Հուսիկ Սարուխանյանը Sputnik Արմենիայի թղթակից Դավիթ Գալստյանին ցույց է տալիս ադրբեջանական դիրքերը

Հայերն ու ադրբեջանցիներն իրարից 2–3 մետրի վրա են. Ճակատենը զրկվել է ալեհավաք աշտարակից

925
(Թարմացված է 12:11 16.02.2021)
Ադրբեջանցիների հետ «հարևանությունը» վատթարացրել է Ճակատեն գյուղի սոցիալ-տնտեսական վիճակը։ Գյուղացիների հիմնական զբաղմունքն անասնապահությունն է, բայց արոտավայրերի բացակայության պատճառով գյուղացիները սկսել են ազատվել վաճառել անասուններից։

ԵՐԵՎԱՆ, 15 փետրվարի - Sputnik. Սյունիքի մարզի Ճակատեն գյուղի հեռուստաաշտարակի տարածքում հայ և ադրբեջանցի զինծառայողներն իրարից 2-3 մետր հեռավորության վրա են։ Տեղեկությունը Sputnik Արմենիային հայտնեց Ճակատենի արդեն նախկին ղեկավար Հուսիկ Սարուխանյանը: Վերջինս փաստացի դեռ համայնքապետ է, քանի որ նոր ընտրություններ չեն եղել։

Бывший глава администрации села Чакатен Усик Саруханян
© Sputnik / Aram Nersesyan
Հուսիկ Սարուխանյան

«Իրավիճակը դեռ հանգիստ է, ամեն ինչ իր հունով է ընթանում։ Բայց հայն ու թուրքն իրարից 2-3 մետր են հեռու»,- պատմեց Սարուխանյանը։

Այն, որ ադրբեջանցիները ցանկանում են սահմանն անցկացնել ալեհավաք աշտարակի տարածքով, Sputnik Արմենիան հայտնել էր դեռ 2020-ի դեկտեմբերին։

Телевышка села Чакатен Сюникской области
© Sputnik / David Galstyan
Ալեհավաք աշտարակը

Այժմ աշտարակի վրայից հեռուստատեսային ալեհավաքներն արդեն տեղափոխել են: Մնացել է «Ucom»-ի ալեհավաքը, բայց այն ևս շուտով կտեղափոխվի մեկ այլ վայր:

Հեռուստաաշտարակի տարածքը հայկական վերահսկողության տակ պահել չի հաջողվել։ Այն գտնվում է չեզոք գոտում։

«Աշտարակը երևի կտեղափոխենք գյուղի մյուս կողմը։ Տեսնենք` իրավիճակն ինչպես կթելադրի», - ասաց Սարուխանյանը և ավելացրեց` որոշումը պետք է ղեկավարությունը կայացնի։

Նշենք, որ ադրբեջանական նոր դիրքերը գրեթե կպած են գյուղին։ Սարուխանյանի խոսքով` գյուղի բնակիչները պարզ տեսնում են ադրբեջանցիներին, բայց ո՛չ ադրբեջանական, ո՛չ հայկական կողմն առաջ չի գալիս։

Село Чакатен в Сюникской области
© Sputnik / Aram Nersesyan
Ճակատեն

Ալեհավաք աշտարակից, որի կողքին է գտնվում են ադրբեջանական ուժերը, մինչև գյուղի մոտակա տուն ուղիղ գծով մոտ 250 մետր է։

Գյուղի շուրջ փաստացի սահմանի երկարությունը կազմում է մոտ 30 կմ:

Село Чакатен в Сюникской области
© Sputnik / Aram Nersesyan
Ճակատեն

Ադրբեջանցիների հետ անմիջական հարևանությունը վատթարացրել է նաև գյուղի սոցիալ-տնտեսական վիճակը։ Գյուղացիների հիմնական զբաղմունքն անասնապահությունն է։ Սարուխանյանի խոսքով` գյուղացիները սկսել են վերացնել անասուններին։

Ըստ նրա` կենդանիները տարիներ շարունակ արածել են այն տարածքներում, որոնք այժմ փոխանցվել են ադրբեջանցիներին։ Իսկ այլ արոտավայրեր մոտակայքում չկան։

«Կենդանիները հենց դուրս են գալիս անասնագոմից, անմիջապես այն կողմ են գնում։ Արդեն մի քանի մարդ վաճառել կամ մորթել է անասուններին», - ասաց Սարուխանյանը։

Նա հավելեց, որ գյուղում երիտասարդներ գրեթե չեն մնացել, մեծամասնությունը արտագնա աշխատանքի է մեկնել, մի մասն էլ` մոտակա քաղաքներ կամ արտերկիր։

Дорожный знак у въезда в село Чакатен, Сюник
© Sputnik / Aram Nersesyan
Ճակատեն

Վերջերս գյուղից ոչ հեռու միջադեպ էր տեղի ունեցել. ադրբեջանցիները փակել էին ճանապարհը «Բարի գալուստ Ադրբեջան» ցուցանակի վրա կրակելուց հետո: Ռուս սահմանապահները միջամտել էին ու բացել ճանապարհը։

Իրենք ՝ ադրբեջանցիները, նույնպես օգտվում են ճանապարհից։ Ռուս սահմանապահների ուղեկցությամբ նրանք շաբաթական մի քանի անգամ անցնում են Կապան-Ճակատեն ճանապարհահատվածի մի քանի կիլոմետրը: Սովորաբար հաց կամ առաջին անհրաժեշտության ապրանքներ են տանում իրենց դիրքեր։

Ճակատեն գյուղի բնակիչ Հրանուշը Sputnik Արմենիային պատմեց, որ իր ողջ կյանքն այս գյուղում է անցել։ Ամուսնացել է, երեխաներ ունեցել։ Որդիներից մեկը նույնպես գյուղից մեկնել է արտագնա աշխատանքի։ Մյուս որդին տանն է։ Բացի անասնապահությունից և հողամասում աշխատելուց, այլ զբաղմունք չկա: Երկու կով ունեն, բայց վախենում են նրանց դուրս թողնել գոմից։

«Չգիտենք, թե ինչ կլինի երկրի հետ։ Մենք հիմա խոսում ենք, բայց յուրաքանչյուր պահի կարող է նորից պատերազմ սկսվել... Կովը` մի կողմ, երեխաների մասին է պետք մտածել», - ասում է Հրանուշ տատը։

Жительница села Чакатен Сюникской области Грануш
© Sputnik / Aram Nersesyan
Հրանուշ տատը

Արցախյան վերջին պատերազմի հետևանքով Ադրբեջանի վերահսկողության տակ անցան Արցախի մի շարք շրջաններ։ Դրանից հետո սկսվեց Հայաստանի և Ադրբեջանի սահմանների հստակեցման գործընթացը, ինչը խիստ դժգոհություն առաջացրեց Սյունիքի սահմանամերձ բնակավայրերի բնակիչների շրջանում։ Այնտեղ բողոքի ակցիաներ սկսվեցին, քաղաքացիները փակեցին ճանապարհները ՝ պահանջելով լուծել սահմանների և նրանց անվտանգության հարցը, իսկ սահմանազատումն անվանեցին ապօրինի։

Իրավիճակը հատկապես սրվեց Կապան-Գորիս ճանապարհահատվածի, ինչպես նաև մի քանի գյուղերի՝ Ճակատենի, Դավիթ Բեկի, Որոտանի, Շուռնուխի, Ներքին Խնձորեսկի հատվածներում։

925
թեգերը:
ադրբեջանցի, Ճակատեն, Սյունիքի մարզ
Ըստ թեմայի
Հայաստանն ու Ադրբեջանն առանց Ռուսաստանի Սյունիքի մասին որևէ փաստաթուղթ չեն ստորագրել
Հարբած ադրբեջանցիները կրակում են Սյունիքի գյուղերի հարևանությամբ. ՄԻՊ
Սյունիքի և Գեղարքունիքի սահմանամերձ դարձած 39 բնակավայրում կօգտվեն աջակցության ծրագրերից
Ավտոբուս

Գարնան առաջին օրվանից 99 համարի երթուղին Երևանում կսկսի գործել նոր ավտոբուսներով

16
(Թարմացված է 16:39 28.02.2021)
Վարորդները լինելու են հատուկ համազգեստով, ղեկին չեն ծխելու և հեռախոսով չեն խոսելու։

ԵՐԵՎԱՆ, 28 փետրվարի – Sputnik․ Մարտի 1-ից մայրաքաղաքային 99 համարի երթուղին կգործի 13 նոր ավտոբուսներով։ Տեղեկությունը Facebook-ի իր էջում հայտնում է քաղաքապետի մամուլի խոսնակ Հակոբ Կարապետյանը։

Երթուղին սկսվելու է ՀԱԹ Բաբաջանյան փողոցից, անցնելու է քաղաքի կենտրոնով դեպի Քանաքեռ-Զեյթուն։ Երթուղու վերջնակետը Ուռուցքաբանության կենտրոնի մոտ է։ Ավտոբուսներն աշխատելու են առավոտյան 07.15-ից մինչև 23.00։

Քաղաքապետի մամուլի խոսնակը նաև մի քանի «կանոններ» է հիշեցրել, որոնք կարևոր են երթուղու նոր ավտոբուսներից օգտվելու համար։

«Պետք է վճարել նստելիս։ Մետաղադրամ ընդունող սարքը «վերցնում է» միայն 100 դրամանոցներ։ Եթե չունեք 100 դրամանոց, վարորդը սկզբնական շրջանում կարող է մանրել, բայց խիստ ցանկալի է ունենալ 100-դրամանոցը։ Շուտով կունենանք նաև էլեկտրոնային վճարման համակարգ»,- նշում է Կարապետյանը։
Նրա խոսքով՝ ավտոբուսի սրահը տեսահսկվում է՝ ուղևորների և առհասարակ երթևեկության անվտանգության նկատառումներով։

Հատուկ կանոններ են սահմանված նաև վարորդների համար․ նրանք լինելու են համապատասխան համազգեստով, հրահանգավորված են երևեկության ընթացքում չծխելու և հեռախոսով չխոսելու պահանջի մասին։

16
թեգերը:
ավտոբուս, Երևան, Հայաստան
Նարեկացու հիշատակի օրվա կապակցությամբ Վատիկանում պատարագ է մատուցվել

Նարեկացու հիշատակի օրվա կապակցությամբ Վատիկանում պատարագ է մատուցվել. լուսանկարներ

29
(Թարմացված է 13:36 28.02.2021)
Պատարագից հետո Վատիկանի այգիներում դեռևս 2018թ․-ին վեր խոյացած Նարեկացու արձանի մոտ էկումենիկ աղոթք է հնչել։

ԵՐԵՎԱՆ, 287 փետրվարի – Sputnik. Վատիկանի Սուրբ Պետրոսի տաճարում երեկ` փետրվարի 27-ին, տեղի է ունեցել Գրիգոր Նարեկացու հիշատակի օրվան նվիրված պատարագ` Սուրբ Աթոռի Արևելյան եկեղեցիների միաբանության պրեֆեկտ Լեոնարդո Կարդինալ Սանդրիի նախագահությամբ։ Տեղեկությունը հայտնում է Սուրբ Աթոռում Հայաստանի դեսպանությունը։

Պատարագին հետևել է էկումենիկ աղոթք՝ Վատիկանի այգիներում դեռևս 2018թ․-ին վեր խոյացած Նարեկացու արձանի մոտ, որին ներկա են գտնվել նաև Սուրբ Աթոռի Քրիստոնեական միության խթանման քահանայապետական խորհրդի նախագահ Կուրտ Կարդինալ Կոխը, պաշտոնատար անձիք, օտարերկրյա դեսպաններ, ԶԼՄ-ների ու հասարակական կառույցների ներկայացուցիչներ։

ՀՀ դեսպան Կարեն Նազարյանն իր ելույթի ընթացքում անդրադառնալով Նարեկացու հոգևոր-գրական ժառանգությանը` նշել է, որ Հռոմեական գլխավոր օրացույցում Ս․ Գրիգոր Նարեկացու հիշատակի օրը ներառելու Ֆրանցիսկոս պապի վերջերս կայացրած որոշումը գալիս է փաստելու հայաստանյայց ու կաթոլիկ քույր եկեղեցիների միջև շարունակական սերտացման, ինչպես նաև Հայաստանի ու Սուրբ Աթոռի միջև զարգացող հարաբերությունների մասին։

Նազարյանի խոսքով` հայ ժողովուրդն իր հազարամյա պատմության ընթացքում երբեք չի ընկրկել իրեն պարտադրված պատերազմների, հարևանների ագրեսիայի, ջարդերի, ցեղասպանության ու այլ զրկանքների առջև, վեր է հառել և շարունակել է հավատարիմ մնալ քրիստոնեական ու համամարդկային իդեալներին։

«Խաղաղության վարդապետի» (ինչպես ավելի վաղ Նարեկացուն անվանել էր Հռոմի պապը) օրվա առթիվ ՀՀ դեսպանն ընդգծել է ազգային ու գլոբալ մակարդակներում խաղաղության քաղաքակրթություն կերտելու եկեղեցու ու միջազգային հանրության ջանքերին սատարելու անհրաժեշտությունը։

Հիշատակի այս արարողությունները կազմակերպել էին Սուրբ Աթոռի Արևելյան եկեղեցիների միաբանությունը, Քրիստոնեական միասնության խթանման Քահանայապետական խորհուրդը՝ Սուրբ Աթոռում ՀՀ դեսպանության հետ համագործակցաբար ու վերջինիս նախաձեռնությամբ։ Արարողություններին մասնակցել են նաև Մխիթարյան միաբանության քահանայապետական պատվիրակ Լևոն արք. Զեքիյանը, Մայր աթոռ Սբ. Էջմիածնի ներկայացուցիչ Խաժակ արք. Պարսամյանը, Քահանայապետական Լևոնյան հայ վարժարանի տնօրեն Նարեկ վրդ․ Նամոյանը, հայ կաթողիկե քույրերը, հայ առաքելական ու կաթողիկե եկեղեցիների հոգևորականներն ու հայ համայնքի ներկայացուցիչները։

29
թեգերը:
աղոթք, պատարագ, Գրիգոր Նարեկացի, Վատիկան
Ըստ թեմայի
Ինչպես փրկվեց Դադիվանքը. տեր Վահրամը հայտնել է` քանի եկեղեցի է մնացել թշնամու կողմում
Գումար կհատկացվի Ստեփանակերտից Արցախի եկեղեցիներ տրանսպորտ ապահովելու համար. Հարությունյան
Վիգեն Ավետիսի «Հայոց մայր» հուշարձանը ցուցադրվում է Տոսկանայում
Ջալալ Հարությունյան

Ջալալ Հարությունյանը բանակի կողքին է, կխոսի վիրահատությունից հետո

0
(Թարմացված է 16:40 28.02.2021)
Կայքի տեղեկություններով՝ ՊԲ նախկին հրամանատարի առողջական վիճակը վատացել է, այդ պատճառով էլ չի մեկնաբանում ԳՇ հայտարարությունը։

ԵՐԵՎԱՆ, 28 փետրվարի – Sputnik․ Արցախի պաշտպանության բանակի նախկին հրամանատար, ՀՀ ՊՆ ռազմական վերահսկողության ծառայության պետ Ջալալ Հարությունյանը Irakanum-ի հետ զրույցում նշել է, որ ինքը բանակի կողքին է։

«Ես ի ծնե բանակային մարդ եմ, բանակի կողքին, և միշտ այդպես է լինելու։ Այս փուլում չեմ տրվելու որևէ սադրանքի»,- ասել է Հարությունյանը՝ պատասխանելով կայքի խնդրանքին՝ մեկնաբանել Գլխավոր շտաբի հայտարարությունը։

Հարությունյանը հայտնել է, որ վիրահատության է պատրաստվում։ Խոստացել է մանրամասն խոսել վիրահատությունից հետո։

Նշենք, որ ավելի վաղ  Irakanum.am-ը հայտնել էր, որ Ջալալ Հարությունյանի առողջական վիճակը վատթարացել է, և նա պատրաստվում է գլխի վիրահատության։

Հիշեցնենք՝ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը` ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։ Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։ Փետրվարի 27-ի երեկոյան ՀՀ նախագահի աշխատակազմը հայտարարեց, որ Արմեն Սարգսյանը ՀՀ ԳՇ պետ Օնիկ Գասպարյանի պաշտոնանկության հրամանագրի նախագիծն իր առարկություններով վերադարձրել է ՀՀ վարչապետին:

Դրան հետևեց վարչապետ Փաշինյանի հայտարարությունը, որ ՀՀ նախագահի որոշումն ամենևին չի նպաստում ստեղծված իրավիճակի հանգուցալուծմանը։ Վարչապետը տեղեկացրեց, որ ԳՇ պետին պաշտոնանկ անելու միջնորդությունը կրկին ուղարկում է ՀՀ նախագահին՝ ակնկալելով, որ այն սահմանված կարգով կստորագրվի։

Երեկ Փաշինյանը հայտարարեց, որ մարտի 1-ին հանրահավաք է անցկացնելու Հանրապետության հրապարակում։ Նա բոլորին հորդորել էր մասնակցել հանրահավաքին և երթին։

0
թեգերը:
Բանակ, Ջալալ Հարությունյան, Արցախ