ԵՐԵՎԱՆ, 15 փետրվարի - Sputnik. ՀՀ վարչապետ Նիկոլ Փաշինյանի որոշմամբ` Սոցիալական ապահովության ծառայության պետն ազատվել է պաշտոնից։
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 7-րդ մասով՝ Անի Ամիրշադյանին ազատել Սոցիալական ապահովության ծառայության պետի պաշտոնից»,–նշված է որոշման մեջ։
Հիշեցնենք, որ Ամիրշադյանն այդ պաշտոնը զբաղեցնում էր 2019-ի սեպտեմբերից։ Մինչ այդ` 2009-2011 թթ., նա աշխատել է «Ֆինքոա ՈւՎԿ»-ում` ներքին վերահսկողության ստորաբաժանումում: 2011-2013 թթ. աշխատել է «ՎՏԲ-Հայաստան բանկում» որպես գործառնական ռիսկի մենեջեր, իսկ 2013-2019 թթ. աշխատել է «ԱյԴիԲանկ» ՓԲԸ-ում:
Զբաղեցրել է ներքին վերահսկողության և մոնիթորինգի վարչության պետի, այնուհետև վարկերի մոնիթորինգի վարչության պետի պաշտոնները:
Ամիրշադյանից առաջ Սոցապահովության ծառայության պետը Սուրեն Ղամբարյանն էր։
