Բանակ. արխիվային լուսանկար

Դպրոցականները 12 օր բանակային կյանքով կապրեն. ինչ անել ծրագիրն արդյունավետ դարձնելու համար

918
(Թարմացված է 19:54 21.02.2021)
11-րդ դասարանի աշակերտները ճամբարում ռազմագիտության առարկայի շրջանակներում մի շարք հմտություններ ձեռք կբերեն։ Կրթության փորձագետը խոսել է ներկայացված նախագծի դրական կողմերի և բացթողումների մասին։

ԵՐԵՎԱՆ, 21 փետրվարի - Sputnik. ԿԳՄՍ–ն նախագիծ է մշակել, ըստ որի` «Նախնական զինվորական պատրաստվածություն» առարկայի շրջանակներում դպրոցների 11-րդ դասարանի աշակերտներն այսուհետ պետք է ռազմամարզական ճամբար գնան։ Նախագիծը հանրային քննարկման է ներկայացվել Իրավական ակտերի նախագծերի հրապարակման միասնական կայքում` e-draft.am-ում։

Դրանով առաջարկվում է, որ դպրոցականները 12 օր պետք է անցկացնեն ռազմամարզական ճամբարում` անցնելով շարային և մարտավարաֆիզիկական պատրաստություն, սովորելով կրակային, համազորային կանոնադրությունները, ինչպես նաև պետք է առաջին օգնության, կապ և հեռահաղորդակցության հմտություններին ծանոթանան, կիրառեն։

Իսկ նման ճամբարների անցկացման նպատակը, ինչպես նշվում է նախագծի հիմնավորման մեջ, զինվորականի մասնագիտության նկատմամբ հետաքրքրության ձևավորումն է, արտակարգ իրավիճակներում դիմակայելու և արդյունավետ գործելու ունակությունների զարգացումը։ Ճամբարի անձնակազմը 56 հաստիքից է բաղկացած, որտեղ ներառված են նաև բժիշկ, հոգեբան, պարուսույց, խոհարար, էլեկտրիկ, հերթապահ ոստիկան։

Կրթության փորձագետ Ատոմ Մխիթարյանը Sputnik Արմենիայի հետ զրույցում հայտնեց` գաղափարը գովելի է, քանի որ մարդը գիտելիքներն ավելի հեշտ է յուրացնում և կարողանում իրացնել, եթե պրակտիկ մասը նույնպես ապահովվում է։ Նա կարծում է, որ սա պետք է վերաբերի ոչ միայն ՆԶՊ–ին, այլ նաև մյուս առարկաներին։

«Նման փորձ մենք ունեցել ենք խորհրդային տարիներին բարձրագույն ուսումնական հաստատություններում, որտեղ գործում էին ռազմական ամբիոններ։ Ինքս էլ սովորելու տարիներին հավաքների էի մասնակցում։ Հետաքրքիրն այն էր, որ ռազմամարզական հավաքներին պատշաճ մասնակցություն ցուցաբերելուց հետո զինվորական կոչումներ էինք ստանում»,–ասաց Մխիթարյանը։

Հայաստանի բուհերի լավագույն ուսանողները կստանան Մոսկվայի քաղաքապետի կրթաթոշակ

Նրա խոսքով` ԿԳՄՍ նախարարության ներկայացրած վերոհիշյալ նախաձեռնությունը կարևոր և գաղափարի մակարդակով շատ լավն է։ Սակայն, ըստ կրթության փորձագետի, նախագիծը գաղափարից այն կողմ իր մեջ ոչինչ չի պարունակում` այն ասես ցանկությունների դեկլարացիա լինի։

Մխիթարյանը նշում է` ճիշտ է, ողջունելի է, որ ճամբարին պետք է մասնակցեն ինչպես տղաները, այնպես էլ աղջիկները, սակայն 12 օրը բավական քիչ է հմտություններ ձեռք բերելու համար։ Նա առաջարկում է, որպեսզի ՆԶՊ–ի պրակտիկ մասը կատարվի ուսումնական զինվորական հաստատություններում։ Այս կերպ հասարակություն և բանակ կապը կամրապնդվի, քանի որ, ըստ Մխիթարյանի, հասարակության մոտ անվստահության չափաբաժին կա բանակի նկատմամբ։

«Շատերն ուղղակի չեն պատկերացնում, թե բանակում ինչ վիճակ է և ինչ մթնոլորտ է տիրում։ Ուստի, դպրոցն ու բանակը կապելու կամուրջ կարող է հանդիսանալ այն, որ հենց ռազմական ուսումնական հաստատությունում անցկացվեն այդ ճամբարները»,–ասաց Մխիթարյանը` հավելելով այդ դեպքում նախատեսված ծախսերն էլ դուրս կգան, քանի որ արդեն իսկ հատուկ ճամբար ստեղծելու կարիք չի լինի։

Մասնագետը նշեց, թե հակառակ դեպքում մեծ թվով մասնագետների կարիք է լինելու և հարց է առաջանում` արդյո՞ք նրանց պատրաստվել պետք չէ, ինչը նույնպես հավելյալ ծախսեր է ենթադրում։ Ուստի, ըստ նրա, ավելի ճիշտ կլինի, որ ճամբարի փոխարեն հավաքներ լինեն, և ժամանակ առ ժամանակ իրար փոխարինելով` դպրոցականներն այցելեն ու իրական պայմաններում պատրաստվածություն անցնեն։

Ինչպես պետք է դասավանդվի «Ռազմագիտությունը» դպրոցներում. ռազմական վերլուծաբանի տեսակետը

Մխիթարյանը վստահեցնում է` նախարարության ներկայացրած ձևաչափով ճամբարի անցկացումը կլինի ոչ արդյունավետ և ծախսատար։

Նշենք, որ նախագիծը հանրային քննարկման է դրված և բաց է կարծիքների համար մինչև փետրվարի 25-ը։

918
թեգերը:
Աշակերտ, Ռազմագիտություն, Ատոմ Մխիթարյան, դպրոց, Կրթության, գիտության, մշակույթի և սպորտի նախարարություն (ԿԳՄՍ), կրթություն
Ըստ թեմայի
Արցախի ՊԲ-ն չի կազմալուծվելու․ անցում է արվում պրոֆեսիոնալ բանակի․ Վահրամ Պողոսյան
Գործընթացը սկսված է․ ի՞նչ հետևանքներ կարող է ունենալ Արցախի բանակի վերաձևավորումը
Բանակը պետք է մերժի նրանց, ովքեր չեն ծառայել, բայց կառավարության կազմում են. Օհանյան
Ավտոբուս

Գարնան առաջին օրվանից 99 համարի երթուղին Երևանում կսկսի գործել նոր ավտոբուսներով

173
(Թարմացված է 16:46 28.02.2021)
Վարորդները լինելու են հատուկ համազգեստով, ղեկին չեն ծխելու և հեռախոսով չեն խոսելու։

ԵՐԵՎԱՆ, 28 փետրվարի – Sputnik․ Մարտի 1-ից մայրաքաղաքային 99 համարի երթուղին կգործի 13 նոր ավտոբուսներով։ Տեղեկությունը Facebook-ի իր էջում հայտնում է քաղաքապետի մամուլի խոսնակ Հակոբ Կարապետյանը։

Երթուղին սկսվելու է ՀԱԹ Բաբաջանյան փողոցից, անցնելու է քաղաքի կենտրոնով դեպի Քանաքեռ-Զեյթուն։ Երթուղու վերջնակետը Ուռուցքաբանության կենտրոնի մոտ է։ Ավտոբուսներն աշխատելու են առավոտյան 07.15-ից մինչև 23.00։

Քաղաքապետի մամուլի խոսնակը նաև մի քանի «կանոններ» է հիշեցրել, որոնք կարևոր են երթուղու նոր ավտոբուսներից օգտվելու համար։

Հայկ Մարությանը կոմպոզիտոր Վլադիլեն Բալյանին է հանձնել Երևանի պատվավոր քաղաքացու կոչում

«Պետք է վճարել նստելիս։ Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ»,- նշում է Կարապետյանը։

Նրա խոսքով՝ ավտոբուսի սրահը տեսահսկվում է՝ ուղևորների և առհասարակ երթևեկության անվտանգության նկատառումներով։

Մասնավոր մանկապարտեզների և դպրոցների գլխին սուր է կախված. փակման վտանգ` հանուն բյուջեի

Հատուկ կանոններ են սահմանված նաև վարորդների համար․ նրանք լինելու են համապատասխան համազգեստով, հրահանգավորված են երևեկության ընթացքում չծխելու և հեռախոսով չխոսելու պահանջի մասին։

Երևանի մետրոպոլիտենի համար դրենաժային թունել կկառուցվի

173
թեգերը:
ավտոբուս, Երևան, Հայաստան
Նարեկացու հիշատակի օրվա կապակցությամբ Վատիկանում պատարագ է մատուցվել

Նարեկացու հիշատակի օրվա կապակցությամբ Վատիկանում պատարագ է մատուցվել. լուսանկարներ

34
(Թարմացված է 13:36 28.02.2021)
Պատարագից հետո Վատիկանի այգիներում դեռևս 2018թ․-ին վեր խոյացած Նարեկացու արձանի մոտ էկումենիկ աղոթք է հնչել։

ԵՐԵՎԱՆ, 287 փետրվարի – Sputnik. Վատիկանի Սուրբ Պետրոսի տաճարում երեկ` փետրվարի 27-ին, տեղի է ունեցել Գրիգոր Նարեկացու հիշատակի օրվան նվիրված պատարագ` Սուրբ Աթոռի Արևելյան եկեղեցիների միաբանության պրեֆեկտ Լեոնարդո Կարդինալ Սանդրիի նախագահությամբ։ Տեղեկությունը հայտնում է Սուրբ Աթոռում Հայաստանի դեսպանությունը։

Պատարագին հետևել է էկումենիկ աղոթք՝ Վատիկանի այգիներում դեռևս 2018թ․-ին վեր խոյացած Նարեկացու արձանի մոտ, որին ներկա են գտնվել նաև Սուրբ Աթոռի Քրիստոնեական միության խթանման քահանայապետական խորհրդի նախագահ Կուրտ Կարդինալ Կոխը, պաշտոնատար անձիք, օտարերկրյա դեսպաններ, ԶԼՄ-ների ու հասարակական կառույցների ներկայացուցիչներ։

ՀՀ դեսպան Կարեն Նազարյանն իր ելույթի ընթացքում անդրադառնալով Նարեկացու հոգևոր-գրական ժառանգությանը` նշել է, որ Հռոմեական գլխավոր օրացույցում Ս․ Գրիգոր Նարեկացու հիշատակի օրը ներառելու Ֆրանցիսկոս պապի վերջերս կայացրած որոշումը գալիս է փաստելու հայաստանյայց ու կաթոլիկ քույր եկեղեցիների միջև շարունակական սերտացման, ինչպես նաև Հայաստանի ու Սուրբ Աթոռի միջև զարգացող հարաբերությունների մասին։

Նազարյանի խոսքով` հայ ժողովուրդն իր հազարամյա պատմության ընթացքում երբեք չի ընկրկել իրեն պարտադրված պատերազմների, հարևանների ագրեսիայի, ջարդերի, ցեղասպանության ու այլ զրկանքների առջև, վեր է հառել և շարունակել է հավատարիմ մնալ քրիստոնեական ու համամարդկային իդեալներին։

«Խաղաղության վարդապետի» (ինչպես ավելի վաղ Նարեկացուն անվանել էր Հռոմի պապը) օրվա առթիվ ՀՀ դեսպանն ընդգծել է ազգային ու գլոբալ մակարդակներում խաղաղության քաղաքակրթություն կերտելու եկեղեցու ու միջազգային հանրության ջանքերին սատարելու անհրաժեշտությունը։

Հիշատակի այս արարողությունները կազմակերպել էին Սուրբ Աթոռի Արևելյան եկեղեցիների միաբանությունը, Քրիստոնեական միասնության խթանման Քահանայապետական խորհուրդը՝ Սուրբ Աթոռում ՀՀ դեսպանության հետ համագործակցաբար ու վերջինիս նախաձեռնությամբ։ Արարողություններին մասնակցել են նաև Մխիթարյան միաբանության քահանայապետական պատվիրակ Լևոն արք. Զեքիյանը, Մայր աթոռ Սբ. Էջմիածնի ներկայացուցիչ Խաժակ արք. Պարսամյանը, Քահանայապետական Լևոնյան հայ վարժարանի տնօրեն Նարեկ վրդ․ Նամոյանը, հայ կաթողիկե քույրերը, հայ առաքելական ու կաթողիկե եկեղեցիների հոգևորականներն ու հայ համայնքի ներկայացուցիչները։

34
թեգերը:
աղոթք, պատարագ, Գրիգոր Նարեկացի, Վատիկան
Ըստ թեմայի
Ինչպես փրկվեց Դադիվանքը. տեր Վահրամը հայտնել է` քանի եկեղեցի է մնացել թշնամու կողմում
Գումար կհատկացվի Ստեփանակերտից Արցախի եկեղեցիներ տրանսպորտ ապահովելու համար. Հարությունյան
Վիգեն Ավետիսի «Հայոց մայր» հուշարձանը ցուցադրվում է Տոսկանայում
ՃՏՊ, արխիվային լուսանկար

Վրաերթ Արարատի մարզում. տղամարդը մի քանի մետր շպրտվել է ու տեղում մահացել

0
(Թարմացված է 00:19 01.03.2021)
Վարորդը փախուստի չի դիմել, փորձել է օգնություն ցուցաբերել վրաերթի ենթարկված տղամարդուն։

ԵՐԵՎԱՆ, 28 փետրվարի – Sputnik. Այսօր՝ փետրվարի 28-ին, մահվան ելքով վրաերթ է տեղի ունեցել Արարատի մարզում: Ժամը 20:30–ի սահմանում Նիզամի գյուղի բնակիչ, 38-ամյա Էդուարդ Աբրահամյանը՝ Նիզամի գյուղի կենտրոնական փողոցում իր վարած «Mercedes» մակնիշի ավտոմեքենայով վրաերթի է ենթարկել համագյուղացուն` 76-ամյա Միրզա Աբրամովին: Տեղեկությունը հայտնում է shamshyan.com–ը։

Ըստ կայքի` վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, սակայն վերջինս, որ հարվածից մի քանի մետր շպրտվել է, տեղում մահացել է:

Սպանություն Լոռիում. 35–ամյա տղամարդը մահացել է մինչև հիվանդանոց հասնելը

Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով:

Քննիչի հանձնարարականով ավտոմեքենան տեղափոխվել է ոստիկանության Մասիսի բաժնի պահպանվող հատուկ տարածք:

Փարաքար-Մուսալեռ ավտոճանապարհին բախվել են «Mazda»-ն և «Honda Elison»-ը․ կա զոհ

0
թեգերը:
վարորդ, Մահ, Վրաերթ, Արարատի մարզ, Հայաստան
Ըստ թեմայի
Երկու անգամ նույն տունն է մտել գողության համար, Սևանի ոստիկանները բռնել են դեպքի վայրում
Հրդեհ Աբովյան քաղաքում. այրված կրպակում դիակ են հայտնաբերել
Նուբարաշենի գերեզմանները թալանել են. ոստիկանները հայտնաբերել են գողերին