնտրում եմ լավ զտարյուն էգ` զույգելու նպատակով։ Լավ կռվող շուն ա։ Հարցերի համար զանգել»,-գրված է հոյակապ լատինատառով։

Հավանական գնորդին ինչպես իր մտադրությունների բացարձակ լրջությունը, այնպես էլ կենդանու զտարյունությունն ապացուցելու համար վաճառողը խոստանում է ցույց տալ շան «հայրերի և պապերի» լուսանկարները։

Իսկ այստեղ առաջարկում են գնել աղավնու տեսքով փուչիկներ՝ հատուկ հարսանիքների համար։ «Հատուկ այն հարսիկների համար, ովքեր ալերգիա ունեն կամ զզվում են իսկական աղավնի թռցնելուց»,-մանրամասն նկարագրում է վաճառողը։ Իսկական աղավնիներ թռցնելու հարսանեկան ավանդույթը Հայաստանում վաղուց կա, բայց ահա աղավնու տեսքով փուչիկներ կարող է հորինել միայն երիտասարդ սերունդը։

Скрин с сайта онлайн продаж
© Photo : list.am
Հարսանեկան աղավնի փուչիների վաճառքի հայտարարությունը list.am-ում

Էջմիածի փռերից մեկն առաջարկում է «վազվրատ հաց» (չվաճառված, չորացած հացը)՝ իբրև անասնակեր։

«Խոզերի, կովերի, շների, բադերի համար»,-մանրամասնում է վաճառողը։

Այս մեկն էլ հայտարարում է. «Ամենալավ նվերն ընտանիքի համար»։ Խոսքը, պարզվում է, փոշի սրբելու հատուկ լաթերի մասին է։ Իհարկե, յուրաքանչյուր ընտանիք հենց այդ մասին է երազում։

«Իմ հասցեն ոչ տուն է, ոչ փողոց, իմ հասցեն է՝ Խորհրդային Միություն»,-երգում էր «Самоцветы» խումբը և մի բան գիտեր․ հիմա list.am-ում հին ու բարի «Բուխանկա» ՈւԱԶ են վաճառում։

«Միակ թերությունը՝ մի քիչ փտած տեղեր ունի»,-հպարտորեն գրում է մեքենայի տերն ու վաճառողը։

Չէ՞ որ գնորդներին հետաքրքրում են մեքենաների միանգամայն այլ որակները, իսկ փտած հատվածները չեն խանգարի։

5000 դրամով խորհրդային ժամանակների դրոշակ է վաճառվում։ Կարմիր դրոշակի վրա շողշողում է «Մենք կհասնենք կոմունիստական աշխատանքի հաղթանակին» գրությունը։ Իսկ հիմա դրոշակը վաճառքի է հանված վաճառքների կապիտալիստական հարթակում և, ինչպես երևում է, այս հարթակում էլ կմնա։

Скрин с сайта онлайн продаж
© Photo : list.am
Խորհրդային ժամանակների դրոշի վաճառքի հայտարարությունը list.am-ում

Այս «եսիմինչը» նույնպես ծագումով Խորհրդային Միությունից է։ Համենայն դեպս՝ այդ է պնդում վաճառողը։

Ռետրոյի սիրահարների համար՝ Խորհրդային շրջանի Ձմեռ պապ, ընդամենը 3500 դրամով։ Ժամանակին այսպիսի Ձմեռ պապիկ ամեն տանը կար։

Եվս մեկ սովետական հետաքրքրի իր՝ վաֆլի թխելու սարք։ Բավականին մաշված սարքը վաճառում են 4000 դրամով և պնդում են, որ այն շատ լավ է աշխատում։

Հատուկ սարք` սառը սուրճի համար. այն նույնպես վաճառվում է list.am-ում։

«Մեկ ժամում 500 բաժակ խփում եմ։ Նաև փոխանակում ավտոյի գազի սարքավորման հետ»,-նշված է կրկին «հոյակապ» լատինատառով։

Скрин с сайта онлайн продаж
© Photo : list.am
Սառը սուրճի ապարատի վաճառքի հայտարարությունը list.am-ում

Իսկ այստեղ կոշիկը մեծացնելու սարք են առաջարկում։ «Թանկ» չէ՝ ընդամենը 250 հազար դրամ։ Ավելի հեշտ չէ՞ մի քանի զույգ նոր կոշիկ գնել։

Նույնիսկ դեղատան խաչ է վաճառվում, ծագումն անհայտ է՝ կա՛մ դեղատան մուտքի վերևից են հանել, կա՛մ նոր են պատրաստել։

Զուգարանի թուղթ արտադրելու սարքը նույնպես գտել է իր պատվավոր տեղը հայտարարությունների շարքում։

Սովորական զուգարանի թուղթ էլ են վաճառում են` հատով։ Առաջին հայտարարությունը «շատ որակյալ զուգարանի թուղթ» է առաջարկում, քանի որ այն «մասկովսկի» է, իսկ երկրորդը փորձում է գնորդ գրավել գնային քաղաքականությամբ՝ «սրանից էժան գին չկա»։

Հարթակում թթվածնային սարքավորումների բազմաթիվ հայտարարություններ կան։ Դրանք վաճառվում են և անգամ վարձով տրվում։ Երևում է՝ կան մարդիկ, որոնք որոշել են կորոնավիրուսի խնդիրը լուծել առանց բժշկական օգնության դիմելու։

Նույն իրավիճակն է նաև զինվորական համազգեստի հետ կապված։ Ինչպես հայտնի է՝ բանակը պարտավոր է զինծառայողներին ապահովել զինվորական համազգեստով և բոլոր անհրաժեշտ պարագաներով, բայց գաղտնիք չէ, որ շատ զինվորականներ գերադասում են իրենք ամեն ինչ գնել իրենց համար՝ գուլպաներից մինչև զրահաբաճկոն, չվստահելով բանակային արտադրանքի որակին։

Скрин с сайта онлайн продаж
© Photo : list.am
Զինվորական համազգեստի վաճառքի հայտարարությունը list.am-ում

Առցանց հարթակում մի քանի հազար հայտարարություն է կա։ Հայաստանի յուրաքանչյուր երկրորդ քաղաքացի, երբ ուզում է ինչ-որ բան գնել կամ վաճառել, առաջին հերթին հենց այս կայքն է մտնում։

150
թեգերը:
list.am, հայտարարություն, Հայաստան, առցանց վաճառք, վաճառք
Վտանգավոր տարածքը նշագրվել է ականային վտանգի մասին հատուկ ժապավեններով:

Դավիթ Բեկ համայնքում հայտնաբերվել է կասետային չպայթած ենթազինամթերք

2
(Թարմացված է 14:03 26.02.2021)
Չպայթած զինամթերք հայտանաբերելու և ոչնչացնելու նպատակով Դավիթ Բեկում աշխատանքները շարունակվում են։

ԵՐԵՎԱՆ, 26 փետրվարի - Sputnik. Հումանիտար ականազերծման և փորձագիտական կենտրոնը տեղեկացնում է, որ Սյունիքի մարզի Դավիթ Բեկ համայնքում հայտնաբերվել է կասետային չպայթած ենթազինամթերք։

Կենտրոնը նշում է` օրերս «Հումանիտար ականազերծման և փորձագիտական կենտրոն»-ի աշխատակիցները և ՄԱԿ-ի գնահատող հանձնախումբը Սյունիքի մարզի Դավիթ Բեկ համայնք է գնացել։ Այստեղ հետազոտական աշխատանքների արդյունքում հայտնաբերվել է կասետային չպայթած ենթազինամթերք։

«Վտանգավոր տարածքը նշագրվել է ականային վտանգի մասին հատուկ ժապավեններով: Իսկ հայտնաբերված չպայթած զինամթերքը ոչնչացվել է»,–նշված է հաղորդագրության մեջ։

Չպայթած զինամթերք հայտանաբերելու և ոչնչացնելու նպատակով Դավիթ Բեկում աշխատանքները շարունակվում են։

Հիշեցնենք, որ արցախյան 44-օրյա պատերազմի ժամանակ Ադրբեջանը պարբերավբար հրթիռակոծել է նաև ՀՀ տարածքի բնակավայրերը, այդ ծվում՝ Դավիթ Բեկը։

2
Վազգեն Մանուկյան. 26 փետրվարի, 2021

Նիկոլ Փաշինյանը փորձում է համբերությունից հանել Օնիկ Գասպարյանին. Վազգեն Մանուկյան

62
(Թարմացված է 13:45 26.02.2021)
Հարցին՝ ինչ է ծրագրում այս իրավիճակում ընդդիմությունը, վարչապետի միասնական թեկնածուն պատասխանեց, որ «պլան Բ»–ի կարիք չկա և որ «պլան Ա»–ն առայժմ իրեն լիովին արդարացնում է։

ԵՐԵՎԱՆ, 26 փետրվարի, Sputnik. Հայրենիքի փրկության շարժման վարչապետի թեկնածու Վազգեն Մանուկյանը ՀՀ ԳՇ պետ Օնիկ Գասպարյանի հետ այս օրերին չի հանդիպել։ Այս մասին Մանուկյանը հայտնեց լրագրողներին այսօր Բաղրամյան պողոտայում կազմակերպված ընդդիմության ճամբարում։

Խոսելով իշխանության հայտարարած ռազմական հեղաշրջման փորձի մասին` Վազգեն Մանուկյանն ասաց. «Հեղաշրջում նշանակում է, երբ զորքը մտնում է մայրաքաղաք, և կա՛մ վերցնում է իշխանությունը, կա՛մ իշխանությունը փոխում է, տալիս ընդդիմության ձեռքը։ Այդպիսի բան Հայաստանում տեղի չի ունեցել»։

Իշխանության նման որակումները Մանուկյանը համարում է ԳՇ պետին համբերությունից հանելու փորձ։

«Նիկոլ Փաշինյանը կարող է ցանկացած մարդու համբերությունից հանել։ Հիմա ինքը փորձում է անօրինական ձևով համբերությունից հանել Գասպարյանին, ինչը հակասում է Սահմանադրությանն ու օրենքներին։ Թե դա ինչ սրացում կառաջացնի նրանց միջև, ես չեմ կարող կանխագուշակել։ Բայց իրավիճակ սրողը Հայաստանում Նիկոլ Փաշինյանն է»,– ասաց Մանուկյանը։

Ինչ է ծրագրում այս իրավիճակում ընդդիմությունը հարցին ընդդիմության միասնական թեկնածուն պատասխանեց, որ «պլան Բ»–ի կարիք չկա և որ «պլան Ա»–ն առայժ իրեն լիովին արդարացնում է։

«Գրեթե չի մնացել Հայաստանում ինստիտուտ, որը չի պահանջում Նիկոլ Փաշինյանի հրաժարականը։ Այսինքն` ինքը կորցնում է իր հենարանները, և որևիցե «պլան–Բ»–ի անհրաժեշտություն կարող է չառաջանալ։ Ասեմ նաև, որ «պլան–Բ»–ն ոչ թե դու ես իրականացնում, այլ ժողովուրդն ինքը։ Բախում է տեղի ունենում, ինչ–որ անհամաձայնություն է տեղի ունենում, ինքն իրեն բռնկվում է»,– ասաց Մանուկյանը։

Հիշեցնենք՝ փետրվարի 20–ին Ազատության հրապարակում ունեցած իր ելույթում Վազգեն Մանուկյանը նշել էր, որ Փաշինյանն ինքնակամ չի հեռանալու, ուստի պետք է կոտրել այն հենարանները, որը նա ունի, և դա իրենց պլան Ա–ն է։ Մակայն միշտ ունեն պլան Բ–ն.

«Իսկանդերի» մասին խոսելով՝ Նիկոլն ավելի նվազեցրեց ՀՀ-ի անվտանգության մակարդակը. Մանուկյան

«Մենք պետք է պատրաստ լինենք ապստամբելով, կայծակնային արագությամբ վերցնել իշխանությունը։ Մենք այժմ իրականացնելու ենք պլան Ա–ն` միշտ պատրաստ լինելով պլան Բ–ին»,-ասել էր նա։

Երեկ` փետրվարի 25-ին, ԶՈւ Գլխավոր շտաբը պահանջեց Փաշինյանի հրաժարականը։ Դա տեղի ունեցավ այն բանից հետո, երբ վարչապետը պաշտոնից հեռացրեց ԳՇ պետի առաջին տեղակալ Տիրան Խաչատրյանին։

Ի պատասխան Փաշինյանը հայտարարեց ռազմական հեղաշրջման փորձի մասին և Հանրապետության հրապարակում հավաքվելու կոչ արեց իր համակիրներին։ Նա հայտնեց նաև, ստորագրել է ԳՇ պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել նախագահ Արմեն Սարգսյանը։

62
թեգերը:
Նիկոլ Փաշինյան, Օնիկ Գասպարյան, Վազգեն Մանուկյան
Ըստ թեմայի
Աշխատանքից ազատել եմ Օնիկ Գասպարյանին. Նիկոլ Փաշինյան
Արցախի նախագահ Արայիկ Հարությունյանը Օնիկ Գասպարյանի հրաժարականը չի պահանջում
Արմեն Սարգսյանը կհանդիպի Օնիկ Գասպարյանի հետ
Зимняя Москва

Արցախի հարցով համակարգող խմբի հանդիպումը նախատեսված է անցկացնել փետրվարի 27-ին

0
Հանդիպումը նախատեսված է անցկացնել Մոսկվայում։ Ավելի վաղ արդեն երկու հանդիպում է կայացել, վերջինը՝ տեսակապի միջոցով։

ԵՐԵՎԱՆ, 26 փետրվարի – Sputnik. Ադրբեջանի նախագահ Իլհամ Ալիևը հայտարարել է, որ Արցախի հարցով համակարգող խմբի հանդիպումը նախատեսվում էր անցկացնել փետրվարի 27-ին Մոսկվայում, սակայն Երևանից այս թեմայով հստակ պատասխան դեռևս չկա:

«Երկու հանդիպում արդեն եղել է։ Երրորդը նախատեսվում էր անցկացնել վաղը, Մոսկվայում, բայց ինձ դեռ չեն զեկուցել՝ արդյո՞ք Երևանը տեղափոխել է հանդիպման օրը, թե ոչ։ Եթե հանդիպումը տեղափոխվի, ըմբռնումով կընդունվի»,-ասել է Ալիևը արտասահմանյան լրագրողների համար տված մամուլի ասուլիսում:

Ընդ որում, Ռուսաստանի փոխվարչապետ Ալեքսեյ Օվերչուկը ՌԻԱ Նովոստիին հաստատել էր, որ Արցախի հարցով Հայաստանի, Ռուսաստանի և Ադրբեջանի փոխվարչապետների նոր հանդիպումը ծրագրած է անցկացնել փետրվարի 27-ին, Մոսկվայում: Նա նաև հայտնել է, որ բոլոր կողմերը հաստատել են իրենց մասնակցությունը։

Հունվարի 11-ին Հայաստանի, Ռուսաստանի և Ադրբեջանի ղեկավարներ Նիկոլ Փաշինյանի, Վլադիմիր Պուտինի և Իլհամ Ալիևի բանակցություններից հետո Ռուսաստանի նախագահը հայտարարել է աշխատանքային խումբ ստեղծելու մասին։ Խմբի ղեկավարներն են երեք երկրների փոխվարչապետները: Աշխատանքային խումբը մինչև մարտի 1-ը պետք է ներկայացնի Արցախի զարգացման ծրագրերը։

Հայաստանի, Ռուսաստանի ու Ադրբեջանի եռակողմ աշխատանքային խմբի երկրորդ նիստը տեղի է ունեցել փետրվարի 12-ին՝ տեսակապի միջոցով:

0
թեգերը:
փոխվարչապետ, Ադրբեջան, Ռուսաստան, Լեռնային Ղարաբաղ, Արցախ, Հայաստան