Արխիվային լուսանկար

Նովոսիբիրսկցի ուսանողը դաժանորեն սպանել է համակուրսեցուն ու ապշեցրել իր խոստովանությամբ

82
(Թարմացված է 20:02 16.02.2021)
Պատվի մասին պատկերացումները ստիպել են երիտասարդին ծայրահեղ քայլերի դիմել։ Որպես իր արարքի երկրորդական պատճառ` տղան նշել է, որ համակուրսեցին «խլել է իր ընկերուհուն»։

ԵՐԵՎԱՆ, 16 փետրվարի — Sputnik. Նովոսիբիրսկում ուսանողը դանակահարել է իր կուրսեցուն ու բոլորին ցնցել դաժան սպանության պատճառների մասին խոստովանությամբ:

«Սիբ․ֆմ»-ը հայտնում է, որ սպանությունը տեղի է ունեցել փետրվարի 16-ին Նովոսիբիրսկի պետական տեխնիկական համալսարանի մասնաշենքի մոտ։ Ուսանողը դանակով հարձակվել է համակուրսեցու վրա ու հանցագործության վայրում ձերբակալվել Ռոսգվարդիայի աշխատակիցների կողմից: Տուժածին փրկել չի հաջողվել։

Ինչպես նշում է Baza-ն իր Telegram ալիքում՝ մարդասպանը գրառում է արել սոցիալական ցանցի իր էջում:

«Եթե գրառումը հայտնվել է պատիս, ուրեմն մորթել եմ իմ համակուրսեցի առնետին ... Ինձ աներևակայելի զայրացրել է <...> նրա դիրքորոշումը, թե «ես քեզ պես էի, ու ես ատում եմ  ինձ դրա համար: Ես պատիվ ունեմ»։ Նա ոչ միայն պատկերացում չուներ, թե ով եմ ես, այլև «պատիվ» երևույթի էության մասին ոչինչ չգիտեր», - գրել է ուսանողը:

Առանձնակի դաժանությամբ սպանություն Արմավիրում. դին հետո էլ այրել են

Որպես իր արարքի երկրորդական պատճառ` նա նշել է այն հանգամանքը, որ համակուրսեցին «խլել է իր ընկերուհուն»։

Իրավապահ մարմինները պարզում են միջադեպի մանրամասները:

Հայտնաբերվել է Արմավիրում զուգընկերուհուն ու նրա եղբորը դաժանաբար սպանած Հուսեյնովի դիակը

82
թեգերը:
Ուսանող, Ռուսաստան, Սպանություն
թեմա:
Վթար, պատահար, սպանություն, գողություն (2930)
Ըստ թեմայի
ՀՀ քաղաքացին Կիևում դատապարտվել է Պորոշենկոյի վարչակազմի աշխատակցի սպանության համար
Զարհուրելի սպանությունը կատարվել է Վեդիի քաղաքապետարանում. դիակի ինքնությունը պարզվել է
Երևանում կատարված սպանությունը բացահայտվել է. 84–ամյա կնոջը սպանել է 44–ամյա տղամարդը
Սեյրան Օհանյան

Բանակը ճիշտ է արել, և վարչապետն իրավունք չունի հետապնդելու հրամանատարներին. Սեյրան Օհանյան

7
(Թարմացված է 19:47 01.03.2021)
Պաշտպանության նախկին նախարարը նշում է, որ միայն երկու հոգի են ԳՇ–ի հայտարարությունը հեղաշրջման փորձ որակում։

ԵՐԵՎԱՆ, 1 մարտի - Sputnik. Բանակը ճիշտ է արել, և վարչապետ Նիկոլ Փաշինյանն իրավունք չունի բանակի հրամանատարությանը ո՛չ պաշտոնից ազատելու, ո՛չ էլ ճնշելու։ Բաղրամյան պողոտայում Հայրենիքի փրկության շարժման հանրահավաքի ժամանակ ասաց պաշտպանության նախկին նախարար Սեյրան Օհանյանը։

«Ինչ է` բանակը պետք է նայի, թե ինչպե՞ս են մաս–մաս հանձնում թուրքերին ու ադրբեջանցիներին մեր հողերը։ Ասում են` բանակը պետք է քաղաքական չեզոքություն ցուցաբերի, ինչն էլ անում է բանակը, քանի որ չի մասնակցում այս հանրահավաքներին»,–ասաց Օհանյանը։

Նրա խոսքով` միայն Նիկոլ Փաշինյանն ու Թուրքիայի նախագահն են որակել գլխավոր շտաբի հայտարարությունը որպես ռազմական հեղաշրջման փորձ, իսկ մյուսները հասկացել են, որ ԳՇ–ն իր կարծիքն է հայտնել։

Օհանյանն ասաց նաև, որ թվում է, թե երիտասարդ բանակ ունենք, սակայն իրականում այդ բանակի խորքում մեր դարավոր պայքարի ոգին է։ Օհանյանը հայտնեց նաև, որ հանրահավաքին մասնակցում են նախկին 3 գլխավոր շտաբի պետեր` ինքը, գեներալ–գնդապետ Յուրի Խաչատուրովը և գեներալ–գնդապետ Մովսես Հակոբյանը։

Հիշեցնենք, որ այս րոպեներին Երևանում 2 հակընդդեմ հանրահավաքներ են. Հանրապետության հրապարակում ընթանում է իշխանությունների կողմնակիցների, Բաղրամյան պողոտայում՝ ընդդիմության հանրահավաքները։

Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Մարտի 1-ին իշխանությունը բանակը հանեց սեփական ժողովրդի դեմ. Նիկոլ Փաշինյան

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

7
թեգերը:
հանրահավաք, ընդդիմություն, Սեյրան Օհանյան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Օնիկ Գասպարյանը գեներալի, զինվորականի բացառիկ օրինակ է. Վանաձորի քաղաքապետ
Ես ոչ մեկի կողքին կանգնած չեմ. Խաչատուր Սուքիասյանը մասնակցում է իշխանության հանրահավաքին
«Ես շատ եմ մտածել, թե որտեղ ենք մենք սխալվել». Նիկոլ Փաշինյանը ներողություն խնդրեց
Գեղամ Մանուկյանի ելույթը ընդդիմության հանրահավաքում՝ Բաղրամյան պողոտայում. 1 մարտի, 2021

«Տավուշ տեքստիլը» միացել է Փաշինյանի հրաժարականի պահանջին. Գեղամ Մանուկյան

39
(Թարմացված է 19:34 01.03.2021)
Երևանում 2 հակընդդեմ հանրահավաքներ են. Հանրապետության հրապարակում ընթանում է իշխանությունների կողմնակիցների, Բաղրամյան պողոտայում՝ ընդդիմության հանրահավաքները։

ԵՐԵՎԱՆ, 1 մարտի - Sputnik. «Տավուշ տեքստիլի» տնօրինությունը նույնպես միացել է ընդդիմության` վարչապետ Նիկոլ Փաշինյանի հրաժարականի պահանջին։ Բաղրամյան պողոտայում մեկնարկած ընդդիմության հանրահավաքի ժամանակ ասաց ՀՅԴ ԳՄ ներկայացուցիչ Գեղամ Մանուկյանը։

Митинг оппозиции на проспекте Баграмяна (1 марта 2021). Еревaн
© Sputnik / Aram Nersesyan
Ընդդիմության հանրահավաքը Բաղրամյան պողոտայում. 1 մարտի, 2021

Նշենք, որ միաժամանակ Հանրապետության հրապարակում վարչապետ Նիկոլ Փաշինյանն է ելույթ ունենում։

«Մի շարք մարդիկ են միանում մեր հանրահավաքին։ Ավելին, տարբեր մարզերից մարդիկ են եկել ու միացել մեզ։ Մի խումբ ռուսաստանաբնակ տավուշցիներ, այդ թվում՝ Տավուշի ամենախոշոր ձեռնարկություններից մեկի՝ «Տավուշ տեքստիլի» սեփականատերը, հանդես է եկել հայտարարությամբ` ասելով, որ կանգնած է բանակի կողքին»,–ասաց Մանուկյանը։

Митинг оппозиции на проспекте Баграмяна (1 марта 2021). Еревaн
© Sputnik / Aram Nersesyan
Ընդդիմության հանրահավաքը Բաղրամյան պողոտայում. 1 մարտի, 2021

Նշենք, որ «Տավուշ տեքստիլ» ընկերության տնօրենը Սուրեն Երիցյանն է։

Հիշեցնենք, որ այս րոպեներին Երևանում 2 հակընդդեմ հանրահավաքներ են. Հանրապետության հրապարակում ընթանում է իշխանությունների կողմնակիցների, Բաղրամյան պողոտայում՝ ընդդիմության հանրահավաքները։

Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

39
թեգերը:
ընդդիմություն, հանրահավաք, Գեղամ Մանուկյան
Ըստ թեմայի
Վարչապետն Անվտանգության խորհուրդն օգտագործում է որպես ՀՀ նախագահին ճնշելու գործիք
Փաշինյանը հանրահավաքին ներկայացավ ընտանյոք հանդերձ
Մարտի 1-ին իշխանությունը բանակը հանեց սեփական ժողովրդի դեմ. Նիկոլ Փաշինյան
Նիկոլ Փաշինյանը հանրահավաքին

Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը

0
(Թարմացված է 19:47 01.03.2021)
Օնիկ Գասպարյանի հեռացման հարցում վարչապետ Փաշինյանն անդրդվելի է, բայց նշում է, որ այդ հանգամանքը ԶՈւ–ում վենդետաների առիթ չի դառնալու։

ԵՐԵՎԱՆ, 1 մարտի - Sputnik. ՀՀ վարչապետ Նիկոլ Փաշինյանի համոզմամբ` ՀՀ նախկին իշխանությունները փորձում են բանակը հանել ՀՀ ժողովրդի ու այդ ժողովրդի կողմից ընտրված օրինական իշխանության դեմ։ Այդ մասին նա հայտարարեց այսօր Հանրապետության հրապարակում հրավիրված հանրահավաքի իր ելույթում` մեկնաբանելով ՀՀ ԳՇ հայտարարությունը` իր հրաժարականի պահանջի վերաբերյալ։

«Այլոց շարքում այդ թվում Սերժ Սարգսյանն է։ ԶՈւ որոշ գեներալների շրջանում իր ազդեցությունն օգտագործելով` նրանց փորձում է հանել ժողովրդի դեմ»,– ասաց նա։

Այդուհանդերձ, Փաշինյանի բնորոշմամբ, ՀՀ ԶՈւ ԳՇ հայտարարությունը բացարձակապես ապօրինի է, որովհետև ՀՀ Սահմանադրության համաձայն` ԶՈւ–ն պարտավոր են քաղաքական չեզոքություն պահպանել։ 

«ԳՇ հայտարարությունն անխուսափելի է դարձնում Օնիկ Գասպարյանի հեռացումը ԳՇ պետի պաշտոնից։ Որովհետև այն ԳՇ պետը, որն անում է քաղաքական հայտարարություն, ընդ որում, այդ հայտարարությունն անում է Սերժ Սարգսյանի և նախորդ իշխանությունների, հանրապետականների դրդմամբ, ովքեր ուզում են 2008թ–ի նման ժողովրդական կամքը խեղդել տանկերի թրթուրների տակ, ՀՀ–ն նման ԳՇ պետ ուղղակի չի կարող ունենալ»,– ասաց նա։

Միաժամանակ վարչապետը խոստացավ, որ այդ հանգամանքը ԶՈւ–ում վենդետաների առիթ չի դառնալու, քանի որ այս պահի դրությամբ ԶՈւ–ն ու Օնիկ Գասպարյանը կարմիր գծեր չեն հատել։

Եվ այդուհանդերձ, Օնիկ Գասպարյանի հեռացման հարցում վարչապետ Փաշինյանն անդրդվելի է։

«Կապ չունի այդ թուղթն ովքեր են ստորագրել։ Որոշումը նման թուղթ սեղանին դնելու ու ստորագրություններ հավաքելու կայացրել է Օնիկ Գասպարյանը` Սերժ Սարգսյանի դրդմամբ։ Երբ որ իմ կողմից նշանակված ԳՇ պետը կատարում է մերժվածի հրամանները, դա ամենամեծ դավաճանությունն է,– ասա Փաշինյանը,– Օնիկ Գասպարյանը պետք է հեռանա, մյուսները` վերադառնան իրենց ծառայության»։

Փաշինյանը հույս հայտնեց, որ ՀՀ նախագահն ի վերջո կստորագրի Օնիկ Գասպարյանի ազատման հրամանագիրը, ինչի մասին նա Արմեն Սարգսյանին միջնորդել է ՀՀ Անվտանգության խորհրդի այսօր կայացած նիստի արդյունքում ու ինչ խնդրանքով նրան դիմել է անձամբ վարչապետը`այցելելով վատառողջ նախագահին։

Փաշինյանը հույս հայտնեց, որ Սարգսյանը կկատարի իր սահմանադրական պարտքը և մաղթեց նրան շուտափույթ ապաքինում։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

0
թեգերը:
Մարտի 1, հանրահավաք, Նիկոլ Փաշինյան, Օնիկ Գասպարյան, Արմեն Սարգսյան