Գեղեցիկ ու կոկիկ. ո՞ր սանրվածքներն են նորաձև այս գարնանը
(Թարմացված է 17:12 19.02.2021)
Շուտով գարուն է, և վարսերը գլխարկի տակ թաքցնելու կարիք այլևս չի լինի։ Ներկայացնում ենք 2021 թվականի գարուն–ամառ ժամանակահատվածի նորաձև սանրվածքները, որոնք ոչ միայն կոկիկ տեսք կապահովեն, այլև կընդգծեն ձեր ինքնատիպությունը։ Գլխակապեր
Այս տարի շատ նորաձև են գլխակապերը, բանդանաները, գլխաշորերը, որոնք կապահովեն ձեր կանացի կերպարը։
Посмотреть эту публикацию в Instagram
Կարող եք գլխակապերը համադրել ականջօղերի հետ. որքան մեծ կամ երկար, այնքան լավ։ Դրանք հիանալի համադրություն կարող են լինել հատկապես երեկոյան զգեստների հետ։
Посмотреть эту публикацию в Instagram
«Բախտը մեջտեղից բացված»
Ի տարբերություն ճակատի վրա ընկնող մազափնջի, որն ըստ դիզայներների` հնաոճ է, այս չհնացող սանրվածքն արդիական է նաև այս տարի։
Посмотреть эту публикацию в Instagram
Посмотреть эту публикацию в Instagram
Ծոծրակի մոտ հավաքած մազափունջ
Այս սանրվածքի համար պետք է «զինվել» մազերի համար նախատեսված գելերով, լաքերով և յուղերով, որպեսզի սանրվածքը լինի հնարավորինս հարթ և կարճ մազերը չխանգարեն։
Посмотреть эту публикацию в Instagram
Այս սանրվածքը նախատեսված է միջին երկարության մազերի համար։
Ինչպես ավելի փարթամ մազեր ունենալ․ մասնագետների խորհուրդները
Посмотреть эту публикацию в Instagram
Հյուսքեր
Սանրվածքը հատկապես հարմար է ծովափ մեկնելիս։ Չի պահանջում յուրահատուկ խնամք, բայց տալիս է մշտապես գեղեցիկ և հարդարված տեսք։
Посмотреть эту публикацию в Instagram
Դիզայներներն այս տարի իրենց ողջ ուշադրությունը սևեռել են տարատեսակ հյուսքերի վրա։
Посмотреть эту публикацию в Instagram
Եթե որոշել եք կտրուկ փոխել ձեր սանրվածքը, բայց չեք ցանկանում կտրել մազերը, ապա աֆրիկյան հյուսքերը շատ հարմար տարբերակ են։
Աչքիս մի երևա. փոքրիկը սարսափել է հոր նոր սանրվածքից. տեսանյութ
Посмотреть эту публикацию в Instagram
Մետաղյա մազակալներ
Այս սանրվածքները մեզ մտովի կտեղափոխեն 90–ականներ, երբ շատ նորաձև էին տարատեսակ մետաղյա մազակալները։ Մեզ կրկին անհրաժեշտ կլինի մազի գելեր, լաքեր կամ յուղեր։
Посмотреть эту публикацию в Instagram
Զարդարում ենք սանրվածքը մետաղյա մազակալներով ու ստանում շքեղ կերպար։
Посмотреть эту публикацию в Instagram
Խոշոր աքսեսուարները`ականջօղերը, գլխազարդերը և թագերն այս տարի շատ նորաձև են, իսկ մետաղյա մազակալները կամբողջացնեն այդ վառ կերպարը։
Посмотреть эту публикацию в Instagram
Սանրվածք տիկին դե Գոլի համար. ինչպես են հայերը կտրում կամ հարդարում առաջին դեմքերի մազերը
Ողբերգական դեպք Արարատի մարզում. վարորդը հանկարծամահ է եղել ավտոմեքենայի ղեկին
(Թարմացված է 20:10 08.03.2021)
Ոստիկաններն ու փրկարարները պարզել են, որ ավտոմեքենայի վարորդը՝ Արարատի մարզի Ավշար գյուղի բնակիչ, 59-ամյա Արշակ Պ.-ն, ավտոմեքենան վարելու ընթացքում վատ է զգացել, ինչից հետո հավանաբար հանկարծամահ է եղել ու ավտոմեքենայով բախվել էլեկտրասյանը:ԵՐԵՎԱՆ, 8 մարտի - Sputnik. Այսօր՝ մարտի 8-ին, ողբերգական դեպք է տեղի ունեցել Արարատի մարզում: Ինչպես հայտնում է shamshyan.com կայքը, Ժամը 15:50-ի սահմաններում Նոյակերտ գյուղում ВАЗ 2102 մակնիշի ավտոմեքենան բախվել է երկաթե էլեկտրասյանը, վարորդին մահացած են գտել։
Ոստիկաններն ու փրկարարները պարզել են, որ ավտոմեքենայի վարորդը՝ Արարատի մարզի Ավշար գյուղի բնակիչ, 59-ամյա Արշակ Պ.-ն, ավտոմեքենան վարելու ընթացքում վատ է զգացել, ինչից հետո հավանաբար հանկարծամահ է եղել ու ավտոմեքենայով բախվել էլեկտրասյանը:
Կայքի տեղեկություններով՝ վարորդի հետ ավտոմեքենայում եղել է նաև կինը:
Փաստի առթիվ նյութեր են նախապատրաստվում: Նշանակվել են մի շարք փորձաքննություններ:
Մայրս պատկերն է մայր հայրենիքիս. ԱԺ նախագահի շնորհավորանքը հերոս զինվորների հերոս մայրերին
(Թարմացված է 16:50 08.03.2021)
Արարատ Միրզոյանը վստահեցրել է, որ պետությունը լինելու է կանանց կողքին՝ միասին քայլ առ քայլ հաղթահարելու առկա մարտահրավերները։ԵՐԵՎԱՆ, 8 մարտի - Sputnik. ՀՀ ԱԺ նախագահ Արարատ Միրզոյանը Facebook–ի իր էջում ուղերձ է հրապարակել` շնորհավորելով կանանց իրավունքների պաշտպանության միջազգային օրվա կապակցությամբ։
Նա նշել է, որ կանանց աշխատանքն ու համառությունը, որոնք մեծագույն հարգանքի են արժանի, կարևորագույն երաշխիքն են, որ նրանք անպայմանորեն զբաղեցնելու են իրենց արժանի տեղը կյանքի բոլոր ոլորտներում՝ քաղաքականից մինչև տնտեսական, գիտությունից մինչև արվեստ։
Միրզոյանը վստահեցրել է, որ այս ճանապարհին պետությունը լինելու է կանանց կողքին՝ միասին քայլ առ քայլ հաղթահարելու առկա մարտահրավերները։
«Չեմ կարող առանձնակի չշնորհավորել մեր հերոս զինվորների հերոս մայրերին, նրանց տիկնանց, քույրերին։ Սիրելի' մայրեր, խոսքերը երբևէ չեն հերիքելու շնորհավորելու ձեզ ձեր որդիների փոխարեն։ Որդիաբար խնդրում եմ ընդունել Շիրազի տողերը բոլորիս անունից»,–գրել է ԱԺ նախագահն ու մեջբերել Հովհաննես Շիրազի հայտնի բանաստեղծությունից մի քառատող.
Եվ հիմա քիչ է, թե աչքերս տամ,
Թե սիրտս հանեմ ու տամ մայրիկիս,
Ախ, մայր երգելուց ինչպես կշտանամ,
Մայրս պատկերն է մայր հայրենիքիս:
«Խոնարհվում եմ այն կանանց հիշատակի առաջ, որոնք իրենց կյանքը զոհեցին». Փաշինյանի ուղերձը
Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։
ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։
Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։
Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։
©
Sputnik / Asatur Yesayants
«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։
Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։
Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։
Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։
թեգերը: