Նազենի Հովհաննիսյան. արխիվային լուսանկար

Ի՜նչ լավ մամա կլինեիք. հետևորդները Նազենի Հովհաննիսյանին «հանգիստ չեն տալիս»

119
(Թարմացված է 18:16 18.02.2021)
Նազենիի հետևորդներն անչափ հավանել են նրա հրապարակած նոր լուսանկարը։ Նրանք ընդգծել են, որ դերասանուհուն մայրիկի կերպարը շատ է սազում, ոմանք էլ «պահանջել են» երեխաներ ունենալ։

ԵՐԵՎԱՆ, 18 փետրվարի - Sputnik. Ճանաչված դերասանուհի, հաղորդավարուհի Նազենի Հովհաննիսյանը նոր ու զվարճալի լուսանկար է հրապարակել Instagram-ի իր էջում։ Կադրում Նազենին դերասանուհի Նարինե Պետրոսյանի դստեր` Ադելի հետ պառկած է անկողնում և երկուսով յոգայի վարժություն են կատարում։

«Իմ լույսի կտոր Ադելն է։ Մեր Նարինե Պետրոսյանի կրտսերն է, 6 տարեկանում ասում է` ոտքերդ գլխիդ կկպցնե՞ս։ Ես իմ սիրուն ձագոյին ո՞նց բացատրեմ, որ գրեթե 40-ում դա առնվազն բարդ է, բայց դե արեցի, ճարս ինչ... Էս մեր արքայադստերը ամբողջ նկարահանման խումբն էր ենթարկվում, ես ո՞նց չենթարկվեի...»,–գրել է դերասանուհին։

Նազենիի հետևորդներն անչափ հավանել են լուսանկարը։ Նրանք ընդգծել են, որ դերասանուհուն մայրիկի կերպարը շատ է սազում, ոմանք էլ «պահանջել են» երեխաներ ունենալ։

««Մեծի հետ մեծ,փոքրի հետ փոքր...չքնաղ Նազենի»,«Իսկ չե՞ք կարծում որ ձեզ նման տաղանդաշատ հայը իր գեները գոնե երկու երեխայի պետք է փոխանցի», «Ի՜նչ լավ մամա կլինեիք», «Իրոք որ` լույսի կտոր», «Սիրուններ»»,– գրել են նրանք։

Նշենք, որ Նազենի Հովհաննիսյանը շատ ակտիվ է սոցցանցերում, նա հաճախ է իր հետևորդների հետ զրուցում տարբեր թեմաներից և նրանց ուրախացնում վառ կերպարներով։

«Օրորոցայինը լավագույն պատվաստումն է...». Նազենի Հովհաննիսյան

119
թեգերը:
մայր, Լուսանկար, ինստագրամ, Նազենի Հովհաննիսյան
Ըստ թեմայի
Գնահատեք միայնակ կնոջը, որը չի նախընտրում տխմար ու անորակ կոմպրոմիսը. Նազենի Հովհաննիսյան
«Սիրո ընկալումներն էնքան տարբեր են». հատված Նազենի Հովհաննիսյանի գրքից
«Ձեռքերս դողում էին նկարելիս, ախր շատ էֆեկտով աղջիկ է». Նազենի Հովհաննիսյանի շքեղ կերպարը
Նազենի Հովհաննիսյանը ցուցադրել է իր մարմնի ճկունությունը. Քիմը չի կարողանա նույնն անել
Արխիվային լուսանկար

Ողբերգական դեպք Արարատի մարզում. վարորդը հանկարծամահ է եղել ավտոմեքենայի ղեկին

43
(Թարմացված է 20:10 08.03.2021)
Ոստիկաններն ու փրկարարները պարզել են, որ ավտոմեքենայի վարորդը՝ Արարատի մարզի Ավշար գյուղի բնակիչ, 59-ամյա Արշակ Պ.-ն, ավտոմեքենան վարելու ընթացքում վատ է զգացել, ինչից հետո հավանաբար հանկարծամահ է եղել ու ավտոմեքենայով բախվել էլեկտրասյանը:

ԵՐԵՎԱՆ, 8 մարտի - Sputnik. Այսօր՝ մարտի 8-ին, ողբերգական դեպք է տեղի ունեցել Արարատի մարզում: Ինչպես հայտնում է shamshyan.com կայքը, Ժամը 15:50-ի սահմաններում Նոյակերտ գյուղում ВАЗ 2102 մակնիշի ավտոմեքենան բախվել է երկաթե էլեկտրասյանը, վարորդին մահացած են գտել։

Ոստիկաններն ու փրկարարները պարզել են, որ ավտոմեքենայի վարորդը՝ Արարատի մարզի Ավշար գյուղի բնակիչ, 59-ամյա Արշակ Պ.-ն, ավտոմեքենան վարելու ընթացքում վատ է զգացել, ինչից հետո հավանաբար հանկարծամահ է եղել ու ավտոմեքենայով բախվել էլեկտրասյանը:

Կայքի տեղեկություններով՝ վարորդի հետ ավտոմեքենայում եղել է նաև կինը:

Փաստի առթիվ նյութեր են նախապատրաստվում: Նշանակվել են մի շարք փորձաքննություններ:

Սերգեյ Բեզրուկովը հենց բեմում սրտի կաթված է ստացել

43
թեգերը:
Արարատի մարզ, Մահ, կաթված, վարորդ, վթար
Ըստ թեմայի
Հանկարծամահ է եղել Նուրսուլթան Նազարբաևի 30-ամյա թոռը
Հանկարծամահ է եղել լուսանկարիչ Գերման Ավագյանը
Ի՞նչ է «լուռ» կաթվածը․ բժիշկը խոսել է հիմնական ախտանիշների մասին
Արարատ Միրզոյան. արխիվային լուսանկար

Մայրս պատկերն է մայր հայրենիքիս. ԱԺ նախագահի շնորհավորանքը հերոս զինվորների հերոս մայրերին

81
(Թարմացված է 16:50 08.03.2021)
Արարատ Միրզոյանը վստահեցրել է, որ պետությունը լինելու է կանանց կողքին՝ միասին քայլ առ քայլ հաղթահարելու առկա մարտահրավերները։

ԵՐԵՎԱՆ, 8 մարտի - Sputnik. ՀՀ ԱԺ նախագահ Արարատ Միրզոյանը Facebook–ի իր էջում ուղերձ է հրապարակել` շնորհավորելով կանանց իրավունքների պաշտպանության միջազգային օրվա կապակցությամբ։

Նա նշել է, որ կանանց աշխատանքն ու համառությունը, որոնք մեծագույն հարգանքի են արժանի, կարևորագույն երաշխիքն են, որ նրանք անպայմանորեն զբաղեցնելու են իրենց արժանի տեղը կյանքի բոլոր ոլորտներում՝ քաղաքականից մինչև տնտեսական, գիտությունից մինչև արվեստ։

Միրզոյանը վստահեցրել է, որ այս ճանապարհին պետությունը լինելու է կանանց կողքին՝ միասին քայլ առ քայլ հաղթահարելու առկա մարտահրավերները։

«Չեմ կարող առանձնակի չշնորհավորել մեր հերոս զինվորների հերոս մայրերին, նրանց տիկնանց, քույրերին։ Սիրելի' մայրեր, խոսքերը երբևէ չեն հերիքելու շնորհավորելու ձեզ ձեր որդիների փոխարեն։ Որդիաբար խնդրում եմ ընդունել Շիրազի տողերը բոլորիս անունից»,–գրել է ԱԺ նախագահն ու մեջբերել Հովհաննես Շիրազի հայտնի բանաստեղծությունից մի քառատող.

Եվ հիմա քիչ է, թե աչքերս տամ,
Թե սիրտս հանեմ ու տամ մայրիկիս,
Ախ, մայր երգելուց ինչպես կշտանամ,
Մայրս պատկերն է մայր հայրենիքիս:

«Խոնարհվում եմ այն կանանց հիշատակի առաջ, որոնք իրենց կյանքը զոհեցին». Փաշինյանի ուղերձը

81
թեգերը:
մայր, Կին, Մարտի 8, Արարատ Միրզոյան
Ըստ թեմայի
Ինչպես ծաղկեփնջի օգնությամբ Մարտի 8-ին աղջկան սեր խոստովանել
Չափավոր ապրելու խնդիր ունենք. ի՞նչ է առաջարկում գյումրեցի գործարարը Մարտի 8–ի հետ կապված
Ծաղիկներ` մարտի 8-ին ընդառաջ․ խաղաղապահները շնորհավորել են արցախցի կանանց տոնը․ տեսանյութ
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

229
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

229
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան