ԵՐԵՎԱՆ, 16 փետրվարի - Sputnik. Կոռուպցիայի կանխարգելման հանձնաժողովը պետական պաշտոն զբաղեցնող և բիզնեսով զբաղվող որոշ պաշտոնյաների տվյալների ստուգման արդյունքներն ուղարկել է իրավապահներին։ Կան հարուցված քրեական գործեր, որոնք գտնվում են նախաքննության փուլում: Վարչապետ Նիկոլ Փաշինյանի գլխավորությամբ այսօր կառավարությունում տեղի ունեցած Հակակոռուպցիոն քաղաքականության խորհրդի նիստի ժամանակ տեղեկությունը հայտնել է հանձնաժողովի նախագահ Հայկուհի Հարությունյանը։

© CC0 / niekverlaan / https://pixabay.com/ru/photos/%D1%82%D0%B0%D0%B1%D0%BB%D0%B5%D1%82%D0%BA%D0%B0-ipad-%D1%87%D0%B8%D1%82%D0%B0%D1%82%D1%8C-%D1%8D%D0%BA%D1%80%D0%B0%D0%BD-1075790/

Հայաստանում հանցավորության ցուցանիշն ամենացածրերից է Եվրոպայում, բայց...

Նա վարչապետին տեղեկացրել է նաև, որ իրականացվել է պետական պաշտոններում նշանակման ենթակա 47 անձի, այդ թվում՝ դատախազի թեկնածուների, դատավորների հավակնորդի թեկնածուների, ՍԴ դատավորի թեկնածուների, ԲԴԽ անդամների թեկնածուների բարեվարքության ստուգում։ Նրանցից 26-ը ստացել են դրական եզրակացություն, 16-ը՝ դրական` վերապահումով, 4-ը՝ բացասական։

«Նախորդ տարի շարունակվել է գույքի, եկամուտների և շահերի հայտարարագրման համակարգի կատարելագործման աշխատանքը. 2019թ. համեմատ` 3 անգամ աճել է հայտարարատու անձանց թիվը, իրականացվել է գրեթե 640 հայտարարագրի վերլուծություն, որից 210-ը՝ ԲԴԽ անդամների, ՍԴ անդամ/դատավորների, նրանց ընտանիքի անդամների հայտարարագրերը: Վերլուծության արդյունքներով հանձնաժողովը հարուցել է 4 վարույթ՝ վարքագծի կանոնների, անհամատեղելիության պահանջների ներկայացրել»,–նշված է հաղորդագրության մեջ։

Կոռուպցիայի դեմ պայքա՞ր՝ չէ, չենք տեսել

Արդարադատության նախարար Ռուստամ Բադասյանը կարևորել է հակակոռուպցիոն դատարանների ստեղծումը։ Նա նշել է, որ օրենսդրական փաթեթով նախատեսվում է, որ մասնագիտացված և վերաքննիչ հակակոռուպցիոն դատարանների 5 դատավորները քննելու են «Ապօրինի ծագում ունեցող գույքի բռնագանձման մասին» օրենքի հիման վրա հարուցված քաղաքացիական գործերը։

© Sputnik / Asatur Yesayants

Կոռուպցիոն գործերով մասնագիտացված քննություն կլինի. Բադասյանը` 2 նոր դատարանների մասին

Վարչապետը հետաքրքրվել է, թե զուգահեռ ինչ աշխատանք է տարվում ապօրինի ծագում ունեցող գույքի բռնագանձման ուղղությամբ: Նշվել է, որ այս առումով 4 գործ գտնվում է ավարտական փուլում:

Հակակոռուպցիոն խորհրդի նիստում ներկայացվել է նաև որևէ սեփականության իրական շահառուների համատարած բացահայտմանն ուղղված օրենսդրական փաթեթը: Բադասյանը հայտնել է, որ իրական սեփականատերերի բացահայտման մեխանիզմը տարածվելու է բոլոր իրավաբանական անձանց վրա։ Ստացված տեղեկության հիման վրա կստեղծվի տեղեկատվական բաց բազա։

Հիշեցնենք, դեռ 2019թ.–ի դեկտեմբերին վարչապետը հայտարարել էր` համակարգային կոռուպցիա Հայաստանում չկա։ Բայց դա չի նշանակում, որ ՀՀ-ում կոռուպցիոն երևույթներ չկան:
Ո՞նց հավատանք, որ Հայաստանում համակարգային կոռուպցիա չկա. Ռոբերտ Քոչարյան

ԵՐԵՎԱՆ, 7 մարտի - Sputnik. Հայաստանի Հանրապետության տարածքում այսօր գիշերը, մարտի 9-ի ցերեկը, 10-ին սպասվում է առանց տեղումների եղանակ: Մարտի 7-ին՝ կեսօրից հետո, 8-ին, 11-ին շրջանների զգալի մասում, 9-ի գիշերը՝ Վայոց Ձորում, Սյունիքում և Արցախում, սպասվում են տեղումներ՝ լեռնային շրջաններում՝ ձյան տեսքով։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

Օդի ջերմաստիճանը մարտի 8-ի ցերեկը կնվազի 5-7 աստիճանով։

official site of the MES of RA

Եղանակի կանխատեսում

Երևան քաղաքում նույնպես մարտի 7-ի գիշերը, 9-10-ը սպասվում է առանց տեղումների եղանակ: Մարտի 7-ի երեկոյան ժամերին, 8-ին, 11-ին սպասվում են տեղումներ:

Ջերմաստիճանն այսօր ցերեկային ժամերին կլինի +9...+11, գիշերը` 0...+2 աստիճան։

Երևանի մանկապարտեզներում ընդունելություն կլինի՞. պատկան մարմինների արձագանքը